嵐橋丼飯專門店 (已結業)

在香港，日本丼飯每區總有數間在附近，要獨當一面，當然要夠特別，棉登徑以前多數是酒吧，現在都慢慢變成餐廳，走到轉各位置，進入了一家滿滿日本風的丼飯店赤鯥丼，各款刺生滿滿的排放在丼上主角當然是赤鯥魚，輕輕炙燒過的魚皮，令赤鯥魚更有口感，逼出魚油三文魚籽每粒都脹卜卜好新鮮，還有松葉蟹肉，蔥花吞拿魚蓉，全部都是配飯之選油甘魚同三文魚都是厚切，每款有兩件，一碗丼飯來說，有六，七款剌身，真係岩晒三心二意的女士們將刺身分開放，真是鋪滿碟子每丼飯會附送味噌湯，加$28可轉𩶘魚湯，奶白色的湯身，飲口鮮甜，喝出用上了很多𩶘魚去烹調，湯內還有冬菇，油豆腐，豆腐粒等，飲完立即覺得皮膚白滑了，營養豐富日本多春魚，一客四條，每條都十分完整，夠乾身，多春魚帶點焦香，入口帶一點甘香，咬一口，肚子裏滿滿的魚春，前菜小吃的話，最好不過

朋友剛過生日，喜愛日本野食既佢對呢間魚生飯好似幾有興趣，所以book 左同佢補祝生日。間野唔係好大，當晚唔算太多人，唔使點等就入到。睇openrice 食評嵐橋都幾多好評，所以開頭都有d 期望。我地兩位極愛魚生既人士不約而同揀左魚生種類豐富既"極上海之幸丼飯"($258), 貪佢有齊海膽，牡丹蝦，蟹肉，拖羅，鮑魚，魚子等等，一次過滿足幾個願望。其實d 魚生既擺位幾靚，d 飯上有d 芝麻都幾香。不過老實講d 魚生質素都係一般般，無impressive 既感覺，拖羅有d 筋。質素對不起價錢，性價比一般。試過一次就ok~

鍾意食日本菜的朋友今晚約我黎到尖沙咀的嵐橋丼飯晚餐，餐廳主要食丼飯爲主！但都有不少日本小食，壽司，刺身等等的選擇。我就點左個極上海老二重丼！！餐廳先上了個麵豉湯。差不多喝到一半的時候丼飯便來了。丼飯的買相和餐牌的差不多，面頭上鋪了牡丹，甘蝦，帆立貝還有三文魚籽！！感覺十分豐富。帆立貝肉肉質肥厚，入口鮮甜。牡丹蝦肉質爽彈鮮味,蝦頭位置的蝦膏豐富鮮味甘香。甘蝦軟滑鮮甜！整體的食材都非常新鮮。丼飯分量十足，加上多款刺身味道夠鮮，層次豐富。有機會再來。

難得今日放早，同同事黎到尖沙咀搵食。棉登徑不嬲都多野食，所以就去睇下有冇野岩食，於是黎到呢間食丼飯既。餐廳有幾款唔同的丼飯同埋季節限定，我就叫左季節限定試下。季節限定丼包括有蜜柑鯛、三文魚、油甘魚、牡丹蝦、松葉蟹肉、海膽同埋三文魚籽，而上面仲有壽司醋啫喱，幾得意。三文魚、油甘魚都幾厚切，新鮮鮮甜，鯛魚肉比較彈牙，牡丹蝦有成隻手掌咁大，蝦肉爽口彈牙又鮮甜，蝦膏都有幾多。海膽鮮甜冇苦味。蟹肉同三文魚籽跟飯一齊食，口感好豐富。我仲叫左牛舌串燒，牛舌好有牛味，燒得爽口，鹽的份量都好足夠，惹味。叫丼飯仲有麵豉湯送，湯入面有豆腐同昆布，熱辣辣好好飲。呢間丼飯值得再黎。

朋友生日，當然要食飯慶祝下。見到依間網上有好多好評，一於試下。👨‍🍳👩‍🍳食物質素：🍚黑松露帆立貝丼（帆立貝，左口魚邊，蟹肉，三文魚籽）魚生分量足，新鮮，唔會有腥味。飯係壽司飯，有紫菜，胡麻，沙律菜，比平時一般食丼的特別，只係飯分量唔太多，不是太飽肚。🦀🍚北海蟹肉丼（甲羅燒，蟹肉，蟹鉗，吞拿魚蓉，海膽，三文魚籽）甲羅燒尚算甘香，但海膽味唔算得出。每款丼配有湯，都可以加錢💰做魚湯。但我今次就冇加。🛋️🛋️環境：偏細👦👧適合人數：2-4人😋😋好食指數：1.5/3🥰😍Souffle 舒服指數：1.5/3💰💰性價比高指數：1.5/3📢📢提外話：由於比起book枱時間早左4個字，而且同行朋友未到，店員未有安排入座先，需要齊人先可以入坐。所以早到朋友仔要留意，寧願附近商場行到夠鐘，好過出面等。

同朋友行完K11，過條馬路轉個灣就係呢間餐廳，這裡專門做丼飯，價錢都算合理，材料新鮮，而個裝修都十分和風，餐廳選擇多，見到張圖比佢吸引了，今次就點了個極上海老二重丼！先上了個麵豉湯，而個丼上枱時個賣相同餐牌上嘅差不多，中間有隻牡丹蝦放在旁邊，另外還有四隻甘蝦，所以就係咁成了海老二重了，除此之外還有帆立貝同埋三文魚籽，真係放滿了飯上，甘香肉質軟滑，食完再來牡丹蝦，肉質爽彈鮮甜，而蝦頭內亦有蝦膏，味道甘香！帆立貝肉質都十分軟滑鮮甜，配埋三文魚籽在口中爆開嘅感覺真係唔錯！除了丼外，這裡還有串串可以選擇，串燒牛舌，燒得十分好味，肉質夠晒爽彈好有口感！另外日本雞軟骨串燒，亦燒得十分爽口彈牙！食完個丼再加埋串串真係十分滿足！

最近如果去尖沙咀晚飯，我都喜歡到棉登徑，喜歡這裏旺中帶靜，給門面的日本風情畫吸引了視線，一於品嚐嵐橋 丼飯。店舖地方不大，卻坐滿了客人，熱鬧輕鬆的氣氛一推門進去便感受得到了。一心進來吃新鮮刺身丼飯，在點了串燒小吃，跟友人慢慢聊天。《赤鯥丼》$258店員極力推介赤鯥丼，我當然樂意一試。丼飯刺身的份量確實是十分豪爽，一看馬上心心眼😍赤鯥4切用火輕炙，把魚油的香味都逼出來了。三文魚、白身魚、松葉蟹肉、蔥花吞拿魚蓉、再加上多到爆出來的三文魚籽，材料多到簡直看不到壽司飯底，實在太誇張了吧！食材由產地直送，刺身新鮮甜美不在話下，保證新鮮！刺身厚切令到口感更豐富，一級的用料，親民價錢，感恩可以品嚐到新鮮海鮮的美味！再來一碗熱騰騰的味增湯暖胃。《日本多春魚》$46燒得香脆可口，一啖咬下魚的肉汁爆出來，連魚骨都酥化得可以吃掉。《蕃薯仔》$28我最喜歡吃日本蕃薯仔，入口軟糯，味道甜美。整體而言，性價比高予人超值的感覺，吃過後還想下次再光顧。

今日同朋友嚟到位於尖沙咀棉登徑嘅日本餐廳，呢度主要係丼飯，據知食材是由日本直送，等我來試下真定假🤣🤣。我同朋友分別點左兩個唔同嘅丼飯，1️⃣日本海膽牡丹蝦丼（$258）- 日本海膽，日本牡丹蝦一隻，海膽，蔥花吞拿魚蓉，三文魚籽。海膽好鮮甜，食得出好新鮮，完全沒有腥味。讚👍🏻。丼飯嘅米飯🍚係有味飯，調味調得相當不錯。2️⃣鰻魚二重丼（$169）有兩款鰻魚，分別海鰻和星鰻。海鰻燒得啱啱好，配合少少甜嘅醬汁配飯一齊食非常好味。星鰻味道相對偏淡，但都帶一點點既魚香和甜味。 鰻魚二重丼整體都係好味既。每個丼飯都付送麵豉湯。這裏除了丼飯外，還有壽司和串燒，下次有機會會再嚟先😏。

今日約朋友在尖沙咀食中午飯，朋友超喜歡食丼飯，之前在嵐橋丼飯專門店食過覺得性價比非常美味，所以帶她再來嵐橋一試！友人大讚餐廳裝潢極具日本特色，環境舒適。 沙津前菜沙律的材料豐富而且新鮮，有各式各樣的沙律菜和粟米等等，配上酸酸甜甜的醬汁，十分開胃。標題：火灸牛肉丼！高質！麵豉湯麵豉湯令人十分開胃，湯內的豆腐非常嫩滑。值得一讚，即使是麵豉湯也用料不俗！火灸牛肉丼我們點選了火灸牛肉丼，當中的牛肉肉味超濃，而且入口即溶，肥瘦適中，食落不覺油膩。丼飯配上獨特的醬料和香味十足的芝麻令整個丼飯味道昇華。朋友對此丼飯讚口不絕！正！

在尖沙咀下班後，獨自來到嵐橋吃個快飯。因爲時間尚早，所以不同多等便直接能夠内進用餐了。魚生丼的選擇很多，而且大多款式也十分吸引，有選擇困難症的我花了很長時間才作出決定。最後我點了一個喜知次丼。師傅很有心思的講魚生丼擺放得很漂亮，看得人食指大動，相當吸引。這個喜知次丼材料十分豐富，有喜知次、三文魚、白身魚、甜蝦、吞拿魚蓉、三文魚子。最喜歡是喜知次刺身很特別，口感比較爽口，而且微微火焰過後，魚味突出。白身魚刺身也很厚切，而且肥美，魚油甘香。壽司米加了赤醋，很好吃。每個魚生丼都跟配一碗麵豉湯，亦可以加$28轉立魚湯。立魚湯呈漂亮的奶白色，味道鮮甜無比，充滿著立魚的精華，很好喝。除了魚生丼，這裏還有串燒吃。我點了一條燒牛舌淺嘗一下。質素也相當不俗，牛舌爽口彈牙，燒得外脆内嫩，很有水準！

今日約左閨蜜行尖沙咀新開既商場👯‍♀️，行完就搵下有咩好食，我地兩個都鍾意食日本菜，於是揀左間魚生飯食😻極上金目鯛丼我就揀左平時比較少見既極上金目鯛魚生飯🥰 足足有成十片魚，再加上三文魚籽。其中三片金目鯛係有微微炙燒過，所以同一種魚都有唔同口感🤩金目鯛油脂適中，肉質十分嫩滑😍，咬落去一啲都唔膩👍🏻赤鯥丼朋友就叫左個赤鯥丼，第一次聽赤鯥呢款魚，佢話口感唔錯！另外仲會配搭上唔同既魚生，多重享受，正❤️

餐廳裝潢精緻，坐得蠻舒服。點了兩個魚生飯，大大碗，份量十足。吞拿魚很新鮮，很好吃。另外還點了些串燒，味道就一般，沒有太大特別。價錢中上，有OpenRice折扣優惠就平均每位$200。

很久沒有吃壽司了！雖然是九月 ，已經過了秋分，但天氣仍是那麼炎熱，夏日炎炎，最好就是來一碗丼飯了，想起粒粒珍珠米，配上件件厚切刺身，不禁垂涎欲滴了。火炙牛肉丼牛肉丼的肉味濃郁，配上特製醬料後，珍珠米粒粒沾上醬料，加上牛肉質素非常高，絕對是高享受。嵐橋丼丼飯有三文魚籽、中拖羅、三文魚等等，魚籽非常豐富！吃下去時，發現有一松葉蟹鉗，非常驚喜！而且蟹肉是甜甜的，充滿着鮮味！當飯有蛋絲、紫菜碎等等，吃起來特別滋味。

好耐冇同友人黎棉登徑食野啦!今次見面前佢話想食刺身飯，所以上網搵到呢間餐廳!餐廳座位不算很多，燈光光猛。點餐後店員立即遞上熱辣辣的面豉湯!赤鯥丼，這坎丼飯包括有赤鯥魚、三文魚、白身魚、松葉蟹肉、牡丹蝦、吞拿魚蓉同埋三文魚籽，上面仲有D壽司醋的啫喱!刺身厚切鮮甜，牡丹蝦大隻多膏，蝦肉彈牙!而吞拿魚蓉味道夠濃，蟹肉亦有不少!在刺身與飯之間有生菜隔開，感覺很fresh!而丼飯是有加入味道的，所以飯是啡啡地色的!再加入豉油和芥辣，令整個丼飯味道更加提鮮。松葉蟹甲羅燒，甲羅燒有蟹肉、鵪鶉蛋、蟹籽、蟹膏，好香蟹膏的味道。還附有兩塊小法包，用黎點醬食十分惹味!估唔到平日晚上都有咁多人黎餐廳，有機會會再黎幫襯!

晚上加班完成工作當然要自我慶祝一下，於是便獨自到棉登徑的嵐橋食日本丼飯，幸好8時過去也很快有座位。我先加了$28 升級做𩶘魚湯，奶白色的湯頭可見魚味很濃，而且喝起來很清卻帶有鮮味！湯裡面也有豆卜、海帶等味噌湯配菜，喝完很暖和。之後我點的黑松露帆立貝丼便到了，賣相已經十分吸引和豐富，有松葉蟹肉、左口魚邊、黑松露帆立貝、三文魚籽等，應有盡有！最得我心一定是左口魚邊了，有4片，火炙過令魚油逼香出來，食起來左口魚邊的裙邊更是脆脆的，口感很好，每一口也充滿魚香味，太美味了，令人回味無窮！而另一主角黑松露帆立貝也很好食，帆立貝很厚身，食起來啖啖肉，也很鮮甜，而黑松露更是亮點，味道很突出！松葉蟹肉絲絲分明，帶有淡淡海鮮味，份量也很大分，和酸汁啫哩一起很餸飯，也不會太膩。而我亦點了一串雞皮，炸得脆卜卜，像食薯片！邪惡得來很惹味和過癮！整體來說，刺身很新鮮，刺身丼選擇很多，個個賣相都吸引，可以一試再試！