岩鹽日本料理 (利舞臺廣場) (已結業)

同事為我慶祝生日，我就選了去岩鹽日本料理，因為這間餐廳新開張時我來過兩次，覺得食物很好味，有質素，所以就想再來試試。當日我們一行7人叫了好多食物，有雜錦刺身、壽司、釜飯、天婦羅、清酒煮花甲、土佐豆腐等等。侍應推介有新鮮剛從日本運到的生和池魚，我們便叫了池魚刺身。池魚非常新鮮好味，剩下的魚頭和魚骨侍應幫我們拿回去炸，變成另一碟菜。整體每樣菜都很好吃，我們全部都吃清光，我最喜歡吃池魚刺身，三文魚牛油果米子卷和芝士年糕。本來說用餐時間是90分鐘，我們6:30pm到，但10:00pm侍應才過來叫我們結賬，我們足足坐多了兩小時。最後，大家都好開心地離開。

約咗朋友喺道食飯，慶祝佢返新工大家都想食吓日本嘢，lunch hour 去利舞臺近佢定食賣相幾好，打卡一流有沙律、茶碗蒸，刺身味道中規中距比較出色嘅係茶碗蒸，入面嘅蛋嫩又夠蛋香味，有幾塊冬菇，面頭有一塊魚糕做裝飾Staff好主動會走過嚟收嘢，加水，呢個值得加分只能話，去食刺身嘅話，唔會再食呢一間或者嚟會試吓其他火鍋或者烏冬等等呢道嘅刺身飯，唔係難食，但有太多又平又好食嘅選擇，即刻比下去咗好掛住去日本旅行呀，求其一間餐廳都好好食。

睇相見釜飯賣相好吸引就諗著book枱食個lunch la，點知原來午市都要限時食😔感覺有啲失望，好似被人摧趕咁😪不過算啦未食過釜飯賣相又咁好，一於試下海膽三文魚釜飯個飯煮得有啲over，入面太熱😩啲三文魚熟曬，好似去左西餐廳食煎三文魚咁🥲冇左本身半生熟既質感🙈同menu張相差好遠🥴海膽更加吾洗講😪熟到有啲焦焦地，硬硬地，不過海膽味依然好濃，本身食材應該質素高😂不過煮得over左另外配料組合都有啲怪😮‍💨菠菜，冬菇本身冇問題，吾知點解加左栗子，重點系啲栗子冇整林😩食落索索聲，同成個飯既口感完全吾夾，好奇怪😖好彩前菜都有刺身，沙律，湯，正正常常咁，不過如果有茶碗蒸就好啦😔但刺身都新鮮既😂成個set $158，基於吾系咁好食，所以CP值都幾低🙈只系賣相幾打卡咁😂

平時想食日本菜，間唔中都會去依間。三文魚腩丼係首選，因為本身自己都中意食三文魚，依間夠新鮮，三文魚腩都好肥味，而且個set 有湯、有飲品、有雪糕，咩都有哂，真係好抵食

呢間日式料理好正啊😆 不論食物定係環境也很高質素😍 佢哋每日都會有日本直送到港嘅新鮮食材🦪 今日係日本當做嘅間八魚刺身 鮮味十足 韌中帶有少許脆感 配上柚子汁 味道更加清新🥰 而串燒方面 燒得很juicy 一點也不乾😛 土佐豆腐炸得外脆內軟 口感一流.ᐟ‪‪.ᐟ 陶板燒的配料有菠菜◦蟹肉◦冬菇和蛋🥚 放在高温的陶板上燒至蛋液凝結 過程大概3-4分鐘⏱ 淡淡的食到蟹肉嘅香味🦀 而佢哋嘅釜飯係非常出名 佢哋會放個沙漏在托盤上仲有壺熱茶🫖 要等待⏳滴完先可以開蓋食 好甜心啊๑⃙⃘´༥`๑⃙⃘ 然後將和風牛肉✧蛋黃✧配菜同醬汁撈匀 就食得啦🤤 超滿足 食到一半仲可以倒入茶 成為蔱漬飯🍚 茶味很香濃💕飲品有梳打和清酒🍶 梳打酸酸甜甜的 很解膩啊❣️ 快啲約埋朋友嚟試吓啦🇯🇵🤍

預早左2個星期book枱同朋友慶祝生日 點知去到話冇我個booking 吾緊要既 miss booking間中都會發生 但重點係店員冇任何歉意 亦吾覺得係員工mark漏 竟然質疑我 叫我俾反打電話黎Book既通知紀錄佢睇 證明我有book 個刻我真係呆左 首先我係2星期前預約 我每日都需要不停打電話工作 紀錄一早就冇左 其次係我未試過有一間餐廳係會質疑客人 由頭到尾店員都冇歉意 吾好意思都冇句 最尾仲要語氣好差咁問:我地而家有位 你仲要吾要？我同朋友都話吾洗 不受尊重既感覺好差 。最後冇食到 亦都吾會再光顧。

兩個人食，各叫一個釜飯。一個係和風牛肉，另一個係北海道海鮮。釜飯外，仲叫咗一杯香桃梳打。飯味道不過不失，但杯野飲就無桃味，只有好甜嘅乳酸味，都無梳打應有嘅氣…..上釜飯嘅時候幾得意，會俾個計時漏斗食客，倒數一分鐘。夠鐘就可以加醬汁（可加可嗰加），食完飯之後就可以倒茶落去起埋d飯焦。賣相ok，味道都ok，但味道上無咩特別，唔算太有記憶點。唔計杯野飲，所有野都係正正常常。環境不錯，坐位都唔差，職員都好友善。

Happy Friday約咗朋友食好嘢，朋友鍾意食日本嘢，今次就同佢試吓呢間位於利舞臺嘅日式餐廳啦！✨餐廳位於利舞臺，超級方便，一出門口已經見到 喺玻璃櫥窗入邊見到個師傅用心整緊啲釜飯～睇嚟釜飯係必食嘅！🤪入到去坐上卡位，相當舒服望吓個餐牌，有沙律🥗,壽司🍣,刺身,串燒 熟食等等首先叫咗日本黑豚腩片沙律 新鮮蔬菜加上蕃茄🍅配上切得適宜嘅黑豚腩片 配上麻醬 非常清新嘅組合 🌟跟住就要岩鹽火炙壽司盛 ～呢個係必點之選！有八大件 賣相非常之靚🥰推介有燒三文魚腩 油香十足 😙海膽新鮮唔會苦澀，帶子厚切非常鮮甜 真係每件都好滿足❤️叫咗串燒 包括有燒錦爽雞肉丸串 汁燒墨魚串 紫蘇豚肉腸 大推紫蘇豚肉腸！紫蘇嘅獨特香味令到腸既味道有好好嘅平衡 另外雞肉丸選擇爽口彈牙 都不錯的小食！最後梗係要啲飯食 要咗個燒鵝肝澳洲和牛釜飯呢個上枱嘅時候非常精緻 首先要等1分鐘 令到飯完全熟透 打開蓋有和牛薄片和燒鵝肝同栗子 菠菜混合 一齊食 又香又滿足食到差唔多嘅時候就可以加上茶湯混合再食 變成茶漬飯🍵另外叫咗兩杯飲品 蘋果醋梳打🍸同蝶豆花乳酸梳打 🍹喺炎炎夏日飲凍飲絕對係透心涼！😊

必定要食松葉蟹肉釜飯 係用個木桶嚟裝住 好有feel🇯🇵😍鮮甜嘅蟹膏同蟹肉🦀再加埋個流心蛋黃🥚撈飯食真係一流😍最後仲可以加啲茶落去 變茶漬飯 又係第二種食法 正✨💕

一入座已知我們一大一小已放好一杯茶一杯水，真是細心！二人枱也夠大放食物。有一整本lunch set menu 任君選擇。最後選了牛肉shabu shabu ($148)牛肉有多塊，絕不孤寒，只是我自己煮過了龍有點鞋… 湯底有點過甜，是日式甜醬油湯底.. 配菜是本身已煮熟了只是加熱，份量充足。遲了放蛋，到火自然熄時蛋還是半熟.. Side dish 有沙律，蒸蛋，麵豉湯，漬菜，都正常。還有魚生，三魚魚，吞拿魚，半塊帶子，但天熱我怕魚生有風險所以掉落去shabu shabu 了哈哈, 煮熟後也挺新鮮！ 最驚喜的是有Häagen-Dazs 雪糕，可揀飲品/雪糕，我當然是揀雪糕！ 午飯時間座無虛席，都是一班班同事放lunch，真正受歡迎。

久違嘅過海去銅鑼灣同朋友食飯，帶我嚟到利舞臺「岩鹽」食日本菜，每日都有日本直送到港既食材👍🏻炙燒澳洲和牛🐮 $128澳洲和牛燒至口感柔嫩，肉汁豐富，入口有一股香甜既牛油味道😋蟹肉芝士天婦卷 $68將材料包成飯卷再以天婦羅方式去炸，先食到酥脆既外皮，再到米飯既軟熟，芝士蟹肉冒出既香味，三重既享受😎日本舞茸天婦羅 $88舞茸本身營養價值豐富，連菇香味都好突出👍🏻配上小小岩鹽調味已經好好食！香草燒羊架 $88外面燒得小小焦，聞到羊肉非常香，肉質鮮嫩，入口即化既感覺🤩串燒盒盛(8串) $128包括有合鴨大蔥串、牛舌、雞軟骨、錦爽雞肉丸、冬菇、甘薯、雞翼、日本青椒，每款都好好味💯松葉蟹肉釜飯🦀 $168必點之選💥店家會提供沙漏⏳俾你計時一分鐘，夠鐘一開蓋蟹膏香味撲鼻而來，流心蛋黃同蟹膏蟹肉拌飯，完美結合❤️連煲底飯焦都有一壺茶，加入幾片海苔，可以泡茶漬飯，真係一粒都唔浪費🥰栗子🌰銅鑼燒 $36日本既栗子就是甜，好適合用來做甜品😍

高質日本餐廳🎌🍱聽人講話呢間通常都要book位，路過又竟然walk-in都有得食，食物質素唔錯，經過又想食日本野既可以試下！👍🏻💛北海道海鮮釜飯定食 $158定食都包幾多野食，有沙律/刺身/昆布湯/酸瓜～沙律幾大碟，沙律菜都好新鮮，食落脆脆地，配埋d芝麻醬好開胃。湯就普通偏鹹，刺身個人認為幾出色，雖然魚生唔太大舊，但好厚切，feel到好新鮮，好有鮮味，定食黎講有呢個質素幾魚生幾impressed🫠釜飯就會有個漏斗比你，夠鐘店員會過黎幫手開蓋，食落都幾足料，同menu張相一模一樣，蟹/魚子/三文魚/帶子/鰻魚都齊曬，好豐富，飯既份量都好多，一個女仔應該食唔曬😂😂另外跟餐仲有雪糕/雪條/餐飲跟返，當日揀左橙汁，味道都幾似鮮榨橙汁，有d果肉，幾好飲的😆總括黎講，呢個價錢呢個質素同份量係呢區黎講真係算非常唔錯，有機會既話都會想再試～味道：8.5/10性價比：8/10📍岩鹽日本料理 (利舞臺廣場) 銅鑼灣波斯富街99號利舞臺廣場16樓A舖📌人均消費: below $101-200#hkfoodie #hkig #hkfoodieblogger #美食 #pasta #foodiegram #fo

今晚原本想去食top blade食牛扒，因為排隊人數眾多，所以轉去呢一間岩鹽日本料理。呢度嘅服務相當唔錯，解釋詳細又親切。叫咗比較有特色嘅釜飯，就是日本的煲仔飯，喺門口已經見到師傅煲緊飯。飯裏面有栗子、蛋、菇等材料調味，再放上和牛和鵝肝。吃完還可以將剩下的飯，加入熱湯變成茶漬飯。感覺很特別。另外，壽喜燒牛肉火鍋，味道很不錯。炸忌廉蟹肉餅，非常之好食，香口油炸得酥脆。另外還有牛肉烏冬忘記了拍照，味道不過不失，烏冬煙靭Q滑，不過湯底比較清淡。

一直好想食斧飯🤤見人地影出嚟好靚好吸引 呢間仲要好多選擇 成8款揀▶️ 蒲燒鰻魚釜飯($158)曾經好怕食鰻魚嘅我(好驚佢啲幼骨 吞完好似刺口嚨咁)決定試一試呢個飯因為好吸引上菜時用有木蓋焗住 要等一分鐘先食得 ⏳一開蓋巳經好香蒲燒汁味個斧飯都算大 個鐵鍋好深 好多飯另外當然有好多其他料😍有粒粒枝豆 有栗子 有波菜 有香菇 仲有蛋絲 最後梗係有一片片鰻魚啦！旁邊有另一碟蒲燒汁俾你自己落 雖然原先個飯已經有味 但係落咗再好食啲鰻魚有5片 估唔到佢一啲骨都冇👍🏻食落連皮好黏口好腍又香 對鰻魚改觀了❤️其他配料亦好好食 撈埋似食韓式石鍋拌飯咁😋係加咗栗子嘅配搭特別少少 不過都係好食嘅🌰如果可以多啲枝豆就好啦！-味道質素好好👍🏻食物亦比較貴價 好推介斧飯環境可以 入面幾大 不過唔太鍾意佢燈光暗咗啲 同埋俾人感覺有啲舊服務一般般 唔知點解最尾好似催我哋走咁🥲明明只係3pm性價比ok 一個餐除咗主食 有麵豉湯 沙律 漬物 最重要係佢份量夠大材料足😗

以前在附近返工都常食，這次帶同友人於八點半左右食晚飯，被安排坐在卡位，很舒適。上菜後，侍應提醒要待沙漏⌛滴完才可開蓋我要了北海道海鮮釜飯，海膽新鮮好味。友人點了和風牛肉釜飯，我嘗了一塊牛肉，味道不錯。釜飯配有紫菜和茶，性價比很高，以後會再來。