尚鮮海鮮料理 (已結業)

又到暑假，突然想食火鍋，聽說尚鮮火鍋料理食材和環境不錯，所以就在Openrice 訂枱於晚上一家三口前來。店內裝修雅緻 ，我們三人被安排坐在四人卡位上，坐得十分舒適。枱與枱之間有很多空間，所以也不覺得嘈雜。因為小女生不吃海鮮，所以我們三人選了精選二人套餐，再額外多加三款食物。 牛肝菌昆布湯牛肝菌營養價值十分高，能抗菌抗癌，增強 免疫力 。湯底裏的牛肝菌多汁味鮮，加上昆布，清甜又健康。 手切牛肉手切牛肉的雪花分佈平均，顏色鮮紅，絕對是貴價貨。牛肉肉質淰滑，入口即溶，吃到停不了口。 廣島蠔及脆肉鯇魚片廣島蠔十分肥美，鮮甜多汁，沒有腥味，而脆肉鯇魚片則非常爽口。 台式黑椒腸及日式蟹柳喜歡台式香腸的必定會喜愛這黑椒香腸， 加了黑椒的香腸更加惹味。 手打牛肉丸和豬肉丸手打牛肉丸和豬肉丸除了爽口彈牙外，也十分新鮮，吃後教人念念不忘。 菠菜香菇水餃及木耳鮮蝦雲吞自家製的水餃和雲吞大大粒的，份量十足。木耳鮮蝦雲吞內裏有很多蝦肉，十分鮮甜。 菠菜香菇水餃十分清香，又是另一種風味。 上海年糕原來上海年糕用作打邊爐也不錯，煙煙靭靭，也讓人飽肚。 百花釀油條油條裡釀了蝦膠，送上來時是香噴噴熱辣辣的，可以立刻食

去完time square shopping突然想食火鍋，喺openrice 度search到附近有間高質火鍋店，所以就去試一試。八點嚟到好彩還有枱， 餐廳嘅待應非常親切有禮，並安排我哋三人坐在四人嘅卡位，座位十分舒適。我們兩大一小點了個二人精選套餐，包紅白酒兩杯或汽水兩罐。湯底我哋選了特別嘅牛肝菌昆布。鍋內有很多菇菌及昆布，湯底清甜。手切牛肉，肉質淰滑，入口即溶手打牛肉和豬肉丸，爽口好味木耳鮮蝦雲吞內有大大隻的鮮蝦西洋菜香菇餃十分清新。 台式黑椒香腸十分惹味鮮甜的日式蟹柳田園盛內有冬菇、蘿蔔、粟米和生菜，當中的粟米超甜 廣島蠔十分肥美，脆肉鯇十分爽口。年糕煙煙靭靭，十分有口感。充足的醬料，為食物加添美味。總括來說，尚鮮食物新鮮美味，服務周到，環境舒適，下次會再來。

友人飯聚，火鍋一般都是首選，貪其氣氛熱鬧，食物選擇多。這次我們選了位於銅鑼灣鬧市的火鍋店，但上樓的火鍋店卻有一絲寧靜，彷似鬧市中的綠洲。這個晚上朋友負責點餐，食物整體也很有水準，當中有幾款令我印象比較深刻。不知道這款食物的名稱，但就是把墨魚膠釀在油炸鬼上。兩款食物的質感截然不同，卻又相輔相成，令口感很豐富。這個看似簡單，圖中的台灣腸卻令我印象深刻，很少食到有地道台灣風味的台灣腸，這間算是比較出色。花枝片切得薄薄的，下鍋後瞬間捲起來，很爽口。響鈴新鮮，沒有重重的油味，卻是薄薄的炸得很脆口。蔬果藍的款式很豐富，可以試到各種的蔬菜，真不錯。這特別而翠綠的菜有個獨特的名字，叫羽衣甘藍。平常比較少見，無論質感和味道都非常獨特，質感不如一般的蔬菜本般爽脆；卻帶點美味的清香。餐廳整體食物也不錯，而且環境也舒適，服務也頗貼心，算是銅鑼灣的好選擇。

好多人都覺得打邊爐最好係一大班人去酒樓，但係今晚意外發現一間位於銅鑼灣既高級火鍋餐廳。一入去已經覺得燈光柔和、好有情調好舒服，座位一格格好有privacy，加上每枱有一兩位侍應好殷勤既招待。我地兩個人叫左一個海皇套餐，首先黎一個海鮮鍋有好多海鮮，有超大隻既龍蝦、蟶子、帶子同蝦。而湯底主要係龍蝦加埋有好多海鮮既鮮味，實在係齒頰留香。牛肉唔係一般肥牛而係肉質嫩滑又肥美既牛頸脊仲有鮮打蝦丸同墨魚丸，好鮮甜好彈牙。以為套餐包既係普通獅子狗，點知一咬開既時候係滿滿濃旭既芝士，非常驚喜！原本都係想兩個人打個邊爐點知搵到間咁有情調咁有質素既餐廳，喜出望外。

午膳時間與同事到尚鮮火鍋海鮮料理享用火鍋。一行四人安座卡位，裝潢方面，坐處舒適。牆壁掛上小型電視，可邊吃邊看新聞。 午市火鍋有三款餐單供選擇，定價 $88/位起，另加 $15/位的醬料費及加一。 以土鄕清湯作湯底，簡單而言即是皮蛋芫茜清湯。 牛肉是最先送上的食材，分別有手切牛及牛頸脊兩款。單看賣相，兩款牛肉分別不大，雪花紋理清晰平均。細味之下，手切牛擁有較軟嫩的質感及較重的肉香，出乎意料拿取較高的評分。 鮮打墨魚丸及鮮打蝦丸同屬自家手打製作，口感挺彈，但本味不算太濃。 手工雲吞賣相大粒脹卜卜，內含木耳及鮮蝦，食感爽口。相比之下，手工蟹皇餃少了一份豐滿，但換來一份蟹皇搶香，各有所長。剛剛吃過的生料全屬指定款式，接下來的生料則全屬自選項目。在云云海鮮生料之中，筆者較欣賞甜鮮的廣島蠔及甜脆的帶子片。花膠筒帶著輕輕的膠質，並洋溢海味乾貨普遍享有的鹹鮮味道。脆鯇片肉質確實彈脆，只可惜中央摺疊部份略硬不討好。純粹追求口感享受，可考慮品嚐花枝片及珊瑚蚌，用料爽鮮。 每客火鍋均附上菜蔬及粉麵，免費任添任食。另可自選飲品一杯。火鍋屬飽膩的飯餐，配以一杯酸香解膩的洛神花茶作結最好不過。

間唔中都會有鋪打邊爐癮,今次就去左呢橦好多食肆既大廈搵食叫左個2人餐,份量都好似幾多咁湯底揀左冬蔭公湯乜都未落之前先試一試個湯底,本身好鐘意飲冬蔭公,所以都好期待呢個湯底既味道湯底岩岩開始煲個時,帶微辣微酸味道溫和,不會搶味不過去到後期,酸味既比例逐漸增加,辣味加左水之後變淡入面既蝦都有4大隻,都幾爽口特尚手切牛牛肉雪花均勻,牛味濃厚,好滑口,份量唔算太多,可能好味卦,最快清晒廣島蠔,脆魭片廣島蠔好新鮮,非常juicy,蠔味好濃郁脆魭片就輕淥一淥就食得,非常爽口鮮打牛丸同豬肉丸兩者都係手打,所以特別彈牙肉汁亦比較多木耳鮮蝦雲吞同西洋菜香菇餃兩者餡料非常多,而且味道好好特別係西洋菜香菇餃,平時比較少食到

🍍銅鑼灣百樂中心食肆林立，等𨋢都要預返10至15分鐘，如果天氣熱都幾辛苦♨️尚鮮火鍋佐敦同銅鑼灣店其實都去過好多次，銅鑼灣環境舒適啲，但佐敦服務好啲！每次必點尚鮮龍王海鮮鍋🥘$428，由賣緊$398食到依家已經$428，入面有龍蝦、扇貝、蜆、蟶子同埋🦐蝦，湯底鮮甜，海鮮控必點✅-🐮牛肉推介手切牛邊位$188，肉味比較濃郁，如果想食淋啲就可以叫頂級牛頸脊$238(中)，其他配料隨自己喜好，都唔錯。-飲品有🍺沖繩生啤、如果唔飲酒一定要飲自家製🍹青檸梳打蜜$58 1000mL，港島區值得一食嘅打邊爐，🙋🏼建議第一次去食可以叫套餐，唔怕叫叫吓失預算😅

“尚鮮” 一聽到就覺得係食新鮮食材嘅火鍋 果然無令我地失望私隱度高嘅卡位設計, 我同朋友們傾計都傾得幾舒服, 唔洗同隔離枱你眼望我眼冬蔭功 x 芫酒湯嘅鴛鴦鍋, 點冬蔭功湯底嘅好處係順便可以飲埋個湯 平時去泰國餐廳飲都要差唔多一百蚊架嘛 XD然後先黎嘅係特尚手切牛 同埋木耳鮮蝦雲吞 X 西洋菜香菇水餃唔好講笑碟牛真係好好食 又濃味又夠滑 太細碟唔係幾夠喉添呀! 手切牛已經咁正, 下次要試下佢個Prime級牛頸脊雲吞同水餃見佢都包得幾靚靚仔仔, 粒粒d餡都漲卜卜 脆鯇片 X 廣島蠔 鯇魚我就不嬲都唔食既, 同行嘅朋友話幾好味, 廣島蠔正仲有最正既嘅餐肉, 切到咁, 幾有心機 哈哈台式黑椒腸 X 蟹柳黑椒腸好香, 不過平時少用黎打邊爐,  覺得都係BBQ啱feel d.  蟹柳無咩特別 正正常常打打下阿姐都會走埋黎幫手隔起湯面嘅污糟野, 幾細心. 哩度仲有幾多款啤酒揀, 連Estrella支黑色星星啤酒都有, 配埋佢專屬嘅酒杯, 我位朋友以為我開左支白酒~ 從此打邊爐唔洗只配藍妹青島大hoe啦  哈哈!!下次要黎試下佢個貴少少既海皇餐 見d野食好似正好多!!

同舊同事好耐無見啦～又係時候約下吹水~呀ger介紹左呢間食火鍋，佢話坐得好舒服，又唔限時！好啦就決定呢度！希望唔會介紹錯啦～提早book左位～一上到就安排左卡位比我地3個人，超開心坐得真係好舒服，而且隔音效果都唔錯。我地3個女仔唔太大食，叫左$888海皇鍋套餐~湯底係龍蝦湯，真係好甜呀！有貝殼類，大蝦，龍蝦同魷魚，好足料的一個海鮮湯底！慢慢食完個海鮮鍋之後就開始加湯打邊爐！蟹黃餃-第一次食咁特別既餃子，食落有d咸咸地既蟹肉味，味道好濃烈，加上龍蝦湯底，又鮮又濃！頂級牛頸脊-平時打邊爐肥牛就食得多，牛頸脊就真係第一次食呀！比一般肥牛食落去更加彈牙，而且無咁肥，牛味仲好多。唔錯唔錯！雙拼鮮打蝦丸子&鮮打墨魚丸-推介鮮打墨魚丸呀！食落脆口又彈呀！而且上面仲有黑松露調味，更加突出果陣鮮味！芝士獅子丸&越式扎肉-仲好奇怪打邊爐都有越式扎肉～食落又幾好食～一開始以為係普通既獅子丸，點知咬落去中間係有芝士架！即時加分！雙拼珊瑚蚌&桂花蚌-平時都比較少食，因為打邊爐好少食到新鮮既，係屋企打邊爐去街市買又好貴～呢個set竟然有得食！而且份量仲要都大份架！桂花蚌第一次食！十完之後係漲大左，咬落去好肥美，而

又係每月一次嘅八婆聚會，唔想再去啲限時嘅餐廳影響傾偈嘅心情，今次就千里迢迢走咗出銅鑼灣揾食！之前同屋企人食過尚鮮佐敦店，覺得可以再encore，所以今次就同朋友嚟試下銅鑼灣店嘅水準！銅鑼灣店燈光比較昏暗，所以入到嚟反而感覺比較relax，有種辛苦咗成日可以放鬆下嘅感覺！今次揀個二人精選套餐，上次試過冬蔭功湯底好正，可以飲完再加湯打邊爐，所以今次再encore個湯底，不過朋友就擔心冬蔭功湯底太濃所以再加埋個清湯雙拼！個冬蔭功湯底依舊足料，有好多蝦好多菇同埋配料，唔好過咸，好好味，我飲咗兩碗先叫店員幫我加湯開始烚嘢食！套餐嘅食物好快就上晒枱，都幾多嘢食架！一定要讚下個牛，手切架，啲雪花均勻，一食就知係靚牛，牛味濃厚，好香， 好滑口，呢碟特尚手切牛我同朋友都讚不絕口，最快清晒！另外鮮打牛丸同豬肉丸都係手打，手打嘅肉丸的確同平時打邊爐嘅急凍或者機打嘅肉丸有好大分別，食落有肉汁又爽口，我個人就比較鍾意牛丸喇！火鍋點可以無午餐肉架，所以我地都後加咗個韓國午餐肉，見到啲午餐肉排得咁整齊靚靚已經好開心，厚切成條狀，食起上嚟好方便，而且呢度嘅午餐肉唔係用cheap嘢，口感實淨，有香濃嘅肉味，就算致癌都忍

打邊爐可以話係香港人嘅最愛!!! 港人不分季節, 冷暖都愛打邊爐, 所以火鍋店開到成行成市。依家無論中日台韓泰式火鍋都有, 每樣都有唔同特色, 包保總有一款啱你心水。今次同舊同事聚舊, 大家都邊爐癮起, 不約而同話要打邊爐!!! 上網睇到尚鮮, 感覺唔錯, 就即刻訂枱先。尚鮮座落於時代廣場後2條街, 交通都方便易搵。上到去就見到營業中嘅布簾, 都幾有日式感覺。餐廳裝修以日式居酒屋為主, 安排左卡座 比較私人, 感覺好好, 啱哂我地傾計。叫左個2人精選套餐再加多幾個火鍋料, 唔係唔夠我地3個人食。原來餐廳仲有呢啲生猛海鮮, 真係活生生的,龍蝦仲喺度郁啲觸鬚呀!!!揀左土鄉清湯, 原來係加左芫荽皮蛋, 可以下火。清清地都唔錯。特尚手必牛, 牛肉顏色鮮紅, 雪花分佈, 大大片, 烚到啱啱熟, 牛味足, 唔韌, 好好味呀!!!脆脘片拼廣島蠔, 脆脘片切得薄薄, 好快烚熟, 而且唔腥, 無骨, 都唔錯。廣島蠔蠔味濃郁, 好鮮甜。香菇餃拼木耳蝦雲吞, 香菇餃好多菇, 菇味好濃。雲吞大大隻, 好真材實料, 有一隻大蝦, 蝦肉爽口唔霉, 木耳增加爽脆口感。豬天梯好少見, 所以叫黎試試, 係豬嘅喉嚨,

移民左外國嘅朋友近來回港探親，佢未返黎就已經落order，話返香港一定要我陪佢食火鍋，既然朋友有命，當然唔可以怠慢。好在同事有好介紹，佢大讚呢度環境同食物都唔錯，好適合三五知己食野同傾計，所以就book左呢間餐廳。我同朋友去到同侍應講想要無咁開揚嘅位置傾下計，個侍應超好人，二話不說就帶我哋去左卡位坐，卡位超寬敞，坐五六個人都無問題，而且每個卡位都有屏封由座位延伸到天花板，坐係入面，好似坐係間房度，私隱度超高，而且每個卡位都有部小電視，好貼心嘅安排。我同朋友揀左個二人餐，包兩杯飲品。我哋就揀左佢哋自家製嘅飲品：洛神花茶同青檸梳打，酸酸甜甜，好開胃醬料雖然唔算多，但common嘅都有，我覺得都已經足夠。湯底係清湯，有我鍾意嘅芫茜雲吞同香菇餃：好大粒，好足料牛丸同豬肉丸：係用新鮮肉整，唔係出面嘅雪藏丸，好彈牙脆鯇片同蠔：好新鮮手切牛：雪花分佈好平均，入口好有牛嘅油香味黑椒腸同蟹柳：黑椒味濃，鍾意黑椒嘅絕對喜歡雜菜：好新鮮二人餐好豐富，我同朋友兩個都食唔哂。侍應非常細心，見我哋飲完飲品，會主動問我哋要唔要水，而且食完會好快收碟，服務態度超讚

雖然今日又熱又焗，但係由於每日都係一個打邊爐嘅好日子，所以今次好早 7:00 就去左上次排長龍嘅尚鮮撞下食神！早起鳥兒有蟲吃！今次唔洗排隊！我揀左二人精選套餐。因為我唔食牛，所以轉左豬豚片，牛丸就轉左墨魚丸醬油盤都有9款選擇！ 湯底有3款選擇，我揀左牛肝菌昆布湯，入面有大量菇菇，感覺好養生，又唔會熱氣。呢個豬豚肉睇落好似好肥，但入口一d都唔肥，仲好爽口，唔多食肉嘅我都食左3塊。雲吞+水鮫，豬肉丸+墨魚丸雲吞最好味，皮薄、用料新鮮。墨魚丸都好爽口。脆鯇片+蠔鯇魚無泥味，好難得。入口都爽脆，應該幾新鮮。年糕用年糕代公仔麵，成個鍋都清新d，無咁多蠟。 不過年糕屬於高難度配料，煮太耐又唔得，煮唔夠又唔入味 黑椒台灣腸+蟹柳其實食到呢度已經後繼無力，但係見到台灣腸又真係好吸引，通常都用嚟燒，第一次用嚟打邊爐，我都忍唔住食左兩條。呢個二人餐其實份量一定夠，總括嚟講，食物新鮮，坐得舒服，又唔會好噪，因為佢d檯都唔係好密，不過最好預先訂檯。

在網上看見朋友post左啲龍皇湯嘅相，真係好想試，今日一於同女朋友去尚鮮試下先是樓上鋪，不過原來成幢大廈大部分都係食肆呢！門面好日式feel原來都攞過獎添一直想試的龍皇湯就在眼前喇果然名不虛傳， 龍蝦，大蝦，蟶子， 扇貝，花蛤樣樣新鮮， 蝦肉爽口彈牙， 蟶子淥完都仲好大隻， 啖湯香濃鮮甜， 今日真是不枉此行， 嘗到鮮味無比的龍蝦湯手切牛肉脂肪均勻，又林又香又滑， 牛肉味香濃， 淥一淥數三下就食得手打牛肉滑， 爽口彈牙，牛肉味濃羽衣甘蘭， 喺超市買都唔平㗎， 顏色翠綠新鮮好爽口呀百花釀油條， 彈牙嘅蝦膠釀喺油炸鬼上炸到脆卜卜葛絲似薯粉。但口感好好，仲好QQ添！索曬啲湯好味到暈， 唔係講笑 ，仲好味過食魚翅呀咁啱今日就係星期三，有九折呀環境都真係唔錯㗎， 座位都好寬敞

現在多了很多樓上食肆，因為租金平啲，所以一般都以抵食或者選料新鮮來吸引客人，今日我們就去了銅鑼灣，時代廣場附近耀華街~~~尚鮮火鍋。一行三人，Order 二人套餐，上網見到龍皇湯很吸引，於是要$888這款嘩。。嘩。。嘩。。。果然好睇個色已經知道煮了不少時間，滾起侍應就耐心地替我們把海鮮舀起睇下。。。龍蝦，大蝦，聖子，扇貝。。。啲海鮮多到吖龍蝦和大蝦都有膏，海鮮爽口鮮甜聖子也可稱王，因為Size 真不小啖湯好鮮甜，香濃嘅蝦味簡直可以媲美大酒店嘅濃蝦湯呢飲完海鮮湯就開始滾下喇牛頸脊，脂肪分佈均勻，肉色鮮嫩，入口腍香貴妃蚌拼珊瑚蚌，新鮮爽甜，記得淖一分鐘就好食喇，咪過火就韌咖手打丸新鮮爽口彈牙蟹皇餃其貌不揚，但食落真係。。。裡面都係蟹肉和蟹皇，真材實料，好味到芝士獅子狗卷，吃時要小心哦因為一咬落去，啲芝士濺晒出嚟咖，小心熱到嘴呀娃娃菜嫩滑，索埋啲湯，好腍甜還有葛絲，有點像薯粉，但比薯粉QQ啲，索湯食真的好正原來食到咁上下想加啲嘢，好在未咋，三個人食二人套餐都食到捧住個肚喇如果人多仲可以包房添呀