峇里堂

营业中

休息中

印尼野真係未食過，但有時星期日行過天橋聞到d工人姐姐印尼菜，都覺得幾香，所以今日呢間就上去試左。叫左個沙嗲汁豬肉絲金貝飯，一黎到已經覺得好香，d沙嗲汁好香花生味，唔辣，而且甜甜地，超級好送飯，而金貝飯比一般白飯更香，有啲似薑黃，薑黃係對身體的。呢碟豆角用左印尼辣椒醬嚟炒，入面都有啲小魚乾，睇戲上嚟好辣，但實際唔辣，反而偏鹹啲，值得一試。碗飯唔算好大碗，所以我又叫左燒賣串燒，佢啲串燒選擇都唔少，但出邊少啲食燒賣，所以叫左，一黎就要叫兩串，上面諗咗啲印尼沙嗲汁，超級好食！最後見隔離枱叫咗個珍多冰刨冰，又口痕痕叫左碗，揀咗配椰子雪糕，兩樣野加埋好夾，又吾會太甜，又有咬口，個人十分推介。

佐敦樓上舖 呢道日光幾充足 樓底高坐得幾舒服 今次已經係第2次再食新式印尼菜式都幾岩口味甚摩汁燜牛仔骨牛仔骨係面 超多汁醬汁香濃惹味 洋蔥甜味好出 底下有薯仔青椒粉絲骨肉輕易分離牛肉質腍身 而且唔韌 推薦的一款不變·招牌巴東牛展肉飯巴東牛展肉飯係之前黎已經食過厚切牛𦟌肉 肉質軟腍 厚切 少少似沙嗲的醬汁 香濃惹味飯的份量同醬汁既比例不錯 推薦香濃惹味醬燒雞脾飯大雞脾一到 連隔離枱客人都眼金金眼睥住雞脾除左大大隻 勁厚肉 仲比相像中多肉肉質比一般雞脾更滑更juicy好易就同筷子起到肉🥢🥢醬汁配埋炸蒜 更香濃惹味Almond Latte第一啖咖啡味都幾香 杏仁味之後會

今日終於有機會同同事試下這間印尼菜之前在佐敦舊店我也食過的，父親大人最喜歡食，因為比較正宗。但自從它搬了就末同父親大人食過，今次帶同事試下食印尼菜，因為有同事從末食過印尼菜的。這間餐廳佈置有點工業風，面積不算太大，但光線充足，開揚又簡潔，令人坐得舒適我們點了：巴東牛肉飯$65 - 巴東牛肉在印尼菜好出名，所以都滿心期待。好彩不負衆望，醬汁好有印尼風味，有少少辣，牛口感好淋，撈飯一流印尼咖哩牛腩飯$58 - 咖哩汁惹味，牛腩煮得好香又淋身也是撈飯一流。峇里式豬肋骨飯$55 - 初時見到半條豬肋骨沒有切開，心想莫非要用手食？後來發覺也是煮得好淋身，用筷子一扒開便骨肉分離而醬汁味道都很適合扒飯的order飯類可用優惠價叫飲品，優惠價大概$9-$18，視乎飲品種類而定。餐廳內也有自助斟水設備。同事點了凍cappuccino (少甜)$15及凍latte(走甜)$15，2者咖啡味香濃奶滑，好飲而我點了冷泡藍花伯爵茶$15，茶香順喉，好飲由於每款醬汁都好惹味，如果飯量多少少會更好。最後同事食過後都覺得印尼菜味道不錯難得又沒有加一收費埋單時，見到2隻好乖又可愛的狗店長呢還逗了一下它們，哈

較早前去左尖沙嘴呢間新開的印尼餐廳，想不到環境非常舒服，有種印尼Cafe感覺。印尼沙爹炒豬肉飯$55印尼沙爹汁比起我地一般食開的「港式」沙爹汁，味道上更甜，而且會有印尼特色香料的芳香，我自己就好喜歡。沙爹醬汁配豬肉絲撈白飯，令我好回味幾年前去峇里旅行，幾乎每個早餐都會有沙爹汁的菜式，不論是飯或是串燒，如果去街邊當地人開的小店，會用椰子殼生火，燒出來的肉有淡淡椰子香，配合沙爹汁簡直一流！不變·招牌巴東牛展肉飯（$65）巴東牛展肉，煮得夠軟腍，淋上了甜辣的醬汁，加$8將白飯轉爲金貝飯，亦即是黃薑飯，帶點點椰汁、香茅同斑蘭香味，味道相當不錯。巴東牛肉牛角包$48香酥脆口的牛角包，中間夾住甜辣的巴東牛肉肉絲，惹味香口!

🕯餐廳裝潢簡潔光明，有大玻璃同鏡牆，細看佢既舊照片，先發現佢係有歷史有經驗的餐廳，呢度係新既店鋪黎餡料唔會過分鹹，同包都好夾，選擇Bagel 🥯好有特色同有咬口，面頭密密麻麻嘅罌粟籽，平衡返個營養價值🙈醬汁的確惹味，係有少少遮蓋玉豆本身嘅味道，不過鍾意重口味嘅人唔會介意啦😋醬汁濃郁而且甜甜地，撈飯食已經好正，加埋豬肋骨大大份又淋同入味，首選✨炸燒賣少少脆配少少煙韌、炸雞腎都幾爽口，又唔會熟過頭難咬，羊肉串唔會有so味，加埋甜甜地嘅沙爹醬，無野挑剔☺️🟢🟡⚫️珍多冰變身成刨冰版，都幾大碗，share食夠晒sweet，椰子雪糕爭住食兩隻小店主非常可愛🐶🐶🧅🧄入口放左啲自家製香料包，有興趣煮番餐既客人就可以即刻買到

今日難得同男朋友出街食飯(疫情關係，少之又少)嗌左個豬肋骨飯，啲汁多到浸死左啲飯變左湯飯蝦醬炒通菜是霉的牛角包是叮熱的雞軟骨串燒有陣雪味......最正常只有椰汁紅豆冰(但比起茶餐廳，紅豆偏小，味道唔錯)無下次，上面啲人，究竟係咪真係食過正宗印尼菜🥲咁耐無出街食飯，食左餐咁既野😩好嬲....希望餐廳睇到我呢個comment 可以改善一下....用心做食物 唔好令人食左咁失望😞😞😞真係唔會介紹比朋友

本身諗住walk-in 樓下間富士山 不過太多人就上左依間度食一開始比個牛角包吸引咗啲肉多到差唔多睇唔到青瓜落左單隔離枱咁啱就上咗牛角包心諗中伏 不過係咁安慰自己 好食就ok好食就ok同隔離枱一樣 青瓜唔算多 但都可以遮曬啲肉食落牛角包唔脆但正常 牛肉味唔重隻味反而似搽面包個隻吞拿魚 勁多香料勁多油加少少牛肉味到峇里堂海鮮煎一開始唔知咩嚟就試下原來只係海鮮奄列加啲青瓜牙菜蝦片印尼汁有一種街市既感覺啲海鮮呢係冇味既唔只係冇海鮮味 係喊味都冇 只係白烚主菜叫左個峇里式豬肋骨飯正常豬肋骨 夠腍 啲配菜都新鮮個飯加左8蚊轉薑黃飯做得最好係個飯淡淡既香料味唔會遮蓋左豬肋骨嘅味道飯既質地濕濕地但又唔腍氣泡咖啡冇咖啡味 不值一提 完

高質印尼菜😍😍呢間見到近排好hit咁 就去咗試 又唔錯喎👍🏿-⭐️#醬燒雞髀飯見到好多人嗌 又好大隻就嗌黎試🤤上面個pat醬超濃味 雞髀勁軟淋 岩我呢啲婆仔食🤪唔錯-⭐️#巴東牛肉飯無影單獨相 所有飯可以加錢轉金貝飯 其實我個雞髀飯都有剔到轉 但佢漏左 就算了 勁推各位加錢轉金具飯‼️有薑黃又有椰汁 好香～牛肉都好軟腍👍🏿-⭐️#雙色咖央多士鮮艷嘅百潔布🤣好味 少少脆 食落唔會好膩 啲牛油？🤤🤤正正子❤️-⭐️人見人愛·#加多加多沙律嘩～我未食過呢隻醬加多加多醬？好正‼️‼️聽講係「印尼嘅沙嗲醬」😌佢係濃得黎 又夾到啲菜 食上黎唔邪惡 仲有啲少清新🤔仲有蝦片 蝦蝦蝦～～～-⭐️鮮青檸梳打⭐️峇里之天堂茶呢兩個飲都唔好食🥲🥲竟然伏左係野飲～-整體黎講 餐廳食物質素好食👍🏿有得訂位就好訂 因為walk in要等一陣 而且佢哋太忙 安排好混亂🤦🏿‍♀️不過值得一試❤️

由於媽媽曾經是印尼華僑，當發現有印尼菜館在香港時就想帶媽媽去嘗試，今天輪到了尖沙咀的這家峇里堂位置：在尖沙咀The Nate商廈的3字樓，在山林道口咖啡店旁的電梯便可直達，地點方便環境：餐廳灰色牆地裝修及木枱櫈予人現代感，出電梯經長型走廊進入餐廳主要部分。由於兩邊大玻璃窗設計，採光度十足，因此店內有些老外只在此享受咖啡，感覺更像樓上咖啡店服務：一出電梯便有店員帶位入座，餐廳設有自取飲用水區，店員均很有禮貌及笑容，一點壓迫感都沒有食物：午市餐牌可選的主食不多，選了兩款主食及特式串燒一試巴東牛肉飯（$73）印尼人大多喜歡巴東牛肉，最困難的一定是把牛肉煮淋，而這裡則成功煮得很淋，加上香濃的巴東牛肉汁，味道不錯但如果可以下少一點沙糖就會更健康及正宗印尼咖喱牛筋腩飯（$58）牛筋腩同樣煮得很淋，而這裡的咖哩比較重椰香，味道算是香濃可是對男士來說份量有點少特式峇里式串（$44）店家的特式串燒，當然要點來試試。餐牌寫是用上魚肉及蝦肉，上枱時看上去像是魚片，燒得很香，魚肉亦很滑，再帶一點蝦的香味就是價格有點偏高鮮青檸梳打（$18）青檸梳打是東南亞菜必點，這裡用上梳打水既開胃亦不會太甜，但我還是喜歡用七

Dayday金句:「世上沒有辦不到的事，只有想不到的事。」《尖沙咀 - 創意精美印尼菜》峇里堂位於尖沙咀The Nate嘅3樓，係一間食印尼菜嘅餐廳，餐廳裝修好特色，有一種好舒服嘅感覺💕印尼沙嗲炒豬肉飯 $ 55沙嗲醬好香濃，好啱拌飯，食落鹹鹹香香，不知不覺就食晒成碗飯啦，而豬肉嘅份量算多，肉質有口感，配埋印尼有名嘅金貝飯，真係一流😍金貝飯跟餐 +$8由香茅，檸檬葉，薑黃等多種香料混合成，加上新鮮椰汁，再用六個鐘蒸成既香料飯，味道清新，香而不膩👍🏻雙色咖央多士 $ 32多士黃色同綠色顏色鮮明的外層，令整個賣相睇落好特別，第一眼望落去嘅時候以為係百潔布😂多士食落脆卜卜，而中間夾住厚厚的牛油入口即溶，加埋咖央醬，真係好邪惡呀！牛角包都好好味😘😘😘食完正餐就到甜品時間了🤣埋單200蚊都唔洗，性價比勁高😍😍📝總結（5分滿分）環境: 4.5/5味道: 4/5性價比: 5/5推薦度: 4.5/5

今日約左朋友係佐敦食野，朋友話附近有間食印尼餐廳幾chill既，chill我就最鐘意啦！😝一於去馬🤪🤪🤪😝😝😝峇里堂唔係地鋪，所以如果唔係朋友帶都有啲難搵到🙊 但一入到去原來都幾大，裝修好精緻，好多窗，有自然日光照入黎覺得好溫暖好舒服😍餐牌有好多選擇😝😝😝有啲仲好有特色，我特別俾佢唔同顏色既食物圖片吸引左，叫左幾款「彩色食物」😍😍🤪食物水準好高，我最鐘意佢既kaya多士,色彩好靚，成塊牛油溶左係口入面☺️☺️☺️好邪惡但好幸福既感覺😌😌😌😌另外海鹽雪糕多士都好正，粉藍色既雪糕已經好吸睛，🤪👍🏼 雪糕既咸同淋左黑糖既多士真係好夾😍😍👍🏼👍🏼最吸引既係呢間鋪唔收加一！真係性價比超高！ 同朋友黎chill同傾計真係一流😜😜👍🏼👍🏼👍🏼

今日去了尖沙咀山林道！朋友介紹去食印尼菜！今日去食"峇里堂"是新開的印尼餐廳！裝修好有峇里風情！我們點了印尼咖哩牛腩金貝飯不變，招牌巴東牛展肉飯小食拼盤蝦片，炸蝦丸，炸魚餅，炸春卷印尼咖哩牛腩金貝飯$66咖哩香濃，牛腩淋滑，肉味香濃！金貝飯～有香矛，黃薑...不同的香料煮成！香香軟糯！巴東牛展肉飯$73巴東汁有小小小小小辣，牛肉好淋好入味！小食拼盤$69蝦片，炸蝦丸，炸魚餅，炸春卷每款都好好味！總結味道不錯！價錢合理份量有點小！

峇里堂在尖沙咀重開了，當然要去打卡吃東西吧😆。新店位於尖沙咀The Nate，對面街就是九龍公園，可以欣賞著景色吃東西享受的💕。餐牌上有多款食物選擇，還有特色小吃。💥雙色咖央多士 HKD$32，有別傳統的賣相，以桃紅/黑色造型登場，令到賣相更美觀特別。味道與平常吃的差不多，也是脆脆的多士，味道是甜甜的椰香味😚，這個做餐前小吃挻好的。💥峇里燒豬汁比高 HKD$48，這個貝果味道很香，滿滿的燒豬肉夾在中間，另有洋蔥和青瓜，令到口感更豐富😆。貝果口感煙韌，醬汁融入貝果口感更濕潤🤤。💥印尼沙嗲炒豬肉飯 HKD$55，這個賣相不錯份量十足的，豬肉和洋蔥的份量挻多🙈，聞到很香的沙嗲味，這個沙嗲味道是甜的版本。💥熱玫瑰鮮奶咖啡 / 凍杏仁鮮奶咖啡HKD$35，跟主食飯類有優惠價用HKD$18加購。熱飲的咖啡味道香濃，凍飲版本層次分明。環境挻舒適的，裝修是簡約清新風格。而近馬路的窗邊可以望到大樹，心情也會放鬆一點🙈。

今日經過尖沙咀食個快飯，見到呢間近排人氣幾高幾印尼菜餐廳，睇返佢哋先知原來前身係一間40年老店，而家由後生仔接手。簡簡單單我同朋友各自叫咗一個飯同飲品，我就叫咗醬燒雞脾飯，朋友就叫咗個燒豬肋骨飯，其實加$8就可以轉做金貝飯，係類似黃姜飯嘅，不過我哋就冇叫到。先講吓個醬汁，非常重香料同椰香味，超好送飯，雞髀大隻，整得好香口。豬肋骨肉質嫩滑軟熟，骨肉分離，輕易整開開嚟食，非常方便。由於個汁太好味嘅關係，好輕易就食晒啲飯，有少少意猶未盡嘅感覺， 如果飯量更多更好。另外飲品都好有心機，加$15就有杯拉花latte，其實都幾抵飲。而且用上3.7嘅日本品牌牛奶，質素好高。整體埋單每人都只係$70左右，但就食到好有心機嘅飯同飲品，絕對支持良心小店！

呢日同屋企人去左佐敦呢間印尼餐廳到食lunch，呢間餐廳一改我對印尼茶既印象，佢佔左全層，好大好闊落，望落似環境好chill既cafe。打開餐牌，見到除左有傳統既印尼菜，仲有一啲特色既crossover菜式。我地點左峇里式燒豬汁比高，估唔到印尼菜都可以黎個crossover，將充滿印尼風味既醬燒豬肉放入bagel入面，估唔到咁好味。另外仲點左峇里式豬肋骨飯，呢道菜既精華就喺個醬到，佢係落左好多香料，係正宗印尼既味道，好惹味。豬肋骨亦都煮到幾腍。另外加左8蚊轉金貝飯，即係用左香茅、檸檬葉、薑黃等香料再加埋椰汁煮成既飯，零舍有風味。呢度既cake同咖啡都唔錯！