尚鮮海鮮料理 (已結業)

好多人都覺得打邊爐最好係一大班人去酒樓，但係今晚意外發現一間位於銅鑼灣既高級火鍋餐廳。一入去已經覺得燈光柔和、好有情調好舒服，座位一格格好有privacy，加上每枱有一兩位侍應好殷勤既招待。我地兩個人叫左一個海皇套餐，首先黎一個海鮮鍋有好多海鮮，有超大隻既龍蝦、蟶子、帶子同蝦。而湯底主要係龍蝦加埋有好多海鮮既鮮味，實在係齒頰留香。牛肉唔係一般肥牛而係肉質嫩滑又肥美既牛頸脊仲有鮮打蝦丸同墨魚丸，好鮮甜好彈牙。以為套餐包既係普通獅子狗，點知一咬開既時候係滿滿濃旭既芝士，非常驚喜！原本都係想兩個人打個邊爐點知搵到間咁有情調咁有質素既餐廳，喜出望外。