山窿謝記魚蛋 (已結業)

去香港仔找朋友, 順道o黎埋食魚蛋~3點來到, 雖不用等位, 但都係最後兩個位, 再慢幾秒入舖, 已俾人坐了先叫碟腐皮卷先, 因見好多人食, 又幾靚咁;又真的幾脆 幾香口, 正!見到有些人係自助式的自己去揀及攞的, 雖碟碟都好似一樣, 但自己攞始終好像好食d既~另叫了碗魚蛋魚片米, 一碗墨丸魚片麵.好快有得食, 魚蛋及片好新鮮, 冇任何腥味, 彈牙爽口, 正!墨丸都好食, 都幾大粒, 雖得果兩粒.米及麵一般, 麵少許鹼, 落d 醋, ok.見辣油都要25蚊一樽仔, 幾大都落d一試;嘩, 好鬼辣架, 幾滴已噴火, 注意~~~之後, 突然又有人排隊自助攞野, 原來係有新鮮魚片炸起, 買了30蚊俾朋友食, 雖唔平但又真的好食.服務很好, 全女班的廚房, 看內都好乾淨.

剛到下午時份當然勁多人..好難先從中搵到位坐..1坐底即叫碗魚蛋河,,比同區舖貴少少@@見到1碗的魚蛋河黎到,,都OK大份喎~魚蛋好彈牙..而魚片的外層好脆..脆到估唔到-_-而河粉都OK滑..但覺得始終湯底味道較淡..總括都都唔錯,,但下次想搵個少人既時間會好D

記得還在諗書時,一行四人來吃午飯,點了魚蛋米,我們每人吃不到一半便放棄.事隔十年,帶朋友來試之餘也給它一個機會.單,雙拼同價,小碗$20,大碗$37,特大$6X. 價錢看來很恐怖,吃粉麵要六,七十元,但份量足夠四五人分享,也不為過.要了小碗魚蛋魚片河 - 一粒金蛋(炸魚蛋),兩粒銀蛋(潮洲魚蛋),三片魚片. 炸魚蛋彈牙非常,始料不及.潮洲魚蛋也好,但被炸魚蛋比不去.魚片亦做得好,爽口非常.湯底鮮甜,喝多兩口也不覺口乾,應沒有加味精.河粉也比得上江仔記,香滑而不黏口.小碗魚蛋墨魚丸米 - 只說墨魚丸吧.原來不只魚蛋做得好,墨魚丸也很有水準.出了名的還有魚扎,價錢賣得也很貴,小碗也要$30,不知味道如何,但我較愛魚蛋粉.一掃十年前的陰影,這次感覺十分好,會多點來吃.上菜速度極快,不消3分鐘便到,勁!!!!

朋友懷緬謝記魚蛋，專情乘車光顧一趟。在舊舊的大街上，依舊出現長長的人龍。好不容易才找到位子。為了一嚐衆美食，大家不約而同選了雜會河/米。老實說，份量真的不少，餸料有魚蛋、炸魚蛋、魚片、牛丸、墨丸、魚皮鮫及牛腩。魚蛋/炸魚蛋確是做得不錯，夠彈牙；其他丸類則無乜特別；牛腩亦較韌，唔突出。另外，我們亦加了油菜、炸腐皮及魚片。油菜普通；炸腐皮雖較油膩，但勝在夠香脆；魚片是招牌菜之一，和魚蛋一樣，口感彈牙，不過略嫌魚片皮過厚，微微影響了口感。此店另一詭異之處是炸魚片、炸魚皮及炸腐皮係要自己分開排隊買的，十分不便。

自小住在香港仔，廿幾年前，每日返學，去樓下阿潮州佬間嘢，食煎魚餅，柴魚花生粥，加豉油炒麵做早餐。那碟煎魚餅，加少少自製辣椒油，是勝過人間無數的絕品。潮州佬在香港仔魚市場做嘢，可能因此鮮魚肉特別鮮，價錢便宜，就連我這個窮家子也可一星期吃上兩三次。潮州佬大概早已仙遊，但那略嫌討厭的謝記還在。可能是食過潮州佬的魚餅，自小就覺得謝記的東西不外如是。偶而吃碗魚旦粉還可以，專乘拜訪就鐵定不會。最近，隔了多年，重訪謝記，吃了魚旦粉加油菜（芥蘭）。魚旦：普通，　粉：普通，　油菜：普通。普通，普通，普通。　（其實，那白魚旦是差不多不合格的，居然有小小霉）。而這＂普通＂的水準就維持了數十年了，沒有驚喜，也沒有不滿。但今次卻有一小小surprise：結賬時居然要５４元。不值。吃粉麵，去附近的楠記定更滿足。

去到, 依然係多人, 坐底, 同朋友講話要魚餃魚蛋河, 就去掛隊買魚片同腐皮卷.係佢地係好奇嘅, 魚片同腐皮卷係要另外到一邊排隊, 堂食都係咁, 仲要一路排一路怕冇... 魚片以半斤一斤咁賣, 好得意.排到, 熱騰騰, 好好香, 魚片咁樣食係厚切嘅, 一口食落去, 好彈牙好兔汁, 塊魚片嘅皮真係冇得頂. 腐皮卷新鮮熱辣, 脆口好好味.魚餃同出面普通魚餃不同, 皮好薄, 肉唔太肥, 細細粒一口好有香味, 唔會一口油一口粉咁, 必試.魚蛋唔大粒, 但好彈牙, 爸爸話係乒乓魚蛋, 哈!呢間店真係好巴閉, 10點開, 6點就收, 真係有d原因嘅.

中學時代o係香港仔返學, 偶然都會同同學嚟謝記食魚蛋粉. 嗰時唔覺得佢啲魚蛋有乜特別, 河粉又少, 睇見人地買炸魚片食, 自己又冇錢買, 所以都係去巴士總站出面, 可以自己落冬菜嗰間面餔多...今個sun約咗女朋友去數碼港睇"波兒", 經過香港仔, 於是做咗東道主帶佢黎試吓啲魚蛋粉.差唔多十年冇黎過, 裏面裝修依舊, 仲見到當年嗰個大水煲, 可以自己斟茶飲 (雖然有人只係黎要洗筷子)...我地等咗十五分鐘終於有位, 叫咗魚蛋瀨, 魚蛋牛腩河, 腐皮卷, 炸魚片搭多幾粒炸魚蛋, 兩枝可樂.炸魚蛋啲皮好香脆, 裏面好彈牙, o趙咗幾吓先咬得爛. 味好鮮, 少鹽少味精.炸魚片啲皮同肉炸到分開, 咬落去都好彈牙爽口, 不過個人認為炸魚蛋好味啲.跟粉面o既炸魚蛋魚片都沉淋咗, 略為遜式, 未炸過o既魚蛋亦唔係太過特別.女朋友讚啲炸魚蛋同魚片係佢食過最好食o既, 聽佢咁講我都好有滿足感~ 突然間, 又好懷諗細個o係街邊食到o既豬油炸魚蛋同埋傳說中o既"艇仔粉"呢~

山長水遠由沙田去到香港仔搵食, 謝記都幾難搵架店內既裝修仿佛回到六七十年代, 由兩間店舖打通, 細果邊應該係最初開業既地方一入去, 全都是人, 還吸引了不少外國遊客坐低叫左碗魚旦河, 怎料炸魚旦係要自己排隊買(只有假日係咁)原來炸魚旦係要每磅咁計, 個嬸嬸初時切左一人份量俾我, 收我十五蚊, 但我之後再話兩個人食, 就切多一舊, 仲大過原先果舊, 都係一共收左我廿五蚊, 計平左, 佢仲細細聲講俾多d。個炸魚旦仲係熱辣辣架, 很彈牙, 外脆內軟, 而且很有鮮味而個魚旦河都係d魚旦好味, 河粉就冇乜特別, 個湯飲完都幾口渴, 可能都有味精

山窿魚蛋真的名不虛傳,由於在我家附近,所以常常去吃.聽說很多名人明星都會來,但怎麼沒碰見過呢?謝記最好吃的有1) 湯河:魚湯有魚味,全無味精,河粉薄和滑,完美!(2) 魚皮雲吞皮有咬口又有魚味,餡又好有香料味(3) 腐皮卷腐皮薄又香脆,餡有魚味(4) 魚扎有咬口又有魚味,捲著好香的芹菜,是最好吃的,但貴(5) 如果心多多甚麼都想食,叫小什會就最好了,大碗多"送"又不算貴不過這兒的魚蛋和炸魚片雖然彈牙有魚味但比較"鞋",而且炸魚片的皮有些硬,而且繁忙時間好迫好多人,還有一定要早來,下午多數甚麼都會賣完,晚市更乾脆關門,真厲害!

今日同亞豬又去左行香港仔啦,見佢好少0黎呢頭行,於是我帶左佢去香港仔好出名0既謝記食魚旦粉啦.一入去我地就見到好多人已經係到食緊(下午3:00幾),我地搵左個位坐低就點左魚皮雲吞(即魚餃)魚旦可粉同埋墨丸魚旦麵.....等左一陣兩碗粉麵就0黎到啦魚皮雲吞魚旦可~內有炸魚旦一粒/白魚旦2粒/魚皮雲吞3粒同埋好多唐生菜(一D都唔少料) 炸魚旦~放湯食外皮都好脆,好香一D都唔油膩...仲有好香魚味 白魚旦~唔使講都係爽脆彈牙,魚味香濃啦 魚皮雲吞~比出面D魚皮餃滑D同香D. 可粉~同外面D湯可口感都一樣墨丸魚旦麵~大致同上只係冇左3粒魚皮雲吞,而換左3粒墨魚丸.... 墨魚丸~冇咩驚喜只係比出面彈牙,味道未見有突出..... 幼麵~(簡)水味比較重....(提示:記住加

我個人就覺得謝記既魚蛋粉向來都不錯..不過就硬係覺得越黎越冇以前咁好食..男朋友叫左一碗試~佢就覺得普通,冇乜特別..但叫一碗魚蛋粉總算一次過試哂炸魚蛋,非炸魚蛋同魚片丫^^我個人就覺得魚片最好食..第2係炸魚蛋..而第3先係非炸魚蛋~**但呢3樣野既分配唔係幾平均-.-"我地呢次叫個碗得一粒炸魚蛋.間店6點閂門~我地差唔多5:45pm先入去~d staff都唔會話嫌我地阻住送工~仲好好service~算是不錯啦 ^^"

謝記魚皮好食就無需要多講,但係佢加價速度,真係要話比大家知!年頭 $16上次幫襯 $18 27 Oct 2008 $20 雖然好食,但真的越來越貴!

因為阿頭請食飯, 來過2次, 感覺一般叫了雜薈米, 是多料和大碗, 但三十多元實在不便宜, 各料味道都只是一般, 謝記最出名是魚旦, 但個人認為非常一般, 最好吃的, 應是要找人出外排隊買的炸魚片在香港仔要吃魚旦粉, 可以有更好選擇

呢間野地方隔zip,但估唔到咁多人wor!!要搭枱唔緊要, 不過好多人都好似assume我地餐牌都唔睇就叫野...haha sorry我地唔得架... 最後我叫左魚片魚蛋河粉, bb叫左墨丸魚皮餃麵,同一支汽水well... 大家記住魚片魚蛋即係魚蛋... 原來叫魚片d人會覺得我多此一舉...河粉冇乜味, 魚片魚蛋係好味但太細粒同太少... 墨丸魚皮餃都okay但個麵好多"簡"水味... 非常唔好食... 但個河粉係冇味到我地寧願食好多"簡"水味既麵...我只可以話d送好, 但quantity唔夠, 粉麵又唔好... 我諗我唔會再食啦...haha好少可我同bb去d好出名既地方食完會覺得超級麻麻...haha...= = 但真係幫佢唔到..

星期天下午三時去到，門口有長長的人龍，幸好是排外賣吧。炸腐皮：好好食炸魚蛋：好好食魚片及魚蛋：非常普通炸魚皮：非常差，唔好嗌服務：差