岩鹽日本料理 (利舞臺廣場) (已結業)

朋友升職，帶左我去利舞臺既「岩鹽」食午餐慶祝🎉餐廳好大間好多座位，入面裝修幾靚，外面仲有一個玻璃位可以睇住廚師烹調釜飯。我地安排坐在落地大玻璃前,可以遠眺風景，享受一頓美味的日式料理。🔹北海道海鮮釜飯 $158餐廳主打釜飯，特別從日本訂造釜飯機，唔駛諗就叫左佢地個北海道海鮮釜飯。釜飯一上枱，店員就講解，釜飯要焗一焗，等沙漏漏完夠時間就可以攪拌佢黎食。海鮮好豐富，有鰻魚，帶子，蟹拑、銀魚仔，三文魚，冬菇，海膽和三文魚。飯粒軟硬度適中, 份量仲好多，食極都食唔晒🤭午市套餐仲有魚生刺身，好新鮮鮮甜!😍仲有雜菜沙律, 味噌湯和漬物，成個餐好豐富🥳🔹火炙壽司牛肉烏冬套餐 $158牛肉烏冬熱辣辣，烏冬彈牙，牛肉嫩滑。壽司有火炙三文魚腩，帶子，海膽赤蝦，穴子，左口魚邊，油甘魚和蟹子卷，入口口感柔嫩鮮嫩。特別喜歡穴子，好長好大條，配上濃郁的醬汁，非常惹味😋仲有沙律，蒸蛋，味噌湯和漬物，同樣好豐富。💕最後仲有雪糕做甜品，西瓜🍉士多啤梨🍓味道，酸酸甜甜，食埋好滿足🥰

曾經食過佢嘅旺角分店，今日行開嚟銅鑼灣見到呢度都有一間，特別欣賞佢嘅當飯係即叫即整，有個透明大玻璃睇住烹調嘅過程👍🏻溫泉蛋蟹肉胡麻豆腐沙律清新又飽肚嘅選擇，豆腐相當滑嫩，淋上蛋汁嘅濕潤加上沙律菜嘅清爽，感覺健康度爆棚，最後必須稱讚佢嘅蟹籽同埋松葉蟹肉相當夠味，直接為前菜恰當地加上鹹鮮。👍🏻鮪魚雙魚卷一客四卷，鮪魚好鮮又唔腥，面頭灑上少少青絲入口清新一點，裡面放上呑拿魚蓉，口感實淨，餐廳嘅卷物多樣化，可以一試。👍🏻溫泉蛋松葉蟹肉釜飯賣相極為一流，加上食蟹嘅季節一到，蛋汁撈上蟹肉確是鮮甜。上枱先用漏斗計時，焗一分鐘，繼而開蓋食一淡試試鹹淡度，小編就額外加左燒汁攪拌一下。底部的飯焦，可以加入熱茶，紫菜攪拌而食返碗茶漬飯。👍🏻串燒燒西京豬頸肉串好夠味，豬肉肉質軟嫩， 邊位燒得香脆，油花充分；汁燒墨魚串超大隻，來得彈牙又帶點咬口，帶點的醬汁燒過後份外滋味；香辣醬燒翠肉瓜滿是汁水，香辣度適中；甘薯串香甜得來口感好軟，入口綿綿；冬菇串調味較淡。👌🏻日本舞茸天婦羅一客四件，性價比不算太高，味道中規中矩。炸粉較重，不過口感極酥脆！餐牌如下

上次聽朋友講開釜飯🇯🇵，就不禁回之前喺奈良的回憶，有好多旅遊書會將釜飯比喻為香港煲仔飯，或者可能造法相似，將米、高湯及食材一起煮，不同的是煲仔飯以明火煮，以香口及脆脆飯焦為一絕，比較野味。而釜飯則配以新鮮預早熬成高湯，如蟹殼🦀、蝦殼🦐、木魚🐠、昆布🌱等，視乎大廚的食譜，以文火用高湯煮飯再加入餸慢火煮熟，把食材的原汁原味逼出來，使整個飯都能色香味鮮俱全。而餐厅門口見到師傅製作過程令更食慾大增😎。北海道海鮮釜飯 侍應送釜飯來時，細心介紹進食的步驟，更提供埋一個沙漏⌛️⏳，建議一分鐘開才開蓋，原理如煲仔飯樣，出飯的鮮味。當打開蓋，一陣陣濃郁的海鮮味就湧出來！釜飯裡有刺新蟹鉗、海膽、三文魚、帶子、鰻魚、魚子，餸菜豐富！釜飯最精華的部份則是飯🍚，內𥚃有粟子🌰、牛蒡🎋等高纖維及咬口十足的配料，使口感題升另一層次！其次醬料配答選擇都是傳統釜飯的必須，食客可透過自我口味再加入。當然因為飯本身味道鮮味十足，所以當然選擇原汁原味。，另外，set更配有小份刺身包括吞拿魚、三文魚同帶子等非常厚肉，更有味噌湯，漬物，沙律 作前菜，非常豐富的一頓。釜飯定食是日本傳統🎎民間美食，更有過百年歷史，大家不妨一試。

相約朋友飯聚，來了位於利舞臺的「岩鹽日本料理」 ‼️🎏▫️❥$𝟮𝟲𝟴 日本黑豚吉列盛盒定食🍱(配一人刺身) 🍣吉列盛盒有魚、帶子、蝦餅、豬扒，外層炸得酥香可口‼️😋 一人份量的刺身也很新鮮‼️✨ 定食中還有沙律菜、枝豆、前菜、泡菜、湯🥗🥣 很豐盛呀‼️🥢▫️❥$𝟵𝟴 海膽生蠔🦪生蠔不算大隻不過味道鮮甜‼️放上海膽及三文魚籽作點綴，賣相吸睛‼️😻▫️❥$𝟭𝟯𝟴 和風牛肉釜飯🍚熱騰騰的釜飯粒粒分明‼️吃到最後可以倒入茶壺中的湯，變成茶漬飯‼️🫖▫️❥$𝟯𝟴 火龍果乳酸梳打🧡❥$𝟯𝟰 碟豆花乳酸梳打💜兩杯都有很美的紫色‼️味道酸酸甜甜‼️😋

尋晚收工去咗銅鑼灣利舞臺「岩鹽日本料理」食晚餐。店內環境寬敞，設有卡座，感覺悠閑舒適日本黑豚腩片沙律新鮮翠綠沙律菜配青瓜片、車厘茄及三色椒絲，好fresh呢～半肥瘦的日本黑豚腩片，口感香軟，白灼能細味出豬肉的鮮味鰻魚忌廉芝士卷班戟薄皮包住紫菜飯卷，中間捲着青瓜、忌廉芝士及鰻魚，味道層次都好豐富炸青森帶子酥炸青森帶子，外脆內軟，厚肉鮮甜！表面撒了日本七味粉，微辣鹹香，好好食明太子醬燒大啡菇大啡菇舖滿明太子沙律醬及煙肉粒一齊燒，味道濃郁，好juicy呢廣島蠔釜飯餐廳招牌，即叫即製的日式釜飯🍚珍珠米飯粒粒分明，配料有日本廣島蠔、雞蛋絲、魚乾仔、香菇、菠菜及枝豆等等，味道清淡中帶鮮味，能品嚐到食材的原汁原味，齒頰留香。附上茶漬湯及紫菜片，飯粒盡吸茶漬湯的味道栗子銅鑼燒金黃色蓬鬆的餅皮，夾上香滑忌廉及綿密的栗子蓉餡，香甜可口又鬆軟抹茶蕨餅伴黑蜜糖醬日式蕨餅沾滿抹茶粉，口感軟軟黏黏的，配上黑蜜糖醬，甜而不膩

一見到個set咁多items即刻勁開心沙律，蒸蛋，味噌湯，漬物中吞拿魚腩，赤身，三文魚腩，油甘魚，赤蝦，帶子，海膽軍艦，時令魚二款各一件，同卷物三件再配牛肉烏冬越食越有最後仲有sorbet嘅雪條作結以量取勝啦，quality就麻麻嚕，唔係特別新鮮所以泥過一次姐，亦都唔會再泥了大把其他選擇岩鹽日本料理精選壽司定食 $188📍銅鑼灣

想食嘢坐得舒舒服服？第一時間諗到利舞臺岩鹽呢度有勁多卡座想同朋友坐耐啲傾計就最啱Set lunch價錢相宜點咗個Monday Bento🍱 有選擇困難症最啱食當日時令有一碗Udon, 火炙燒三文魚沙律,魚生飯，炸物，麵豉湯呢個餐真心澱粉質萬歲食完超飽的個烏冬夠晒熱又彈牙串揚好似係蝦膠食落幾彈牙另外仲點咗個火炙三文魚黑松露飯原來黑松露撈埋啲醋飯係咁夾我完美K.O.晒食碗仲有六件厚切正三文魚茶碗蒸好滑又重蛋味個lunch重包雪糕添不過同朋友太飽冇要到了點咗杯餐茶飽晒

星期日晚冇理由唔食餐好嘅，今晚嚟咗銅鑼灣利舞臺搵美食，呢間岩鹽就好啱心意，餐廳環境好有氣氛，空間感十足，menu都好多樣👍🏻叫咗二人御膳，非常之高質，份量足且味道好，有6道菜😚冷食有日本蕃茄沙律、刺身三品同磯煮鮑魚，沙律菜爽脆，蕃茄新鮮，成個沙律食落酸酸甜甜，好開胃👍🏻刺身三品真心好高質，勁級厚切，最中意三文魚同埋蝦，肥美鮮甜😍 磯煮鮑魚好厚身，食落口感豐富😙味噌三文魚餃鍋湯飲落清甜，連埋芋絲、豆腐、蔬菜，好足料，三文魚餃食落都好鮮，都多肉，好味道啊😚燒安格斯牛扒簡直係亮點，自己燒吓幾好玩，同埋可以自己控制生熟度，而且肉質軟嫩，牛味好濃，值得一贊🤩蒲燒鰻魚釜飯好有水準，鰻魚勁入味，勁香口，仲配搭埋啲菠菜同冬菇片，飯都煮得軟硬適中，飯焦仲可以整埋做茶漬飯，變化多樣🥰

同朋友喺銅鑼灣利舞臺食飯～ 餐廳lunch set 有星期一至五套餐～ $108 超級抵食～ 仲送雪糕或者飲品！咁啱我哋星期三去食所有就選左一個星期三套餐啦～ 星期三套餐有和風一口牛肉～ 竹輪天婦羅沙律，時令魚壽司拼加州卷同埋山菜湯蕎麥麵～ 最後仲揀咗個雪糕和風一口牛肉好香口，仲有炆到好林嘅蘿蔔同埋冬菇～ 竹輪天婦羅好香脆！同埋沙律一齊食幾爽口！壽司都好新鮮！仲有買蕎麥麵暖胃～ 哈根達斯焦糖餅雪糕真係好好味！食完成個餐有雪糕點綴真係好幸福！餐廳仲有好特別嘅釜飯，喺餐廳門口就見到一個一個既釜飯好似日式煲仔飯咁燉緊～我地叫左廣島蠔釜飯同埋三文魚釜飯～ 每個釜飯上既時候仲有小漏斗，小漏斗流完之後打開蓋就岩岩好～ 仲有醬汁可以配埋落去個飯到食～ 廣島蠔同三文魚都好新鮮！好好味～ 餐廳環境坐得好舒服，日式裝修座位間隔舒服！

想食暖笠笠嘅飯。除咗煲仔飯原來可以試吓釜飯。銅鑼灣*岩鹽*主打釜飯。餐廳門口位置見到師傅忙著煮飯😮‍💨。為食妹👧🏻翻翻餐牌。發現午市套餐超過四十款😱。真係食足一個月都唔怕悶。星期一至五提供精選Bento。豐富且超值🤩。難怪午市甘爆場。北海道海鮮釜飯🥣釜飯定食包括味噌湯。沙律🥗。剌身。漬物。餐盤上面有個小漏斗。焗1分鐘釜飯先食得。店員溫馨提示小心燙手❣️。打開釜飯香噴噴。蟹鉗。帶子。海膽。鰻魚。三文魚子。香菇。菠菜。栗子。豆豆。真係落足料。啖啖滋味滿瀉😋。精選Bento🍱吉列豚肉串三文魚沙律迷你雜錦魚生丼咖哩湯烏冬有魚生丼又有湯烏冬。大胃王必食😮‍💨。豚肉串熱辣辣炸起。炸粉唔厚幾好味😛。甜品居然有一杯杯Häagen-Dazs真心有驚喜🥰。

今次去咗間日本餐廳度食二人御膳😆，套餐包括左六樣菜式，都好出色好高質👍🏻刺身三品及磯煮鮑魚刺身好有鮮味，同埋每件都係厚切！🥰 尤其係三文魚😍有光澤，有口感亦好香三文魚味😆另外仲有磯煮鮑魚食，完全唔韌🤓味噌三文魚鮫鍋呢個三文魚鮫鍋亦都係令我喜出望外，飲落一啲都唔腥，亦都唔會太鹹，而且仲好鮮甜🥰同埋唔會食到有任何魚骨👍🏻佢仲會有埋金菇同埋其他菜做配料，用嚟撈飯係最好🤩燒安格斯牛扒呢個燒安格斯牛扒已經有好有燒烤嘅味道😜，而且佢仲會提供爐，俾我地燒到自己想要嘅熟度😆有得食又有得玩🤪蒲燒鰻魚釜飯呢個鰻魚飯又係好好食🥰，鰻魚厚身不特止仲有好多舊😘加埋啲鰻魚汁，撈埋啲飯真係超級滿足😊

已經差不多一年沒有去過這裏！ 今次同朋友分別都叫了北海三色丼、因為大家都想食海膽帶子魚生丼😊！這間食材新鮮，食物依舊keep到水準👍 ，而且環境寬敞，坐得舒服！人均消費$168 +10%

必食釜飯嘅日式餐廳～～～下班累得一塌糊塗，唔想返屋企煮飯，就來了離先唔遠嘅呢一間日本餐廳食晚餐。～～～場內環境幾廣闊，晚市時間幾乎滿場。睇完餐牌之後我哋叫咗：#日本黑豚腩片沙律#香草燒羊架#木魚高湯浸翡翠筍#蟹肉芝士天婦煮#海膽三文魚釜飯#炸青森帶子#火龍果乳酸梳打#蘋果醋梳打～～～🥗黑豚腩片沙律比想像中驚艷，食落多肉少菜，而且肉嘅肥瘦比例非常得當，清新之選。～～～燒羊架羊🐏味濃而不膻，肉汁豐富，加埋黑椒嘅提味點綴，整體不錯。～～～🐟魚高湯浸翡翠筍就比較健康，高湯會不斷加熱滾煮，每啖入口都熱辣辣，感覺分外出色。～～～蟹肉芝士天婦煮裏面有滿滿嘅蟹肉，芝士份量都唔少。壽司外皮經過香炸，幾特別，比想像中好食。～～～海膽三文魚釜飯則是我今晚叫嘅嘢食裏面咁多款之中嘅最愛，材料豐富，裏面有香菇、栗子、白飯魚、菠菜等等。食落味道調配得好好，食到一半知己就可以用紫菜包飯食，轉換一下味道。最後再將茶漬高湯倒入有飯焦嘅釜飯之中，一個飯三種唔同嘅味道，非常不錯，值得encore～～～岩鹽日本料理 (利舞臺廣場) (銅鑼灣)銅鑼灣波斯富街99號利舞臺廣場16樓A舖人均：$300

星期日，一家人到銅鑼灣逛街購物，晚上到利舞台廣場日本料理店用膳，聽聞這家釜飯做得不錯，特地過來試吓。晚市單點，北海道海鮮釜飯～看來有點冷清，一隻蟹鉗、帶子、冬菇片、熟嘅三文魚、三文魚子、兩條菜和幾粒青豆。店員建議先食海鮮之後可以加入附設的茶～變成茶漬飯，兩種不同風味。土佐豆腐～有驚喜，香香脆脆，無論味道和賣相都非常吸引。壽喜燒牛肉鍋～牛肉、冬菇、大白䓤、大白菜，味道一般。串燒～鹽香雞翼、牛舌、雞軟骨和小紫薯，燒得又香又脆，好好味😋

人有時有一個信仰係好緊要，但係即使我幾神心都好，靈唔靈根本唔係你控制，咁當然我又唔係叫你跟kenny老母盲目信耶穌啦。我意思係一種信念，可以係一種意識，可以係一種心理狀態，我只能夠講啦，信神定係信人，都係信自己啦…👇📌前 菜 - ▪️ 香煎厚切牛舌日本番茄沙律 -▪️ 蟹 肉 香 芒 薄 餅 卷 -▫️ 先黎個「香煎厚切牛舌·日本番茄沙律」開開胃先，牛舌就一定無得輸咖啦，夠厚肉相當爽口，夠哂肉香味；後者「蟹肉·香芒薄餅卷」將蟹肉連埋芒果、蟹肉、青瓜絲、芒果肉包住，層次非常豐富，芒果同蟹肉各有各鮮甜之處，口感清新，唔錯。📌燒 物 -  ▪️ 燒 日 本 年 糕 - ▫️ 輪到燒物「燒日本·年糕」出埸，一咬落即刻有外脆內軟既感覺，口感煙煙韌韌，加埋流心芝士，成件事邪惡得黎好惹味。📌晚 市 尊 享 優 惠 - ▪️ 海 膽 生 蠔 拼 盤 -  ▫️ 而家佢地做緊優惠，凡只要係晚市嗌任何正價食物，就可用半價優惠換取一客「海膽生蠔·拼盤」，今晚既海膽來自於墨西哥，而生蠔就係愛爾蘭，蠔肉屬於果種爽脆又帶少少creamy，而且夠哂新鮮，呢個幾有驚喜；而海膽入口尚算濃郁，呢個優惠算係幾抵食。📌主 食 - ▪️ 燒