川婆婆 (寶勒巷) (已結業)

依排好想食麻辣火鍋，但好多都係香港個邊，終於搵到一間又平又就腳的麻辣火鍋。朋友收工已經十點，過到去已差不多十一點了，原本已經想好食d咩，點知佢竟然話係有放題任食的($158)！！！咁抵食當然要揀放題，另外自己再單點了一個牛大大拼盤，鬼馬油炸鬼，醬爆豬肉丸。放題食物質素唔差，豚肉有小小鞋(可能太大塊)，特別好食推介---蓮藕！不會太薄，口感勁好，有蓮藕絲，而且蓮藕加落麻辣火鍋十分好味。鬼馬油炸鬼雖然好好食，但佢一碟有六件，兩個人食過於吃力油膩。2人埋單$700有找，抵食

話說有朋自韓國來，想帶她吃港人至愛火鍋雞煲，但又得趕及八點前去到海旁看幻彩fing香江，機緣巧合就選了這家位處尖沙咀的川婆婆。.之前也有朋友介紹吃九宮格，但九宮格只有麻辣，擔心朋友少吃麻，一下子受不了，於是先叫個bb辣雞煲。.見到有鴛鴦，非一辣一唔辣也，而是雞和田雞湊合成的鴛鴦組合。韓國友人在田雞向日葵(本人是也)游說下，初嚐frog的滋味。可惜bb辣彷佛根本沒有辣，一味得個鹹，鹹到隊了幾大瓶啤酒，鹹蓋過了田雞之鮮味，雞也沒有幾多舊是好肉地。失望。.匆匆吃過雞煲，便(免費)加湯火鍋火鍋。加湯時可以再揀湯底的辣度，於是升一級叫小辣，真正噩夢來了。.自問都算個吃辣之人(譚仔小辣級別)，但這個小辣感覺似中辣，我是能吃的，但韓國友人基本上吃一口便灌一杯啤酒。辣是沒所謂，叫得麻辣就有心理準備，最要命的還是鹹！叫了肥牛(最平那款)、魚滑、蟹柳、皇帝菜、午餐肉等，質素如何已經食不出了，反正最後只感覺吃了很多味精，離開後還隊了兩枝津路...

朋友慶祝生日，一定揀可以圍埋一齊飲酒食醉啦！火鍋係首選。今次個個都好想食刺激d，試新嘢，唔要行貨雞煲😂甘就比我地搵到尖沙嘴有揀麻辣火鍋備受好評，而且有九宮格火鍋選擇，一次滿足兩個願望啊。即刻拍板入去坐低，咩都唔洗講，即刻order 九宮格火鍋，店員話係一個口味既麻辣火鍋，九個格設計可以比我地擺唔同食物係各個格度，容易夾食物，夠方便！姐姐會比唔同調味我地自己揀，有個細細罐獨立裝既麻辣油，一定要加，香氣十足！哇，真係好夠辣，一放低已經聞到香味而且配料十足，好令人期待！試啖湯底辣味重，香口。我地order左好多唔同食物，其中必試係呢度既牛肉，麻辣火鍋竟然有韓牛食，好興奮。由於要滿足全台，我地一於叫牛肉拼盤啦，有韓牛，牛肩，雪花肥牛等。牛肉切得厚度適中，脂肪比均，入口牛肉味滿滿滲出，好滿足食麻辣火鍋必點既薯粉，索左d 香噴噴既辣味， 又彈牙。濃味火鍋，好少揀吸油蔬菜啦，見到呢度有我最愛既萵筍，一定要試！煮一陣就可以食，爽爽甜甜，又無吸油再黎爽口之選係大大條竹笙啊平時見譚仔果d甘細條，原來有變種大條版。配合香辣味，真係好爽好正。每人一杯肥版鹹寧7，完滿今晚新奇刺激麻辣之旅

川婆婆堂食平時食開厚福街果間 但近來天氣實在太熱 冇冷氣企喺度食實在有啲辛苦 所以過來呢間大舖 有得坐有冷氣大大間慢慢食野食同果邊都差不多 不過冇厚福街專利既麻辣魚蛋😭😭好傷心啊叫左四餸(淨餸) $28肥牛: 都幾多塊 少少肥 都ok午餐肉: 好夠厚！正！響鈴: 舖喺最面 索汁必選！金菇: 只有一小紮 份量較少湯底我叫左bb麻辣 只麻不辣下次應該可以叫小辣就更過癮👍🏻食麻辣一定要飲汽水汽水以罐裝 飲唔晒拎住走

難得呢幾日要去K11番工，同男友番工地點近左，自然lunch同dinner都要痴身痴世啦。上次同家姐食完呢間火鍋佢就哦左勁耐話佢都要食，好啦好啦，見今日集天時地利人和就帶你去食啦！今日人好多，全店得番張6人枱，我地兩丁友，店員都無要我地等，照俾大枱我地牛肉都佔左一頁紙，睇到我頭都痛，都係叫男友發板算啦招牌麻辣火鍋個湯底真係好夠味，滿滿紅油係面，已經完全想像到聽日pat pat一定好痛頂級手切霜降安格斯切得唔薄，但淥幾秒就熟，而且完全唔un，切得厚身的仲令牛肉更有口感，肥瘦分佈均勻，肉味香濃台灣至hit豆卜我去台灣最愛係賣滷味既地方買佢黎食。咁大舊豆卜索哂啲湯汁，所以食時請小心辣親個咀川婆婆招牌紅薯粉一睇佢偏厚，以為要淥好耐，點知10分鐘已經開始一夾就爛，所以第二轉識做只淥左5分鐘因為厚身食落有咬口，配埋佢地醬料盤有既陳醋就馬上變酸辣粉了。墨魚滑拼蝦滑兩個入面都有保留一粒粒既墨魚同蝦，彈牙之餘仲好有口感。蝦味夠重紅棗冰糖杞子茶夠甜，紅棗味唔算太重，不過建議餐廳可以用長啲既飲筒，我呢啲智障成日都sir左支筒落去香蕉牛奶冰男友話蕉味濃，奶香，冰夠碎，解辣一流食左咁多間火鍋，暫時呢間都係我既最

今次同朋友一行三人約咗去尖沙咀食嘢, 我其中一個朋友話自己體質係寒底, 食辣嘢可以令佢個人暖番啲,所以好鍾意食辣, 同親佢出街食嘢會選擇食湘菜或者川菜, 經過另一位朋友介紹知道喺尖沙咀有一間好好食嘅四川麻辣火鍋, 咁就不約而同地揀咗呢一間餐廳去食火鍋. 呢間餐廳地理位置十分之好, 我搭巴士喺尖東麼地道巴士站落車, 行過去唔駛五分鐘就到, 十分之方便同埋好唔易搵到.餐廳門面餐廳內在環境餐廳環境光猛整齊, 夜晚七點幾,食客都十分之多下!餐牌醬汁配料食火鍋梗係有醬汁配料陪伴, 芫茜, 蒜蓉, 豉油, 芝麻醬呢啲嘢實走唔甩!  但喺進食嘅過程之中, 我自己本人無乜用到到啲醬汁, 因為本身個麻辣湯底已經夠曬味!招牌麻辣火鍋湯底 (小辣) $98當服務員將呢個招牌麻辣火鍋湯底送過嚟嘅時候我已經被佢深紅色嘅顏色同埋麻辣嘅氣味吸引住! 呢個湯底十分之正, 我哋係叫咗小辣嘅, 呢個湯底辣同埋麻嘅味道恰到好處! 唔會太辣亦都唔會太麻! 但係如果完全唔食得辣嘅朋友我會建議佢哋選擇其他湯底, 因為雖然話就話係小辣, 始終都係有辣!海鮮大拼盤 $388呢度嘅海鮮大拼盤, 內容十分豐富有四隻海蝦, 兩隻蟶子,

行街行到夜夜地，過晒晚飯時間，經過見到呢度仲好似好多人，店名又幾特別，最重要係似有辣嘢食，應該滿足到嗜辣嘅我，所以同友人一齊上咗嚟試下。已經是晚上九點，都座無虛設，要等左一陣先有位，似乎有唔少捧場客。原來呢度主打係火鍋，首先當然要揀番個湯底先啦，有15個選擇，款款都好有特色，指定鍋底可以雙拼做鴛鴦鍋，以較高價錢嘅鍋底個價錢加＄20就可以雙拼。要鴛鴦鍋可以一次試兩款湯，梗係開心啲啦。我哋揀咗招牌麻辣火鍋小辣同菜干豬骨窩。雖然係小辣，辣椒份量都唔少。半個菜干豬骨窩已經有三大舊豬骨，好足料。豬骨肉仲好嫩滑入味。火鍋採用電磁爐，可自行調教火力。點完鍋底，店員送上調味盤俾我哋自己落鍾意嘅調味料。有成11款咁多。放晒自己鍾意嘅調味料入自己個碗度之後，店員就會收返個調味盤。蘸料 $15 /一位呢度嘅火鍋配料都有好多選擇。鮮滑豆腐 $28係原條百福豆腐。白菜仔 $38有一大籃，好新鮮。川婆婆招牌紅薯粉 $32好特別，扁身，但係好粗。滾耐啲都唔怕變漿糊。稔啲仲好味。雜丸拼盤 $48二人同行，極力推介之選。每款兩粒可以食多好多款式。黑松露鮮蝦雲吞 $68有六大粒。黑松露味好香，鮮蝦爽口彈牙。藍妹 大枝 $

川婆婆一向口碑不錯，今次特登去朝聖，點知大失所望。下午五點左右入去，店員安排我地坐係櫃檯後面嘅四人檯，一拉開張凳，突然火光一現，原來係張凳纏著條電線，個插頭就爆左一聲仲見到火花，個心即刻離一離。店員安排我地坐其他位，一坐低店員話要吃飯，就吹落單，叫我地唔可以加單。吃到六點左右，開始多人。突然間，有位阿叔問：「邊個俾你地坐係到？」我同朋友都呆左，仲叫我地係15分鐘內交檯，原來係有人訂左位，但我地仲有一大半野未食。過左十分鐘，阿叔再次行過黎，幫我地較細個火，仲提我地要十分鐘內走，態度十分惡劣。而食物方面，嗌左招牌中辣，但只係小小麻，冇辣味。九宮格火唔夠大，淨係中間滾，周圍完全唔滾。牛羊豬拼盤，淨係見到兩款肉，而且份量很少。大家想試嘅話，建議去其他分店，但尖沙嘴就唔好去啦。

尖沙咀麻辣火鍋-麻辣拼蕃茄鴛鴦湯底($98+20)一入到門口就聞到好香嘅麻辣味，司令當然又係食最辣啦，另外揀咗拼番茄湯。番茄湯夠濃，煲到尾唔會好淡，拎黎煮菜就啱啱好，麻辣大辣食落去都唔算好辣，偏香。配菜方面都係大路嘢，定價唔算貴。推薦紅薯粉($32)同豆卜($28)，索完個辣湯食就最正。蔬菜類食物如果叫半份嘅話，都只係＄20，以尖沙咀來講相當抵食。-飲品推薦紅棗杞子茶，夠足料飲落又好潤，岩曬打邊爐。

聽朋友講話尖沙咀川婆婆食麻辣火鍋幾過癮，今日一於同另一位鍾意食辣ge朋友一齊試下，過下口癮😁餐廳門面裝修幾有特色，應該係食辣ge好地方，抱住期望去食呢一餐😁一場黎到，無理由唔食麻辣湯底ge😝我地揀左招牌麻辣火鍋的湯底，揀左小辣，辣味都夠，麻麻辣辣夠晒過癮！火鍋醬料都多選擇，我個人鍾意加蒜蓉同葱，好香！食火鍋點少得靚牛！我地點左頂級三牛拼，夠晒食。頂級三牛拼分別有本地牛，韓牛，安格斯牛。店主話呢到d韓牛仲有證書添，應該肉質不錯！韓牛係牛肩里脊肉，牛味十足，麻辣湯底亦無蓋過牛ge鮮味。安格斯牛就比較多脂肪，但唔會好肥膩，肉質就比韓牛嫩滑d。另外點左份桂妃蚌拼珊瑚蚌。平時好少食桂妃蚌珊瑚蚌，今日難得有興致，就點左黎食。味道都唔錯同幾爽口。我地仲點左一份鬼馬墨魚膠，用油炸鬼包住墨魚膠都係第一次食，係創意之作，味道不錯👍🏻響鈴卷係我至愛，打邊爐必叫😋😋😋配麻辣湯底就更過癮👍🏻👍🏻👍🏻

川婆婆-今次叫左招牌麻辣火鍋同番茄濃湯，麻辣仲叫左特辣添，咁多紅油同辣椒，搞到流哂口水，味道唔算太辣，食得出辣味係由材料當中散發出黎，味道好有嘅層次，食好好食嘅辣味😁😁😁，番茄湯味道都幾香，食大多辣嘅可以中和一下🤤。-原味雞件雞肉肉質好嫩口，鐘意放落麻辣鍋煮，味道好惹味，又同時食到鮮雞味。-台灣最hit豆卜-口感較普遍嘅髮軟，非常吸湯，食落去會噴哂湯汁出黎😎。-豬羊拼-份量較少，食落都幾嫩口-仲叫左其他配料，有芝士腸、魚皮餃、韮菜餃、等等，都食平時食開個d啦😖😖-特別要讚下佢嘅飲品（紅棗杞子茶）味道清甜，好香紅棗同冰糖味，飲得出食自己煲，味道好又解辣！

<川婆婆麻辣鍋 夠哂惹味>喺尖沙咀寶勒巷除左有好多酒吧西餐外 仲有間食麻辣火鍋既川婆婆 🌶😋 係一碟碟叫既打邊爐鋪 除左有特色湯底外 最正係佢個麻辣鍋底 😋👍🏻🍴招牌麻辣火鍋🌶😆 98 蚊 中辣麻辣鍋打邊爐 九官格 夠香麻 yummy !🌶有辣椒 麻子 胡椒 等材料 湯底香湯 越煲越辣 鍾意食辣同打邊爐既朋友必試 ! 🌶🌶🌶😋 落d吸汁既材料仲正😈🍴牛豬拼 🐷🐮 88 蚊豚肉同牛肉🐂🐖 牛肉應該係手切類 口感軟滑 脂肪肉質55 比 都幾夠牛肉香味😋 豚肉薄切得黎夠哂肥美 要黎打邊爐 d豬油位吸哂辣汁 好味😋🌶🍴超甜粟米🌽 28 蚊原條粟米 夠哂爽口清甜 就算落落麻辣湯底😃 都試到佢既粟米甜味 正！🌽🌶🍴川婆婆招牌紅薯粉🍜 32 蚊薯粉比較闊身同有少少啡色 🍜食落去口感好煙靭彈牙 , 好鍾意佢既特別口感👍🏻😆🍴天香午餐肉🐽 38 蚊其實一路唔知天香係乜野牌子 但覺得豬肉味幾濃同香濃 都幾適合麻辣鍋邊爐👍🏻🌶🍴醬爆豬肉丸🐷 18 蚊 3 粒出面既側地好似有d貢丸甘 入面既豬肉碎爆漿juicu 🐷😆 d醬汁 夠濃香🐷(醬料每人15 蚊)Score 平均分 <7.6/

又係我大食妹帶大家食好野時間，今次代表作當然食麻辣雞煲，因為依排都好多人食所以就到付近川婆婆一食。麻辣鴛鴦雞煲（$168）：用上正宗三黃雞整的麻辣雞煲，食落雞的本身油份唔多，所以唔會食完有滿口油的感覺，加上用上正宗川辣所以食落條利會有麻痺之感，但這就是正宗麻辣才會有的應有麻味。加上，雞肉本身爽滑，皮與肉分佈又適中，所以食完都唔會覺得好油。桂花蚌（$128）蚌肉不但新鮮，而且入口爽嫩，唔會有出水的口感，加上入口軟滑彈牙，證明必屬新鮮的蚌肉而成。咸檸7（$28）：食麻辣食物，真係要有杯凍野飲先得，所以特意叫了杯咸檸7。用上原個咸檸來制作，所以飲落都特別有檸檬味,。今次，又到我大食妹俾分時間，由於這裡食物價錢唔太貴，品質又高，所以有4.5個大食指數。

之前聽朋友講過川婆婆火鍋夜晚時候嘅價錢都算貴，今日晏晝行過諗住試吓午餐。但係價錢都算幾平，大約三十幾至四十幾就有交易，食物份量好大份。我叫咗咖喱牛肉飯，咖喱味好香濃，有四川嘅特色。另外個飯好大，配埋餐飲，一個人一定夠食，好抵！下次都可以試吓呢度嘅夜晚火鍋，睇下係咪真係咁好食。

夏天的味覺特別遲鈍，又要找藉口去吃辣鍋，個人喜歡吃麻辣火鍋，而最近得知有間四川麻辣火鍋頗為出名的，來到尖沙咀舖，餐廳的裝修頗為地道，門口是四川著名的變面人。朋友不能吃太辣，於是點了一個鴛鴦鍋，一邊麻辣，一邊是椰青水竹笙雞煲，如此就能滿足不同口味的人嘛。 這個麻辣真的不能講笑，呷一口湯，脷尖已經麻痺了，椰青水配上竹笙雞煲這個配搭也是不錯的，清甜的椰青水滲透了每件雞塊，軟滑得來又滲出淡淡的椰青清甜。 配料的選擇相當多，對於我有選擇困難症來說，的確是樣樣也想試。台灣豆卜， 麻花式的豆腐第一次見，豆味很濃郁，而咬口感煙煙韌韌的，放入麻辣湯底瞬間就吸收了，香辣惹味。 美國肥牛，牛肉和脂肪比例平均，食落亦沒有雪藏味道，牛迷值得一吃。 在這個夏天，數數手指也食了幾多餐火鍋 ，還是麻辣的最讓人難忘的。