川婆婆 (寶勒巷) (已結業)

試過因為唔同原因都係差少少先食到呢間麻辣火鍋店，今晚終於訂左檯又出席到喇。訂檯時見到佢有啲優惠卷，不過以海鮮為主，一買要買二人份的，我同另一半都食唔到咁多，如果中意食火鍋有海鮮嘅其實都真係幾抵架。我哋訂左6點，未夠鐘就入去食，竟然已經有幾檯食緊？！好生意到呢。點菜喇，有得雙併實在太好，我哋揀咗麻辣少辣併半隻醉雞鍋。火鍋料揀左薯仔片、薯粉、牛肉併豬肉，黑栢葉，鴨血。鍋同料都好快到，醉雞嗰邊好香酒味，好足料咁。麻辣嗰邊滾起左，我哋即刻淥下牛肉先。個湯麻同辣好balance，少辣又真係少辣，雖然我怕辣，但都係忍唔住好多嘢都淥麻辣嗰邊😆醉雞嗰邊聲稱半隻雞，梗係冇半隻雞咁多啦。啲雞肉都好嫩，雖然唔係好入味，應該都係就咁擺落去個湯。湯底好香酒味，淥菜最好味，啲菜梗加甜。講下啲料，份量唔算好多。要讚個黑栢葉，淥耐啲都好爽口唔靭，又夠大片👍🏻鴨血浸耐啲入味啲，都算滑嘅。薯粉雖然大片又厚，但係好快熟，好Q好好味👍🏻豬牛冇乜特別。整體嚟講係好食嘅，呢間店開左都一段時間，比起而家乜乜過江龍佢啲食物簡單啲，冇話擺得好精緻，地方都唔係好企理。我哋叫咗唔算多嘢食，埋單每人3百幾蚊，唔係話好抵食咁啦。不過都想搵次試

今晚我經APP訂枱 訂左川婆婆晚市食火鍋 限時90分鐘 其實d野食幾好 不過個老女人收銀態度好有問題 我個人好唔鐘意浪費食物 通常食唔晒都會打包拿走 咁今晚因為落單到上煲已經用左20分鐘所以唔夠時間食 都唔係問題 問題係個老女人唔比我打包！！唔比打包！！我埋單時問佢拿外賣盒 佢第一句話要比2蚊 我話好。佢第二句話唔可以打包拿走d野食 我問點解？ 佢話因為比左折扣你 已經好平！！ 所以唔可以拿走野食 我話d野食我已經比左錢 唔夠時間食 拿去倒垃圾桶 都唔拿走得？佢堅持話係 ！！ 喂！大佬 又唔係放題 我真係未聽過佢依套唔比打包既理論！ 個折扣又唔係我呃返黎 係你哋餐廳比既 咁唔願意咪唔好做優惠囉 講到好似我佔你便宜咁 我當時係懷疑 佢地會將客人食唔晒既野 拿返入去再賣過 所以走之前掉晒入個煲入面 {惜食是美德}

又一間本月最愛！我一定 一定會再食！我以個人名義擔保包好食 包你又笑住又滿滿足足咁走！雖然我而家全身都係火鍋味，都仲好令人回味我係openrice買咗佢個海鮮火鍋套餐（超抵食！），齋睇文字上既選項已經覺得好豐富，湯底有得揀、肉類有得揀、丸類小食有得揀、麵都有得揀、海鮮及蔬菜唔洗揀 比晒你！如果無買/唔諗住買套餐既都唔緊要，佢有長長既list比你選擇，花多眼亂到包你唔知點揀幸好有選擇困難症既我做咗最好既選擇：買套餐！我開頭仲怕個套餐會唔夠食，因為啲肉類丸類等等 所有既野食都係有限，點知最後飽到食唔晒！有少少愧對咗店員添啊！下圖就係套餐既menu喇（online買佢既promotion會比即場order便宜，所以你會見到價錢有出入）我前一晚book咗枱。差唔多時間一入到去，老闆/店員已經知道我係邊個，急不及待招呼我同朋友坐低；望下周圍，有情侶、有一堆堆姊妹一齊打個邊爐、亦有一家人黎叫餸食飯、食啲西川菜 e.g.水煮水咁，其實坐係附近已經聞到好香，味蕾已經早早ready好食野店員們都真係好好客，又好樂於招呼你咁，湯底都未點，店員已經好興奮咁送上海鮮：「海鮮到！好靚架 啱啱出去買！」呢碟野真係

第二次來烚下烚下, 通常叫麻辣併藥膳湯, 麻辣湯都濃ge, 不過味道有點像公仔麵辣湯ge味道, 我不太好, 反而鐘情藥膳ge味道, e個湯底有唒藥材, 讚！ 特別推薦e道大生蠔、手切本地牛都好鮮好好味！

前身是西餐廳，現是川菜餐廳。雖是中式餐廳，它的點餐紙並不傳統。看了餐牌，三心兩意，最後選了駌鴦湯底。招牌麻辣火鍋（小辣）及純椰子竹笙清雞鍋雖麻辣火鍋中有很多辣椒，湯有點偏咸。只有少許麻辣味，應點中辣。有趣是純椰子竹笙清雞湯，服務員在我們面前倒入2罐Meko椰青水作湯，本身椰青水味道不濃，湯底煮久了也沒有味道。頂級手切霜降安格斯-色澤紅潤，味道正常雜丸拼盤-芝士丸，牛丸，墨魚丸，蝦丸及鯪魚丸最欣賞牛丸，因它大大粒，有彈性，牛味也重天香午餐肉-喜歡它厚切土豆片-HKD1的土豆片，非常優惠響聆卷-不脆，像放了很久的食物。有點失望

想試很久的餐館, 因為我也很喜歡川菜, 之前因以為他只有火鍋, 原來還有小菜可點, 2人點了2道菜, 其中一道是椒麻蒜籽雞, 雞粒很多, 而且是炒不是炸, 感覺沒那麼熱氣, 但味道較咸.螞蟻上樹, 粉條較韌, 較難咬開, 味道比較咸.店內有幅雞的塗鴉值得一拍. 而且用餐時到了落場時間也不會趕你走, 可以坐奈點. 總結味道較咸. 但也很好吃, 值得一試.

今次晏就黎食叫咗個口水雞同熗炒手撕包菜，口水雞嘅味道唔錯，但就唔夠麻同雞太少，食到辣嘅朋友可以試下叫中辣，而熗炒手撕包菜味道唔夠濃(可能個人比較重口味)，整體黎講不過不失。用餐後仲有水果一份贈送，用黎解辣都唔錯架。

川婆婆麻辣燙食過好多次，但佢間火鍋就第一次食，好期待。去到以為係同其他火鍋店差不多，不過佢啲湯底好特別，除咗有最出名重慶九宮格，仲有椰子雞、雞煲、海鮮煲等，而且嘢飲選擇好多，有啲即整嘅果汁，沙冰等等，叫咗大大杯檸茶，大杯到我同朋友兩個都飲唔晒！配料方面，唔知係咪揀咗個椰子湯底，所以啲菜全部都好甜好新鮮，正！特別一提佢個紅薯粉勁好味，同辣味湯㡳好夾，就算好飽最後都食晒！整體價錢唔貴，份量又多，下次一定會再來！

同朋友adhoc搵地方食麻辣野誤打誤撞搵左見到不少好評所以就挑選左呢間試一試😋見到openrice仲有得買餐飲卷於是膽粗粗買黎試試 （半價喎，唔係唔買呀）大約7點幾左右就已經開始陸陸續續入座全場爆滿可能因為比較煩忙既關係叫左1.5L既啤酒同一杯野飲個鍋同野食到左，d野飲都未到催左幾次，終於搵到一個年輕少少既waitress有反應啦雖然慢左少少，但態度都可加👍特大咸07真係好大杯夠哂抵飲🤣🤣野食方面，湯底味道足夠雖然係差不多半價，食材絕不馬虎👍套餐黎到果盤海鮮夠哂新鮮仲吸引到隔離枱📷添如果大家都試過，可以買餐飲卷一試

夏天的到來仍不減我愛吃麻辣的興致，這次就到了近期熱門的「川婆婆」，試試美味的麻辣火鍋吧！翻翻餐牌看似只有好少選擇，其實有十多款湯鍋呢，在幾個鍋之中花了我好大的氣力，才點選到酸辣冬陰功海鮮鍋和麻辣鍋。先說一下湯鍋，我認為這兩個味道較重的鍋都適合對應不同食材，較重酸味的冬陰功鍋較適合鮮甜的食材，例如蝦，土豆片和蠔等等。而麻辣鍋剛對鹹鮮的食材有更好的提升，例如蝦，牛肉和蚌等。說到湯鍋，一味鍋的話會有一個九宮格，作用是用來分隔食材，讓食材不會在湯中亂跑，也分開了數格供放食物，也許滾燙食材會更有效率吧？食材方面我們點了牛肉、海陸空組合、桂妃蚌、土豆片和烏冬。首先是海陸空組合，有雞、豬、蠔和蝦～的確是有齊三棲的食材～（雖然雞是不會飛的）肥美的生蠔放到鍋中還是會變小呢～可的確是非常的肥美，而且也很鮮美呢～另外黑豚肉也是很值得一試，沒有半點豬肉膻味也不會很嚡，嫩滑的肉質和清脆的肉香，黑豚肉真是不錯吃的。還有放在各種湯鍋都適合的蝦子，肉實而又彈牙，蝦殻能充分吸收湯的精華，肉質鮮甜，絕對能把其他食材給比下去呢。另外我們也點了桂妃蚌，可惜了兩個鍋都是味濃的，有點影響到桂妃蚌的鮮味，這可時適合清湯的呢！雖則如

香港食好食嘅麻辣火鍋真係唔容易搵，今次就去到尖沙咀寶勒巷嘅川婆婆試吓。鹹豬骨拼招牌麻辣火鍋＄148同行有朋友不能食辣，就一邊辣，一邊唔辣。辣嗰邊嘅辣油好豐富，而且有好多辣椒仔，令到之後食嘅嘢嘅味道都好香啦；鹹豬骨嗰邊就味道清新一啲，同時不失豬骨嘅香味。因為需要比醬油費＄15@1，所以一定都要努力咁添加唔同嘅配料先至抵。呢個拼盤淨係賣相都已經加晒分10拼本地牛拾盛盤 $298總共有10款不同部位的牛肉，每一款牛肉都有清楚標示是什麼名字，又爽口的，也有吃林的，各有各的特點，特別是多人吃的話可以好好分享，自己選取自己喜歡吃的部位，而且所有牛肉都非常新鮮。白菜仔＄20半份薯仔打邊爐需要食下菜之外，估唔到薯仔一蚊雞特價咁平。豆卜＄28吸晒湯底嘅香味，係最精華。鬼馬雙拼＄78鬼馬嘅意思即係油炸鬼，上面加咗啲嘢食，令到味道有咸香而且十分豐富。。墨魚春卷＄28墨魚春卷好得意，春卷係用墨魚去做，食落去非常彈牙而且咸香十足呢。黑松露雲吞拼豬肉餃＄68黑松露雲吞外皮外皮比較薄，黑松露味清新淡香，豬肉餃裏面豬肉好大嚿架，食完都好飽飽。飲品方面的飲品都非常有特色草莓香蕉沙冰＄38草莓同香蕉嘅味道二合為一，味道清

歐式的法國餐廳變成了中式的四川餐館由西過度成中的川婆婆我早已想來考完試就立刻去試.來到川婆婆當然要試招牌麻辣火鍋但我又怕太辣 再選了純椰子竹笙清雞鍋紅白湯底成了鮮明的對比然後侍應將調味料拿了過來自己可以diy自己想要的味道.川婆婆招牌紅薯粉和外面吃到的紅薯粉不一樣是粗扁形的 原以為放到火鍋裡要很長時間才能軟沒想到也挺快的大概1-2分鐘就可以拿上來吃這時的紅薯粉變得通透也保持韌性.川婆婆手打筋面以前是中國面還是手打面之類樣子卻像意粉吃下口卻像薯粉但再煮久一點就變成了帶有韌性的意粉了很特別.雜菇拼盤男朋友吃火鍋一定會點菇菇也沒有說特別好吃或難吃的我也不會分.鮮滑豆腐百福出品 皆屬上品豆腐沒什麼話好說的都是大家日常吃的百福豆腐罷了.手打四寶丸丸類不及其他東西出色咬下口就像綿花糖一樣缺乏彈性.牛肉拼盤真的是極品有三種不同的牛肉不像是平常吃火鍋那種硬硬的反而是牛肉味重嫩口 並且吸收了湯底的味道連醬汁都不需要沾吃牛的快感是這樣來的可是並不能常吃怕破產就對了.特大杯的咸檸七咸檸檬很大顆 喝下去咸和酸配合得很好

我喜歡食辣，尤其是四川及重慶的麻辣。上次到尖沙咀食全雞宴，已經見到川婆婆九宮格麻辣火鍋，門口張貼滿的是我喜歡食的菜式。有巴蜀烤魚，九宮格麻辣火鍋，江湖雞煲....等，真是見到相經已令我垂涎三尺，所以已列入必食之選，今日終於有時間到來品嚐川婆婆九宮格麻辣火鍋。川婆婆門外面已感受到強烈的四川及重慶特色及風味，那大大隻的變臉的臉𧪽由其深刻。室內裝修清雅，滿眼見到是特色招牌菜的相。真是花多眼亂，很難選擇呢。最後我們選擇了食火鍋，要了個鴛鴦鍋。純椰子水竹笙清雞鍋(半隻)拼招牌麻辣火鍋$168。純椰子水竹笙清雞鍋湯由純椰子水為湯底，所以湯底非常清甜。半隻雞十分足量，雞肉吸收了純椰子水，嫩滑清甜。竹笙十分大條，吸收了椰子水及雞的精華，真是爽口又清甜。鎮店本地牛拾盛盤:雙拼188。我們要了三拼$238。鹿兒島A5和牛。三拼牛拾盛盤中顔色帯雪白的就是薄切的鹿兒島A5和牛，灼數秒就ok，入口即溶，和牛濃香的牛油及牛肉味帶著麻辣充滿整個口腔，至今仍覺余香滿口。頂級手切霜降安格斯。顏色最亮麗最紅的就是頂級手切霜降安格斯，比和牛瘦，牛味濃郁，最適合現在要keep fit的男女。濟州島頂級韓牛。顏色與和牛有點接近

係尖沙咀進修，日日都食既酸辣麵，每次必點：鴨紅，娃娃菜，牛柏葉，金菇，萵筍！！中辣小油岩哂我，個辣味完全岩岩好，唔會喉嚨唔舒服，食物新鮮又好味。最慘慘豬係得2個企位，夏天真係熱到傻左，好多人都叫外賣，即叫即煮，都係等一陣，夏天勸大家叫完去冷氣地方hea陣再返去拎，唔係真係熱到溶化左。個人會叫完係格黎鋪叫多樣野食，冷氣底下食住2樣野，為左食！我可以去到幾盡😂😂😂格黎都同我熟哂，個個都知我會拎埋個面入去食，格黎既蝦都幾好味既🤟🏻🤟🏻🤟🏻

之前同朋友返咗大陸玩，返到嚟香港一段時間又好掛念大陸食品嘅風味，就揀左一間麻辣火鍋店。裏面裝修格局都好有內地風，餐牌紙好清晰，所有食物及飲品一目了然。知道食麻辣火鍋一定會好口渴，就試吓佢推出嘅特大檸檬茶同鹹檸七，目測睇落起碼有1.5L，非常清新， size夠晒大，唔使成日另外加嘢飲已經夠晒。特大檸檬茶＄38特大鹹檸七＄38鹹豬骨沙白雙拼招牌麻辣火鍋＄128+＄20因為驚麻辣湯底太辣，所以都選擇加＄20雙拼選擇個唔辣嘅湯底，就係鹹豬骨。馬勒湯底我們選擇了小辣，辣味非常適中，不過都會越食越辣可能就要整走啲辣油XD另外一邊鹹豬骨非常入味，有好大舊豬骨同埋一啲蜆肉，味道清新。醬油費＄15@1有好多配料可以任君選擇。本地牛拾盛盤 $298總共有10款不同牛肉嘅部位，每一款平均都有6塊左右，每一款都各有特色，比較吸引我嘅有牛心定，爽口程度有啲似牛柏葉，但係比牛柏葉一間有牛嘅香味；牛白肉都係我嘅最愛，因為類似脂肪但係食起嚟除咗有脂肪口感之外仲有一啲係好爽嘅口感。 其他唔同嘅肉都好唔錯，每一種係食緊唔同嘅質感，共通點就係所有牛肉都好新鮮。雜丸拼盤＄48總共有幾種丸，其中我就食咗芝士丸同埋豬肉丸，鹹香十