尚上下夏 - 養生雞煲火鍋 (已結業)

同家人過來尖沙咀打邊爐。想食特別小小又野味的邊爐， 當然是一式兩樣的雞煲然後加湯底打邊爐。先叫了一份雞煲，微辣。雞件非常嫩滑，份量又多又大件。食完成隻雞已半煲， 還聽到隔離枱的不段讚好味。 食完雞煲，有小小油， 然後換個清淡湯底打邊爐 - 豆腐牛奶鍋。成個湯底白滑滑的，牛奶味濃，可見好足料。 打邊爐必選手切頂級安格斯， 叫了份大的，份量足，無冰鮮味，放入鍋五秒左右就可以入口，入口即溶，品質好高。朋友喜歡食海鮮， 叫了脆魚鯇， 魚皮位爽脆，魚鯇位就彈牙，層次好分明，配埋牛奶清湯底，魚味好突出。 最後叫個蔬菜拼盤， 配合牛奶鍋， 將鮮甜味帶出。 總括而言，整體火鍋料理都很新鮮，質素非一般任食打邊爐可比。