峇里堂

营业中

休息中

第二次食呢間位於尖沙咀嘅印尼fusion樓上餐廳因為第一次食完之後覺得好正所以再encore環境帶食物質素好同埋價錢都幾抵上次試咗佢嘅bagel同埋峇里式豬肋骨珍珠香飯今次決定試吓佢嘅巴東牛角包、印尼咖喱牛腩飯同埋雙色咖央多士牛角包份量比想像中細不過食過一試難忘佢啲牛肉醃都好好食，有幾塊青瓜成個配搭好夾，唔會覺得好肥鍾意呢款多過bagel咖喱牛腩好入味肉質都幾淋，唔會癡牙有幾舊薯仔，有好多汁，撈飯一流個人覺得金貝飯味道好特別有啲香茅同埋黃薑味，好惹味雙色咖央多士一直都好想試顏色好靚，味道都唔錯佢唔算好甜，咖央醬同埋牛油比例啱啱好如果塊多士烘得脆啲會更好飲品方面試咗伯爵茶同埋普洱茶跟set加$15就有嘢飲每款冷泡茶都係獨立支裝不過size比上次細食完重口味嘅食物時有啲唔夠喉茶味唔算重，食完野飲落好舒服仲可以解膩整體真心唔錯性價比高，普遍食物都好好食仲唔使加一個人覺得好食過上次經過會再幫襯

我地係五人入黎用餐，餐廳可以安排到五個人中間隔一塊膠咁坐埋一齊。餐廳內店面基本上得2名職員，所以都幾忙幾分身不暇。水都唔會汁比你，要自助。我地叫左串燒(包括雞腎、雞肉、仲有一舊應該係蝦同魚搓埋一齊製成嘅好似魚糕嘅物體，名叫特製峇里式串燒)、小食拼盤、正宗印尼麵(餐牌上真係寫明話係正宗，話一定要試喎所以就叫下啦)、人見人愛加多加多沙律、巴東牛展肉飯轉金貝飯、印尼沙嗲炒豬肉飯同樣轉金貝飯。(金貝飯係黃色嘅混合香料同椰汁嘅飯)由加多加多沙律講起，對於平時唔中意食菜嘅我黎講係意外同驚喜嘅。佢有椰菜、蛋、薯仔等嘅配料加上甜甜嘅特製醬係上面，再配有脆口嘅蝦片，非常適合作為前菜，爽口開胃。然後係3個主食，轉左金貝飯固之然成個飯無論視覺感官上定味覺上一定有提升，不過2者都多汁所以食落始終會只留意到個汁嘅味道。巴東牛肉本身係辣嘅，但一向唔食得辣嘅我又覺得冇乜問題絕對食到！但如果真係太驚辣的話都可考慮沙嗲炒豬肉飯，呢個就確保唔辣。貫徹峇里食物風格，兩個飯同樣係帶甜味嘅，我覺得不錯幾有特色。而麵，都係唔辣嘅，都幾好食架。至於串燒，同樣係點甜甜嘅沙嗲醬，正常嘅味道冇乜特別。小食拼盤有蝦片(其實麵同加多加多都有

峇里堂💛峇里公雞珍多冰冰 $44雙色咖央多士 $36巴東牛肉飯 $67峇里式豬肋骨飯 $57-峇里公雞珍多冰冰好香嘅椰汁冰👻再配上好甜嘅紅豆同埋一啲類似細個食綠色嘅椰子糖但佢係一條條 同埋質感係比較軟身啲嘅同埋一啲甜甜地唔知乜嘢嘅黃色粒粒🤣·雙色咖央多士個樣有啲似百潔布🤣真心推介呢個！因為佢幾好味😋佢入邊間住一層牛油因為佢即叫即整所以熱辣辣食食吓個牛油其實係會融鬼咗🤣牛油嘅香味再加上入邊會有層咖央 超正😍成個觀感 味道同口感上都jeng🙈·👆🏽呢個係我個friend食嘅巴東牛肉飯👆🏽呢個係我個friend食嘅峇里豬肋骨飯-16/8 eat唔寫得好詳細㗎啦💁🏻‍♀️如果下次嚟食我會想試吓佢嗰個印尼炒飯🥺本身有諗過食㗎但因為得返一個鐘同埋dinner所以先唔食咁多嘢🤣-好味程度：🌕🌕🌕🌑🌑抵嘅程度：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑

招牌巴東牛展肉飯$67 (金貝飯+$8)同Menu幅圖超似🤣 不過抺抺碗邊個更靚🤣🤣🤣 個汁偏甜 好香嘅椰奶香味 牛展幾腍身仲幾大舊 嗰兩條秋葵比想像中好食 最有驚喜嘅係個金貝飯 好香嘅香茅同椰汁味 仲有淡淡嘅薑香味 推薦！ 不過第二次食嘅時候無咩汁 個飯就淡味左好多 仲有啲齋😥 希望佢每次都keep住咁多汁 -峇里式豬肋骨飯 $57今次叫咗白飯 失色咗好多 唔夠多汁 所以勁齋 但有四舊豬肋骨 都唔錯 多啲汁會好好多 -雙色咖央多士 $36呢兩碟係分開兩日食 顏色應該係隨機 但係好搞笑 😆 一口size 幾方便 個包有烘底 但係好快凍左個包有啲硬 唔脆身 唔夠蘇媽蘇媽嘅多士好味 冇咩咖央味 -峇里堂珍多公雞冰冰 $44 有芒果 紅豆 珍多(綠色啫喱) 仲有啲黑糖 幾香甜 有椰奶味 唔會太甜 幾正的甜品 安心出行張紙係揼落垃圾桶度好搞笑 服務態度幾好 叫佢閂細少少個冷氣 都即刻有幫手 又會俾多張櫈我哋擺嘢 但係個冷氣太凍 吹到啲食嘢好快凍晒 如果唔係一定更加好食😥

今日放工後同朋友入依間餐廳食飯，因為我朋友已經食了晚飯，只係陪我，但佢都有叫咗一個四十幾蚊嘅甜品，而我就叫咗一個飯。入到去其實仲有好多位吉嘅，但都有限時，限時唔緊要，重點係完全唔事先通知客人有最低消費，枱面亦無寫，得餐單上一細句提人最低消費，句嘢真係細得好離譜，而侍應亦無提過，入座前同落單時都無，係入完單，先慢慢走過嚟話唔夠低消，我朋友因為真係唔想浪費，所以想轉餐廳，就同個侍應解釋返，但我個飯已經到咗，惟有硬食，食完個飯啲調味料搞到我係咁咳埋單時個老啲短曲髮嘅女人侍應不停指責我地，唔係講兩句，係不停講，講到入𨋢前，啲語氣同服務態度超差，大佬如果你事先聲明，就唔會搞到咁麻煩。其實好多甜品舖同cafe先有低消，你有低消唔緊要，點解話有限時個陣唔講埋，同埋個低消價錢係57蚊，餐單上嘅飲品同甜品都低過57蚊，啫係逼人叫飯或貴嘅海鮮，個餐單提示低消又寫得超細，好似個陷阱咁，重點係個老啲嘅女侍應語氣真係好差，可能見後生女就不停鬧人，之後睇返依間餐廳嘅負評，果然好多人話返佢嘅服務態度好差，嘢食又一般，以後都唔會再入嚟幫襯，永久blacklist，貼錢買難受。

見唔少人推薦，據說有超過45年歷史印尼餐廳老字號，價錢唔平好評都多，搵日去左一試餐廳係The Nate, 採光好好，窗對住綠樹感覺好舒服參峇醬炒蜆 第一次食參峇醬，食落辣辣甜甜，好有椰汁香，好好味，越食越想有法包去點黎食😂蜆都有好多粒，可以食到好滿足~呢碟炒蜆值得推薦👍峇里式燒豬汁比高 $53Poppyseed bagel 應該係買返嘅現貨，口感上都算紮實比較軟Q，唔係好煙韌個種。不過夾餸入面嘅話呢個口感係會食得方便d. 中間豬肉碎同燒豬汁幾惹味，佢個香料幾熟悉，有DD 似咖喱，個味道唔錯。仲有青瓜片同蕃茄清爽balance 味道不變•招牌巴東牛𦟌肉 配金貝飯 $66 +$8第一次黎似乎應該叫呢個招牌，另外加錢將白飯轉金貝飯，即係薑黃飯。會帶有椰香同香料味，同個巴東牛肉好夾。 牛肉炆得好軟腍，係另一款香料味不過都一樣幾惹味。3款唔同醬汁其實各有特色，不過我最鐘意係個蜆sauce. 有機會下次黎再試埋其他菜式

似係一間簡單食肆的Cafe，叫咗巴東牛腩飯，與傳統的巴東牛肉飯完全不同，牛肉變咗用牛腩，太淋，與傳統一絲絲的牛肉質感不同，而且出面完全冇鬆脆嘅口感，醬汁太甜，完全一啲辣味都沒有，黃姜飯就過得去啦，這間餐廳似係呃啲妹妹仔未食過正宗印尼嘢食的，而且出菜速度太很快，感覺似係加熱，完全一啲鑊氣都沒有，菜式少了印尼特色的香料味道，真心失望。與舊鋪好完全係兩碼子嘅事， 不知道大廚是不是走了，還是老細只是掛名的。

餐廳環境空間頗寬闊，只是假日的食客同樣多，建議預留等候時間。以印尼地道菜式作主打，加上串燒、小炒配菜及充滿東南亞風的包點和甜品，選擇豐富。峇里式豬肋骨飯 ($57) + 金貝飯 ($8)• 豬肋骨處理十分香腍入味、充滿肉汁，細咬已經可以把豬肉從骨中分離，非常滋味。• 金貝飯口感顆粒分明，吸收了肉汁在內，變得香口。• 伴碟會有分半的車厘茄和秋葵兩根。鮮檸氣泡咖啡 (+$19)• 上半是咖啡的部份、下半則是檸檬梳打。• 而檸檬和咖啡所帶出來的味道比例是7比3，酸甜的檸檬梳打味道清新自然、微微帶出咖啡香，容易入之餘還帶有種透心涼的感覺。

上網一搵尖沙咀印尼菜 個個都推介呢間 就決定黎試下 睇下好唔好食🤣果然 真係唔錯又抵食☺️☺️ 餐廳真係6:00 先開閘我地早到左 就無得入去 唯有行到差不多先上去🙈 一去到餐廳 無人 我地係第一枱客😎🤓 但之後都陸續好多客人黎食 店員安排我地坐窗邊位 可以睇到樓下街道景觀🚌🚛🚙店內環境都較為簡單 安靜 🏙水吧同廚房 分開兩邊 所以係餐廳內都唔會覺得好大油煙同嘈 ☺️👍🏻👍🏻 我地兩個人食 都叫左唔少野食 特別欣賞係 呢個 沙爹炒豬肉飯（金貝飯）😍1️⃣ 印尼沙爹炒豬肉飯（金貝飯）（$57+8）呢個飯 真係好好食 食過最好味既飯😂😂 沙爹醬好夠味 又唔會太辣太咸配搭豬肉條 同油飯 真係好惹味😋😋 配菜仲有清新的青瓜同蕃茄 整體食落 唔會太油膩 👍🏻👍🏻👍🏻❤️ 必食之選 👍🏻👍🏻👍🏻👍🏻👍🏻2️⃣ 巴東牛肉AOP牛角酥 （$50）呢度既包點都好有特色 平時食 牛肉都係夾 釗包 但呢度係用牛角酥 平時好鍾意食牛角酥既我 當然一定會叫😂 一上菜 見到個牛角酥有啲細😅 $50有啲唔抵但食落 牛肉口感 腍身 而且好入味 加上牛角酥的鬆脆可口 配搭埋青瓜 整個酥 食落係唔錯 如果啲肉多啲 個牛角酥大啲 就更好😂

之前係銅鑼灣食完印尼野，覺得口味都幾啱我，所以就開始發掘周圍嘅印尼菜，今次搵到間有45年歷史嘅家庭式印尼小菜，入到餐廳播緊好relax既音樂，窗邊仲要係樹景，好Chill！峇里式豬肋骨飯（$57）佢個咖喱汁椰汁比較重，小小辣，啲豬肋骨掛曬咖喱汁好入味！但係唔覺有味精，果然係家庭小菜，健康又好味！-雙色咖央多士（$36）賣相好靚，佢入邊唔似新加坡馬來西亞嗰啲一大塊牛油，反而用咗一層奶油，冇咁膩但係都keep到個種creamy 質感，而且每啖都食到咖央味，不錯！-熱情果汁（跟餐$11）因為好口渴所以嗌咗果汁，但係佢唔係自製係樽裝嘅，比較甜，下次應該會叫佢自己製嘅特飲會比較有特色！🌟整體評分：4.177/5

餐廳環境開陽，採光良好，設計風格好有文青feel，窗邊街景係一條種滿樹木🌲嘅彌敦道，唔講唔知原來呢間餐廳係有超過4️⃣5️⃣年歴史嘅老字號，牆身掛住當年原址嘅舊照⠀⠀⠀⠀⠀⠀⠀⠀⠀餐廳叫餐好似酒樓咁填紙仔✍🏻，填嘅時侯見到我想食嘅燒豬肉汁𝐁𝐚𝐠𝐞𝐥竟然賣曬😞，真失望，唯有下次再黎💪🏻，唯有食住其他招牌菜先😋峇里式豬肋骨飯 👉🏻$57配珍珠🍚香飯（可以加$8轉金貝飯）珍珠米飯一粒粒幾軟糯，豬肋骨好大舊，炆得好腍，骨肉分離，加埋秘製既椰香醬汁，香口又惹味😙，送飯一流，勁快清曬成個飯，另外配有秋葵同埋蕃茄仔 蝦🦐醬炒通菜👉🏻$58本身我好怕印尼蝦醬好辣同好咸，點知味道岩岩好，通菜好青嫩好爽口，而且唔會好油雙色咖央多士👉🏻$36黃黃綠綠好靚好啱打卡📷，多士烘得脆口但保留少少軟熟，裏面係咖央醬，甜甜地，仲夾咗薄切牛油，係唔錯嘅甜點⠀⠀⠀⠀⠀⠀⠀⠀⠀玫瑰🌹鮮奶咖啡☕️跟餐👉🏻加$19 落左大量嘅玫瑰花，玫瑰味好出👍🏻，咖啡香濃奶滑，飲完即刻解膩😎藍花之伯爵茶👉🏻$30伯爵茶味幾清香，但花味唔太出，茶用膠樽裝住，飲唔曬可以拎走，幾方便

因為喺尖沙咀意外地發現一間食印尼野嘅餐廳 呢間係位於彌敦道一間商業大廈 入邊裝修得幾靚 令人幾舒服而且價錢絕對經濟實惠印尼沙嗲炒豬肉飯 賣相相當唔錯 豬肉份量好多 轉左黃飯嗰陣薑味好香 豬肉有印尼風味 攞嚟送飯真係一流峇里炒肉豆 份量好大好好食 肉豆新鮮食完之後有肉有菜非常健康巴東牛肉牛角包 意想不到牛角包配巴東牛肉係咁夾 而且牛肉係粒粒分明唔係肉醬 咬落去好有口感 呢個值得推介椰菜雪糕多士會椰子味雪糕 賣相好靚 係烤過嘅多士再配椰子雪糕 所以食落口又凍又熱 非常之好cappucinno 食完野飲杯熱飲真係好滿足Hazelnut Latte 甜度適中 非常之好飲

原來山林道有間咁開陽嘅餐廳～舖頭環境真係好舒服望住綠油油嘅樹境食飯～空間感又足～巴東牛肉牛角包🥐初初仲驚唔襯但原來甜甜地嘅牛肉同個包又幾夾個牛角包有夠晒酥脆～細細個唔會太飽～烤雞髀薑黃飯烤雞髀好香口配埋個甜甜嘅醬汁食好惹味薑黃飯夠晒健康～不過唔鍾意薑黃嘅配白飯都一樣得辣椒膏炒蜆勁惹味～初入口帶甜～但食食下個辣味係慢慢滲出嚟呢度雖然檯檯都點咖啡不過原來冷泡茶都好好飲😎玫瑰普洱茶都係第一次飲個唔到咁match

第一次食印尼菜 估唔到都幾有特色 我要咗個沙嗲炒豬肉飯 豬肉炒得好入味 又唔會太硬 朋友要咗豬肋骨 佢話軟腍好食 除咗兩個飯我哋仲加咗兩串雞軟骨 燒到好似日本居酒屋咁好食 最主要都係個醬汁好味不過我哋最鍾意嘅都係雙色多士 粉紅色配黑色 型格得來又時尚 簡簡單單嘅食物都做得出色 麵包香脆 雖然有顏色但係唔會有香料味 餡料係kaya 飲品我哋就叫咗熱情果汁同埋青檸梳打 兩樣嘢都係酸酸甜甜啱晒夏天飲 唯一有少少驚奇嘅係熱情果汁唔係自家製 而係樽裝果汁

早前去好多Foodie都有介紹依間印尼🇮🇩餐廳，其實👩🏻好鬼鍾意食印尼菜嘅，唔單止係印尼撈麵，仲有巴東牛肉、串燒同印尼炒飯。.峇里堂就喺上一個post嘅婆婆珈琲屋樓上，餐廳採光度足，空間都好大，都不失為打卡嘅好地方。.印尼咖哩牛筋腩飯$59首先👨🏽就叫咗咖哩牛筋腩飯，其實食落就似港式咖哩，不過就多咗少少香料味。咖哩汁少咗啲，但整體味道正常，唔算有驚喜。.不變•招牌巴東牛𦟌肉 配金貝飯 $66 (+$8)巴東牛肉一定係食印尼菜必食啦！另外👩🏻就將白飯轉咗做金貝飯，即係薑黃飯，仲帶有椰香同香料味，同巴東牛肉好夾，依個飯會比咖哩牛筋腩飯惹味啲。.雙色咖央多士 $34見到有食評話綠色好似百潔布🧽，又真係有啲似嘅🤣。味道嚟講就蘇媽蘇媽嘅咖央多比較好味，咖央醬同牛油嘅味道比較平衡，峇里堂嘅咖央味唔係好夠。.峇里堂珍多公雞冰冰 $42竟然用公雞碗裝珍多冰😍，份量兩個人食都得，配料有綠豆粉條、紅豆、芒果，同最估唔到嘅大樹波蘿，喺香港好似好少見到大樹菠蘿嘅踪影，鍾意嘅可以試下。.最後埋單有個小驚喜，見到單上面寫”So I say I Love you”，岀單嘅係印尼姜糖🇮🇩，姜糖們，識做啦！🤣.Foll