岩鹽日本料理 (利舞臺廣場) (已結業)

真的很好吃，午餐套餐的比例很大！ 但是服務真的很差。。例如，女侍應完全不理你，甚至沒有眼神交流。 此外，當您告訴他們您的訂單時，服務器根本不會說什麼，甚至不會口頭或非口頭確認。 他們每次都只是默默地走開。 有點不舒服。香港相當不錯的日本餐廳，價格合理，不太貴，食物本身新鮮可口，我點了 Kaisen don 午餐套餐，配有沙拉碗、味噌湯和 chawanmushi（蒸雞蛋）。相當不錯的日本料理。 他們專注於（日本水壺米飯）。 我的朋友吃了三文魚配海膽。 他們對海膽的數量非常慷慨，128美元的午餐配有許多配菜。 肯定會推薦這個地方。 我朋友有他們的招牌牡蠣 kamameshi，也一樣好。 值得一提的是，他們的 kamameshi 配有大量栗子。 因此，如果您是栗子愛好者，請盡情享受，如果相反，請小心。

Hokkaido Seafood Kamameshi❤️🦀🐟🐚🍚🥢..銅鑼灣利舞臺，最近成為我新蒲點。吃飯選擇不少，除左中菜廳最近意亦到訪一間日本餐廳🥢，主打日本傳統釜飯🍚 & 磯燒海鮮。幾年前吃過，印象中水準不錯呢。今次一場黎到，當然要試試他家推薦既釜飯呢😋，因為據說係從日本訂造既釜飯機，令火喉控制得更好，有助令飯粒吸收上湯 & 配料精華喔。🧡燒明太子🍣鮪魚雙色卷🐟唐揚多春魚🥠土佐炸豆腐🍚北海道海鮮釜飯🍹蘋果荔枝薄荷玉露🍸火龍果乳酸梳打釜飯你吃過嗎❓ 其實類同港式煲仔飯，但日式當然更精緻更高級呢。用上北海道海鮮：三文魚、魚籽、鰻魚、海膽，款款都的我心❤️，飯粒吸盡海鮮鮮味，更好吃。其他小食都同樣滿有質素，炸物更控制得好好。炸豆腐外皮香脆而內裡嫩滑，蘸點醬汁同吃更惹味。多春魚🐟 香酥不油膩，魚身飽滿。2款都係佐酒佳品呢。精緻日本菜，相信是百吃不厭喔🥢。..×××××ש銅鑼灣波斯富街99號利舞臺廣場16樓A舖..

呢日放工之後同男朋友去左銅鑼灣呢間日式餐廳食dinner，餐廳既裝修好靚，地點亦都好方便。我地都幾肚餓，所以點左好多野食。首先點左廣島蠔釜飯，呢個釜飯入面有大大隻既廣島蠔，加埋野菌同埋青菜，豐富又健康，食幾啖再倒入清甜既湯，變成湯飯咁食，正！另外仲點左串燒盛盒，呢個串燒combo有8款唔同既串燒，最鍾意就係雞軟骨、牛舌同埋燒雞翼。雞軟骨既口感好脆，雞翼就燒到層皮好香，勁惹味。黑松露雜菌玉子燒幾嫩滑，啖啖都有黑松露既香氣。三文魚風味卷層次豐富，正！香煎鵝肝帶子都唔錯。

與老公在銅鑼灣逛街後，便到岩鹽吃晚飯。格局是高級居酒屋，裝潢舒服，座位寬敞。而且酒吧位置有每晚最新鮮的魚類貝類，任你選擇。日本茄子田樂燒 $78茄子厚肉且甜，重點是味憎醬，厚厚的一層搽了在茄子上，更顯鮮味。明太子天婦羅 $88紫菜包住明太子再加炸粉包住，做了天婦羅，沒有油膩感，紫菜被炸後，仍然脆得很!日本豚肉腸陶板燒 $148腸是用黑豚肉來整的，下面是蠟燭來熱烘著，所以腸的皮被熱得脆脆的，而內裡是軟林的。和風牛肉釜飯 $128牛肉入味，而且嫩滑，飯粒粒分明，咬感十足。最後仲有一壺茶，給你用來當茶漬飯來吃。蘋果玉露 $32, 碟豆花乳酸梳打 $32兩杯飲品很精緻，酸酸甜甜很是開胃。

銅鑼灣一向多野食今日試下新野先係最常見嘅日本餐廳餐廳環境感覺乾淨企理午市人流不算多不用等位 我同朋友仔見唔洗等就直接衝左入去Lunch menu 有好多唔同款式定食炸物、魚生、涮鍋最後決定同朋友一人一個魚生飯我食左北海三色丼$168 配沙律 蒸蛋 味增湯 飲品三粒帶子 但感覺好細粒海膽份量有點少，剛鋪滿飯三文魚子份量相對多點 味道不錯 都新鮮蒸蛋無咩味朋友食左九州魚生丼$158 配沙律 蒸蛋 味增湯 飲品份量睇落大過我個飯味道正常不過不失

8月29號夜晚 6:45pm 大約準備入座我哋一行7人由於上一次佢係比一張大枱我哋再四個隔開今次佢就分開咗我哋兩張枱我就循例問吓 我哋上次可以坐埋一齊 點解今次冇得坐埋一齊嘅？個帶位立刻增大對眼望住我惱啤咁講:因為今次帶枱冇晒位囉 小姐到底係咩服務態度？我一直都想上網搵佢哋嘅customer service投訴呢一位服務員 但完全無contact!!!到入座想點餐 又永遠都無人就算俾你落咗單 又甩單好差好差 完全唔知今時今日仲有d咁差質素嘅餐廳

咁呢間餐廳都食咗已經好多次㗎啦。睇算係我小數會返轉頭食嘅餐廳你嘅。價錢大約係喺200蚊左右啦晚先嚟講。咁個質素係真係算係唔錯嘅日本餐廳啦。比起千兩同元氣係高一個class嘅。但價錢就真係算係偏平。咁我哋就嗌咗兩個晚市定食啦 。咁就會跟湯同埋沙律同埋可以揀一個飲品或者雪糕嘅。咁我哋就都係食咗魚生飯同埋壽司啦。，餘生係新鮮嘅，帶子刺身係好食。而且分量非常之充足。如果係女士，淨係嗌過真係食咗壽司已經夠飽，但個他們跟埋烏冬嘅。另一個係九州魚生丼。咁我唔會覺得係就咁嗌壽司定食會比嗌飯定食好啲。但都ok嘅幾好食。咁佢晚市呢仲有一啲2人 餐同四人餐嘅。咁分量就比較大啦，大家視乎食量而叫。

想食壽司好多日啦！呢間日式餐廳可以一個個套餐咁叫，就算係晚餐都一樣！雜錦壽司定食（$168）款式多多，由卷物到甜蝦應有盡有～雜錦燒肉御膳（$188）聽個名都勁過人，牛舌真係好好食，個餐仲包埋刺身、沙律同埋麵豉湯，最後仲可以食返杯哈根大師添啊🍦如果唔食雪糕嘅話，你仲可以另外揀其他飲品，完全可以自由配搭。另外我哋仲叫咗個木魚高湯浸翡翠苗($88)呢個價錢咁大碗真係好抵，煲湯可以分開飲，而且翡翠苗好鮮嫩，木魚更加係我嘅最愛💕

性價比嘅日式餐廳，喺銅鑼灣都可以搵到！呢間屬於中價位啦！我覺得都唔錯！燒安格斯牛扒定食$168大大塊嘅牛扒，自己想燒嘅熟手幾熟，好有牛味！其實我都覺得算抵食，牛扒大大塊特別一讚係佢嘅白飯，飯粒粒分明，好友飯味！蟹肉香芒薄餅卷$78一款創意菜式，出面都冇試過，芒果非常新鮮，夾埋一齊係一個全新口味，好夾好特別！海膽三文魚釜飯$138不得不講呢個係最抵食，一飯兩吃，味道非常香！二吃係茶泡飯焦，好好食！最後仲試咗炸多春魚！

去了銅鑼灣利舞臺覓食，看到這間岩鹽日本料理提供的日式料理種類也不少，就去試試吧。裝潢都充滿日本風味，卡位都坐得很舒適，侍應非常有禮貌和風海鮮沙律 $108上面有不少魚生，有三文魚、吞拿魚，蟹籽，沙律菜、青瓜、車厘茄很新鮮爽口，沙律醬汁酸酸的非常開胃日本茄子田樂燒 $78茄子上鋪滿味噌醬和雞肉碎，茄子很入味，表面微焦香，茄子肉燒得很軟稔，很惹味鰻魚忌廉芝士卷 $98鰻魚味道濃郁、青瓜爽脆，加上芝士更美味和風牛肉釜飯 $128釜飯上桌時要焗一會兒，附上一個小沙漏斗計時，沙漏完就可以把蓋打開，一打開木蓋香氣噗鼻而來，把醬汁倒入飯中和其他食材拌勻，有牛肉、雞蛋、枝豆、菜、冬菇、粟子、蛋絲、洋蔥、酸薑，口感和味道很豐富，吃到最後可倒入茶把飯焦製成茶漬飯，又可品嘗另一口味火龍果乳酸梳打 $38飲品顏色奪目，很夠味，不會越喝越淡，酸甜可口又解渴荔枝薄荷梳打 $38淡淡清香荔枝味，加上薄荷清涼又解暑

星期六和一位舊同事聚舊，預訂了這家位於銅鑼灣的日式餐廳。可能是我們有訂座的關係，我們二人獲安排一張四人餐桌，而且位於房間內，寛闊而比較寧靜。午餐選擇豐富，有20多款定食料理，包括刺身飯、斧飯、燒物等等，令人目不暇給。我選了鍋燒烏冬定食，不一會兒，整個套餐送來了，色彩鮮艷繽紛，賣相極佳，令人垂涎。整份午餐包括漬物、沙律、茶碗蒸蛋、飯團、加州卷（原本是刺身，可轉加州卷）、天婦羅、鍋燒烏冬及飲品/雪糕。沙律由車厘茄、青瓜及生菜組成，淋了日式胡麻醬，是傳統的做法。茶碗蒸蛋熱呼呼的，軟滑而蛋味濃郁。飯團和加州卷的米飯軟熟可口、煙韌。主菜的烏冬大大鍋，配料有金菇、冬菇、菠菜、大蔥、鳴門卷和雞蛋。簡單之餘亦算豐富，清新而健康。湯底清澈，不肥膩，而調味不太重。烏冬爽口，軟硬度適中。天婦羅有炸蝦、南瓜和蕃薯，脆漿略為有點厚。這時已經很飽滿了，侍應送上雪糕甜品，竟然是Haagen-Dazs品牌雪糕！真的充滿驚喜，感到物超所值。

🍽鮪魚雙色卷 (4.2/5) 💰108吞拿魚幾厚身，味鮮中間夾雜住啲青瓜等比較有咬口有料係中間同軟淋既刺身形成兩種特別既口感🍽炸青森帶子  (4.2/5) 💰68香脆既小食！一共有7-8件左右脆皮炸得脆身幾薄帶子炸完都夠嫩口加上檸檬汁絕對好岩送酒添🍽土佐炸豆腐  (4/5) 💰48木魚絲混入面漿包裹住豆腐所以外皮充滿木魚香而入面既豆腐依然非常嫩滑而且有木魚湯配埋一諂食可以增加口感不過建議上枱後進快食用，否則外層既木魚絲浸到淋曬會稍微影響口感🍽燒明太子  (4.2/5) 💰68明太子本身自帶咸香同微辣所以絕對要配埋青瓜一齊食先可以中和番個味道其實配落釜飯撈埋茶漬湯食我覺得都好正🍽廣島蠔釜飯 (4.5/5) 💰128日式釜飯充滿特色，將廣島蠔同米飯混合煮熟粒粒米飯都充滿蠔既鮮味廣島蠔隻隻超肥又飽滿淨食蠔又正，撈飯又正，配醬料都得，茶漬都得超多食法，呢個價錢超抵玩🍽碟豆花乳酸梳打  (4/5) 💰32顏色岩曬影相用，乳酸梳打酸酸甜甜幾開胃，味道都唔會過甜🍽香桃梳打  (4.2/5) 💰28香桃味非常濃郁！但飲落又唔會好化學味，28蚊都算幾抵下位於利舞臺既岩鹽裝飾幾靚，價錢比想像中便宜食物多元

同朋友行完Uniqlo唔知食咩好，睇openrice發現呢間日本野，定價都唔算太高，就嚟試下叫咗個和風海鮮沙律🥗 擺盤幾精緻,上面就有角切嘅吞拿魚，三文魚，鯛魚，係新鮮嘅，再配咗個黑醋麻醬沙律汁，酸酸maymay都幾開胃。跟著叫個小食～炸青森帶子好好食，炸得好乾身，一啲都唔油膩，有少少調味見炸帶子唔錯就叫多個炸廣島蠔上枱個陣真係嚇親，真係好大蠔味有但都唔腥，炸粉厚身但唔油見到有軟殼蟹就會忍唔到手味道正常，牛油果🥑係切碎咗加沙律醬最後見到呢間野主打嘅日式煲仔飯～和風牛肉釜飯店員會教你點食，好似煲仔飯咁上枱計時1分鐘再焗下佢，試味，唔夠味有附上額外嘅醬汁食到底就可以加茶，變茶漬飯

今日返工有啲攰 所以一於約朋友收工去銅鑼灣食日本野獎勵下自己先😍今次朋友約我黎到係利舞臺廣場既岩鹽日本料理 鋪頭店面好大好舒服 店員態度都好好 仲比咗卡位我地坐 可以慢慢傾計Menu上面有好各式各樣既野食 仲有埋相 全部都好吸引咁 我地對好多都好有興趣😋 最後我地揀咗一款沙律做前菜 三款小食 一款主食share 以及兩杯野飲😛首先黎既係和風海鮮沙律 沙律個樣好色彩繽紛 見到都好開胃 而且份量岩岩好兩個人share就fit晒 入面有啲三文魚粒 食落好fresh 然後就到小食 第一款我地嗌咗芒果奇異蝦卷 有啲似天婦羅卷配一啲開胃酸酸地生果 食落生果中和天婦羅既油膩 好夾既組合❤️ 然後到明太子醬燒大啡菇 大啡菇係食日本成日會食既燒物 呢到配搭加咗明太子 佢既咸香加落個菇到好出色 最後一個黎既小食係土佐炸豆腐 呢個又係份量剛好兩個人share 外脆內軟 豆腐好滑好重豆味☺️然後主食我地嗌咗岩鹽好出名既釜飯 我地揀咗和風牛肉釜飯 上枱時釜飯係仲未開蓋既 上枱後用沙漏計時一分鐘先開蓋食😛 店員教落食到啲飯咁上下就加入一齊上枱既個壺茶落去變成茶漬飯咁食 個釜飯配搭好好 牛肉加埋菇類同生蛋黃 味道剛好唔

我同囡囡最鍾意食🇯🇵日本菜，佢最鍾意烏冬同玉子燒，我就最鍾意食壽司🍣。今次去到銅鑼灣利舞臺嘅岩鹽日本料理食晚餐，餐廳佈置得好日式，座位好寬鬆舒適，店員服務都幾好。叫咗個🍣雜錦壽司定食（$168）包味噌湯，沙律菜，前菜，除咗9件壽司之外，仲包一碗烏冬，畀阿女食啱啱好。另外仲包一杯飲品🥤或者甜品雪糕🍧囡囡揀咗蘋果汁。原味玉子燒$58 玉子燒蛋味香濃，入口超滑嫩。鹽燒鯖魚 $88 燒得外皮香脆，肉質嫩滑。土佐炸豆腐$48 豆腐炸得外脆內嫩，非常香口。