山窿謝記魚蛋 (已結業)

小弟住左係香港仔區１９年．．．香港仔既食肆都無乜邊間未食過．．．我由細食謝記食到大．．．到而家都係每星期總會食１次．．．不知是否人人口味各有不同．．．竟然有人講到謝記咁難食．．．實在令我十分驚訝！謝記有咩好食．．．講真．．．真係樣樣野都咁好食．．．特別係墨丸同魚皮鮫．．．絕對係極品！同出面其他食粉麵既地方唔同．．．謝記所有餸都係自家製．．．建議最好食碗「雜薈河」．．．樣樣野都有齊．．．都係＄３３（普通雙併＄１７）謝記既小食亦都係令我每星期都要去既原因．．．腐皮卷（＄１３）同炸魚皮（＄１７）都係極度香脆，極度好味！炸魚片好貴（價錢就睇你買幾多）．．．不過真係全香港唯１既炸魚片！你會見到門口總會有１條長長既人龍．．．佢地大多數都係買炸魚片架喇！ｐｓ食謝記１定要點佢地自家製既辣椒油！（最好係放２－３匙係隻豉油碟度點黎食，唔食得辣既都可以點少少試下，真係好好味架＞＜！）

行完山後來吃點東西，見到門口排長龍，幾乎想走，原來只是叫外賣，所以都進了舖。舖內人很多，但人少的話都不難找個位。叫了兩碗魚蛋河、一碟炸腐皮和一碟炸魚片。先上炸腐皮，普普通通，炸魚片要自取，取回來時暖暖的，都幾香口有魚味，但是否炸太久了，個皮好韌。等了很久個魚蛋河先上，白魚蛋還罷了，個炸魚蛋真是"口趙"了二三十口才硬得開，咬得皮內的肉都碎了，皮才咬得開，是日連口部運動都做埋。不知佢是否一時失手，三、四年前時倒沒這情況，但整體而言，只可話價錢合理，品質中上，倒不值舖外那條人龍。

不知多久沒有來過謝記了，只依稀記得上一次光顧是中學生時代...起碼ニ十多年了, 記憶和印象巳是十ニ分模糊。今天雅興大發, 決定故地重遊。車子就停在窄得要命的街旁。一如以前, 謝記還是其門如市, 也許大部份都是慕名而來, 試試這家幾十年之老牌子。反正多年巳沒有來過, 一次過叫齊應叫的東西。魚旦河、油菜、炸魚片、炸腐皮餃一起上來吧。魚旦河之湯底只能用"淡出鳥兒來"去形容，河粉是粗製濫造, 最要命的是那彈牙魚旦, 腥得像用鯊魚肉打出來一樣。沒有醬油, 只有魚露調味，腥上加腥，只好放棄。炸魚片是像樹皮一樣, 閣下如是滿口假牙, 真的不要勉強, 做一副新的假牙價值不菲.....唯一炸腐皮餃還是可以下口，原因不是炸得香脆而是起碼用的不是"千年油"。用十二分難食是一點也不過份！謝記- 謝謝了

魚蛋彈牙夠味, 魚片夠脆入味, 百吃不厭, 最重要既係抵食, $16 蚊碗, 平時求其一間普通魚蛋粉都差唔多價錢, 不過最貴都係魚片, $65 一斤...雖然好食, 但好貴, 同埋好熱氣

假日元旦該是在家蓋頭大睡的好日子,但受不住老公的聲音滋擾,本來說好了去行山,想則則膊也不能,反正我們很久沒有做運動了,於是便很不容易地從暖笠笠的被窩內爬出來。我們行山的起步點在香港仔,空肚的我們當然醫好五藏廟才起程.見附近有間山窿謝記魚蛋,便決定在這兒醫肚。眼看才十一時半左右, 已經很多人排隊,當時心想或許今次要打退唐鼓了,後來,當知道排隊的人龍是來自外賣黨後大家便鬆了一口氣。坐下來後,便order了兩碗魚蛋粉,一碟魚皮和一碟牛腩汁芥菜.魚蛋粉內有魚片,魚蛋及菜。魚蛋很不彈牙,魚味一般,南記的魚蛋比起此家更彈牙,更有魚味。另外,此家的魚片頗香口,但此水準在香港很多地方也吃得到,我想,或許他們在很早期已經榨根於香港仔,因此打響了名堂,不愁沒生意。盡管很多生意上的競爭對手做得比他們好,但還是不為人知,做不住或是生意欠佳。有些食店打響了名堂後,或許當年水準的確比起很多食店好,但自滿過後的不絲進取,繼而停滯不前,便是早期那些已經打響了名堂的食店之問題所在,舉個例,益生的焗魚腸及其它送菜便是一個例子。有些食店經常變通,不斷將食物的質數改良,不斷的試食求進來追上打響名堂的食店。說了很多內心說話,倒

馳名的香港仔山窿謝記魚蛋，肯定會令一心想去試的您刻骨銘心。您嘗試去買外賣吧！那條長長的人龍給您的感覺是︰這間鋪頭的魚蛋肯定很好吃吧！要不這麼多人駕車到來排隊？愚笨地去排隊買炸魚片外賣，等了十分鐘，隊伍一動不動…難道前面的傢伙買了十斤？再等了三分鐘，按奈不住的上前去看…那個身光頸靚的收銀員如泰山的坐在收銀處，慢慢地(很有耐性吧！)處理每一個客人的要求，期間不停的四處張望，不時喝水，不時叫人排隊。再仔細看看，賣外賣的事情只由她一人處理︰結帳、切魚片、包裝、下外賣單全都是她…很不容易終於能與她交手…「呢度係"寸"記，唔係謝記，買外賣就排隊，好似百佳咁個個都黎買，唔買就算，呢度係"寸"記…」聽著她不住的說話，感覺到她的自大。我們客人就像犯賤要跟她討飯吃似的…「我要一條魚片」「65元」？？嘩！差不多一斤的魚片要65元！我在外面的街市買到兩斤了！值唔值得？拿到了外賣，立即放進口裏一嚐…只能用四個字形容︰不外如事。最後終於想通了︰我們根本就是這間鋪頭的臨記，站在門口排隊就是給謝記做宣傳。每天有著不少的免費的臨記為她省靚個招牌，令人覺得這間在山窿跑出來的謝記有著什麼的特別。其實，名氣大的店子，賣的東西

星期日入左香港仔玩Wii, 早左黎未夠時間影下相, 就順便黎試下出名的謝記.初初以為舖仔細細好多人, 原來隔離舖都係佢, 一樣爆棚.又以為排隊等位, 原來果係隊係等外賣!入到去因為一個人食, 所以好易就攝到個單人位食.要了碗魚片米, 這裡運作模式有點特別, 繁忙的時候, 粉麵類就叫伙記落單, 其餘的炸魚皮, 厚切魚片就到熟食檔蓋單.這裡的魚片是靈魂, 魚片米有好幾件, 雖不是厚切, 但皮炸得香口, 厚得來不會柴皮, 米粉都幾爽口, 湯是清湯, 淡淡的.埋單十七蚊, 都幾好食, 不過食完就一定要去買支野飲.

星期天同老婆黎搵食。黎到門口見到人龍，原來係排隊買炸魚片，就算你想買黎堂食炸魚片，都要係度排。店內亦人山人海，要自己站在枱後等位，十足十細個去茶樓飲茶咁樣。其實我唔好魚蛋，但一場黎到，試下啦，要魚蛋麵，老婆就要魚蛋河，再加個芥蘭和可樂。芥蘭就一般啦，無乜特別。蛋麵/ 河，每碗有三粒魚蛋、一粒炸魚炸、兩塊魚片，真係一次滿足晒三個願望。真係好彈牙，幾有魚味，d湯都幾鮮，同平時食的魚蛋唔同。我唔食魚蛋都覺得好食。加埋佢d辣油真係好味。不過d麵就好淋，直情係一劈野咁，呢樣就要扣分啦。後來先見到有人叫瀨粉，早知要瀨粉啦。埋單$54，唔算平，但試下都幾好。見到佢地有炸魚皮剛新鮮出爐，好香，下次一定要試。

D魚蛋好彈牙,炸魚片好脆=v=

是日在香港仔擺檔，無時間食中午，朋友去謝記買了幾碗魚蛋、魚片回來。我從來未食過謝記，首次食佢馳名的魚蛋。魚蛋有魚味沒有腥味，粒粒結實有彈性，再點附送又香又辣的辣椒油，真是惹味非常；炸魚蛋就較為遜色，外層較硬，像是掩蓋了彈牙口感；魚片較為薄身，密度不夠，不太彈牙。湯底唔錯，有別於一般魚蛋粉的味精湯底，這個味道好鮮，不過飲完當然是口渴。下次有機會再試下堂食。

難得到香港仔一定要走去謝記叫了碗魚蛋米超好的炸魚片別的不是沒有只是沒有這麼新鮮這麼好食

星期五﹐重陽節﹐起身感覺口淡淡!決定渣車入香港仔食謝記。一入到入面即刻比佢\嚇一跳﹐D人多都不堪﹐大家睇睇相吧。至於佢\好唔好食﹐我睇都唔使用條俐去試﹐淨係用隻眼去睇都知啦!!個人recommendation:1. 魚蛋2. 炸魚片/皮3. 牛腩(你會有估不到的驚喜)

下午時份，在香港仔閒逛，遇到大名鼎鼎的山窿謝記。當然要進去試試。坐在‘新翼’，燈光是頗浪漫的昏黃色。來自三山五嶽各路人馬，都是圍着那幾張大枱開餐。人很多，夥計應接不暇，枱面碗碟稍為收拾就是了；地上嘛，沒有踏着什麽或軟或硬的物體，也就沒有人說什麽了。畢竟吃一碗麵，要多少時間，十數分鐘罷，又是另一幫人馬（這可能解答了爲什麽那燈是如此volt數....)好了，左揀右揀，最後要了碗雜米。我不吃牛，所以叫他們着量用其他材料來配搭。老實說，他們有沒有做，我真的不知道，因爲是第一次來，無從比較。魚片、魚餃、魚札和墨丸都不錯，而魚蛋-我覺得沒有什麽特別。好大的一碗雜錦米粉，什麽都有啲，一次過試晒。應該可以歇息好一段時間才來。

謝記魚片閒名已久! 論魚片, 謝記的魚片口感,味度也獨當一面! 老實講,我這一年每一個星期都會去盡情吃一番! 我和我女友兩人最小買$50魚片和各一碗粉麵食盡情地吃~ 但一路已來..本人看到一個問題就是管理人流問題...盡管店內員工人數眾多但食客要找來一位員工卻非常困難...有時更連座位都沒有..首先本人尚算一位青年..等位能力..自覺也不比其他人差...但我在這星期日就有了一個經歷令我甘願花20多分鐘時間來寫此間老字號食店之劣評...以下將會簡介落單和收碗問題:員工不懂收碗,無論食完要收碗也好未食需要落單也好...員工都視為避之則吉...等位問題:如閣下打算一個人前去...我勸你不要浪費時間....因該店員工不懂安排等位..(就好像"牛奶公司"...人家客人再多店鋪再細也不會比"謝記"混亂...因人家員工懂得分配那個食客再那等位...店內不夠空間便安排在街上等候...不會令食客在店內"白等"廢話不多講..單是以上兩點已經是所有港式食店(如茶餐廳..小食店..粉麵店等)基本知識...味道需然滿足到我...但如這樣品嚐美味前也要受氣的話.....不能一人前去的食店!

好耐無食過謝記, 對上一次一碗粉都仲係16蚊.今日莫名其妙想食墨魚丸(平時我唔食的) 所以嗌左碗墨丸魚皮雲吞米加多碟炸魚皮.墨丸一d都唔爽口彈牙, 不過係我杯茶(唔知點解我食丸類除左貢丸, 我鍾意食粉d, 所以我諗我呢個評語不能作實啦), 魚皮雲吞呢我一直覺得係謝記最好食, 縱使出面好多地方賣的都ok. 佢個皮係有少少腥味令我覺得真係有魚皮做材料, 而且好有咬口. 加左價到17蚊的一碗粉好大碗, 食唔哂!其實來謝記我主要係食佢d炸魚皮, 好似有報紙介紹過係用邊隻魚去整, 我冇深究, 知道佢好食就得啦. 將佢浸落d湯到, 濕濕地但保持脆口, 最正! 不過佢碟魚皮縮左水喎, 少左好多. 都唔係平要16蚊碟架啦.