山窿謝記魚蛋 (已結業)

成日話謝記點好食點多人排隊等, 當然都會去看看到底點好.好多人, 老闆店員完全給顧客自生自滅自己收盤放埋一邊儘快點菜儘快食食完儘快給錢走.味道方面, 完全唔覺得同附近的幾檔有任何分別, 重點係貴成條街唔好以為二三十蚊食得飽.然後食墨魚河, 個河真係唔係咁好, 好彩個墨魚都算幾爽大粒. 不過大碗要三十幾蚊好搵笨.店員完全唔顧客人的感受, 要七八個人逼係個細檯食野, 大檯無十二個都有十個人, 好逼.如果同其他的幾間一個價錢, 咁呢間係稍為好一點點, 唔係的話唔覺得值得被昆三四十蚊.

淨魚蛋　－　魚蛋很有鮮魚味，亦很彈牙爽口；但沒有手制鮮魚蛋的魚肉膠感，可能工場製作的原故吧．魚皮雲吞河粉　－　魚皮雲吞有如我們的魚皮角，肉餡料調味合好，湯底較淡，不會奪去魚鮮味！腐皮卷　－　一層薄薄的腐皮包著魚肉炸熟，令薄腐皮口感香酥加上內裡魚肉彈性，好比炸雲吞好吃幾倍．後記：如果去謝記不宜太早，雖然十時已經開店，但炸魚片／魚扎等等，通常十二點過後才供應．　　　很遺憾地，這次我早到了．．．．吃不到炸魚片及魚扎．．．下次再去！

的而且確,呢間魚蛋既魚蛋粉真係好細粒,但係細粒唔化表好定唔好,因為味道先係最緊要!一碗魚蛋河有五粒魚蛋同三塊魚片,味道唔錯,而因為我食左一粒炸過的魚蛋,覺得幾好食,所以另外叫多一碟,仔仔食左一碗細既什錦米,入面又有牛腩又有牛丸又有魚旦又有魚扎,個仔真係識食過我,另外加多一碟腐皮卷(見圖),味道都ok!值得一提係佢地個湯底比較清,豬骨湯沒有落太多不必要既調味料,係一種比較傳統既做法,食落又有另一番風味!

最近一次到了山窿謝記魚蛋吃是兩日前的事,下午三點左右,店內人唔算好多先來一碟腐皮卷,味道可以,但有點油益味,可能擺左太耐的緣故吧!我的魚旦河到了,size是比較細碗,不過上次已經吃過,所以有心理準備..魚旦細細粒,本來係幾好味,因為真係有魚味,但係唔知係唔係天氣熱.所以個別一兩粒好像有少少味...魚旦當中其中一粒係炸旦,嗰粒係特別好食,魚片細細塊,睇落去係比較軟身,賣相一點都不吸引,但係其實咁先係好野,因為即係代表魚肉成份多,粉少,真材實料!

聽講....下晝五點想食都無得食,因為賣哂就閂門!今日嚟到,八成滿,我食左一碗魚旦河,噢!味道真係唔錯啦!佢地既魚旦係好傳統既味道既魚旦,可以話係好魚旦既魚旦,魚旦係比較細粒一d,唔會好彈,但係咸咸地好好味!不過碗粉唔係好大碗,食一碗唔係太飽,加左一碟炸魚皮同一枝可樂,炸魚皮我浸落碗魚旦河d湯度再食,特別正,大家可以參考吓架!賣哂就閂門,其實佢先係真正好食既香港仔魚旦粉!

謝記是一如以往的多人，門口還有人排隊買魚片魚蛋。今次坐在舊鋪那邊，湖水綠色紙皮石，窄長鋪面，懷舊味濃，風味十足。謝記的湯粉麵分了小，大和特大三級，單一或是雙併同價。旨在來吃個輕便午餐，所以叫了碗細的魚片魚皮雲吞米粉。米粉煮得不錯，軟硬適中之餘，又不會剪得太碎，而且還加了大量的蔥粒和冬菜，湯底清香，米粉味道可口。魚片是切得太薄了，根本吃不到當中的質感，只覺外皮煙韌。魚皮雲吞有兩粒，外皮有咬口，但内裏的餡料太少，吃起來，像什麽都沒有似的，整個雲吞腍得過份，口感和食趣都大打折扣。

2008-05-24下午茶吃了謝記的炸魚蛋，彈牙有「趙頭」，不用添加任何調味料已很好味，不愧為香港仔魚蛋之最。

食過兩次，佢既炸魚蛋、炸魚條、炸腐皮真係正！尤其炸魚條，新鮮炸好已排長龍，即切既食，新鮮熱烘烘，鮮味彈呀…好！腐皮酥脆可口，食完一件又一件！不過呢間野唔平…

身為「九龍人」的我，再加上沒太多朋友居住在香港仔，除了去海洋公園外，真的想不到理由山長水遠由九龍跑到香港仔飲飲食食。剛好上星期六住在香港仔的「Parker兄」，誠邀我們到他家看球賽，可以藉此一嚐「香港仔魚蛋」的滋味。記得曾經問過住在香港仔的朋友，問他香港仔那間店子吃魚蛋最好，他二話不說便介紹「謝記」(正確名稱是「山窿謝記魚蛋粉」)。此店位於「舊大街」，確確實實是一條頗舊的街，不過只是單程路，是一條「舊而不大」的街。由Parker帶路之下，我們一行四人很快便到達此店。當時還未到中午十二時半，我們由「新鋪」進入，但發現已沒有坐位，便由「新鋪」穿過去「舊鋪」，剛好有一張四人桌子。「舊鋪」好有一種舊式店舖的味道，牆身還保留舊式食店的裝飾，十分有風味。坐下來便點了以下食物︰1) 炸魚片2) 炸腐皮卷3) 淨墨丸4) 淨魚皮餃5) 淨魚蛋 (相片中沒有展示)6) 油菜7) 齋粉四碗8) 支裝汽水四支「炸魚片」要客人自己跑到櫃台購買，就好像到茶樓拿著點心咭叫點心一樣。一碟六件的炸魚片，由於是在廚房即場製作，所以還是暖的。半條炸魚片切成六件，每件魚片的厚度也有2-3cm，單是這一點已令人覺得與平常吃慣

因為有親戚從外國回港，特意帶他們到處吃喝。知道香港仔出名魚蛋粉，於是便到香港仔也頗為出名的謝記吃魚蛋。朋友連親戚一行20人，在星期日下午時份來到。深知出名的食店都要排很久才會有位。都不望要同卓而坐，當日同其中一個朋友的一家三口坐於近收銀台位置，一坐下坐於收銀台的亞姐已經不斷大聲指示員工做事，落單時收銀亞姐態度已不好，服務態度不好都算了，想必食物好都可以補救，怎知...1.點了3碗魚旦河，要15分鐘以上才到，店員解釋「因為湯底要煮」--好!就當因為要煮湯，所以要久等...誰知那些要時間煮的湯...淡而無味，只有很淡很淡的魚味，除此之外，像白開水一樣。2.魚旦不夠彈牙，不夠魚鮮味，不夠爽口。3.炸魚皮炸粉過多，感覺似食厚薯片多過食炸魚皮，而且沒有炸魚皮應有的魚香味。4.炸魚片--外皮炸過頭，以致魚片外層感覺似魷魚，而且有點"鞋"口感覺。4個人食了這些食物，如果真的要山長水遠的到香港仔吃這些出名的魚旦粉，我寧可留在家吃我的「出前一丁」，起碼不用邊吃邊受收銀姐姐教訓員工的聲音!

此間老店，話佢係咪真係咁好食? 個人覺得唔算。招牌魚蛋，自從很多年前由人手唧改為機製後已變質，唔算好彈口，而且幾重腥味，六十元一斤只算合格。炸過嘅重差，層外皮好實，要用點牙力才咬得開，似乎街邊串串咖哩魚蛋更可取。湯河粉的確淡出鳥來，惟其魚皮餃及炸魚片卻可以補番數。尤其後者，要排隊等佢秤和切片，熱辣辣吃入口，香口彈牙好味，同魚旦全完是兩回事。若排外賣，提議最好原條打包，佢哋厚切法好唔襟食，九十幾蚊斤都值得一試。出名地方梗係唔憂做，食客有時要忍吓伙記面口，此處亦是。但每次吃著碗細雜河--- 回憶起年幼在其山窿窄巷，叫完企響度等，再企足全程捧住來吃(如果條長木條旁俾人企滿晒) --- 覺得現時水準還不錯。

香港仔魚蛋、魚片，鮮打的，湯底不濃不稀，焉能不好？但，不滿有三：1) 明明有吉檯，卻強迫行人搭檯；2) 目無表情的侍應生的冷淡敷衍的招呼；3) 濕滑不潔的地板。故，請恕我未能給她一個笑臉了。

此等名店，9 5 9 就會吃一次。再者自幼在南區長大，對它實在有點感情。出品並非十全十美：其中牛腩就真的麻麻，但湯底及那碟炸魚皮，睇怕再過多廿年都會記得。有一點搞笑；每次叫粉麵時我都會強調(多青唔該)，但竟然無一次做得到！每次都要再叫過！不知其他食友有否相同情况？！今次太太照舊細什米、我就來個魚旦牛根粗、蠔油生菜、炸魚皮、3支進餐好伴侶。我一個人吹左2支，cool！！粉麵其實大部分食友都試過，口味見人見智，我自己較喜歡它的炸魚皮。好香酥味，比一般10蚊包那種厚身，所以放湯久一點都依然堅挺，正合朕意！

同阿媽入香港仔食謝記!叫左炸魚皮,腐皮卷,魚旦河,油菜!腐皮卷鬆化,味道很好!炸魚皮一般,魚旦是十分出色,湯底是一般!有些重點食物之美味,係推動我嚟既因素,但係又唔係無缺點!

都係例牌嗌左魚旦魚餃河同埋腐皮卷.本身一心想食魚皮,果時一點幾,已經賣晒lu! 食完之後,發現自己竟然.....唔夠$埋單..真係幾醜樣囉..好彩我等緊人唻救我的時候..我埋左單先.但係老闆娘就話爭幾蚊算數啦!!哇.好warm呀真係..可能我由細食到大啦..XP之後去左外賣果邊買野俾媽媽食..點知等左N耐,,,個女人好慢囉做野..又慢又吹水..唉..失望!