峇里堂

营业中

休息中

#MC帶你去尖沙咀.中西日韓泰都食到悶，咁印尼菜又試過未呢？！➖✨ 峇里堂 𝘽𝙖𝙡𝙞𝙏𝙤𝙬𝙣.餐廳由1975年開業至今，歷史悠久，主打中爪哇料理嘅印尼菜，中爪哇料理偏甜，辣度較低；餐廳環境簡潔舒適，燈光柔和，以水泥牆配搭木系餐檯餐椅為主。➖🥢 雙色斑籣咖央多士｜$44（⭐推薦）.多士烘得十分香脆，賣相非常吸引！每件都有齊原塊牛油及香甜斑籣醬，口感十足，超級邪惡！➖🥢 招牌巴東牛肉｜$178（⭐必食）.巴東醬用上多種香料調製，濃而不膩，拌飯一流；牛肉燉得軟腍入味，入口香辣惹味；可以搭配金貝薑黃飯一齊進食，好好味！➖🥢 金貝薑黃飯｜$35.由香茅、檸檬葉、薑黃等多種香料，加上新鮮椰汁所製成，飯粒粒粒分明，非常乾身，搭配咖哩或巴東醬進食，一流！➖🥢 印尼沙爹炒豬肉配米餅｜$122.沙爹汁味道香濃但偏甜，加上有三塊香脆米餅，搭配軟嫩豬肉絲及洋蔥絲，口感豐富，好滋味。➖🥢 島風．微醺｜$74.以菠蘿汁、新鮮老虎生啤及鮮椰汁奶蓋調配而成。椰汁奶蓋綿密細膩，味道酸酸甜甜，酒味不太濃郁，容易入口。➖⚠️ 服務費｜Service Charge.全店沒有加一服務費➖➖➖➖➖➖➖➖➖➖➖➖➖➖

久仰峇里堂的大名，由1975年開業至今，歷史味道的份量，已足夠促使我前往一試，果真在峇里堂可以試到最美印尼滋味！印尼特色炒麵以其獨特的風味和口感而聞名。麵條保持彈性，搭配的新鮮蔬菜不僅增色，還帶來清脆口感，平衡整體味道。炒製過程加入印尼辣椒醬，帶來更多香辣感，讓味蕾更加活躍。印尼惹味炒沙爹豬肉配米餅中，沙爹豬肉的肉質鮮嫩，風味十足。每一口都能感受到濃郁的香料和花生醬，讓人回味無窮。搭配的米餅輕脆可口，整體口感更加豐富，香氣四溢。雙色咖央多士黑白相間的色彩，視覺效果非常吸引，別具特色。咖央的質地滑嫩，帶有椰漿的濃郁香氣，與略微焦香的多士相結合，形成獨特的甜蜜感。峇里堂街頭珍多冰冰口感清新，各種配料如紅豆、綠豆和果凍不僅增加了口感的豐富性，也帶來了視覺上的享受。配上椰子雪糕和甜潤的糖水，讓人感受到層次分明的風味，是炎熱天氣中的完美解暑良品。峇里堂 (尖沙咀)地址：尖沙咀彌敦道176號The Nate 3樓

✨峇里堂（尖沙咀）屋企人好鍾意食印尼菜 見呢間睇落好吸引就去試吓 餐廳開左40幾年～算得上老字號😆🐮峇里堂招牌巴東牛肉屋企人特別鍾情巴東牛肉😍 用上多種香料 食落甜中帶微辛牛肉食落軟腍大大舊又夠入味 🥰同埋唔會好肥～🍚金貝飯個飯粒粒分明 乾爽 食落淡淡香料味✨印尼沙嗲牛肉炒米粉呢個炒米粉都好好食 比想像中出色！調味岩岩好 米粉食索曬啲精華醬汁好入味 係會越食越上引🤍雙色咖央多士一碟有四件 多士烘得香脆 配埋牛油同斑蘭醬真係一絕 會忍唔住係咁食😆好邪惡🍹鮮椰汁海底椰冰椰汁味濃 唔會好甜 仲有啲海底椰可以咬下😆

細細個同媽咪去印尼餐廳，好鍾意佢嗰度雜菜飯，印尼沙律同特色飲品。大個咗就帶返媽咪去食印尼菜，搵返童年回憶😆位於佐敦的峇里堂印尼餐廳，以其獨特的印尼風味及濃厚的南洋氛圍吸引了唔少食客。加多加多沙律，這道經典印尼沙律以爽脆的蔬菜、豆腐、蛋及蝦片組成，淋上濃郁的花生醬，口感豐富，帶有微甜與堅果香氣，每一口都充滿層次感。主食方面， 我哋叫咗兩個午餐。峇里式豬肋骨飯令人驚喜，豬肋骨以印尼香料醃製入味，外層烤至焦香，肉質嫩滑且充滿南洋風味，配上印尼特色的辣醬，味道更添刺激。另一道 印尼炒飯同樣值得推薦，米飯炒得乾爽鬆化，醬汁調味適中，伴隨蝦仁與青蔥，讓人一口接一口停不下來。最後來一杯珍多冰作結，這款印尼傳統甜品以椰奶、棕櫚糖及綠色珍多條為主，冰涼透心，甜度適中。整體而言，峇里堂的菜色味道正宗，用料講究，氣氛亦非常愜意，適合喜愛東南亞美食的朋友一試。下次想嚐點印尼風味，不妨來這裡一試。

今日和同事去呢間餐廳食嘢，嘢食味道都幾好，做到買單時候發覺每個餐加咗$10，原來轉黃飯係要加$10，但係當時佢冇同我哋講，所以我哋每一個餐都多咗$10，我覺得如果白飯轉黃飯要加錢應該要講一聲

收工黎到呢間想食好耐ge印尼餐廳，一入門口見到貼滿chiikawa已經好開心，成個環境氣氛好歡樂🥰🥰我地嗌左幾樣沙爹主題食物，印尼沙爹好香甜濃郁，仲有花生碎添呀🤤炒米粉好有鑊氣，而且唔油膩～串燒即叫即燒，熱辣辣送上🔥🔥仲有必食咖央多士，多士好脆卜卜，加埋咖央醬同牛油簡直無得彈🤪🤪而飲品都好特別峇里星空特調🌟入面有洛神花、蝶豆花、蜂蜜、鮮檸檬汁等，調出來顏色好靚，飲落酸酸甜甜好正❤️峇里。星空 Bali Starry印尼沙爹串燒- 沙爹莉莉（魚+蝦混合）- 牛肉 - 雞肉印尼沙爹牛肉炒米粉 雙色咖央多士

約咗朋友嚟尖沙咀一聚，想搵間坐得舒服，食物又有質素嘅餐廳，上網見有唔少人推介呢間「峇里堂」。餐廳主打爪哇風味印尼菜，店內裝潢亮麗，以暖和嘅木色系為主調，配上開揚景觀，充滿活力同青春氣息。點咗 2 款主食，峇里堂招牌巴東牛肉 同 印尼沙爹牛肉炒米粉，一於齊齊開心 share。巴東牛肉選用了牛腱炮製，肉質腍身得嚟仲保留著一點咬口，食落軟熟又唔會太肥膩，醬汁用石栗、月桂葉、椰汁及香茅等製成，入口香料味十足，微辣惹味。沙爹牛肉炒米粉賣相亦非常吸引，牛肉炒得啱啱好，帶微微焦香，入口肉味好濃，腍滑又冇雪味；沙爹醬鹹香微甜，米粉幼滑煙韌，乾爽又彈牙。飲品點咗杯開心果拿鐵，Latte 用料十足，面頭灑滿粒粒開心果碎，入口順滑，散發濃郁堅果香。

餐廳位於繁華彌敦道旁，裝修係時尚的工業風，水泥牆面，但配上溫暖燈光。最推薦窗邊座位，居高臨下欣賞彌敦道街景。🦐印尼咖喱炒虎蝦 (四隻)主角四隻虎蝦份量十足，視覺感滿分。蝦肉口感紮實彈牙，幾新鮮。咖喱醬汁濃郁辛香，仲有椰奶的甜潤加香料風味，層次豐富。🍚金貝薑黃飯融合香茅、檸檬葉、薑黃等香料，歷時6小時蒸煮而成。成品飯粒分明、乾爽不黏膩，入口是淡淡的香料氣息。🐤蜜糖牛油雞全翼 (四隻)四隻全翼上桌，誠意十足。外皮烤至金黃焦脆，雞肉保持嫩滑多汁，蜜糖牛油的甜鹹風味幾討好。🍹峇里.爽脆以檸檬汁、菠蘿汁、益力多和梳打水調製，酸甜清爽，富果香氣泡感十足。🌟餐廳用餐氛圍舒適，品嚐到用心製作的印尼風味美食，價格合理，值得再訪。

今天去尖沙咀的宴峇裡島餐廳吃晚餐，真的好食，我們點了幾道菜，第一道是炒飯。咬上幾口飯粒分明，加上香料和配料的加入，吃起來很有層次，而且不油膩。真的非常開胃！接下來我點了沙爹串。我選了雞肉，雞軟骨和魷魚丸。雞肉營養豐富，口感酥脆，咬起來的感覺不一樣。魷魚丸嚼勁十足，美味可口。沙嗲醬濃鬱但不會太鹹。真的非常美味。另外還有奶油蜂蜜雞翼一定要試試，皮脆、奶油和蜂蜜的味道充分滲透。其味道甜美，略帶奶油味。我無法停止吃它！整體來說，菜色品質還是不錯的，還會再去的。

𓌉◯𓇋【尖沙咀樓上高質峇里菜👍🏻】第一次係香港食峇里菜🫢餐廳位置係尖沙咀同佐敦中間 作為聚會地點超方便！❀ 招牌•不變 巴東牛肉($178)見到大部分人都有叫呢道招牌菜！我就揀左微辣 但原來係偏甜口🙌🏻鍾意食辣d嘅建議嗌中辣或者大辣🌶️牛肉大大件燉煮得好淋 基本上都唔使點咬牛味亦好重！加$35仲可以有薑黃金貝飯！撈汁食超正👍🏻❀ 印尼沙爹牛肉炒米粉 ($114)即叫即炒好惹味🤭😍成座山既份量好抵食🙌🏻本身諗住會好重口味 點知調味拿掐得好好👍🏻一食吾停口😹極力推薦🤤🤤🤤❀雙色斑斕咖央多士 ($44)雙色已經幾特別 但原來仲可以另外加$7 升級至double牛油🧈真係邪惡到爆🙂‍↔️🙂‍↔️🙂‍↔️🤭留翻比有Quota既朋友仔去食🙊咖央多士一份有4件 一齊share做飯後甜品就岩岩好🤩🥳❀峇里•星空 ($49)賣相幾靚 洛神花微微帶酸 加埋檸檬同埋梳打水 幾開胃🤤完全唔會過甜⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰全部10分為滿分✨ღ味道：8.5ღ環境：8.5ღ性價比：8.5ღ回頭再食機會: 8.5🌟如果喜歡今次分享請比個❤️

I have always walked past this place but never tried it, until one day I was craving for some nasi goreng so we decided to give it a shot! What I love about nasi goreng is the flavourful spices and textures. Perhaps it was suited to HKer’s tastebuds, we could have an option for the spice level as well! The spice gives it a nice kick 🌶️ we got mild spice and it was just nice. The veggies that we got was also full of garlic and not overly oily. To satisfy my sweet tooth, we also got the Kaya toast

📍峇里堂BaliTown呢間印尼菜小編朋友幾年前食過，覺得唔錯，今日就帶小編來試下。巴東牛肉小編猶豫咗一陣，諗住食牛肉定雞肉，最後決定點呢款招牌巴東牛肉。橙紅色的巴東醬非常鮮艷，用咗多種香料煮成，層次豐富，食落甜中帶點辛辣，後勁十足。牛腱燉到非常軟爛入味，餸飯一流。峇里醬四季豆呢款醬汁比巴東醬味道更香甜，帶點椰糖香，香料有香蔥、辣椒等，非常惹味，四季豆爆炒到保持翠綠嫩口，連蔥炒到軟腍，真係好岩餸飯食，正！雙色咖央多士佢地好特別咁用咗兩款麵包做咖央多士，有芝麻面香脆，竹炭面則比較煙韌，口感特別。夾住的咖央醬和牛油比例剛好，唔會膩，好好味！薄荷甘草檸檬草草本茶食咗咁多重口味的食物，我地揀咗呢款熱花茶，清新芳香，飲落草本味濃，帶點甘草的甘甜，似涼茶，可以一試。整體口味正宗，調味都啱香港人口味，份量足，重點係唔洗加一，掂👍#尖沙咀 #佐敦 #尖沙咀美食 #佐敦美食 #印尼菜 #香港美食 #香港 #indianfood #hongkong

📍 「BALITOWN」 尖沙咀好耐冇食過咖央多士，好懷念呢🥰最愛係厚厚的牛油🧈一層層的冷凍口感😉係三樓的樓上鋪就有一間好岀色的雙色咖央多士，每次都會為佢而黎😘今日lunch 又食了🫶🏻🫶🏻✨ 雙色斑蘭咖央多士兩款雙色多士都非常厚，大大塊牛油好鬼死吸引、咖央醬係餐廳自家製，夾住班蘭醬同牛油，比例1:1班蘭醬好軟滑似吉士醬，熱辣辣既麵包皮🥯一凍一冷，脆卜卜😚✨ 香濃•惹味醬燒雞脾飯個雞髀飯一上檯大家都譁然咁鬼大隻而且真係燒得幾香 JENGG外皮金黃微脆，充滿香料紅椒等嘅herbs。食落係非常之香嫩，多汁而充滿肉味🍗配薑黃飯🍚✨蝦醬炒通菜好夠鑊氣，食落爽脆清甜，綠嫩嫩🥬✨ 纏綿牛油果整杯嘢攪拌均勻，第一啖飲落去有啲淡口，並無想像之中咁濃烈，亦都唔會好甜，係我最欣賞嘅😍之後慢慢就飲得出淡淡嘅牛油果、棕櫚糖、椰子水、鮮椰汁，感覺好fresh🩷

《正宗印尼料理🏝》———————————————-#Balitown 🇮🇩-呢間位於尖沙咀山林道嘅隱世樓上舖，走小清新路線，主打印尼菜，店面寬敞光猛，坐得幾舒服，可以望到彌敦道景色～-🇮🇩 印尼特色炒飯Nasi Goreng飯粒炒得啱啱好，粒粒分明，唔會黐埋一齊，醬油香同香料味濃郁，加上煎蛋，蛋黃流心，食落去更加香滑🍳-🇮🇩 印尼惹味炒沙爹豬肉配米餅用醃製咗嘅豬肉，搭配印尼特有嘅沙爹醬，味道濃郁，香氣四溢🥰 沙爹醬用花生醬、椰漿同香料製成，食落去有一種獨特嘅香甜感，唔會太膩😚 米餅口感爽脆，可以平衡豬肉嘅豐富味道👅-❄️ 芒果珍多雪糕冰用咗懷舊公雞碗🐓打卡一流，而且份量十足，上面仲有一球雪糕，可以選擇海鹽或者椰子味🥥我哋就揀咗椰子味，夠晒夾南洋風味 🌴-🍞 雙色咖央多士雙色多士好特別，多士烘得好脆，夾住班蘭醬同厚牛油🧈 ，見住佢慢慢溶化一滴滴嘅油超邪惡又好食～-⭐價錢參考：印尼特色炒飯：$102印尼惹味炒沙爹豬肉配米餅：$120芒果珍多雪糕冰：$74雙色咖央多士：$44🍌抵deal 指數：7/10

以前好似係傳統印尼餐廳？ 執咗笠之後好似個仔開咗呢一間新式嘅印尼餐廳。價錢好似比之前老字號嗰間平啲啲，應該都係吸引年輕嘅朋友，但係就冇咗以前我最鍾意食嘅印尼全餐，叫一個餐有10幾樣嘢食每樣少少咁好開心⋯而家搬咗去山林道口，都幾方便，主打快餐式嘅印尼餐廳，我覺得都OK嘅，因為而家都冇乜咁多印尼餐廳嘅選擇了