嵐橋丼飯專門店 (已結業)

今日同同事做冬同慶祝XMAS~次次食飯都係我發板, 我梗係揀我最愛既日本菜.訂位之前都見到呢度有D 市面少見既食材, 喜之次同赤鯥, 所以先想黎試下..二百幾蚊可以食到喜之次, 赤鯥呢D 魚... 真係要試~每個丼飯都跟湯同SALAD.呢4個丼飯真係好搶FO 呀!!! 呢個我既, 日本海膽牡丹蝦丼. $258有兩款海膽, 牡丹蝦, 蔥吞拿魚蓉, 三文魚子...我中意佢LUNCH 都有個碟仔放係度, 因為太多料, 真係要夾起D 餸先食/見到D 飯~極上海之幸丼. $258呢個都係勁豐富!! 有大TORO, 鮑磯煮, 牡丹蝦, 白身魚, 深海池魚, 蔥吞拿魚蓉, 海膽,三文魚子.唔打出黎我都唔知有咁多料.. 但圖同實物都有只蟹鉗, MENU 冇寫既?!我都獲分配左件TORO...超正~入口即溶~喜之次丼. $278 喜之次4切, 三文魚, 白身魚, 廿蝦, 蔥吞拿魚蓉, 三文魚子.我都獲分配左一片喜之次呀! 哈哈.. 所以我板海膽係有捐出黎大家食既.`哈哈~呢D 肥美既魚都係會燒一燒先上菜, 等D 油分出哂黎先正~不過我嫌佢切太薄喇..唔過癮呀!同埋呢個丼唔應該加三文魚落去...會因為三文

搵食誤打誤撞行入左尖東附近一條街，驚見原來呢條街有大量中檔餐廳，因為約左朋友飲野所以想食個飯打下底，就搵到呢間餐廳。因為無booking都等左大概20分鐘，入到去位置唔算闊落，枱同枱之間位置都比較近，進餐時都有時唔小心撞到隔離枱既食客，不過店員服務非常有禮貌，食客想調位都會滿足客人要求。先送上味噌湯，味道唔錯，雖然我唔太識分辨係味用味精開水製成，不過絕對唔係某牛肉飯餐廳既味噌湯果種死咸味。主角極上海老二重丼飯上枱，刺身肥美新鮮，飯底都已經有適量調味，建議成個飯同刺身唔需要另外自己加調味已經係最佳享受。店內都有清酒menu同刺身壽司既餐牌，不過有下場所以留番下次再試了

之前同朋友黎食過午餐覺得唔錯最近晚飯時間帶埋母親大人黎試餐廳位於尖沙咀棉登徑屬於小店經營座位相對較少味噌湯每客刺身丼均配味噌湯；味噌湯濃淡恰宜配搭昆布以及豆腐溫和順口𩶘魚湯味噌湯加廿八蚊可轉𩶘魚湯；𩶘魚湯色澤奶白濃鮮而且營養豐富同時護膚美顏燒鱈魚干鱈魚干切幼絲烘烤意外好食；燒鱈魚干透薄焦脆配搭沙律蘸醬完全上癮他他醬炸雞炸雞金黃香酥同時肉質細嫩肉汁豐富而且漿粉輕薄配搭他他醬以及檸檬汁油膩感輕極上海老二重丼餐廳選用日本產牡丹蝦蝦頭飽滿鼓凸而且兩側散佈白色斑紋；甘蝦俗稱甜蝦體積相對細小而且蝦肉質感細綿清甜；帆立貝肉肉厚圓大而且質感細緻彈嫩；三文魚籽圓渾剔透而且醬液濃稠鹹鮮配搭赤酢壽司飯酒香豐醇柔和季節限定丼濱鯛屬於時令季節白身魚魚肉透粉質感柔軟；油甘魚肉肉質緊緻滑嫩；三文魚腩厚切油脂豐腴；松葉蟹肉拆絲鮮甜；海膽顆粒清晰質感細膩而且柔嫩甘香

嵐橋比我印象係菜單設計得精美，打開菜單點餐已流晒口水，令人急不及待。而最神奇係，丼飯送到我面前時，發現成品的手工擺盤效果跟菜單圖片似足九成，誠意滿滿。我點既係季節限定丼，除了海膽夠挺身香滑，鯛魚輕燒放板最有特色，燒過既蜜柑鯛調味較濃郁，可以連板先放一邊食較淡味既魚生，幾有心思。非同一般丼飯，店舖用的醋飯粘度濕度都適中，帶甜味，最驚喜係配上魚子和醋味啫喱，真係第一次食到一種感覺係所有食材互相配合，mix and match成為各個完整既特別口味。

昔日嘅棉登徑變成多間日式餐廳嘅食街，其中一間主打丼飯，價格貼地，而且質素尚盛，速食都可以考慮。雖然只是丼飯，但配搭卻很特別，比較罕有。到底有什麼人無佢有呢？可能係我鄉下妹，丼飯有赤鯥、喜之次好出奇咩？平時一板海膽真係常見，板上放上炙燒過嘅4切喜之次、三文魚、葱花吞拿魚蓉、2隻白蝦等，仲有市面通常用普通魚籽，但嵐橋就用三文魚籽，除左增加口感，仲多份鮮味。另外丼飯特別之處在飯底，醋米之外仲加左色，又加芝麻及紫菜等，非常有誠意！個人最怕冰冷嘅的白飯除左一碗丼飯仲會有麵豉湯，又滑嘟嘟嘅豆腐

2019年11月6日 星期三今晚同女朋友去到尖沙咀食飯，行到去棉登徑搵嘢食，因為聽講呢度有好多餐廳行到呢一間女朋友話想食日本野，於是就行去門口睇吓餐牌發現依家有季節限定丼，睇落去有好多唔同嘅刺身食，所以就一齊入咗去入到去發現店裏面嘅裝修好似日本嘅居酒屋咁，幾有特色再睇返餐牌，發現呢間鋪頭主要係食丼飯，所以諗都唔諗我就叫咗季節限定丼，仲有啲小食首先嚟嘅係麵豉湯，好濃味又足料，每一啖都飲到昆布之後我叫左丼飯就到，係左口魚丼，魚脂火炙過之後出晒黎，入口即融，而其他海鮮都好新鮮，最特別係有一粒粒啫喱，其實係豉油果凍，同壽司飯一齊食口感好特別。另外海膽一啲都唔腥，成大啖食感覺好滿足女朋友既丼飯就係秋刀魚丼飯，同我既丼飯最大嘅分別係佢有蟹肉同秋刀魚，蟹肉嘅份量都幾多，唔需要拆殼食好方便，而秋刀魚幾有咬口，魚味較重最後仲要左兩款串燒，分別係雞胸軟骨同銀杏，雞胸軟骨食落去脆卜卜而銀杏一d都唔苦埋單每人大約$300左右，喺尖沙咀食日本菜黎講算ok喇

尖沙咀十分出名的嵐橋丼飯，今天終於有機會去試一試！ 對刺身沒有什麼研究的我們點了兩個季節限定丼，分別是秋刀魚當和右口魚丼麵豉湯非常濃味， 有很多昆布和豆腐秋刀魚丼右口魚丼右口魚經火炙燒過十分香， 吃落比較爽口脆身， 牡丹蝦十分大隻，肉質鮮甜！ 還有非常厚切的三文魚和油甘魚，新鮮鮮甜的三文魚子和我至愛的松葉蟹肉和海膽！！ 海膽的味道非常濃郁！丼飯還有現在非常少見的醬油啫喱來拌飯， 連壽司豉油也不用加已經非常夠味！雞胸軟骨串和日式銀杏串雞胸軟骨比普通雞軟骨大塊，而且燒得非常乾身！ 加上表面灑了七味粉， 十分香口！日式銀杏即平時吃的白果，炭燒後味道十分特別！本身還以為會是脆口的，怎料原來是軟身的！非常有趣！

等女朋友期間喺尖沙咀遊蕩，啱啱考完試，心情仲有啲激動，頭瘟腦脹，唔食餐返好點對得住自己，但係最近有啲唔開心，唔係太食得落野，食清淡少少，行過見到一間好似居酒屋嘅餐廳，仲有午餐收費唔貴，一於入去試試前菜：唔記得影相，食晒先記得，好新鮮嘅野菜沙律，海蜇同麵豉湯，仲有一杯餐茶白飯魚櫻花蝦丼櫻花蝦脆脆同白飯魚嘅質感好鬼夾，仲要成半碗咁多嘅份量，仲要入面有雞蛋絲同紫菜絲，我食到一半已經好飽，但係依然堅持要繼續食埋落去，唔好做大嘥鬼

靜靜地吃一餐午餐，為下午繁重的工作加油野菜沙律：清新爽甜涼拌海蜇：中式的吃得多，日式的第一次吃，爽口酸甜好好食麵豉湯：踏入秋天時分，喝一口湯好溫暖白魚櫻花蝦丼白魚軟軟和櫻花蝦脆脆雙重口感，帶點咸香，不用作任何調味已經很美味，飯是日本產的米混合赤醋，飯粒好分明，質感明顯比平日經常吃到的飯好吃，也不會有刺鼻的醋味柚子蜜清甜滋潤平常到棉登徑是晚上喝酒前後吃點東西，今天中午過來吃到特別的菜式，感覺良好，一次特別的體驗

🔰友人選「特盛火炙牛肉丼」$188，牛肉要全熟，並走埋隻蛋黃😅上桌時，看到牛肉燒得很靚，一定是用爐燒的，我夾了一塊吃，wow，很好味，外表燒得焦香，咬時肉的油脂逸出，實在再要夾多一塊吃呢😁🔰我選了最愛吃的「日本牡丹蝦海膽丼」$258，日本海膽仍是香濃滑口，還有質量好的吞拿魚蓉和牡丹蝦，赤醋壽司飯依然好味，飯裏有用醋製成的啫喱粒，很醒胃🔰串燒牛舌$52，味道不錯，每塊都有其厚度，個人略嫌牛舌味太濃；串燒日本雞柳$34，肉嫩汁香，但友人說欠缺雞味，因他曾吃過有雞味的日本雞柳

星期六晚上 ，約左好朋友去食西，地置位於尖沙咀棉登徑，港鐵尖沙嘴站步行5分鐘就到啦。book左8點鐘，我地7點50分就到啦等咗大概2分鐘即刻有位啦 環境乾淨，裝修簡約，舒服 。服務員有禮貌，不停都幫我加水😎講下今次食左D咩啦我叫左呢個丼係有 加拿大海膽，馬糞海膽，牡丹蝦，拖羅，三文魚子。 醋飯酸味適中，粒粒分明。我最鍾意食加拿大海膽，鮮味十足😍三文魚子 入口即溶 👏🏻 牡丹蝦 厚肉😊滿意度有十分👍🏻推薦❤️

經過棉登徑 見到一間日式小店再睇下門口個Menu 有各式各樣嘅魚生飯即刻吸引左我地入去一入到去就覺得呢間餐廳嘅裝修好有心思加咗好多日本嘅擺設同埋元素套餐入面會有一個麵豉湯同埋沙律刺身盛定食$148入面有五種刺身分別係赤身 三文魚 甘蝦 白身魚 帆立貝各種刺身都食得出係新鮮嘅呢個價錢可以有呢個份量 性價比算好高鐡火丼$138成碗都係吞拿魚呀望到已經飽咗一半😂😂😂😂😂😂吞拿魚鮮甜美味 絕對係抵食!!!!!!!佢個壽司飯係預先加咗醬油 紫菜同蛋絲唔會好酸 呢個有驚喜😍😍😍😍

一向聽聞嵐橋的刺身用料新鮮，這天中午就特地和媽媽去吃日本菜午餐！午市定食價錢親民，由$102-$168不等，選擇亦多，心大心細了一陣子，我終於決定好要一客壽司御膳($148)。師傅製作壽司期間，店員就先送上沙律和麵豉湯。沙律顏色繽紛，令人食慾大增。麵豉湯亦不會過鹹，調味啱啱好。不過餐牌原先寫住定食配關東煮，則變成了泡菜。泡菜酸酸辣辣，十分開胃。壽司御膳有6件壽司，包括：三文魚、白身魚、赤身、甘蝦、三文魚子和深海池魚壽司，另外還有蔥花吞拿魚蓉小卷。先要一讚的是師傅的握壽司手勢不錯，飯粒握得柔軟卻不會鬆散，刺身都好新鮮，師傅還特別在魚刺身上界花，令到食落更有口感，可見誠意。三文魚子都好鮮甜，粒粒都晶瑩飽滿，食落鹹鮮十足，紫菜亦沒有變腍身，好味！深海池魚壽司都好有魚味，肉質細緻！吞拿魚蓉小卷有三件，入面吞拿魚蓉很香滑，如果採用魚腩位油脂香會更加突出呢！

昨晚在線上看了一個日本旅遊節目，除了景點吸人之外，就是主持人不停食… 不停食… 她這個滋味樣真的羨煞旁人。今日心思思了一整天，決定夜晚接老公下班，並邀請他陪我吃日本菜，嘻嘻！這家日本餐廳不算很大，但座無虛席，餐牌上的圖片相當吸引，尤其刺身我最想吃。海之幸丼：與餐牌圖片一模一樣，全部都很新鮮，我最鐘意牡丹蝦非常鮮甜，肉質很嫩滑；松葉蟹肉非常多又好吃；中拖羅很肥美；鹹鹹地的三文魚籽及帶有柚子汁味道的啫喱，拌有味飯一起吃真的非常滋味，真的是大滿足。除了一人一個刺身丼，我們還點了關東煮，平時很少吃，原因味道也不錯。     

其實唔係第一次幫襯，間野味道唔錯，可惜覺得佢嘅運作模式有問題兼「男」侍應態度十分惡劣！原本book左晚上7:30，我們都無遲到（人數已過半），7:25都到左，當時女侍應說要等一會，叫我地可以周圍行住先，有位會打電話通知！問題黎喇，有另一位朋友到左，佢同我朋友講話打左比我，但我係完全無未接來電！當然我地都即刻行番去拎位啦，差不多行到佢先第一次打電話比我。都唔緊要，我地都到達了。番到去，原來係得一半位，仲要等既！當時已經8:05，足足比訂位時間等多左35分鐘。我地當然會問點解要等咁耐啦，一早落唒booking架嘛！咁其實你好好地個態度我地都算啦，始終都等左咁耐，點知呢個時候，個「男侍應」用一個極度差既語氣話因爲店內面積小，叫我地體諒！我話其實都好體諒，book左位都等左35分鐘。點知佢再惡劣啲既態度講：「所以咪講左叫你體諒囉！」跟住行左去...咁樣對客人的安排同咁無禮貌對待客人，野食幾好食都無用啦！呢個價錢唔係茶記，唔可能咁樣對待客人囉！所以決定轉場離開。後記：我朋友仲好好咁同佢講唔好意思我地唔要個位了，點知呢位男侍應只係黑面地點頭，連回應一句都無，只有個女侍應講唔好意思！所以公平啲講如果