川婆婆 (寶勒巷) (已結業)

放工後經過尖沙咀寶勒巷，看到這間還在營業的川婆婆，看到有麻辣火鍋便忍不住跟寶寶去試。這裏座位設計空間蠻大，木的長檯和枱子讓人坐得很舒服。原來除了火窩外還有小菜，不過這次是為了麻辣火鍋而來的。這裡的湯底選擇蠻多，愛吃辣的我當然選擇了麻辣湯底，為了照顧不太吃辣的寶寶，便選擇了鴛鴦鍋，另一邊選擇了藥膳雞煲。 這裏的每款配菜份量都很大，而且可以選擇全份或半份，方便食客多嘗試不同食物。蔬菜類、肉類、海鮮、麵食等的選擇都非常多，就連牛肉都分了很多不同部份不同種類。 湯底送上來，看到了鮮紅色的重慶麻辣湯底便立刻食慾大增。很香的辣椒香味，加上有不同的香料如花椒等以加添麻味，麻中帶辣，實在十分滋味。 點了很多不同的蔬菜，都很新鮮。 強烈推介脆脘腩($68)，真的十分好吃。一碟只有4-5片，但每片都很厚身很大一塊，而且肉質結實，十分新鮮。加上麻辣香味，更提起其鮮味。 另外還有外鮮拼盤($168)，無論大蝦﹑蟶子還是墨魚片都十分新鮮。蟶子很大一隻，十分鮮甜。 墨魚滑拼鮮蝦滑($78)打得十分彈牙，亦是另一推介。飲品方面很喜歡這裡的慾望酸梅($38)，很大一杯。酸酸甜甜的酸梅味是麻

朋友介紹川婆婆的食物質素不錯，於是趁這幾天天氣稍涼，便相約吃火鍋驅寒。聞說這裏的麻辣火鍋辣度十足，故不敢嘗試辣度底線，所以叫了鴛鴦湯底，BB麻辣+芹菜棍打牛丸湯底。雖然只是BB辣度，但也用料十足，絕不欺場。至於火鍋另一面的牛丸湯底，用了自家製的手打牛丸，一咬落口，牛丸內的肉汁滿溢出來，怪不得店員說這亦是顧客愛叫的湯底之一。這霜降安格斯牛肉，脂肪均勻分佈，放在麻辣湯底中灼一灼，牛肉入口即溶，麻辣的味道竟然跟牛肉味很配合，並沒有讓辣味搶去牛肉的鮮味。這杯鮮果果汁茶，沒有果汁的甜，在淡淡的茶味中發揮出鮮果(檸檬、蘋果、梨)的香味，既能解渴，又能將口腔中的麻辣感減低，

好唔開心, 唔記得左影個湯底, 因為今日真係好肚餓~~ 而且個湯底聞落好香, 好辣~完全比佢吸引左~~ 野食未到, 試飲左一啖, 一個字”正”!!!! 海鮮拼盤 拼盤種類不少, 有帶子, 蟶子, 海蝦, 蠔, 蜆!! $200左右, 呢個價錢唔錯啦!! 最重要係會令個湯底鮮甜好多!墨魚滑拼鮮蝦滑!!! 平時要選擇蝦滑定係墨魚滑都好很麻煩, 因為兩樣都想食, 川婆婆就好貼心! 將兩者拼埋一齊!!! 蝦滑味道好突出, 蝦味濃, 爽口彈牙!!薯粉係必點之一!! 呢到的薯粉同一般的好唔一樣, 係比較軟身, 吸收晒麻辣湯的味道~~~WOW~~~~~ 豬肉有點脂肪!!! 食落夠嫩滑無渣~好難得的~豬肉唔會太厚, 是薄切~ 所以好容易熟

原來上篇出錯左地址, 補返岩先每蓬冬天總會吃得特別多辣, 四川菜以大量辣椒花椒等調味, 吃進肚有股暖流走遍全身, 新陳代謝快人都暖好多。川婆婆有小炒供應外, 也有麻辣火鍋呀! 香港人朝思暮想去台灣/四川吃麻辣鍋,何用費心去 , 香港同樣有這麻辣武器, 看誰先受不了舉白旗。選好湯底, 再點配料就開始食啦。同港式邊爐一樣有混醬。我同朋友就點了一個辣一款唔辣架, 分別係 麻辣同豬骨湯，豬骨湯個面係有粟米同豬手，清清地岩曬怕辣人仕。一口牛粒好有咬口，放係麻辣湯中更惹味, 又唔會好肥, 好有嚼勁。薯粉好彈牙煙韌,又好滑添，比一般的更闊身, 放落麻辣湯中好有傷心酸辣粉架感覺，刺激開胃。另外有鮮蝦雲吞拼韮菜豬肉，我鐘意個雲吞，都幾入味又綿，但留意比較多肥肉打成先咁綿 mad ，成粒撈起勁熱都要放入口先嚐為快。韮菜餃就唔太多韮菜, 唔夠香好麻麻,每隻都係一口大細架。蔬菇大拼盤$68 用豬骨湯煮更甜呀，辣湯就會蓋過本身鮮甜了,菜好完整又新鮮, 唔會有枯黃食辣後熱血沸騰, 一道力量橫走全身, 好似功夫片形容打通任督二脈, 要點杯又涼又甜飲品先, 我要替舌頭降溫消腫。水果菜有西瓜 、蘋果 梨肉同橙汁, 甜甜

打邊爐嘅季節終於到喇!!!呢幾日開始有少少涼，我就去咗打邊爐，而我係無辣不歡嘅，所以辣辣嘅火鍋就至啱我~~呢間餐廳叫川婆婆，一聽就知係食超辣嘅川菜啦一入到去，環境比我想像中更加現代化，絕對唔係一般舊式嘅火鍋店餐牌都用咗啲得意嘅圖畫，顏色又鮮艷~打邊爐一定唔可以少咗豉油，最好就係可以自選配料，我次次都會揀生蒜、莞茜、蔥同少少辣椒。大家覺唔覺得個鍋底好紅呢?我就叫咗個中辣嘅九宮格鍋底，但係就越滾越辣而點解分成9個格呢?其實就係俾你係唔同嘅格到，放唔同嘅火鍋配料嘅~鍋底Ready之後，跟係要嗌番啲好嘅配料啦!!打邊爐嗌牛肉係常識掛，我就要咗呢個手切三角牛肉，啲肉都幾嫩，容易咬開~~而呢個好似四色顏料版嘅手打四寶丸，就有手打嘅牛筋丸、豬肉丸、墨魚丸同蝦丸，口感真係好有彈性嫁等咗好耐嘅玫瑰雞啊!!因為老闆話要醃耐啲先至夠入味，而玫瑰酒嘅係辣辣嘅鍋底味到殺出重圍不過真係太辣喇，所以我淨係放曬係中間嗰格到食完之後即刻去七仔買番包香蕉奶急救條脷 

自從去完韓國, 漸漸愛上食辣既感覺, 今晚同事話天氣開始凍想食D刺激野, 一諗就諗起食麻辣火鍋, 睇左一輪附近有呢間川婆婆, 一於試試.由於無訂枱既關係, 入面位已坐滿, 所以坐左外面位, 仲好, 因為空氣流通食辣野唔怕出晒汗. 另外呢度有小菜食, 款式都好多.點餐紙非常Q版, 睇得出用心設計過, 剩係鍋底已經好多款.連調味口感都有教學, 真係搞鬼, 我地調左最原始版.等左一陣, 主要既鴛鴦鍋底終於黎, 分別要左"清油鍋+阿婆豬骨鍋"$118, 一上枱有點嚇親, 估唔到要BB辣既紅色辣油都咁勁. 豬骨底仲有豬骨, 粟米等配料.肉類要左"牛豬拼"$88, 牛肉淥一淥已經熟, 食落好彈牙, 肉味濃香. 豬肉有點脂肪, 食落夠嫩滑無渣, 豬肉唔會太厚, 所以好容易熟."天香午餐肉"$38, 夠晒厚身, 午餐肉淥完都無散開, 足晒料, 索晒麻辣味好刺激."炸響鈴"$38, 響鈴基本上係我打邊爐主打食物, 炸得夠鬆, 淥3秒食, 又脆又腍, 索晒D湯非常正. 而且呢個唔油膩, 食完唔覺漏."豆苗"半份$20+"生菜"半份$18, 蔬菜新鮮, 鍾意呢度可以叫半份, 咁可以試多幾種唔同既菜."烏冬"

今期要多點寫寫我的主場尖沙咀. 我和同事喜歡吃新餐廳, 嚴重程度把大部份的尖沙咀餐廳都吃過了. 川婆婆是這年新搬來的, 我們在開張的第一星期都幫襯過午餐, 當時太新, 服務方面未配合到, 但我們都被易拉架廣告上晚飯時段的格格辣鍋吸引, 當時新開張還有折扣優惠, 可惜我們最終夾不到時間而作擺. 到今天才和另一友人到此吃晚間火鍋.一心想吃格格鍋, 但看到餐牌又被各種湯底吸引. 最後點了鴛鴦鍋.黑騎士湯底, $138屬十全藥膳湯, 材料有川芎, 當歸, 黨參, 枸杞配烏雞. 聽到當歸就知道, 湯底會散發著濃濃的藥材香氣, 而黨參卜卜脆充滿湯汁很好吃, 食物一直都有藥材的香, 如果煮耐了, 湯底會有少少甘苦味, 但食物味道依然美味.火煉地獄(雙拼湯底加$20)味道不算大辣, 普通吃得辣得人都可以接受到. 招牌湯底的麻感不重, 較重辣椒香. 我們最終把所有食物都放這邊, 另外一邊的藥膳湯底拿來飲.特色牛牛拼盤(霜降一口牛粒，三角手切牛肉，牛胸爽，牛舌), $248賣相排列得十分十分精緻, 我們都嘩了一聲. 牛粒煮約五分鐘更好吃, 肉位充滿湯汁, 邊位有肥膏很香. 近期糖不甩的新貴牛胸爽, 非吃不

其實我真係唔食得辣架，但呢個best friend又無辣不歡，所以決定打邊爐有辣有唔辣任君選擇。menu好有心機，畫晒illustrations好得意醬料每人＄15，但無我最愛既炸蒜＞＜mix and match 湯底： 白天使（鮮魚湯）＋麻唇鍋，紅到驚蟹子墨魚滑＄68，好彈牙好新鮮侍應所有牛類有68折，咁又幾抵wor，所以叫左個霜降牛小排＄135，其實即係肥牛，不過色澤都幾靚，但都係偏多脂肪。68折緊係唔放過，再叫左個牛肉粒＄94，呢個超正，juciy 到爆，一咬落去係爆汁架，好重牛肉味，而且份量都幾多，抵食。仲有叫左d生菜、餃子、薯粉，普普通通，但我地飽到裂開朋友仲嫌唔夠辣，侍應送上一大碗辣椒粉放入湯到。好癲...水果茶＄38幾好飲夠解辣解渴。

我一向重口味，最鍾意就係食濃味食物，同埋仲好鍾意食辣嘢，今晚就去咗朋友話好味既川婆婆度試吓，入到去就當然係揀咗招牌麻辣鍋，但同行既友人唔係好食得辣，所以我就叫咗拼魚湯鍋!侍應拎到來真係有d意外，因為無諗過魚湯鍋真係會有成條魚，我係煲滾後立即飲咗啖，好鮮甜，而麻辣鍋我就選了小辣，辛香味爆燈之餘，仲夾雜少量甜味，我覺得好好味！然後就叫咗朋友勁讚既牛頸脊，經過麻辣鍋輕燙後就已經將內在鮮味完全爆出，食入口辛香滑喉，肉質細嫩，對鍾愛牛肉既我嚟講真係100分！同時友人亦點了唔係一般人敢食既牛鞭，起初我都有點抗拒，但本住一試無妨既心態下就食咗，原來口感好似牛，但就較有咬口，食吓食吓就唔覺咁食晒＝0＝埋尾就梗係食埋極吸湯既紅薯粉先夠完滿，以價錢嚟講，份量都算多，加埋飲咗幾杯下，真係好飽，呢餐滿足滿足！

自從最近去完台北吃過麻辣鍋後，一直很懷念，很想再吃多次。這晚與好友相聚，決定要吃麻辣鍋，為味覺添上刺激。來到尖沙咀的川婆婆，有不少湯底選擇，當然二話不說點上 火煉地獄 湯底 (小辣） $98在等待過程，店員會遞上醬油 ($15) 可以先為麻辣鍋作好準備，大量的蒜當然少不了。上檯了！ 這個麻辣湯底，餐廳分了九宮格，這樣牛肉就不會弄失。2人胃口，點了3人份量。這個至尊本地牛頸脊 $135 正正做65折。牛頸脊是最鮮嫩的部份，牛肉味都十足。而脂肪比例不會太失衡，至Like之選。把牛肉放入湯底，不足1分鐘就可以將湯底精華全吸收，正 朋友堅持要點福豆腐 $38因為凍豆腐一層一層，可以將湯底精華全部吸上，吃起來特別辣，特別麻碑。蟹子墨魚滑拼鮮蝦滑 $78平日選擇蝦滑還是墨魚滑都很有難度。這次兩者拼在一起，省卻不少時間而蝦滑味道比較突出，蝦肉味十足，十分爽口彈牙。炸魚皮 $38每次火鍋都必點推介，因為輕輕點在湯底數秒，就會將麻辣吸上，而且香脆不油，不錯。整體來說：麻辣湯底有點油膩，油份極多，令吃到尾有點吃力。但麻辣鍋配上簡單食材都變得不平凡，配上可樂一流。

又和辣妹出動覓食！之前和辣妹吃過尖沙咀的川婆婆麻辣燙，亦吃過佐敦那間餐廳。今次想試尖沙咀這家川婆婆。之前一直都有留意過它的存在。紅噹噹的外牆裝潢，很有中國和麻辣的象徵。一如既往地有些公仔的壁畫在外牆。要上一小段樓梯，到了餐廳內看到中式的餐桌擺設和牆上的塗鴉。坐在店內的一角。餐牌設計很卡通化，可見用心。但太多圖晝略嫌有點花。醬料十分豐富啊，推介沙茶醬呢！有得選鴛鴦鍋，絕對能滿足到貪心的我倆。價錢為高價的湯底再加$20。選了麻唇鍋$98拼黑騎士$138(即$138+$20)。前者餐廳影容為會麻得像嘴脣跳舞，後者則是藥膳煲，有烏雞、杞子、紅棗等食材。鍋一上桌時那陣麻辣味已直迫雙鼻，很嗆。與朋友不禁哇一聲然後相視而笑。貼心的有這個勺，無論用作撈取食物或湯也很一流。脆皮芝士腸($48)，打邊爐的鐵膽，16條，每條$3，抵唔抵見人見智。蜂巢凍豆腐($38)，我的打邊爐最愛。吸汁一流，配麻辣湯底最正。蟹籽墨魚滑配鮮蝦滑($78)，兩款選擇不會單調，墨魚滑彈牙但鮮蝦滑質感較軟稔。招牌紅薯粉($32)，很快便煮得稔。再煮得久一點便會爛，質感煙韌不易斷，很QQ。超甜粟米($28)原條上，放到最後來吃真的還

我非常愛吃辣, 尤其是麻辣, 但香港要食到真正的麻辣鍋不多而川婆婆是我吃過之中具有麻辣香的一家鍋的種類非常多, 不吃辣也可以選其他不辣的湯底食物種類也很多, 而且還有海鮮可點因為朋友不太能食辣, 所以我們叫了鴛鴦鍋, 一邊是火煉地獄, 一邊是阿婆豬骨麻辣非常香, 而且很夠辣味, 但豬骨湯味道就很淡調味料選擇很多, 可以因應自己的口味來調出自己喜愛的調味叫了個花甲海鮮, 但花甲是比較小的那種, 不是大隻的, 感覺像吃蜆一樣牛頸脊肉質很嫩滑, 雪花不算多, 很有咀嚼感黑松露墨魚丸有淡淡的黑松露味道, 墨魚丸彈牙爽口手工水餃拼雲吞, 皮薄肉嫩手打蝦滑非常彈牙扎實薯粉是必點之一, 它跟一般的薯粉不一樣, 是比較軟身, 吸收晒麻辣湯的味道皇帝菜好新鮮鮮甜吃辣一定要叫飲品, 呢個水果茶不錯, 淡淡的水果香, 唔會好甜

一入舖頭就聞到好香既辣味，聞都聞到流曬口水香港終於涼涼地…終於到瘋狂打邊爐既季節。川婆婆既麻辣鍋非常唔錯。佢地有兩款辣味火鍋，包辣火煉地獄（$98）同埋麻唇鍋（$98）以及有大量其他種類湯底，例如蕃茄😘，豬骨，烏鷄湯（$98-$138不等）。部分MENU，可以睇得出價錢唔貴，質素比起任食好好多醬油料，見到有好多款，每位加15蚊已經可以任加因為foodki唔鐘意太麻，又有啲驚太辣，所以就叫左火煉地獄拼蕃茄湯，揀左小辣。呢個湯底辣中帶微微麻，好油😛，見到都想試，真係好香，好好食😍，但蕃茄湯就真係無乜味，所以唔建議大家叫😂。大家不妨可以剩係叫辣湯之後foodki叫左黑豚肉（$68，黑豚肉入口極嫩，將辣湯底滲曬入去，啖啖辣味，而家諗起都流口水。手打四寶丸（$78），四寶即係黑松露墨魚丸，牛，豬肉，同蝦丸。唔係講笑，每粒都非常好食😘，比起啲火鍋任食既食物真係好太多，每粒彈牙好味，非常滿意！本地牛頸脊（$198）呢個有68折，即係135蚊，牛頸脊可以話係牛最靚最珍貴既部位😍，川婆婆既牛頸脊好靚，脂肪分佈平均，入口會比較韌😍，但肉味好濃郁，加辣湯真係太過好味啦。蕃茄湯本身入面都有四種丸子，煮到入曬味

誤打誤撞走進寳勒巷，紅色外墻漫畫實在太吸引我啦大大只字寫住重慶火鍋，好喜歡食辣的我又點可以唔入去餐牌也很漫畫感，一隻大大隻的牛牛解釋一隻牛每個部位的肉Staff讓我地先點個湯底，我個朋友唔食得辣，最後就要左個鴛鴦湯底。一邊麻辣一邊係魚湯佢地個麻辣湯底好正宗，有返左大陸食的感覺，夠麻，夠辣，夠油！點完湯底staff捧一大堆調味料來，讓我們自己調味見到張餐牌有教人點樣加調味先係正宗食法，於是我就跟住指示加不同的調味料，醬油、辣油、蒜茸、香菜、蔥、芝麻打邊爐最中意食脆皖魚，上菜見蝶脆皖魚都幾新鮮，魚肉晶瑩剔透。且厚切，賣相吸引！口感很脆，好似咬了牛筋的感覺，好彈牙。放入麻辣湯底口味會更佳，麻辣完全滲入魚肉入面，很不錯重慶招牌涼粉份量並不是太多，但這種麵粉制的很快就會飽一樣係好吸入味既食物，好滑好嫩口感係入口即溶感覺

今日黎到尖沙咀食川菜, 呢間餐廳門面光鮮, 但店內裝修有D奇怪, 一入到去覺得有點西式, 又有GRAFFITI然後我地被安排入去裡面的座位的裝修又突然間變得好似屋企FEEL咁, Anyway, 我地主要唔係食裝修, 食物質素先係最重要. 我地叫左一個青花椒桂花魚, 因為我地都唔太食得辣既關係, 所以叫小辣, 但係都唔好睇少呀, 食落都幾辣, 不過我好鐘意D麻香味, 桂花魚好滑, 味道幾濃, 呢度菜個份量超大, 由於太大鍋, 食都咁上下覺得有D油, 我地兩個食唔曬, 剩左半鍋. 另外我地再叫左一個香辣蝦, 一見到d道菜既時候, 我地兩個目定口呆, 賣相雖然吸引, 但死啦, 咁多辣椒, 一定好辣啦.... 不過食落去又唔係真係好辣, 而且仲有好濃郁既川椒的香味, 非常之惹味! D蝦炸得金黃鬆脆, 殼都可以食埋架, 而肉質都幾鮮味. 另外我地再加左個安格斯牛柳粒, 呢個好得, 牛肉粒好新鮮, 好好味, 食落仲有油甘味, 好香, 對於我呢個牛魔皇黎講, 全晚我最鍾意就係呢道菜啦. 臨走的時候見到問口出面燈箱有個叫做麻辣九宮格火鍋, 嘩, 好似好有噱頭咁, 睇下遲D有無機會試下. 我其實比起以前