峇里堂

营业中

休息中

見openrice評價幾好，加上少有印尼菜，黎試下。入座計時80分鐘離座，上菜都算快。叫左印尼咖哩牛筋腩飯、印尼沙嗲炒豬肉飯、咖央多士同巴東牛肉牛角包。咖哩牛筋腩唔錯，入味，而且夠淋，加8蚊轉左金貝飯，幾香口。印尼沙嗲炒豬肉飯正常。而巴東牛肉牛角包有驚喜，味道好特色，略嫌50蚊黎講細左d，牛肉包又唔太飽肚，唔可以當正餐。咖央多士都唔錯，不過醬唔夠多，味道淡左少少，但夠脆口，有點失望唔係圖既黑色x粉紅色，係黃色加綠色，我諗應該係隨機？飲品方面，薄荷甘草檸檬草草本茶～唔係個個岩飲，好草青味咁，唔係個個接受到，我個人就唔中意。

有好同事真係好緊要💕 食咩同嗌咩食都會俾吃貨(= me😛)話事，淨係交低左句「影相唔好影咁耐喎📸️」哈哈哈～ 我就揀左食印尼菜🇮🇩既峇里堂💛講下我叫左餵飽4個人既肚皮啦💁🏽‍♀️(按受同事歡迎排列😛)➿ 印尼沙嗲炒豬肉飯 ($57)呢度既沙嗲比想像中甜好多呢，不過有青瓜絲balance番～➿ 峇里式豬肋骨飯 ($57)椰香味重🥥 豬肋骨肉質都幾軟冧～➿ 巴東牛肉飯 ($67)論味道上，呢個最香，甜、鹹、辣度都平衡得唔錯～ 牛𦟌炆得軟冧但得三舊唔夠分呢😜➿ 真•印尼國粹炒麵 ($64)係週末限定既炒麵啊💁🏽‍♀️ 同事形容呢碟炒麵好有唐人街既味道～ 配料有肉碎同什菜等等，份量幾多，啖啖都會食到料👍🏽跟主食嗌野飲會有優惠啊，除左炒麵～➿ 鮮青檸梳打 (+$18)➿ 鮮檸氣泡咖啡(+$19)➿ 薄荷甘草檸檬草本茶 (+$15)➿ 峇里之天堂茶 ($30)我試左兩款冷泡花茶☕️薄荷草本茶既甘草味好強烈，好有後勁🤭 飲落甜味幾重，係有層次既～而天堂茶就聞落去好甜，有莓果香氣☺️ 但飲落反而冇薄荷草本茶甜度咁高，又幾順口，唔怪之得幾多人推介啦😌見呢度有款bagel 😍🥯，評價都好似唔錯，下次試試佢先！

招牌巴東牛肉和沙嗲味道另人好失望。座位更加感覺很迫，因為我去個日係星期六日晚市時間。那種迫法好像覺得自己去左食茶記，當然價錢唔係一同一回事總括以言，真係唔想再去呢

幾年前去過峇里後非常懷念🏖咁啱尖沙咀有一間鋪食賣峇里美食就試試佢❤️食落覺得風味都幾正宗 好貼近喺峇里食嘅感覺🥢印尼沙嗲炒豬肉飯 $57+金貝飯 +$8印尼的沙嗲醬都係帶有甜味炒豬肉炒得香口亦都有濃濃嘅沙嗲汁加咗黃色的金貝飯粒粒分明嘅飯帶有黃薑味🥢參峇醬炒蜆 $66餸嘅份量都幾多配埋甜甜地辣辣地嘅醬汁同炒蜆都好夾🥢雙色咖央多士 $36黑色同粉紅色既多士好適合打卡😂食落都好脆身🍹峇里之天堂茶 $30呢款天堂茶係冇咖啡因嘅飲落嘅味道有啲似花茶加香茅既味道🍹柚子梳打 $37柚子梳打大大杯亦好解渴亦都唔會太甜餐廳環境好有文青style~好適合慢慢傾偈同影相打卡📸

菜式種類比較少。雞脾飯和其他的份量還可以、質素一般。薯仔炆牛肉只有三件牛肋骨片連少少肉的牛肉（是牛肋骨片，不是肋骨條！）、十粒薯仔、一小撮粉絲，同大半盤的黑椒汁。就呢個餸九十幾蚊。酒樓一籠牛仔骨都比佢多…。

今日去佐敦開會，lunch 時和同事在覓食時，突然想食印尼菜，於是我就想起「峇里堂」同事話ok 於是就行去位於The Nate 3樓的「峇里堂 」👻峇里堂裝修簡潔，似cafe ,感覺舒服！有主食，小菜，串燒，甜品和咖啡等選擇印尼沙嗲炒豬飯，以豬肉絲，洋蔥，加沙爹一齊炒.味道香濃惹味，配菜有鮮茄，青瓜絲，可以中和一下沙嗲的濃味！峇里式的豬肋骨金貝飯，豬肋骨肉質軟稔，金貝飯是用香茅，檸檬葉，薑黃，椰汁等製成，飯很香，而且不會太膩，配上醬汁味道剛剛好！雞腎，雞肉串燒，即叫即燒，熱辣辣上枱，雞腎大而厚，口感爽口！榛子鮮奶咖啡，味道香濃夠滑！午市跟餐$19👻

✨峇里堂💛• 呢間係主打印尼家庭式小菜😚好似仲係香港老店黎😆已經有45年歷史！呢度嘅環境好開揚又有落地大玻璃 而且座位好舒服 如果想飲水仲可以出去自助飲水機到斟水🤣同埋發現到樣野好搞笑😆喺張單度見到佢寫住「印尼姜糖」🤣🤣🤣————————————————❶ 印尼沙嗲炒豬肉飯 $55佢係切到一條條豬肉咁 肥瘦適中✨仲有啲洋蔥🧅調起個甜味😚沙嗲味都幾濃 惹味👍🏻個汁就甜甜地😚好岩撈飯食🍚🥳仲有番茄仔同埋青瓜絲 夠哂清爽🌟❷ 峇里式燒豬汁比高 $53呢個配搭好特別咁😼佢成個bagel burger係偏甜 而bagel唔會好硬✨煙韌有咬口👍🏻上面仲有啲罌粟籽✨入面有燒豬肉、青瓜、洋蔥🧅豐富返成個口感💛不過整體都係偏甜🤣❸ 雙色咖央多士 $32都幾得意👻一面黃色一面綠色✨烘到個麵包好脆！中間夾住牛油同埋咖央醬，但係個麵包本身就帶左啲甜味，所以加埋咖央醬就再甜啲！不過咖央醬都帶啲啲椰汁香味✨➍ 雞肉串燒 佢係每一份有兩條！雞肉比較細舊 容易咬開🥳但都算係烤得幾嫩滑 幾Juicy✨沙嗲醬仲有啲花生粒唔會過鹹😋❺ 玫瑰之香普洱飲落好大陣玫瑰味😋😋幾冰涼解渴🥳🥳————————————————推薦指數:

🍽 峇里堂▫️利申先今次係我第一次食印尼菜🤣細個成日見工人姐姐星期六晚會喺到撈唔同嘅嘢食星期日同佢班𝚏𝚛𝚒𝚎𝚗𝚍開心𝚜𝚑𝚊𝚛𝚎，但我一直都無問過佢試味😂估唔到原來又幾好食，同埋好啱香港人口味！💛💛▫️▪️印尼咖哩牛筋腩飯($𝟼𝟶, 𝚂𝚌𝚘𝚛𝚒𝚗𝚐: 𝟾/𝟷𝟶)牛腩份量都幾多，食落去軟惗😋印尼咖哩味道比較似港式咖哩，唔會話太辣/太甜，撈飯食一流～▪️吃不停口，巴東牛肉𝗔.𝗢.𝗣牛角包 ($𝟻𝟶, 𝚂𝚌𝚘𝚛𝚒 𝚐: 𝟾.𝟻/𝟷𝟶)呢個包食到我好辛苦，因為佢好多餡，食到我成手都係🤣巴東牛肉汁索哂入牛角包，但牛角包依然好脆，加上牛肉一樣軟惗，成個包好惹味！呢個真係可以一個人食兩個🤤▪️彩豔椰糖雪糕多士(椰子味雪糕)($𝟺𝟸, 𝚂𝚌𝚘𝚛𝚒𝚗𝚐: 𝟽.𝟻)椰糖食落味道有少少似焦糖但多咗入椰白，點落竹炭多士到食已經係一個好簡單嘅甜品💛加上椰子雪糕一齊食，椰香味𝚞𝚙𝚞𝚙！🤤▪️鮮奶咖啡($𝟹𝟺/$𝟷𝟼跟餐餐飲, 𝚂𝚌𝚘𝚛𝚒𝚗𝚐: 𝟽/𝟷𝟶)由於唔係主打咖啡亦唔係𝙲𝚊𝚏𝚎，所以本身都無太大期望，不過咖啡質素唔差，豆香味都幾出！合格！總括嚟講成價比喺尖沙咀入面係幾高！而且食物質素幾好！我有興趣再食多次🤣

成日都介紹東南亞嘅嘢食但係好似未介紹過印尼餐廳今次間峇里堂位於尖沙咀山林道交通方便，價錢親民，性價比高香濃惹味醬燒雞髀飯上到枱已經聞到好香而且醬汁非常多雞髀超大隻，直情大過手掌肉質結實，燒烤味甚濃醬汁甜甜的，襯埋乾身嘅飯粒，餸飯啱啱好峇里醬炒玉豆玉豆啫係我地食開嘅四季豆炒完唔會過老，而且咬落好爽身同Juicy醬汁顏色同個飯嘅汁幾似，不過都略有不同呢個峇里醬個汁更重香料味，仲帶小辣，更為惹味最後仲叫咗雞肉串燒，雞肉嫩滑有肉汁點埋沙爹醬非常滿足叫得Coffee Shop就點只咁簡單店舖有好多特色包類，唔同蛋糕甜品仲有好幾款咖啡，下午茶黎都有不少選擇

最近見到好多朋友仔去咗一間fusion印尼菜嗰度食嘢，作為¼個印尼妹嘅我，大大話話都食咗幾十年印尼菜，見到咁吸引就梗係即刻帶埋阿媽去試吓啦！唔知大家知唔知道其實印尼菜都好似中國菜咁食咗好多唔同嘅派系，呢間餐廳主打係印尼峇里島嘅菜式，媽媽話原來峇里島因為相比起其他城市冇咁多華僑聚居，所以佢哋嘅用料同埋味道比較重偏向當地民族人口味，因為印尼民族人本身鍾意食甜食，所以佢哋啲嘢食都會比其他省份嘅甜架！今日我哋都叫咗好幾樣唔同嘅菜式試吓，首先就係峇里式豬肋骨金貝飯。其實金貝即係我哋平時講嘅黃姜飯，其實係喺煮飯嘅過程裏邊加入左黃姜同班蘭葉製作而成。佢哋用嘅米同我哋平時喺香港食到嘅有啲唔同，偏向似珍珠米但係冇咁飽滿，米飯入口比較甜同濕潤，味道我覺得比較偏向新加坡嘅style。豬肋骨嘅肉一咬即刻分開，我個人強烈推介可以配佢哋嘅辣椒醬食你用，佢哋嘅辣椒醬好重蝦嘅味道，亦都有因應香港人嘅口味調配辣味比較溫和，都不錯吃。至於巴東牛肉牛角包我自己超級推薦！佢嘅巴東牛肉係我喺印尼鄉下食嘅80%相似，味道偏似微辣沙嗲味，屬於比較印尼傳統口味嘅style。裏面有牛肉同埋牛筋，全部都煮到軟林林嘅口感，牛肉嘅份量都幾多

平時都係食開西餐、日本野，所以今次決定試下哩間朋友推介既印尼菜餐廳。餐廳環境開陽闊落，設計好有文青feel。餐廳廚師係印尼人，所以食物既味道都好正宗，而且食物既價錢實惠，性價比都幾高。我地今次就叫左以下食物share👇🏻🐷峇里式豬肋骨飯 $57配珍珠香飯（可以加$8轉金貝飯）豬肋骨煮得軟腍，米飯濕潤，加埋秘製既醬汁，相當香口惹味，用黎送飯真係一流，好快就清曬成個飯，另外配有秋葵同埋蕃茄仔。🥐吃不停口·巴東牛肉A.O.P牛角包 $50哩個牛角包真係好有驚喜！咬落去超酥脆，裏面既巴東牛肉微辣惹味，肉質相當軟腍，因為加左椰奶既關係，醬汁仲有啲甜甜地，入面仲加左青瓜片，令口感更豐富，真係食唔停口😆好食推介👍🏻🥪雙色咖央多士 $36多士既顏色好靚，好啱打卡📸️而且多士烘得好脆，裏面既咖醬央味道甜甜地，一咬落去鬆脆好味😋好食推介👍🏻☕️玫瑰鮮奶咖啡 跟餐加$19鮮奶咖啡上面有玫瑰花瓣，成杯野好靚，又係好啱打卡📸️飲落有淡淡玫瑰香味。🧃樽裝蜜桃汁 跟餐加$11好濃稠既蜜桃汁，味道香甜。整體黎講，哩間餐廳既食物質素真係幾高，而且價錢唔貴，未食過印尼野，又想試下既話，都好推介你黎試下。

峇里堂係尖沙咀The Nate 3樓，升降機入口有少少隱閉～過咗馬路係大廈左邊就會見到個指示牌🪧 Walk-in好好彩咁啱有窗口位，陽光充足❣️餐廳環境唔錯，夠闊落唔會焗促☺️而且因為用咗全層做餐廳，都算多枱👍🏻⭐️不變·招牌巴東牛展肉配金貝飯⭐️牛展肉好爽好易咬開～巴東醬好香好惹味，微微辣配飯好好食😋金貝飯有香茅同黃薑味，但香料味唔會好嗆，配埋個汁食好夾👍🏻飯唔會太軟，有𡁻口～而且越𡁻越香～就咁用汁撈飯都可以食得晒🤤伴菜用咗山葵都幾特別～～⭐️峇里式豬肋骨飯⭐️豬肋骨比想像中細份同少啲🤔不過味道都好嘅～豬肋骨煮得好入味，呢個汁送飯都好好食，不過汁都係相對比較少🥸比較兩個飯都係鍾意招牌巴東牛展肉飯多啲😆 兩個飯嘅份量都算正常～但食完已經飽咗…食唔落甜品…🥺 ⭐️椰汁紅豆冰⭐️椰汁味好香，好似一杯飲得嘅椰汁紅豆糕咁😂唔會太甜～好好味🥰⭐️杏仁鮮奶咖啡⭐️杏仁味好出，唔會被咖啡味掩蓋咗～幾特別👍🏻 餐廳坐得舒服，好適合閒hea傾下計。但坐耐咗窗口被陽光曬住背脊會有啲熱…😅同埋近窗口邊嘅坐位係無椅背，後面已經係窗嘅玻璃，坐得耐會有少少攰…🙈 整體食物味道都好好❤️～會想再去試下其他菜式😋如果多啲人可以叫多啲款式s

今晚一家有老有嫩一行8人晚飯，入到去啲職員已經好唔禮貌咁叫我哋量體溫及用安心出行或填表......咁都算😕😕入座後，發覺係風口位，咁已經安排咗啲細路坐係啲細風位置，而兩個老人家都唯有坐大風位.....因細風位得兩個，其他位都大風及凍嘅。 老人家著晒啲外套及風褸都仲係凍，咁就要求啲職員調較細啲個冷氣，佢係我視線範圍之內有咁度遙控， 但我覺得冇乜分別。 前前後後我要求咗三次較細啲個冷氣，次次都係我面前做樣，溫度無改變過，由始至終都咁大風，重點係我每次提出要求，佢哋嘅態度都勁差，好似我專登搵嘢煩佢哋咁🤦‍♀️🤦‍♀️結果我老爺仲吹到頭痛🤬🤬。 食餐飯，食到咁受氣😫😫絕對無下次😡😡

印尼餐廳香港一向唔多，而且都真係超耐冇食過印尼嘢，今日有幸同朋友去咗尖沙咀峇里堂試下新派印尼fusion菜。今次order咗雙色咖央多士、醬燒雞髀飯、特製峇里式串、椰糖雪糕多士同埋蜜桃汁。雙色咖央多士既有傳統咖央嘅味道，亦都有新派煮法，多士有綠色同黃色兩種份外特別，絕對係打卡之選。醬燒雞髀飯就好有傳統印尼菜式嘅味道，用咗印尼嘅特製醬汁，燒雞髀就好juicy同埋慢煮關係煮得好冧。特製峇里式串燒得好惹味，最緊要點埋個印尼傳統沙嗲醬，絕對係食到停唔到口之選。椰糖雪糕多士就真係第一次食，面層舊雪糕揀在海鹽味連埋底層多士食個口感絕對特別，但係又好夾。蜜桃汁就係由印尼運嚟嘅支裝飲品，絕對係印尼本土特色，有機會我一定會再黎食印尼餐。

可能大胃之母係印尼華僑，大胃冇乜出去食過印尼餐廳但由於家母好耐冇煮印尼菜，所以陪吓胃民出去食啦峇里同一般印尼菜有咩分別呢？大胃都唔太清楚，不過印尼菜之中，咁大個雞髀就唔常見喇，呢間唔似一般印尼菜咁，會煮到啲肉嚡熠熠，啖啖肉得嚟又滑，醬汁入晒味配埋金貝飯真係超惹味，冇得彈巴東牛肉係大胃必選印尼菜餚之一，醬汁香濃，牛肉又比正宗煮法煮得更腍，相信大胃之母食完都會讚印尼嘅咖喱會落重椰汁，所以大胃好鍾意食，呢間相對感覺冇咁膩，牛筋腩都好嫩，薯仔先煎後熬，入味得嚟唔會散呢碟通菜係用印尼蝦醬炒出嚟，以大胃所知，印尼啲蝦醬係好辣，所以呢碟相當具挑戰性，雖然胃民話唔係好辣雙色咖央好IGable，裡面夾咗薄切牛油，同咖央融為一體，咬落烘得脆卜卜，佢為前菜甜品都唔錯印尼咖啡都係世界名物嚟㗎，呢杯咖啡比較重烘焙香，唔知係咪印尼咖啡都係咁嘅呢？夏日炎炎，梳打最解渴食完真係好想叫大胃之母煮返印尼菜