川婆婆 (寶勒巷) (已結業)

今晚我經APP訂枱 訂左川婆婆晚市食火鍋 限時90分鐘 其實d野食幾好 不過個老女人收銀態度好有問題 我個人好唔鐘意浪費食物 通常食唔晒都會打包拿走 咁今晚因為落單到上煲已經用左20分鐘所以唔夠時間食 都唔係問題 問題係個老女人唔比我打包！！唔比打包！！我埋單時問佢拿外賣盒 佢第一句話要比2蚊 我話好。佢第二句話唔可以打包拿走d野食 我問點解？ 佢話因為比左折扣你 已經好平！！ 所以唔可以拿走野食 我話d野食我已經比左錢 唔夠時間食 拿去倒垃圾桶 都唔拿走得？佢堅持話係 ！！ 喂！大佬 又唔係放題 我真係未聽過佢依套唔比打包既理論！ 個折扣又唔係我呃返黎 係你哋餐廳比既 咁唔願意咪唔好做優惠囉 講到好似我佔你便宜咁 我當時係懷疑 佢地會將客人食唔晒既野 拿返入去再賣過 所以走之前掉晒入個煲入面 {惜食是美德}