峇里堂

营业中

休息中

峇里堂初頭一聽呢個名，以為會是黑黑暗暗以深色木為主的餐廳，點知一上到去，係勁開陽，光線勁充足，仲有希臘風情feel咁嘅café樣子的餐廳。因為餐廳的地理位置，導致一般在街上走過的路人唔會特別為意呢一間餐廳嘅存在，但係一上到去簡直就係另一個境界，勁chill~~ 餐具都係木嘅。我哋叫咗最有當地特色的巴東沙嗲炒豬肉飯，串燒，峇里醬炒玉豆，蜜糖雞翼。嘢飲方面，叫咗一杯梳打味嘅咖啡，同埋熱情果汁。餐廳老闆係華僑，廚師係印尼人，所以煮出嚟嘅菜色，別有一番風味！佢嘅醬汁簡直就係無與倫比！呢一間餐廳真係帶比人感觀上不同嘅刺激，藍白色歐陸風情嘅裝修，再配上印尼當地風味嘅美食，呢一個反差真係好surprise ！我食每一啖嘅時候，再望返周圍環境，都會懷疑而家究竟自己係Café？定係印尼餐廳？

𝕋𝕊𝕋 尖沙咀 • 𝔹𝕒𝕝𝕚𝕋𝕠𝕨𝕟峇里堂🇮🇩📍尖沙咀彌敦道𝟙𝟟𝟞號𝕋𝕙𝕖 ℕ𝕒𝕥𝕖 𝟛樓➰ 老店峇里餐廳創業於香港𝟷𝟿𝟽𝟻年，而重開的新店峇里堂是第二代的延續，以托拉查Tᴏʀᴀᴊᴀ民族藝術木雕和一盞盞彩色玻璃吊燈裝飾，極富印尼民族色彩，而小編最欣賞的是小店努力打造昔日風貌並煮出正宗印尼菜的態度。➰ 🔸不變 · 招牌巴東牛𦟌肉飯 $𝟼𝟻 🐂▫️金貝飯 +$𝟾 🍘牛𦟌入口軟腍，份量十足，巴東醬汁用上十多種香料如南薑、檸檬葉、石栗等炒製，而黃薑飯以日本珍珠米入饌，香濃惹味，但完全不辣。🔸峇里式豬肋骨 $𝟻𝟻 🐖▫珍珠香飯🍚豬肋骨香料味濃郁，富有東南亞風味，肉質極腍，入口即化，配炸蒜和香甜秘製醬汁，撈飯一流。◾️雙色咖央多士 $𝟹𝟸🥪賣相特別，不過味道普通，烘底會更佳。

尖沙咀美食攻略 #峇里堂 四十年老店峇里餐廳 重新出發！Bali Town 印尼菜！ #巴東牛肉 #峇里餐廳 #印尼菜 #尖沙咀美食 峇里堂前身係有幾十年歷史既峇里餐廳 係疫情下重新出發,食物水準依舊出色,係香港有儲落幾十年既名氣重新出發後既新店,走年青風格,感覺更像一間食印尼菜既CAFE大落地玻璃窗,透光明亮環境舒適餐牌上有芝士蛋糕,招牌風味菜峉里醬炒豆,炒蜆,加多加多沙律,炒通菜等等仲有咖哩炒虎蝦,蜜糖牛油雞翼印尼串燒,招牌巴東牛展肉飯,雞脾飯,牛腩等等一個人過黎食下真心唔錯試左款彩色椰糖雪糕多士,配椰子雪糕鮮紅色既多士脆片加左椰糖醬濃甜得黎配埋雪糕味道剛剛好 !招牌巴東牛展肉飯$65,可加錢配金貝飯金貝飯由香茅,檸檬葉,薑黃等香料加椰汁慢煮係一款香料味濃既黃飯,配埋濃郁既巴東牛肉汁好味得黎唔膩,飯粒飽滿爽身峇里堂地址：尖沙嘴彌敦道176號The Nate 3樓 

平時好少見到香港有專係食印尼菜嘅餐廳🍴，所以比較少接觸印尼菜．今次呢間餐廳雖然係主打印度菜，但係裝修風格更偏向似一間cafe.峇里式燒豬肋骨飯 $55 （金貝飯 +$8）豬肋骨燒到好冧身，啲肉好容易離骨，配合印尼風味嘅醬汁，有新鮮感，味道不俗．金貝飯算係粒粒分明，而且用上印尼香料，可以一試.Latte $15 水準正常，咖啡味偏淡.峇里式燒豬汁比高 $48比高比較韌，燒豬汁味道唔錯，但係放耐咗嘅話，啲汁會令到個包冧咗.印尼風味串燒－雞肉 $28 兩串雞肉燒得好香，冇肥膏同雞皮，嗰醬汁可以話係精粹，令成串串燒變得更加惹味

峇里式燒豬汁比高 $48Bagel 比一般麵包都健康😊 口感比較有咬口，上面加啲罌粟籽就無咁單調，而餡料係豬肉，醬汁好足，加埋青瓜啱啱好😊印尼沙嗲炒豬肉飯 $55沙嗲醬拌飯好無敵，又唔會好咸。啲肉都好嫩，肉既份量多，每啖都好滿足燒賣 $24 (2串)見幾特別 就叫黎試下 佢上面加左沙嗲醬同炸蒜，令到燒賣成個感覺都唔同左，燒賣又外脆內煙韌，值得一試峇里之天堂茶 $14 跟餐平啲，味道幾特別，好東南亞🤣.整體環境都好舒服，小清新Style

又試左公司附近既(新新地)餐廳，老牌印尼菜峇里餐廳，上年年尾到係佐敦山林道重開左，叫峇里堂。餐廳裝修會走文青咖啡店風。食物方面就唔係好多款式揀，一D傳統菜式， 加上cake/ coffee 輕食，就算tea time 都可以上去食。我就叫左香濃.惹味醬燒雞脾飯 (配白飯) ，同事就加錢配金貝飯，佢話好食，大家可以試下。之後再加配hazelnut latte, 雖然唔係好夾，但係叫食物加多$18 就可以飲到咖啡，成個餐加埋都係$73，價錢合理。隻雞脾又大又好食! 咖啡係有質素既咖啡, 放心!食lunch 成段時間都無full 哂, 唔使等位, 坐得都舒服, 可以黎試!

疫情緩減 限聚令放寬之後約左個好耐冇見嘅朋友食飯8點到 搭𨋢上三樓 門口位見到店內裝修幾靚週末晚市唔多人 唔洗等就入座睇左一陣餐牌 發覺菜式冇預期多可能之前上網見到嘅菜色有一部分係週末限定之類啦隨後總共點左4道菜分別係 沙嗲炒豬肉飯 蝦醬炒通菜 燜牛仔骨 同 公雞冰第一道 豬肉飯 配金貝飯個沙嗲汁好好味 飯粒粒分明 比普通白飯好味有興趣可以加錢 或者齋叫金貝飯試試第二道 炒通菜正正常常 不過不失反正唔係招牌菜 只係想有菜中和下第三道 燜牛仔骨講真 我對呢道菜有d失望明明係招牌菜 但水準真係差少少個汁好稀 冇圖片咁足料然後牛仔骨雖然大大件 但得三塊薯仔就直程似中途客串 唔入味最尾一道 公雞冰 配椰子雪糕食完想同朋友吹多陣水 又唔想咁寡就叫左個飯後甜品正正常常 幾有特色 都推介畀飯友試下

今日去峇里堂食午餐，好彩有訂座，唔使等位。巴東牛展炆到好軟好好食，一定要配黃黃色的金貝飯（有香矛，檸檬葉，椰香味）。叫左半打雞肉串燒，配上花生醬好好味。牛角包裡面有牛肉，口感鬆脆。主餐牌可以優惠價配咖啡，全日唔使加一，值得來試下。

🥘呢間餐廳用印尼菜同峇里島做主題，招牌巴東牛展肉飯（$73）醬汁惹味。而且牛肉有筋有肉，又唔會太韌，加了$8配上金貝飯，吃到淡淡的黃姜味，和醬汁十分之夾。另外叫了一直都很喜歡的烘底的咖央多士（$32），綠色黃色嘅顏色十分搶眼，打卡一流。多士夾着滑滑的牛油與咖央醬，分量恰到好處。而串燒嘅醬汁亦都好有印尼風味。甜品叫咗峇里公雞珍多冰冰（$42），第一次食珍多冰的刨冰版，好特別不過溶得比較快🤣食到一半就變咗液體了～

好食既印尼菜喺香港真係唔多見，今日竟然俾我食到間回頭率極高既印尼餐廳😉峇里堂既裝修係估唔到既摩登，好有cafe感覺呀😋雙色咖央多士，佢嘅外貌勁趣致呀，用左黃綠色黎做包面，驟眼睇好似百潔布，一食落去既感覺好清淺，之後咖央味係慢慢咁滲出嚟，完全唔油膩，有驚喜😍燒賣都好值得嗌，佢既外層整到卜卜脆得黎入面既魚肉唔會好乾，加上特製既峇里醬，好食到停唔到口😚雞腎燒得啱啱好，口感好爽，夠滋味，各種串燒都一碟兩串，好抵呀🤪醬燒雞髀飯，雞髀大大隻，肉質亂畫，燒完嘅皮啱啱好，喺薄薄嘅雞皮之下就係嫩滑嘅雞俾肉，一手攞住雞髀大大啖咁食，簡直係一種享受，而將燒汁配合埋白飯同埋兩條秋葵，好味得來好健康🤩而我最欣賞嘅係峇里式豬肋骨飯，佢唔係用一般嘅白飯，而係用印尼有名嘅金貝飯，金貝飯勁好食，係用香茅，檸檬葉，薑黃等多種香料混合成，再配上新鮮椰汁整，六個鐘後粒粒分明嘅飯，味道清新，加上入口即溶嘅豬肋骨，勁夾呀👍🏼呢度嘅熱Latte咖啡味超級濃厚，佢嘅印尼豆嘅香味正正係我喜歡嘅，而且店員好有心咁喺面頭整咗個好靚嘅Love字❤️藍花伯爵茶，味道比外邊嘅伯爵茶更加香濃，鍾意濃味嘅朋友可以一試😗

◭ 峇里式豬肋骨飯 $55 配金貝飯+$8大大份豬肋骨～配炸蒜，好惹味👍🏻金貝飯係香茅黃薑飯😍粒粒米，好有咬口配菜好特別～附送秋葵兩條🤣好啱小編（小編是秋葵控)◭ 雙色咖央多士 $32好似百潔布嘅咖央多士🤣🤣🤣味道同平時咖央多士差唔多，只係顏色有啲唔同◭ 蝦醬炒通菜 $56好香蝦醬味通菜～去食越泰菜都必點😆正常水準👍🏻◭ 峇里之天堂茶 $28天堂茶好清新🥰啱晒食完濃味蝦醬通菜，跟住飲啖天堂茶，好解渴◭ 鮮檸氣泡咖啡 $18上層係咖啡，下層係檸檬水，加埋一齊，估唔到又幾好飲👍🏻峇里堂環境好舒適，好啱同朋友傾下計，食物質素亦不錯😆

最近見到呢間峇里堂人氣幾高，呢日咁啱出尖沙咀就一於食呢間，日本野、西餐、cafe就去得多，印尼野人生食左幾多次🤔5隻手指都數得晒🙈聽講餐廳有40幾年歷史，最近搬左舖位，重新裝修。入到餐廳有種好舒服的感覺，用木既枱櫈，好似cafe咁，完全唔似食印尼野🤣🔸印尼沙爹炒豬肉飯🐷沙爹汁甜甜地，加上豬肉絲炒得好香，味道好好。加$8轉左金貝飯，姐係黃薑飯，粒粒分明，帶點椰汁、香茅、斑蘭味，香料味又唔算好重。飯既份量都多，我哋兩個人share啱啱好。🔸峇里式豬汁比高🥯上茶時，服務員已經將包一分為二，好貼心。Bagel本身唔會太乾和硬，好有嚼頭，加上內有大量豬肉絲並且好多肉汁好Juicy，食起上嚟唔會好乾，值得加分。唯一有樣麻煩是沒有手套提供，因此食完滿手醬汁要即時洗手呀😛🔸峇里堂珍多公雞冰配海鹽雪糕🍦椰奶味好重，有斑蘭粉條、大樹菠蘿粒、紅豆粒，加埋啲冰食好有口感。海鹽雪糕都重奶味，鹹鹹地幾好食😝🔸印度天堂茶☕️見到個名咁特別，所以叫黎試下🤣上茶時，分開杯同茶壺，服務員細心提示先浸泡一陣再飲會更好味。我大約浸了5分鐘再飲。茶色上同普通黑茶一樣但帶有桃的香味，幾清新。最重要無咖啡因，即使晚上飲都唔怕失眠。🔸

大家可能以為峇里堂裝修較新，又舒服，就係新店。🤣其實佢係1975年 創業，嗰陣小編都未出世，話咁快已經有40多年印尼菜製作經驗。🥪雙色咖央多士 $32小編之前怕咖央會太甜， 但最正嘅係呢款多士甜度適中，咖央配上牛油 入口即溶，多士暖暖嘅，再烘熱就更滋味。🐷峇里式豬肋骨飯 （金貝飯）$63小編平時食西式豬肋骨多，原來印尼風味都毫不遜色，香料更濃。豬肋骨軟腍厚肉，仲好入味。醬汁惹味，有啲似蝦醬味配甜咖喱沙嗲，再加上香濃嘅九層塔味，夠特別。🍗香濃惹味醬燒雞髀飯（金貝飯）$55 雞髀超級大隻，啖啖肉，沾滿甜辣醬味 🤣性價比幾高。 第一次食金貝飯+$8，混合香茅、檸檬同椰汁味，係心機之作，因為烹調前後須6 個鐘蒸成，比一般黃薑飯更香甜，值得一試。 🍧峇里堂珍多公雞冰冰 $45初頭以為椰子刨冰加紅豆好似唔算特別咁，原來唔止呢啲配料架。仲有， 估唔到嘅大樹菠蘿同珍多冰綠豆粉條，超多料，椰子夠香濃，食完冰後忍唔住飲曬啲椰汁。份量多，2 個女仔食都可以。

最近同印尼食物很有緣，今日再到尖沙咀峇里堂對印尼食物作進一步了解😆 被安排坐到窗邊，風景同傷光都好好👍🏻Menu 主食選擇不多，集中在印尼特色巴東、印尼咖哩等等，可選爭餸、珍珠飯或金貝飯。今日同朋友試了印尼咖喱牛筋腩和峇里式豬肋骨飯。飯的份量適中，附上健康蕃茄同秋葵。牛筋腩炆得好林，咖哩唔算太辣，汁份量適中，不會太多或太少😋峇里式豬肋條飯肉好大，汁適中，朋友食唔晒🤪仲叫左小食拼盤，份量啱啱好，有蝦丸、魚餅、蝦片及素春卷，每樣都新鮮炸起，好香口👍🏻 配埋凍Latte，十分滿足❤️

其中一個令人懷念既旅行熱點一定有峇里份！試試依間印尼菜餐廳 止止癮！環境舒服有空間感 窗邊對住彌敦道同九龍公園 適合同朋友傾計 食物質素整體唔錯～-✅ 峇里式豬肋骨飯 ($55) 配金貝飯 (+8)豬肋骨夠晒大舊！肉質唔錯 香料層次好豐富 用黎撈埋金貝飯食超夾！ 雖然要另外加錢 不過比起普通珍珠飯多左香茅 薑黃同椰汁既香味！-✅ 雙色咖央多士 ($32)雙色影相好靚！不過唔同色味道上冇咩分別 同食開既咖央多士差不多-➡️ 蝦醬炒通菜 （$56）正常炒通菜 蝦醬味都幾足-✅ 鮮檸氣泡咖啡 ($18) / 峇里之天堂茶 （$28）野飲有驚喜！底下果層係檸檬水 上面係咖啡 mix埋一齊冇違和感好fresh! 天堂茶都好飲！-🦁 峇里堂 (尖沙咀)尖沙咀彌敦道176號The Nate3樓🦁 人均消費：$100｜推介：❣️❣️❣️❣️