尚鮮海鮮料理 (已結業)

移民左外國嘅朋友近來回港探親，佢未返黎就已經落order，話返香港一定要我陪佢食火鍋，既然朋友有命，當然唔可以怠慢。好在同事有好介紹，佢大讚呢度環境同食物都唔錯，好適合三五知己食野同傾計，所以就book左呢間餐廳。我同朋友去到同侍應講想要無咁開揚嘅位置傾下計，個侍應超好人，二話不說就帶我哋去左卡位坐，卡位超寬敞，坐五六個人都無問題，而且每個卡位都有屏封由座位延伸到天花板，坐係入面，好似坐係間房度，私隱度超高，而且每個卡位都有部小電視，好貼心嘅安排。我同朋友揀左個二人餐，包兩杯飲品。我哋就揀左佢哋自家製嘅飲品：洛神花茶同青檸梳打，酸酸甜甜，好開胃醬料雖然唔算多，但common嘅都有，我覺得都已經足夠。湯底係清湯，有我鍾意嘅芫茜雲吞同香菇餃：好大粒，好足料牛丸同豬肉丸：係用新鮮肉整，唔係出面嘅雪藏丸，好彈牙脆鯇片同蠔：好新鮮手切牛：雪花分佈好平均，入口好有牛嘅油香味黑椒腸同蟹柳：黑椒味濃，鍾意黑椒嘅絕對喜歡雜菜：好新鮮二人餐好豐富，我同朋友兩個都食唔哂。侍應非常細心，見我哋飲完飲品，會主動問我哋要唔要水，而且食完會好快收碟，服務態度超讚