川婆婆 (寶勒巷) (已結業)

上Open Rice搵火鍋見到川婆婆 於是今日就去試下 係對面街見到已經好想食 入去個環境都唔錯 其實食物味道都唔錯 但係啲員工就麻麻哋啦 用餐時間三點幾 好少客人 不過就好似無咩人理咁 係得個攣毛既女人服務比較好 唔介意服務態度麻麻既可以來試下既

是日相約好姊妹到尖沙咀做按摩，一做就到九點幾十點，肚餓就要找東東食，加上早前天氣都幾凍下，決定食火鍋，發現這間十點半有仼食川式火鍋，怎可錯過，辣辣地可暖胃又暖身兩小時仼食，食到成十二點都仲有人，真心抵食，火鍋湯底到位，味道一絕，其實不用點仼何醬料，食物都夠味又入味好吃加上每位HKD158，如果轉鴛鴦湯底都不過加HKD30,二人加埋400有找，抵呀左面的湯底係重慶麻辣鍋，我倆點了BB辣，湯夠麻夠辣，而且香濃，好正;右面是藥膳雞鍋,藥膳味不覺太濃但卻鮮甜濃郁二人同行仲送左碟安格斯牛，牛味濃，就算被火鍋湯底浸過後，依然牛味出眾，而且切得不會過厚，令食落口好似即溶，新鮮好吃另外要提一提這裡有好正的調味辣椒粉，我當然要混醬啦，好香呢一看點餐紙我就被這兩組粉的名字吸住，未食其他配料就點這個了，真的好吃，外面火鍋店好少吃到特別係上面的川婆婆招牌紅薯粉，夠曬煙韌又有嚼勁，其他火鍋店食唔到呢下面的係紅薯扭扭粉，同樣煙韌又好吃，當放入湯底煮過後更正斗另外亦點了其他火鍋配料，店長好好人，我倆告知想食多幾款加上食量少，所以每款都幫我倆安排少許，好讓我們可多食其他，食物都好新鮮，而且發現丸類有多款好有特色，外面

門口有很多塗鴉裝飾，加上大大個中式面具，很有特色很吸晴，而且傳來陣陣香味，究竟係重慶麻辣鍋的香，還是串燒的香料味，入去食食先。有十四款口味的火鍋選擇，真係選擇困難，最後揀了酸菜魚鍋。而火鍋配料更是多至三頁紙，花光眼亂樣樣都想食。點完菜就自己調醬料，香料有九款，醬油、醋及蜜糖都有。好快上齊菜，的地點了一個鍋，還有兩款丸、菜、紅薯粉及響鈴，滿滿一枱。酸菜鯇魚鍋$158，上菜時鯇魚半熟，要等一陣待熟就食得，好足料好多魚肉。熟哂就食得，煮太耐魚肉老哂就唔好味，所以一熟就食哂魚先。魚肉好嫩滑，雖然有點易散，但完全唔腥，加上酸菜味道豐富，酸味好強勁，微微辣唔會好刺激，但又好惹味，仲有好多香料味，食食下好想叫個飯來食。呢個複雜又層次豐富的味道令人回味。非一般棍打牛丸$68，有12粒，份量又幾多幾抵食，看似跟一般的牛丸一樣。原來非一般真係唔同，比一般的牛丸更彈牙更爽口，加上內有很多牛脂，油香豐腴牛味重。響鈴卷$38，係我必點之一，呢度的響鈴沒什麼特別，但也是份量多，吸哂湯汁的味，好正，而且仲較有豆香。爆醬豬肉丸（$18/3粒），呢度特點係菜可叫半份，連丸類都可以點份量細，食多幾款都得。但爆醬效果未如理

這幾天吃過不少火鍋，椰子雞湯的，蒸氣鍋的，今天則吃川式火鍋川婆婆，來個吃香吃辣夜，不過朋友怕辣，所以朋友點皮蛋芫茜豆腐鍋以免辣破喉嚨。湯底一白一紅，紅的當然就是重慶麻辣火鍋，白的則是皮蛋芫茜豆腐鍋。麻辣火鍋那層紅油油到發亮，真的鮮艷奪目，我把湯直接麻麻的但不過於辛辣，不會有燒喉或不舒服想咳嗽的感覺。不過皮蛋芫茜豆腐鍋相對失色，沒有甚麼味道，雖有金黃的皮蛋熬煮，但始終味道淡淡的，所以我全都吃麻辣的。明顯看出肥牛的油花均勻又漂亮，牛肉來回涮個兩三下即可，帶點粉嫩的油花，是最迷人的。軟嫩的融化，是最動人的，然後你會發現半份沒了。脆鯇腩肉質相當鮮嫩彈，入口即化，而且魚刺非常少，配上麻辣湯，實在是太美味了! 魚肉肥美，我還是一下就把脆鯇腩都吃光了~玫瑰雞應該是花雕雞? 色澤粉嫩的雞件非常飽滿，想想剛才的酒香氣，再把一塊雞肉放進嘴巴裡，真的是色，香，味一次到味。娃娃菜點一份從頭吃到尾，因為很大一盆，煮在麻辣湯鍋，吸入湯汁，超好吃的。朋友則愛煮在清湯中，可以完全地吃出娃娃菜本身的鮮甜。洛神花茶酸甜解膩好滋味，而且我們吃火鍋必定會肝火旺盛，喝神花茶也可以作適當的調理。另外川婆婆原來有醬料費用15元的收

今晚去尖沙咀等朋友放工，天氣涼涼地想打邊爐，經過見到呢間裝修幾特別，又有宵夜任食時段，就入去試下啦！我地選擇左坐出面，一黎唔想太焗、二黎唔想D衫吸晒味！湯底有6款，我地唔想淨食辣，所以加多30蚊要鴛鴦鍋！揀左重慶麻辣少辣、阿婆豬骨味！侍應好貼心咁拎調味料比我地混醬~諗住宵夜平d，湯底都可能會Hea...但黎到有驚喜呀！真係幾足料~宵夜時段入坐會有安格斯牛肉或時令海鮮一碟，我地揀左安格斯牛肉！我放落麻辣個邊碌，好有牛肉味道，切得適中，令入口好有口感！真心推介！當然相比美國肥牛比較遜色，但美國都唔錯！另外有叫牛筋、牛柏葉，兩樣都好爽口！湯底當然放食物落麻辣比較惹味，但後來發覺越食越辣，好在只係叫左小辣啫！所以後來好多食物都會選擇放係豬過湯個一邊！我地一開始有叫薯粉，所以一黎就放去麻辣湯底個邊，煮好後好晶瑩剔透，食落仲好煙韌，值得推介！響鈴係必叫食物，我唔敢放麻辣個邊，因為實在太吸湯喇！但朋友仔食得辣，佢就不停讚好味！其餘都係叫左普通打邊爐既食物！整體黎講湯底食物質素都不錯~而價錢亦都合理！但提提唔好叫太多浪費食物，因為侍應提醒我地食剩既食物需要收取附加費！

咁凍成班朋友想食麻辣火鍋 可惜比佢可愛嘅裝修呃左 麻辣湯底完全唔係果回事 得個辣字又唔麻 蝦滑墨魚滑又碎又散 勁難食D野食又細碟 份糧少 又貴 食到一半都無 同朋友已經無胃口再食落去 勁失望食完成個星期 個手袋仲係呢間野陣打邊爐味

以前吃過很多次，喜歡他們家的湯底，今天那麼冷想說也去吃點熱辣辣的，可是到了我們四個人，全部都是兩個人的位子，服務員說幫我們找，可是轉過頭人又不見人了，於是我們在餐廳裡面等，外面實在太冷了，而且店內空間也不小，況且也有四人台買單，我們便在裡面等，想說誰知收銀超！串！地說：出去等啦！一句唔該都冇！態度很差實在！總之以後都不會再去！

寒冷天氣警告現正生效在這種天氣下吃麻辣火鍋是一種享受門面鮮明的川婆婆是今晚的主角我們點了雙拼鴛鴦火鍋重慶麻辣拼香菜手打肉丸鍋幾隻辣椒浮在紅油上麻香誘人辣味細緻西洋菜很清新以清湯燙食為佳鮮牛肉呈鮮紅色肉質柔軟似以前粉麵店的牛肉炸響鈴在麻辣湯中涮十秒即食響鈴吸盡湯汁辛辣味間在口腔爆發手打墨魚丸質感爽口但墨魚味從缺招牌薯粉令人驚喜燙熟後呈半透明狀態口感有嚼勁吃罷身體和暖得滿面通紅可恨的是衣服散發著那種後火鍋的奇幻味道⁠

冬天食得最多的一定是火鍋，而且無辣不歡的我已經吃過川婆婆的薯粉，那時見到原來有火鍋，心裏面已經暗中打算擇日組一團愛辣之人一試。首先最吸引人的一定是九格式的麻辣鍋，不過因為有其中一位朋友喉嚨痛，就叫了鴛鴦鍋，一邊麻辣中辣，一邊藥膳湯。另外還叫了洛神花茶。麻辣湯底的確很香，食物很快就上菜，湯一滾朋友就已經急不及待的食最快靚正的響玲，響玲非常索味，不過一開始覺得湯底不算很辣，但湯底愈煮愈出味，到我們吃第二轉響玲時已經伸晒脷藥膳湯亦都愈來愈濃味，用來煮菜或豆腐或者響玲就更能吃出藥膳的味道。其實燒物(燒茄子牛脷)都十分惹味，不過味粉幾重口，所以愈食愈口渴。會推介大家叫以下的邊爐料:牛肉有分普通牛肉或者麻辣牛肉，可以雙拼。豆腐其實是百福豆腐，當然很滑。亦非常索味。蓮藕麻辣邊爐的最佳配搭，蓮藕很爽口而且很新鮮，必食！薯粉川婆婆的薯粉麻辣燙一直都是有名的，所以麻辣邊爐怎會少了它，薯粉很煙un，有口感，又非常索味我就比較不推介大家叫海鮮拼盤，就如照片所見，蜆已經開口，感覺上不是新鮮的。其他食物都合格，只是蝦肉有點'梅'，令到很喜歡吃蝦的我都只吃了一隻價錢都不便宜喔，每人平均都要$350左右，可以一試，但

經常路過川婆婆，都被佢門外既四川面具吸引，明顯打正旗號食四川麻辣菜，今日難得朋友興致勃勃想食辣野，我就竟不猶豫地提議黎呢間試一試！一打開餐牌，麻辣火鍋當然係首選，另外餐廳仲有好多類型湯底，例如豬骨鍋、麻辣雞煲、藥膳雞湯、仲有牛丸鍋！樣樣都想試既我就點左小辣麻辣鍋$98+$20（雙拼費用）豬骨湯底！平時食譚仔5小辣既我覺得呢度既小辣偏辣！如果你怕越食越辣既建議你點鴛鴦，如果唔係成晚都要望住你朋友食喇哈哈！麻辣牛肉 $88見到餐牌咁多手指公，價錢又合理，所以我地都點左黎試。一碟牛肉份量幾多，但牛肉比較碎，容易響鍋中失蹤，大家要多留意佢既游泳路徑。牛肉放入麻辣鍋中比較惹味，即使外層既麻辣醫被鍋中既湯沖走，麻辣湯既味道又會再度滲入牛肉中，而且牛肉嫩滑而唔會硬，口感不錯！野生竹笙 $68熱愛竹笙既我又食喇！呢度$68有大概8條，條條大條完整，入口爽口又吸收曬湯底既味道，當食太多辣野既時候食番一條豬骨湯底竹笙，一股清新感覺立即湧現。紅薯粉 $32紅薯粉唔係間間火鍋店都有，難得見呢間有而且係招牌食物，當然要食啦！紅薯粉看似份量唔多，但食落你會發現其實幾飽肚，但又越食越想食喎，係咪好矛盾先？ 薯粉好滑

天氣又凍返，叫人無所適從，唯一可以做，就係控制自己食咩暖身。咁凍當然打邊爐，所以今次揀左川婆婆，因為今日返美麗華OT，放工係尖咀，同事試過夜晚去打邊爐，話唔錯，所以聽佢提議。決定一試，係門口已經聞到啲川椒、麻辣的陣陣香味，令人口水都流。 夜晚放工都成10點半，餐廳仍然爆人，幸好有枱人走，所以唔使等位。原來晚市10點半後有邊爐任食，啱晒我地。 店仔細細，但好熱鬧，打邊爐的人多，但食川菜的人都多，甚至有外國人自己一個人黎食水煮魚。 任食邊爐由10點半開始到凌晨2點，入座起計食2個鐘。可樂忌廉七喜可任飲，其他飲品就收返正價。 餐紙選擇小店黎講，十分多，有成62款任食材料可選擇。加埋加錢區，差不多成70款食物，真係好足夠。 湯底有6款，我地揀左藥膳雞鍋，大大一鍋乳白色湯底用金色大鍋上，上面浮住杞子、紅棗，雞件就係底，但湯都幾濃下。因為餓，所以一開始已經唔忍手咁點野食，黎到就知道重手左，因為啲餸，好大碟下，估唔到。 2個人點左17樣野，真係好誇張。因為都夜，所以我地主要以清淡為主，點左好多蔬菜類。油麥菜、西洋菜份量好多，蘿蔔好清甜，冬菇大大粒，全部都好食。

好喜歡這個四川麻辣火鍋個湯底❤️而且每個餸料都好正喔！是晚點了黑豚肉、豬紅、海帶、牛胸爽、珊瑚蚌、響鈴.每樣材料都好得！暫時未試過一間火鍋店嘅材料有咁高性價比！😍極度推介👍🏿👍🏿👍🏿

如果你真心想食口水雞, 千其唔好去川婆婆 伏到不得了..."今日lunch, 去左川婆婆叫左個口水雞一咬落去, 心知不妙係蔥油雞既味道睇一睇個餐牌, 先知佢原來係一雞兩味可以揀口水雞或蔥油雞如果你係叫口水雞, 佢只不係比蔥油雞既雞你, 再淋d口水雞醬係上面, 食落舊雞係蔥油雞味道,完全冇口水雞既味道, 你話 o 唔 o 咀另外, 佢個口水雞既醬都唔係好口水雞失敗中既失敗仲叫左個回鍋肉, 都係冇回鍋肉醬料既味道同埋勁多荀, 好少肉

愛食辣嘅我久唔久就辣癮起，尤其天氣開始凍，另外辣友都好緊要，唔係個個都配合到你辣度，今日約埋個朋友仔去試川婆婆點了重慶麻辣火鍋湯底，侍應話可加九格落鍋方便烚嘢又易撈起，揀咗中辣都算幾辣，我同朋友可接受到，但麻度唔算很強，湯底都幾香濃另呢到火鍋配料都好新鮮，可能人流高去貨夠快，友人唔食牛點了黑豚豬肉片，都幾嫩，唔會話烚好耐就韌哂 鵝腸有肥膏㗎，又夠爽口而豬潤仲正，勁新鮮粉脆另外仲點了萵筍韭菜餃似即包所以好新鮮無雪味豬皮跟豆卜吸哂啲湯底正到呢不過可能幾多人吓，火鍋料上得有點慢，當慢嘆慢食吧

今日天氣好凍呀，又係食麻辣火鍋既時候喇川婆婆經常都好多人，今日經過見唔駛等位當然唔可以錯過啦十分欣賞呢個辣粉其實唔係好辣，不過好香ga我地選擇左呢個九宮麻辣鍋，要左小辣，越滾辣味越出我都飲左好多啖辣湯呢碟花甲數量都唔少，不過比我想像中細隻左，我以為係大隻果款不過都好鮮味，唔錯的，重點係唔可以煮太耐對手打魚蛋有d失望，我一心以為係白色潮州手打魚蛋，點知食落好似鯪魚溝鹹魚既感覺，個人非常唔喜歡食呢2種魚的，所以覺得唔太好食食麻辣鍋一定要配紅薯粉先得，好中意煙煙韌韌既口感肥牛唔會太肥，我中意呢種肥牛，唔會食到成塊脂肪重點：食物方面都唔錯的，但樓面既培訓要加強下，有個侍應既服務態度好差，我問佢隔離枱既水煮魚係大，中，小邊一款，佢勁rude 講你自己預啦，我都唔知喎，佢咁既態度真係好唔得，就算你真係唔清楚，都可以去check下人地張單係叫邊隻，或者叫資深既服務員過黎解答我地既問題，但佢咁答真係令我有d躁底