岩鹽日本料理 (利舞臺廣場) (已結業)

岩鹽lunch set，價錢唔算太貴，但比嘅料都算可以！嗌咗一個$188 set，有兩件三文魚壽司，有海膽壽司，又牡丹蝦，有拖羅壽司，個set跟埋湯，茶碗蒸，沙律，烏冬，仲可以揀飲品或雪糕～我覺得拖羅真係無得輸，入口即溶，個味道留喺我個口到一段時間，真係值得回味。海膽壽司，我通常都會用筷子撩一啲食下，就咁成的話有小小甘甘地，連埋飯食都可以。牡丹蝦，阿容好新鮮，食埋黑頭簡直回味無窮。唯一我覺得啲壽司飯偏酸，呢一個可以改善。其他烏冬，沙律，茶碗蒸等都可以，用價錢來講我覺得呢個值得推介。