尚鮮海鮮料理 (已結業)

又約左朋友打邊爐，今次試新野，上網搵左呢間尚鮮火鍋，一於去試下。7點左右到達，一落坐，店員即遞上menu。我地揀左個星級之選套餐，見到都幾豐富下。湯底我地要左血地麻辣湯同埋姬松茸冬瓜湯。麻辣湯底夠曬麻，又唔會太辣，朋友唔太食得辣都覺得接受到，正。冷盤係泰式生蝦同清酒鮑魚。生蝦好味配埋辣椒同蒜頭食，味道好鮮味。鮑魚爽口，不過食唔太出有清酒味。我地叫左杯自家製青檸梳打，青檸味好夠，但略嫌酸左d。海鮮盤好吸睛，海蝦是新鮮的，有蝦味，又彈牙。鱔片有d鞋，而且無麼味。聖子皇夠大隻，爽口彈牙，有鮮甜，最緊要係無沙。大蜆無麼肉，不過都算鮮甜噶。呢個安格斯牛，好好味，賣相已經夠靚。雪花均勻，牛味濃郁，而且淥多陣都唔會鞋。必食啊芝士竹輪啊，超正，好少有機會食到，食過噶人都會愛上。豬肉丸同墨魚丸都食得出是手打的，又大粒又彈牙。蔬菜同菌類份量都幾多，蘿蔔好清甜，d菜都好新鮮。日本葛絲，口感同薯粉有d似。最後淥，索曬d湯底，好正。

一入到餐廳看見那麼奪目的餐牌!就決定一定要吃一點海鮮想不到下完單之後有一個很端莊的調味架， 10分吸引！之後來的湯底都正正常常，不過令我最開心的是他的火鍋配料！他的說法肥牛真是10分漂亮，而且牛肉味重，不過留意不可以煮得太久，否則就會有一點韌令我10分欣賞的是他的海鮮配搭，可以吃得很多款！而且他的海鮮10分新鮮呢樣有一吃再吃的衝動。但令人失望的是他不能避免叫朱紅，最後唯有浪費一些自己不吃的食物。這就是套餐的限制！至於他附上的烏冬質素還好，作為飽肚的食物也是不錯的選擇另外不得不讚這個鮑魚，原本已經是煮熟了才送到枱上，用蠔油煮這個鮑魚很好吃！

兩三年前黎打過邊爐，覺得食材幾新鮮，一路都知呢度主打老火湯做湯底，只係2個人食得唔多款之餘食好D又要成千蚊落樓～有啲唔化算😢不過知道近來有推出一人套餐，似乎吸引左好多！2個人打邊爐梗係想黎試試佢啦！結果黎到份量都唔少！套餐最特色之處係唔少得新鮮海鮮！而亮點係包埋餐前冷盤！先講講湯底，食過既我當然唔陌生，揀左姬松茸冬瓜湯及血池麻辣湯，夠曬大煲傳熱快，望落唔惹少！姬松茸冬瓜湯果然無令我地失望，飲落夠清甜，湯入面湯料好足，未開始我地各飲一碗先！冬瓜粒、瘦肉、姬松茸越滾越出味，我地用呢個湯底淥蔬菜及海鮮，令個湯更鮮甜！最後唔執輸飲左2-3碗！而血池麻辣湯底顏色好深，唔算油，味道偏向港式應該有用豆瓣醬去開，辣椒碎亦好多，入面有勁多香料，所以食得出溫補而不嗆喉～食慣麻辣湯底既我地絕對應付到不成問題！而且唔會好似同區既X鍋既麻辣湯底越滾越鹹，但要小心辣椒籽/ 花椒會痴住D食物，一唔小心咬埋就辣到救命！海鮮份量每人一隻，有海蝦、大蜆、蟶子皇、鱔片，全部都唔係揸流灘，都係好大隻！尤其係大蜆！熟左都仲係幾厚肉！蟶子皇同海蝦都好新鮮，海蝦更係超鮮甜彈牙！我最鐘意食鱔，呢個鱔片絕對合格有餘，肉質唔係一味淋，有

我寫嘅第一篇食評，竟然係食都無得食之前第一次試過呢間，又係訂左位，等左9個字先有位.... 諗住佢嗰時啱啱新開book 位混亂，好在野食okay就算。事隔一年，第一間book 唔到，就打嚟呢間就話9點有位。第二日9點嚟到，同我講15-20分鐘有位，我等左半個鐘，都無聲氣我走入去問，又話有枱埋緊單，又等多15分鐘，再走入去望，枱枱人都無郁，到佢話聲稱等第二枱係我地，等到10點人地嗰枱都出埋嚟，但都無人叫我地入去，結果我係打返我第一間想去嗰度話有位，我地即刻轉場，我地走時都依然無人出嚟理過我地...自今次之後，呢間野我會blacklist佢！！！其實佢直接叫我地等一個鐘俾我地自決我地會無咁嬲，要人地相信你一定20分鐘俾到枱而一等再等，這是對客人應有的態度嗎？！

銅鑼灣百樂中心出名多好野食，我同女友嚟到百樂中心，見到尚鮮呢個名字，記得之前很多朋友曾經向我介紹尚鮮，所以我地就上左去。入到去既時候餐廳差唔多滿座，但好好彩仲有一張二人枱。入面環境比較暗，每個卡位甚至有小型電視。我哋選擇咗一個星級之選套餐。打邊爐除左嗰爐重要，湯底都同樣重要。星級之選套餐湯底係鴛鴦湯底，我地選擇姬松茸冬瓜湯同有機田園雜菜湯。冬瓜湯比較滋潤，女友愛食湯既冬瓜粒，非常清甜。雜菜湯似蕃茄湯，味道不淡不濃啱啱好，配料好足，有粟米，菜，菇。係等緊湯底滾既時候，套餐有兩款小食。鮮甜既泰式生蝦配上酸甜微辣既醫料，味道過癮。清酒飽魚清新爽口，肉質具彈性。套餐提供既材料種類頗多。首先係豬肉丸、墨魚丸同木耳鮮蝦雲吞。最令我著迷既係豬肉丸，肉非常軟熟，豬味非常香。另外，墨魚丸非常彈牙，雲吞亦好足料。打邊爐當然唔少得牛啦！餐廳提供嘅係手打安格斯牛。牛味重之餘，仲有一種入口即溶嘅感覺，分量亦多，非常抵食。另外套餐中包括豬血豬肝豬皮，獅子狗卷、脆皮腸、日本葛絲。值得一提嘅係獅子狗卷係芝心。至於葛絲係我人生第一次食，口感非常獨特，煙韌爽口，而且吸收左湯底嘅精華。聽聞日本人打邊爐一定會放葛絲，所以一試

我唔會來這間餐廳，訂咗位都可以半個鐘前話被你知 "你個預訂已經取消"。 What kind of service is this? When you call the restaurant, you cannot feel they are apologetic at all! To all, never go to this restaurant!!! Please blacklist this restaurant!!!!!

不嬲喜歡打邊爐的我們聽朋友講這裡的材料好新鮮所以今日同男人一齊去試下，去到見面有桌有電視機十分吸引，但已坐滿，唯有坐其他桌，下次再打定電話來訂座。去到見到有套餐，最後叫左再加錢任飲自家制飲品。不久湯底就到左：姬松茸冬瓜+血池麻辣湯，辣度同麻度都剛剛好，而姬松茸味道又夠濃郁，比心目中好味道。日本葛絲口感煮完好似紅薯粉，吸晒湯底十分好味道。豬紅，豬潤和豬皮，豬潤煮完仲好滑身口感一流，豬紅口感十足，吾會感覺好淋身，豬皮吸味仲有口感好味道。烏冬和蔬菜盆....烏冬吾會淋身仲好滑，蔬菜新鮮份量十足，勁多菇添。手打丸和雲吞，好軟熟而墨魚丸好彈牙，雲吞超足料而且入面蝦夠新鮮，有驚喜。海鮮盤海蝦勁新鮮又大隻，蜆又夠鮮甜。清酒鮑魚，生蝦沒想到咁新鮮，鮑魚好軟熟帶點清酒香，生蝦夠大隻帶點辣好開胃。脆皮腸夠脆皮和芝士獅子狗卷一咬芝士勁香又多芝士好味道。手切安格斯牛肉...黎到見到牛肉色和紋就知道吾錯，食落好嫩滑又有牛香。飲品味道濃又開胃，仲要任飲的確抵飲，仲要係自家制添。

我今日決定要捉緊冬天的尾巴去打一個靚邊爐，要坐 得舒適食得招積價錢要值!最重要係要飽今之嚟到一間叫"尚鮮"嘅火鍋鋪，都真係叫滿足到我嘅要求!一行到入去就見到新鮮到爆嘅海鮮入到去員工好好服務!坐底冇耐就開始介紹Manu上嘅食物，由於今次得兩丁友食嘅關係，店員就建議咗個"星級之選套餐"就可以食多啲唔同款嘅嘢食!好啱我最鍾意每樣試少少嘅人果然係星級~頭盆就已經食鮑魚!個鮑魚用清酒煮過所以特別鮮甜而肉質彈牙仲有生蝦新鮮肉厚!就係咁....我個胃就咁開咗食完頭盆就要做吓運動!混個醬先嘩嘩嘩~隻帶子成隻手板咁大,呢盆海鮮不得了!因為要介牛嘅關係所以老闆都好好咁同我換咗黑豚肉俾我~呢個黑豚肉唔太多脂肪咬落都爽口豬肉丸非常滑口,雲吞餡嘅豬肉唔會食到一舊舊肥豬肉好味！最愛嘅豬3寶蔬菜都新鮮唔會黃鉗鉗咁咁都食唔飽唔緊要跟餐有兩個彈牙烏冬最重要嘅鍋底! 就整個血池麻辣鍋底/姬松茸冬瓜湯底，如果要食海鮮,我個人嚟比較鍾意用清少少嘅湯底烚因為甜味會更加出而食肉啊~丸啊~嗰啲就鍾意用麻辣湯底湯底十分足料食完真係好飽，但係其實我好想試埋佢個椒鹽三寶！我決定咗下次再留肚食晒佢哋

天氣凍又係打邊爐嘅季節。我哋兩個叫咗星級之選套餐，都有好多野，冷盤就有清酒鮑魚同埋泰式生蝦，我哋湯底就叫咗有機田園雜菜湯。重頭戲就梗係海鮮啦！佢有海蝦，聖子，鱔片同埋蜆！其他嘢就係手切安格斯牛，丸方面有手打豬肉丸墨魚丸、木耳鮮蝦雲吞、豬三毛(肝 , 血 , 皮) 、芝心獅子狗卷、脆皮芝士腸、時令菜蔬野菌盒同日本葛絲 / 稻庭烏冬，用料十足。湯底好好飲，雜菜都好新鮮，加上番茄好夾。我們先吃了海鮮，當天的大蜆很出色，先不說它非常大隻，吃下去時更是美味，大蝦肉質結實，而連穀的龍蝦吃下去比較麻煩，海鮮鍋真的要盡快食用，時間久了就會變老了，這一點要注意。食火鍋又怎少得了牛肉呢？！手切安格斯牛切得厚薄適中，雪花油脂分佈平均，入口牛味濃郁； 木耳鮮蝦雲吞看似是普通的雲吞，但其實吃得出是廚師心機足料之作，薄薄的外皮，內餡塞滿豬肉、木耳絲和 大隻隻爽彈鮮蝦，漲卜卜賣相吸引，一啖咬下去滑溜爽口，肉香Juicy。而個人覺得雲吞好好味，絕對值得一試。如果我看到這個必點的，我超喜歡吃芝士竹輪的！獅子狗內充滿了芝士...真的好好吃！一定一定要點這個啊！田園盛，明顯是蔬菜拼盤的名字，吃了這麼多肉類， 當然要點些蔬菜

銅鑼灣耀華街百樂中心近年成為了美食熱點，不少食肆也進駐其中， 近日去了一間大廈入面的火鍋店，主打自家熬製靚湯鍋底，讓客人打邊爐之餘還可享用足料靚湯，上網搜尋一下，原來這店大有來頭，餐廳曾是得獎熱店，難怪食物用料有著一定的水準。坐底無耐後先選好醬料，有生蒜、炸蒜、蔥、沙嗲、辣椒、麻醬、芫荽⋯⋯。揀好後開始點菜。我地揀左個星級之選套餐：有機田園雜菜湯食火鍋重點當然是湯底行先，朋友選了有機田園雜菜湯底，湯底端上來已傳出陣陣的雜菜同番茄清香，清酒鮑魚 + 泰式生蝦冷盤做得非常精緻，鮑魚口感煙韌，清酒配鮑魚的鮮味好夾，生蝦新鮮，醬料亦都整得好好味。海蝦 + 聖子皇 + 鱔片 + 大蜆真係要讚下啲海鮮，真係好新鮮同好豐富，嗰個聖子真係好彈牙，而且嗰個鱔片係好有彈性，而唔係太林嗰種。大蜆有成半隻手掌咁大，好鮮甜。手切安格斯肥牛每一片手切安格斯肥牛都切得非常工整，厚薄也很一致，雪花分佈也很平均，吃下去牛味濃郁的，口腔的充斥了牛肉的味道，肉質還算是軟稔、嫩滑，讓人滿意的。食埋木耳鮮蝦雲吞、豬三毛(肝 , 血 , 皮) 、芝心獅子狗卷、脆皮芝士腸、手打豬肉丸同墨魚丸已經非常滿足。田園盛同個名字一樣，真係夠

係銅鑼灣行完街又想打邊邊，上黎見呢間食評唔錯決定試下。坐低先叫兩杯野飲邊解解渴邊睇menu！我個杯係洛神花茶，少少似酸梅湯但清啲甜啲同有少少花香，仲要大大杯架！男人嗰一杯係青檸梳打。佢話檸味爆燈好爽！😂因為我地樣樣都想食，所以叫左個星級套餐，貪佢乜都有啲！下次要試下個牛尚盛先！用下午茶盤上，鋪滿曬，好似好正咁湯底分別係姬松茸冬瓜湯，好清甜，淡淡松茸味！另一個血池麻辣對我黎講真係幾辣同麻，食到滴曬汗！手切安格斯牛，肉脂分佈平均，牛味濃！木耳蝦雲吞、豬肉丸、墨魚丸，又大粒又彈牙又鮮，抵讃！蝦，蟶子，蜆同魚塊。每樣兩件，件件都大大隻，肉質鮮美！鮑魚同泰式生蝦刺身，又係一個字，鮮！個蔬菜籃滿滿的，乜都有，同埋夠新鮮！服務好，野食鮮，份量足！7點未夠座位已經八成滿。可以再黎encore!

今日同男友行完街街，邊爐癮又起，即刻上open rice睇下又有乜好既邊爐可以食，發現到呢間野係我地附近，咁就試下佢啦邊爐位於商業大厦內有好多野食揀，仲有得揀燒野食，啲海鮮同牛都好吸引配料盤乾淨，配料都切得夠碎，佢個麻油都好香我地叫左個二人套餐清酒鮑魚同泰式生蝦酒味夠濃，鮑魚鮮甜爽脆，生蝦彈牙血池麻辣湯+姫松茸冬瓜湯超貼心既麻辣湯，乜配料都無，但有花椒籽，唔使打邊爐係咁撈到啲配料，冬瓜湯店員一黎就叫我地飲一碗先，超清甜海鮮有蟶子，蝦，鱔片，大蝦所有海鮮都超新鮮鮮甜，彈牙，記得唔好淥太耐配料用呢個托盤會不會太過份手切安格斯牛油脂分佈平均，厚薄度剛好，牛味好重估唔到呢啲大厦都有咁高質既火鍋，下次可以叫全家人一齊黎食多啲野先

上個星期日同朋友做完運動之後，去咗銅鑼灣行街，喺度諗食乜嘢好，因為真係好肚餓同埋冬天梗係要打邊爐㗎啦，但係做完運動食任食果種又太over 太過肥膩，所以就諗住去食呢間！好似又可以打邊爐又健康啲咁😂我哋兩個都叫咗星級之選套餐，都有好多野，冷盤就有清酒鮑魚同埋泰式生蝦，我哋湯底呢就叫咗姖松茸冬瓜同埋有機田園雜菜湯（其他兩個選擇係土鄉芫荽清湯同埋血池麻辣湯），重頭戲就梗係海鮮啦！佢有海蝦，聖子，鱔片同埋蜆！其他嘢就係手切安格斯牛，丸方面有手打豬肉丸墨魚丸咁樣...真係要讚下啲海鮮，因為之前去食打邊爐好多間嘅海鮮都係臭嘅，但呢間個啲就真係好鮮味，嗰個聖子真係好彈牙，而且嗰個鱔片唔會話太林嗰種係好有彈性。佢哋啲海鮮真係唔錯架～最後飲埋個湯同埋食埋d葛絲,都唔會話太肥膩因為真係唔會出油囉個湯😂非常健康既火鍋佢仲有自家製嘅洛神花茶同埋青檸梳打，我都幾鍾意因為同個海鮮火鍋好夾。總括嚟，講如果大家想食個健康嘅火鍋，呢個係幾好嘅一個選擇，又唔會話太貴，啲料有高質素！

今日難得媽媽可以抽空和我來個親子聚餐，當然要帶媽媽去吃她最喜愛的海鮮火鍋！！在朋友介紹下一於試試位於銅鑼灣的〈尚鮮火鍋海鮮料理〉由於時間尚早，所以我們是晚市的第一台客人。餐廳的座位都很寬闊而且用圍板相隔，私隱度頗高呢。最後我們決定點這個二人套餐。可以鴛鴦湯底外有海鮮又有牛肉，很抵吃呢！！先來兩杯特色飲品，我們選了洛神花茶和自家制青檸蜜。紅彤彤的洛神花茶味道酸酸甜甜，有點像利x納提子汁。青檸蜜則檸酸中帶點蜜糖的甜美，感覺清新得來亦幾滋潤，兩款飲品都是解渴一流喔！媽媽口味比較辣所以點了地獄級的麻辣湯底，而只屬BB班的我還是點姬松茸冬瓜湯底比較好。麻辣湯底的麻和辣並重，既辣得過癮亦感受到麻麻的那種感覺姫松茸冬瓜湯底竟然真的有一粒粒的姫松茸，所以既有冬瓜的清甜亦有姬松茸的菇菌香氣等待火鍋湯底滾的時候，先來兩凍的餐前小食。泰式生蝦新鮮爽脆，清酒鮑魚的味道比較香濃接著當然要試試我們最期待的海鮮啦！有海蝦，聖子王，鱔片和大蜆。從外型看得見海鮮們新鮮飽滿，充滿光澤絕對是上等好貨色。鮮蝦彈牙，聖子王大大隻又鮮甜，鱔片爽脆，大蜆鮮味，每人一隻的確不夠呢。牛肉雖然寫就無寫係肥牛，但其實油花分佈都幾平均，而且

• KGM Rkatsiteli. 白羽這枝白酒入口酸度平衡,回味悠長。• 湯底: 血池麻辣湯×土鄉芫茜清湯• 桂花蚌×珊瑚蚌,鮮甜爽口!• 桶蠔,大大隻!• 手切安格斯牛脂肪分佈平均,牛肉味濃,厚薄度剛好!• 豬肉片,肉質細嫩!• 蔬菜菌盒• 鮮打豬肉丸×墨魚丸×木耳鮮蝦雲吞• 豬潤×豬皮×豬血總結這間尚鮮火鍋店食物新鮮美味,員工十分有禮。最後結帳時店員說用指定信用咭有折扣優惠,閒談時原來這間店在各大媒體及社交平台都有優惠活動,例如生日訂位有魚生刺身造成的蛋糕等等,詳情請向店舖查詢以作準。