川婆婆 (寶勒巷) (已結業)

同事想吃麻辣火鍋，於是買了這裏的團購。不講性價比，只評下食物質素。Order 左麻辣中辣加蕃茄湯底鴛鴦鍋，但個麻辣湯底又唔香又唔辣。牛筋雖然好似色水深色啲，但係如果放落麻辣湯底內啲淥耐啲等佢地林哂係好好味。響鈴，失敗之作。 一睇就知佢唔脆口，而且直徑好短，係我食過最細條嘅響鈴。西班牙黑豚肉， 睇樣其實似牛多啲，食落都唔係好覺有豬味。 唔通真係送錯咗碟牛畀我？安格斯三角牛，呢個唔錯。主菜之一海鮮拼盤 有蟶子、帶子、蝦、大量蜆等等。 海鮮唔夠新鮮，另外好多隻蜆都有沙。牛丸一般，用呢隻碟就肯定一 set 係 12 粒。反而魚蛋有驚喜，唔係傳統食開的白魚蛋或者炸魚蛋，咁嘅樣嘅魚蛋其實幾好味。埋單4個人$600幾。不算貴。總結來說食物水準一般， 與其他相類型的食肆還有一段距離。

心郁郁想食麻辣鍋•朋友就帶咗我黎「川婆婆」•🤤睇下餐牌有乜食先？原來「川婆婆」係牛肉專家•打邊爐唔食牛肉？點叫做打邊爐•🤣湯底有13款•麻辣湯底有得揀大/中/小辣•❤️多多嘅我地揀咗「冬瓜滑雞海鮮鍋+ 招牌麻辣火鍋」•蜆肉細粒無沙•🦐夠曬彈牙•個湯底好鮮甜•麻辣火鍋落足料•唔會有麻無辣•好過隐•三牛拼-分別係韓牛•和牛•安格斯牛•我地兩個平時食慣普通肥牛•e三款牛肉貴就貴•不過值得食•牛味濃厚又相當滑溜•大獲•食過靚牛•食唔番普通牛肉白鱔片-新鮮彈牙•絕對不能錯過🤤川婆婆招牌紅薯粉-掛住玩電話•煮耐咗嘅紅薯粉唔會淋bear bear •索曬d麻辣汁真係好味到不得了

非一般的火鍋, 只因它食材新鮮, 湯底重料, 圖片不會只供參考! 與朋友進到川婆婆, 聞名不如進食, 點了個鴛鴦湯底, 一邊是中辣的招牌麻辣, 大辣椒配以蔥和香料, 愈滾愈出味, 但不會油多於湯。另一邊是陳年花雕醉雞, 整鍋有滿滿足料的製湯食材, 紅棗, 杞子, 准山等, 龍眼肉很甜, 雞件滑, 湯底濃, 很補很惹味! 宅的牛拼盤是我高度推介, 肉質嫩, 肥肉少, 重鮮牛味, 食盡牛的不同位置, 大讚! 凍豆腐放湯冇得輸, 放進麻辣湯底已很入味, 放到碎雞鍋, 食時更有陣甘甜味, 推介! 其他食材同樣新鮮, 脆鯇腩魚肉厚身, 食時爽口彈牙,手打墨魚丸香軟彈牙又大粒, 芋絲浸湯超入味就係人都知, 羽衣甘藍放湯打邊爐是我第一次, 夾既! 白蘿蔔浸湯後仍有其鮮甜, 很好味! 還要讚揚它的鮮榨果汁, 點了西瓜汁和紅蘿蔔汁, 大大杯, 很fresh 很抵飲! 而且環境乾淨企理, 坐得舒適, 是良朋享用火鍋的好去處! 高分推介! 未試過要試!

大熱天時食火鍋可能有人會覺得活受罪，但對於非常熱愛打邊爐的我來說就是幸福。身處香港，就算外面三十幾度，餐廳內都有足夠的冷氣供應，不會食到滴汗😂。身邊不少朋友都推介川婆婆，特推他家的麻辣火鍋湯底和牛肉。雖然我不是麻辣的狂熱份子，但都想會一會才心惜！火鍋店位於出名多嘢食的寶勒巷，想在八方雲集的食店裏突圍而出，都需要有法寶。餐廳很易認，有一個大大的紅色川劇面譜。甫上樓梯即刻一股麻辣味撲鼻而來。自問不是好辣如命之人，也有自知之明，所以點了鴛鴦湯底：一邊是招牌麻辣湯底（小辣），愛辣的朋友可以挑戰中或大辣，小辣已經有幾隻大指天椒在湯中跟我揮手👋。另一邊是純椰子水竹笙清雞鍋（半隻），多人食也有一隻的選擇。沸騰的湯傳來陣陣麻辣味，用筷子🥢點一下試試味，竟出奇地不是太辣，更能品嚐到的是麻香和濃郁牛味！椰子雞湯底非常非常清甜，竹笙很大件，吸滿了湯汁，口感爽，好正！雞有鮮味，沒有太多肥膏，但也偏瘦，‘無咩肉食’。鮮紅淡黃、麻辣清甜，顏色和味道都形成強烈對比。兩個都喜歡。聽說這裡的牛肉也是不可錯過的，吃了牛肉併盤：鹿兒島A5和牛、韓牛和霜降安格斯牛。三款牛肉色澤鮮紅，油脂和瘦肉分佈平均，牛味都突出，入口溶化，

M佬之前去成都出差，當地同事一定會帶佢食麻辣火鍋，食到上癮，要買麻辣火鍋湯底返嚟。既然你咁鍾意食，就帶你去尖沙咀川婆婆，一解你嘅麻辣火鍋癮。招牌麻辣火鍋（中辣）拼 純椰子水竹笙清雞鍋（半隻）無食過麻辣鍋，唔好話嚟過川婆婆。麻辣鍋用料充足，用上多款辣椒同花椒而成，一滾起又香又麻，愈食愈滋味。除咗麻辣湯，我哋再揀咗嗰清清哋嘅純椰子水竹笙清雞鍋，椰子味清香，入口清甜，仲有三條原條竹笙，驚喜十足。特級三拼牛呢個特級牛拼盤有鹿兒島A5和牛、濟州島1+1頂級韓牛同安格斯牛。安格斯雖然脂肪較少，不過牛味最濃郁。另外，川婆婆嚴選直送多牛緣嘅濟州島1+1頂級韓牛，以穀物飼養，含高奧米加3脂肪酸。我哋最愛鹿兒島A5和牛，脂肪最多，分怖平均，入口即溶，無得彈。鬼馬雙拼一次食晒鬼馬蝦膠同鬼馬墨魚膠，放兩隻湯底都得，油炸鬼吸晒湯底，加埋彈牙嘅蝦膠同墨魚膠，口感豐富。水魷魚鬚水魷係我哋打邊爐必叫嘅配料，特別鍾意呢度全部都係鬚，唔洗爭，爽口彈牙，鮮甜惹味。呢到仲有大量火鍋料畀大家揀，土豆片同日式烏冬最啱放落麻辣鍋，而唐生菜同皇帝菜就啱放椰子清雞湯，好清甜。（記住Like同Share畀朋友）By A姐M佬 玩樂日記

尖沙咀火鍋店滿街都是，去左一間叫「川婆婆」的火鍋店，在門口已經聞到一陣陣的辣椒及藥材味，吸引著我同朋友入去試一試，火鍋湯底果然做得不錯，味道濃材料夠，下次推介朋友再來試。喜歡食辣的朋友可選鴛鴦鍋,川椒辣鍋可刺激味蕾，藥膳湯底也有進補作用。頂級牛肉拼盤，有不同種類牛肉，看其雪花紋細嫩均勻, 放落鍋中「灼三下」，品嚼雪花牛肉的油脂脂香，使人慾擺不能。用小器皿盛載著新鮮手打墨魚丸，肉質爽彈，也見其精緻。果皮釀鯪魚肉，而鯪魚肉帶著果皮的甘香，感覺新穎而不過時。醬料款式齊全，可自由添加。 提供濟州島直送頂級韓牛的資料。餐單有不同種類，可按自己喜好點選。

麻辣火鍋真係賣飛佛～今次同朋友試下呢間川婆婆～川婆婆有4, 5間分店, 今日經開尖沙咀，就去寶勒巷分店啦～一入到間餐廳，已經問到濃濃嘅川辣味～ 又麻又辣～ 聞到都流口水！ 餐廳位置都好多餐廳座位都好多， 越夜就越多人～ 呢度有幾款唔同嘅火鍋，我哋揀左純椰子水竹笙清雞鍋 同埋 招牌麻辣火鍋 ！喺等緊個銅再次滾起嘅時候，我哋可以先喺調味醬㗎上面自己混醬先～我就揀咗麻醬、沙爹醬、豉油、生蒜同埋麻油。麻辣湯底我地揀左小辣! 果真有辣勁純椰子水竹笙清雞鍋 $168 招牌麻辣火鍋 $98 (鴛鴦鍋價高者加$20)而竹笙湯底好特別! 店員會喺你面前加入這一罐罐嘅椰青水，味道清甜。新鮮竹笙每條都好肥嘟嘟！係出面好少用呢一款嘅竹笙～真係好好食！ 煮好之後滑潺潺，口感好特別～我哋嗌咗半隻雞，份量我就覺得偏少，但係每一舊都好厚肉！我哋叫咗四海魚皮餃 $18龍蝦沙律丸 $18裡面似芝士丸，沙律味不重。蟹子墨魚滑 $78每杯都有五六粒既份量彈牙！好好食！推介！魷魚 煮好之後會細條左川婆婆招牌紅薯粉 $32薯粉同麻辣火鍋絕對係絕配！好味！煮耐左都唔會變得太腍。同埋重頭戲 頂級三牛拼 $388有本地牛、和牛同安格斯

友情提示🌟隔離街有一間又係叫川婆婆，係小食店嚟嘅，想打邊爐嘅千祈唔好去錯🤣環境四周環境非常清潔整齊，木紋既風格令人好舒服，再加上好多紅色既裝潢未食就好期待之後會食既辣野。裝飾同牆上圖畫都好有中國風同火辣既感覺，配合返川菜主題，另外後面有大螢幕播放住唔同既歌曲，亦有字幕。湯底 - 招牌麻辣火🌶 拼 陳年花雕醉雞🐔我地叫左鴛鴦煲，有招牌麻辣火鍋同花雕醉雞湯。鍾意食辣嘅朋友，千祈唔好錯過麻辣湯。最估吾到醉雞湯相當出色！裏面有落人參，雞肉同雞骨煲，相當濃郁！係打邊爐之前，我哋每人都飲左一碗。而且每次加湯，都唔係用白開水，都係用番已經調味嘅湯底。韓國牛肉拼盤🇰🇷🐮睇一睇幅相，見到成碟野牛肉係高級，每一塊色澤光度非常漂亮，脂肪花紋均勻分布。每一塊建議你只係滾一到兩分鐘，牛肉、油香撲鼻，非常正🤪本地貴妃滑蛋牛肉🇭🇰🐮 （$88）食完韓國牛肉，當然要支持下本地貨！這個滑牛肉，絕對比得上韓國牛肉，雖然沒有韓國牛肉，芬香撲鼻嘅脂肪油花，但係牛肉厚身，非常滑溜溜爽口！而且都係＄88 ,非常抵玩🤟🏻紅蘿蔔汁🥕呢個紅蘿蔔汁用咗蘋果🍎，雪梨🍐，紅蘿蔔🥕新鮮榨成！無添加，味道有少少甜！e杯嘢超正，又抵飲，我地忍唔住

一向都鍾意食麻辣火煱，呢日同老婆喺尖沙咀寶勒巷見到呢間餐廳寫住“川婆婆麻辣火鍋牛肉”立即食指大動，決定同老婆入去撐枱腳。餐廳牆身有七彩繽紛嘅噴畫，有特色得嚟又有風味！餐牌上面有好多手繪嘅公仔，夠晒別緻。淨係湯底已經有13款可以選擇。最後我哋揀鴛鴦鍋底($188)，一邊係我揀嘅招牌麻辣火鍋，另一邊係老婆揀嘅清潤嘅純椰子水竹笙清鷄鍋。麻辣湯底，香、麻、鮮、辣，嘢味得嚟食得出係天然食材的鮮味，一D都唔覺有加味精；椰子水清鷄湯底清甜清潤又有鷄嘅鮮味，鍋底一紅一白滿足晒我哋兩個嘅需要。頂級三牛拼($388), 和牛、本地牛同安格斯牛的拼盤，和牛肉質細緻，油膩非常均勻豐富，幾乎入口即化，本地牛牛味濃，纖維比和牛同安格斯牛粗。安格斯牛則介乎兩者之間。一碟就可以試到三種唔同牛的滋味，正！雜丸拼盤($48)，入面有手打魚蛋、醬爆豬肉丸、芝士丸、蟹子丸同龍蝦沙律丸，呢碟雜丸又係無得輸，款款丸食落都有唔同的口感、層次同味道，有D流心、有D爆醬、有D唔同肉質又有D有蟹子，粒粒都咁好味，各有特色值得一讚！飲品我哋都點紅蘿蔔雪梨汁($38)，飲落新鮮，紅蘿蔔味濃又有雪梨的清甜潤喉，每杯有成500ml，打邊爐用嚟清

尖沙咀川婆婆最出名是招牌麻辣火鍋，鍾意食辣嘅朋友帶咗我去試天氣咁熱，一坐低就叫咗一平花花公子＄68一瓶 ，原來是紅蘿蔔雪梨汁，相信沒有加糖，味道非常新鮮和健康。餐牌上有很多湯底，雞煲好吸引⋯而食完雞煲可免費升級加麻辣湯底，鍾意食辣嘅朋友並不能錯過。朋友唔係幾想食雞煲，因此點了雙拼鍋底，價高者加＄20收費。我們點了陳年花雕醉雞窩＄168 半隻和招牌麻辣火鍋＄98。先講下個湯底，陳年花雕醉雞鍋好足料，有川芎、杞子、紅棗等等的藥材，味道甘苦的。裏面的雞肉肉質嫩滑，非常有雞味，非常滿意呢！招牌麻辣火鍋好夠香辣，能夠刺激味蕾，所有的食材索晒呢個湯汁變得好好食，特別適合豆卜、枝竹等等⋯有咗鴛鴦湯底，就能配合不同口味的朋友吃火鍋不能少得的牛肉拼盤，我們點了一份。不論是色澤或紋理，都是不錯的。牛肉入口即溶，非常嫩滑，一點也不鞋口，用料上盛，推介。最特別的是，有很多在其他火鍋店找不到的食材配料，這就是花雕豬腦花，初嘗是需要勇氣的，味道很難形容，完全是沒有怪味，都幾好食，味道有點像牛骨髓（你食過就知乜嘢味），含有豐富的蛋白質，仲要好健康添。鴨血＄48，口感較為實淨，富有膠質，配上麻辣湯底是最好不過的！見到

認識呢間餐廳係因為川婆婆麻辣燙，以前成日喺個小巷到食，啲麻辣湯好過癮。後尾知佢開咗幾間專食麻辣火鍋嘅分店，於是就同兩個朋友去試吓一入門口已經聞到好大陣麻辣味，忍唔住打咗個乞嗤🤧🤣 見到啲人個煲好得意有九個格，我哋都叫呢款招牌麻辣火鍋雖然有九個格，但剩係得中間嗰個同旁邊三四個會滾，角落頭個四個長期積住啲辣油，而且個格又細，變咗其實得中間幾個格淥到嘢食，衰過普通煲😖個湯係好麻同好辣，但冇咩內涵，無仼何肉味或者雞湯味或者咩味都好，真係得麻同辣，又唔係平時喺川婆婆麻辣燙食到嗰種味☹️ 有豉油、麻油同醋，另外配料都係正常配料，例如辣椒粒、乾蒜粒、沙茶醬等等手切特級三角牛（牛肩）望落去好靚，雪花紋好均勻，但食落有少少韌，同埋牛肉味唔出。呢碟野有啲貴，但佢又無最普通嘅肥牛俾我地揀，其他一係安格斯牛，一係就韓國1++牛或者日本和牛🤔🙄 鬼馬墨魚膠用油炸鬼包住墨魚肉，出奇地覺得好食！個油炸鬼會吸晒啲湯，變到腍哂得黎好有口感的，咬入去會再咬到啲好爽口嘅墨魚膠，好有咬口！敗筆就係入面太少墨魚膠，同本身個面鋪左啲蟹籽，但一放落個湯啲蟹籽就甩晒出嚟，等於冇舖過🤷🏻‍♀️高級手工面唔記得影相！未煮之前望落一條條好似狗

試過好幾次行經寶勒巷都俾呢個大面譜吸引住加上響門口已經聞到好香麻辣味，仲要大大張poster 寫住D挑釁性字眼⋯⋯「今生必食」、「牛人之愛」....... 仲唔係叫我？好想入去一探究竟，可惜每次唔係個喉嚨乾乾地便是肚仔唔爭氣，一路都冇入去試過。終於，機會嚟喇！飛雲！今日約人在尖東搵食，加上狀態正常，仲要佢話出左花紅咪同佢客氣，咁我就一於咪諗試試啦！坐低，第一時間點個鴛鴦鍋，一邊是麻辣湯底，正宗川味香氣撲鼻。鮮紅色的紅油上舖滿了辣椒和花椒等麻辣香料；另一邊則是純椰子水竹笙清雞鍋，貪佢清清甜甜可以淥吓菜。但原來材料都不少喎，有很多大大條竹笙，仲有新鮮雞加添。咁少水，唔通係乾煎左食完雞先加湯？突然，阿姐無端端拿來兩罐100%椰子水，然後倒入去。咁都得？新玩法喎！飲品我叫左咸檸七$25，貪佢可以下火兼潤喉，有成半個咸檸，又夠曬大杯，有驚喜喎。朋友就叫左支大朝日$32自隊。滾起了，當然襯熱食舊雞先。新鮮雞，好嫰又有雞味，仲一D都唔肥噃，好好味。火鍋配料我地叫左叔叔推介的 「頂級牛三拼」$388，包括 A5 和牛、韓牛同埋安格斯牛。我地由肥至瘦逐款試逐款評，首先當然試最肥美的 A5 和牛啦，脂肪多

今日同老公去國際廣場睇完復仇者3，去咗寶勒巷嘅川婆婆食麻辣火鍋，之前都係食小菜，第一次係到打邊爐🥘🥘🥘我哋叫咗個小辣，越食越有味！跟住叫咗個牛肉拼盤二百幾蚊，啲嘢食都好食嘅！仲叫咗個美國筒蠔，只係得三隻，好大隻，但係＄158感覺好貴😭😭😭叫左啲蔬菜同珊瑚蚌野飲就叫左支天地1號飲，食咗九百幾蚊，但係都算係開心嘅飯，比較貴😅下次去都係食返小菜好啲, 如果唔係就要多啲人一齊食麻辣火鍋👨‍👩‍👧‍👧👩‍👩‍👦‍👦👩‍👩‍👧‍👦因為兩個人食就比較貴👽

今次同朋友兩個人來到寶勒行的川婆婆，一入門口已被大大幅紅底奇趣畫風既牆身吸引，睇見都有火辣既感覺，牆上仲貼左大抽獎永不落去既poster。坐低首先整下火鍋必備既調味料先，一般大路野醬油、麻油、蔥、蒜蓉等等一應俱全。值得一讚既係店員將調味料處理得整齊又乾淨，用得放心。火鍋Menu 選擇超多，牆上仲有其他小菜同飲品既Menu。我地叫左個鴛鴦鍋，一邊麻辣另一邊係竹笙雞鍋，兩邊都係我地至愛! 一上枱的一刻被肥大的竹笙震撼到了(笑)，呢個size係在其他火鍋店少見的，對於喜歡吃竹笙既我地來講有種莫名奇妙既滿足感。左邊的麻辣湯底香味濃郁，味道正宗，我地叫左小辣，對於食唔到太辣既我地來講岩岩好。配料方面有水魷、薯粉、魚皮餃、龍蝦沙律蟹籽丸、重頭戲是頂級三拼牛。＄18有6粒魚皮餃，抵食！呢個就係今晚既亮點：頂級三拼牛，睇個賣相已經知新鮮，正！老闆極力推介的甘筍汁，果然係正！

朋友的洗面機壞了，把家裏的送給她 原來洗面機耐唔用都要叉下電，唔係舊電都會壞架 我送洗面機，佢就請我食飯~XD 係公司附近求其找了這間 離遠已經俾佢既面門吸引了~ 呢度以重慶四川菜為主，感覺都幾地道，有巴蜀菜，又有干鍋~ 出面門口夠搶眼，估唔到入面既裝修一樣咁特別~ 雖然有D 國內色彩，不過都幾搞笑呀~ 醬料都算齊全，干淨企理~ 想叫個野飲，呢度都唔少選擇 待應姐姐極力推介自家製甘荀汁 本黎我都麻麻甘荀，見佢咁落力，又即管試試 又真係幾值得推介喎，無左甘荀既草腥味，飲落又唔會好甜，仲唔會飲到成口O鞋習習 感覺好新鮮健康，姐姐果然無介紹錯呀~ 呢度以打邊爐為主，我見隔離枱有小菜，賣相不俗 不過一心諗住打邊爐唔好再諗咁多啦~ 寫到明用新鮮雞，咁厲害，點可以唔試試~ 叫左一個雙拼 招牌麻辣火鍋拼純椰子水竹笙清雞煲 呢度既湯料全部都咁大舊既XD 辣椒超大隻，連竹笙都超級大呀，咁大隻既竹笙都唔平架~ 麻辣鍋叫左小辣，麻香而唔算太辣~ 香氣樸鼻但又唔會攻鼻個隻~ 話明純椰子水，姐姐係我地面前倒左2大罐椰子水入去做湯底 估唔到加左椰子水既湯底又唔錯，雖然無乜很濃的椰子味，但飲落好清甜