少爺18 (已結業)

本想慶祝母親節，帶媽媽一起試下新餐廳，這間感覺蠻新鮮的，裝修和擺設都感到很用心，蠻美的，餐具和餐牌也是很有特色，那個茶絕對值得一讚，很好飲不過食物真的超級一般而且價錢貴份量又少，特別是那個印尼炒飯配串燒，完全不值得叫，因為味道超淡份量超少（食完一啖之後完全唔想再食）而新加坡肉骨茶和沙嗲串燒麻，還算可以的，蠻好飲蠻好吃，味道正常，（只可以講好味過個飯囉）最後那個馬來咖哩軟殼蟹超級一般，也是不值得吃，整個感覺麻麻地，所以沒能吸引我們下次再去，因為這個價錢有更多更好的選擇。

今日同朋友食飯傾計，選左尼間食。朋友之前食過話唔錯，咁我都好奇想試下。朋友見多人就拎位先，尼度冇得預先book枱（限個半鐘）我地叫左馬拉盞通菜，普通椒鹽豆腐，外脆內軟，口感不錯，食落去好有咬感，加上裡面d豆腐好滑同好食。可試試。福建燴麵？外貌已經唔靚，食落唔知自己食緊咩。。。無咩味，果d汁唔確定係唔係忌廉汁，見仁見智。。。印度薄餅，算ok，我覺得普通，朋友覺得好食。。。（尼個好難整到唔好食）雞翼？黎到以為食緊韓國餐廳！？無論汁同口感都似。。。d汁似韓國甜辣醬。。。外皮時軟時硬，完全唔脆，感覺麻麻。尼個唔建議叫，我覺得唔好食。四個人一致認同條鱸魚完全無味，食左幾啖都覺得唔好味。d魚肉軟身，但清得制，完全食唔出魚既鮮味。唔望佢都唔知自己食緊魚肉。。。整體唔會有下次，因為唔好食。ps1.叫左飯，漏單，最後都係無出現過ps2.期間整魚果個火爐，唔知係唔係唔夠用，職員過黎講過下就拎走左，其實唔夠用，建議買多幾個。如果次次因為唔夠用，走去果枱拎走火爐，我覺得服務好差同o咀。

久未有聚頭的一班老友記攪聚會，更高興的是能和好久沒見的恩師見面。甫坐下便互相各道近況問候一番，真是萬二分的感興奮....一如既往，在這情況之下，在哪裡吃或吃些甚麼，都已不重要了....吃的地方遷就一下一眾的荃灣之友，來到新都會廣場內吃星馬嘢....這店之前已在沙田處吃過，對這兒是不太陌生，都是些例牌的星馬菜，感覺不過不失的....串燒感覺弄得較為油膩一些，不過在肉質方面倒是過得去，咬下去不是特別韌；沙嗲醬甜甜的但略為稀身，並不屬我那杯茶....肉骨茶是做福建式的，藥材味濃，但個人認為色水還未夠深，入口未夠濃郁，光吃那枝竹感到不夠味就知道了；肉排條感覺就和在吃煲湯後剩下的骨一樣，太淡了。此時一定要醮些黑甜醬油來吃才行，不然入不了口....拼盤內的炸春卷及蝦餅同偏略油，不過醬料甚齊全，再加上蝦餅的彈牙度令人滿意，算是為這菜加了分....炒蘿蔔糕加了黑醬油，很正宗味道調得不錯；不過糕身偏濕近帶糊而漿口，卻又大煞風景....炒貴刁基本上無論在味道以至賣相皆跟蘿蔔糕如出一徹，因兩者同樣下了黑甜醬油去處理。吃多兩口，就有點生膩了....海南雞皮不算很爽但勝在頗嫩滑。無論醮蔥油抑或泰式辣醬來食，都挺

去完新加坡旅行一段時間，突然想食新加坡美食，就試試少爺18。餐廳環境好舒服，採光度好好，在餐廳望出去有一片綠悠悠的草地，令人份外寫意。我們叫了新加坡肉骨茶(白胡椒蒜頭)，內有一字排骨、豆卜和蘿蔔，另配上油炸鬼及醬油。一字排骨軟腍入味，但叫人最失望的是湯底只是微暖(若肉骨茶配上火爐，我相信是能夠大幅改善)，胡椒味亦略嫌不足，與在新加坡食到的還有一段距離。招牌海南雞半隻，雞味濃郁而且爽滑，配上海南雞醬葱油醬油，算是扳回不少分數。

因為一早訂位，所以要不需等候。店內環境唔錯，寬敞！但有陣明顯既廚房魚腥味。每人$6茶錢，茶係玫瑰花茶，都幾好飲，侍應服務都好。串燒（有豬肉同雞肉）：調味好味，燒得香，汁都特別，未至於令人驚艷，還不錯馬拉盞炒通菜：正常味道，無咩特別可挑剔既地方。普普通通，顏色鮮豔。其實都為此菜而試這店！清淡為主，幾fresh!鮮蝦喇沙：湯味道濃郁，小辣。面有彈性，好食海南雞：肉質嫩滑，香！有服務，環境，茶水都唔錯。

今日徐太太落咗order要食少爺18，即刻打電話去訂枱，侍應姐姐表示用餐時間係1.5小時，同埋只留枱5分鐘，心諗應該幾多人。我地約坐低無耐，連餸都未點，門口位置已經企滿等位嘅客人。整體裝修陳設係簡約舒服，位與位之間唔太迫，我最後仲發現有open area，如果秋天坐應該唔錯。今晚人手應該有啲短缺，落order，refill水同埋單都要等等。但見侍應們都忙到甩碌，我唯有俾啲耐性啦。唔講咁多，去相💁🏿‍♂️椒鹽豆腐咸蛋黃軟殼蟹黑蘿蔔糕海南雞飯＋雞絲粉皮

星期五放工，本身諗住一條友就求其食啲野返屋企，但次次去葵芳都食”Rainy Day”米線，已經食到諗下咋條脷都好似嗒到佢陣味咁滯，加上女朋友叫我對自己好啲，好，咁我就不如揀間未食過嘅試下，如果好食嘅下次可以同女朋友去食。去到新都會電梯附近，見到少爺18個牌，因為平時我地兩個都中意食喇沙果啲，見又未洗等位，就一於呢間啦！點知選擇困難症嘅終結，原來係中伏旅程嘅開始...一入去，就被安排坐一張2人枱，一邊係梳化，一邊係普通木櫈。我同其他人一樣，都會首選梳化果邊，將個背囊放喺木櫈。點知一坐，直頭成個人沉左落去... 好唔舒服，於是我起身將個背囊放過梳化，一望，嘩！果張梳化布污糟到個心離到離呀！驚魂甫定，岩岩坐好，侍應就放低左一壺茶同一個杯，然後一句野都冇留低就行開左... 我直覺話比我知，呢壺茶笨唔係免費，但見識少嘅我印象中多數係食中菜先會收茶介，於是我本能地打開Menu睇下，果然$6位茶介。其實價錢就reasonable嘅，不過我去茶樓都可以揀茶，呢度冇比我揀過，壺茶講真我就好唔中意陣味！而且作為一個食客，我就會覺得佢咁樣好蠢囉。就以我為例，食星馬泰野會好口渴，都會叫杯野飲，咁一杯都ard

今日睇完報導 問雞皮同肉中間既啫喱物體係咩黎，醫生👩‍⚕️話原來果層係骨膠原，多數只係出現係海南雞或凍雞既煮法，個心好想食海南雞 補補最近因天氣變 ，dry 爆既皮膚。 點知媽就約我去食18少（其實人地明明叫做少爺18，不過阿媽既品牌障礙愈黎愈嚴重，由佢）去到店內，已俾佢既環境吸引，真係好靚既環境 ，餐具都好精緻 ，令人心情好愉快。同媽叫左招牌海南雞飯同埋海鮮喇沙。雞好滑，油飯夠香 不過我厭佢唔夠熱 。但個湯都好好味，落左杞子好香甜。 醬汁都唔錯 不過性價比差小小 因為都要成$98一碟。 海鮮喇沙 湯勁椰香 好濃 好好味 可惜我唔係好食到辣，所以只可以淺嚐 ，其他交晒俾媽媽。 不過都有小驚喜 ，佢係有兩款麵配埋一齊，的確唔錯，唔會全油麵咁油膩。 最後兩個吃貨，見到有榴槤產品 雙眼發光。 佢配班蘭呢個做法好特別 ，第一次食，雖然一上台果陣，媽媽話咁就$58 ， 唔抵，但個人覺得好欣賞佢既配搭 ，中間係榴槤雪糕 好冰好正，只係略略可惜係佢榴槤味唔夠，外面pancake 可再熱點同鬆軟小小，突顯番個對比，相信會更加好味。呢家店上菜好快，呢個都係一驚喜。

見到eatigo有9折就諗住試下啦呢個叻沙算正常 有3隻蝦麵底有米線同油面 呢個軟殼蟹 係我食過最難食既軟殼蟹粉太厚 似係食緊炸左嘅面粉咁 無蟹味明顯係翻炸過點左菜唔夠2分鐘就到真係好失望海南雞飯 雞肉唔滑 色水差 油飯亦唔香總括而言 唔推薦 唔會再食 就算eatigo有50%off 都唔會再食

少爺18唔係一間新開嘅餐廳，不過裝修仍然好企理，好有星加坡風情，座位與座位之間相當闊落，不過人多嘅時候都有些少嘈，新都會廣場最近裝修完，餐廳嘅落地玻璃景顯得特別舒服，呢度食物嘅水準都相當高，就算係下午茶餐，都唔會偷工減料，散叫亦唔會容易中伏，呢度嘅肉骨茶，炒貴刁，柚子沙律都做得相當唔錯，不過如果係大食嘅話，或者多人一齊食，要注意有部份菜式份量比較少，例如腰果柚子沙律，份量就真係好少，所以人多嚟幫襯嘅時候，揀菜式就要多啲留意。註: 茶錢每位＄6

本來想去九龍城食明爐烏頭，但到葵芳已經六點幾，想到九龍城已是晚飯時間有排等就打消念頭。就係新都會覓食。見到少爺18都有明爐鱸魚，就入去試試。入到去環境唔錯，但有陣明顯既廚房魚腥味。每人$6茶錢，茶係玫瑰花茶，好香好飲，侍應服務都好。叫左明爐鱸魚，串燒同馬拉盞炒通菜。串燒（$68）：調味好味，燒得香，汁都特別，未至於令人驚艷，但都唔錯馬拉盞炒通菜（$68）：正常味道，無咩特別可挑剔既地方明爐鱸魚（$188）：上枱既時候，侍應會用一個好靚既茶壼將椰汁倒入爐中，睇落好吸引。魚面有一片片白色物體，分不出係琼左既椰漿還是豆腐（最後證實係豆腐）。食第一啖，同男友你眼望我眼兩人心有同感，懷疑究竟係味覺有問題定係廚師忘記調味，再食一啖，都係無味。個種無味法唔係淨係淡咁簡單，係真係零味道，連一粒鹽都無落，用水烚熟咁既味。都係唔信，直接飲一啖湯底，就係無糖椰汁比水，1：99咁既味道。忍唔住問侍應係咪有汁點唔記得左俾，對方回應話無。因為條魚都算大條，食多兩啖頂唔順，唯有問侍應拎豉油，豉油應該係新加坡海南雞個種好杰身既甜醬油。但係頂癮既係，連豉油都偏淡。咁多年黎出街食飯未食過任何一味餸係白烚上枱零味道，連汁都

我好中意食海南雞飯少爺18我一直想試但有小小失望😞坐得好舒服 但係啲食物就.......我食午餐海南雞套餐有菜 雞 配菜同油飯隻雞冇雞味，仲有小小雪味😞油飯啲飯好硬

之前係附近返工已經成日食..生完寶寶再次黎食..午飯時間.得我同寶寶都俾四人位我地..真係好少餐廳做到..真心覺得做得好好..餐單上其實成日都好多野想食..佢依家出左個雙重享受套餐..又有面又有飯..好抵丫...岩曬我咩都想食啲既心態..小食都係串燒雞...真係冇得輸架..成串醃過...燒完..再加埋個醬好好食..想再食🙈🙈🙈飲品已經冇左添飲了..不過都算係大杯..不過都係添飲好啲😍😍搵日再食

過年過節唔想同人逼，安在家中吃節慶飯就最好不過；不想大費周章兼煮到一頭煙，除盤菜之外，「撈起」是近年最具特色兼有意頭的賀年菜了。滿有喜慶的禮盒包含了煙三文魚撈起和招牌海南雞一隻，而價錢也只是＄458。皮爽肉嫩的海南雞蘸上隨附的三色醬(薑蔥茸、辣椒醬及黑醬油)同吃，相當不俗！煙三文魚撈起，配料也真不少，包括：五柳、生菜、紫椰菜、紅及白蘿蔔絲、青瓜絲、紅薑絲、金柚肉、糖冬瓜、糖果皮及酸柑，加上芋絲、簿脆、三文魚、撈起醬及麻油，各自起筷一齊撈起，大家也感受到那份喜悅！值得一讚的是，食材與醬汁獨立處理；不怕浸淋食材，非常細心。狗年大家要一齊撈起呀！少爺18地址: 葵芳興芳路223號新都會廣場4樓410-412號舖電話: 21562228

其實只係普通二人晚飯，搵間無乜人等位嘅餐廳，但原來無人等位係有原因嘅......叫咗個新加坡福建麵$88，普普通通，都食得入口。但個咖哩雞呢，汁無問題，但啲雞肉好明顯有骨雞件無變壞，個味食落係正常，質感都似一般雪雞件，但無骨嗰幾件，全部聞落都一陣怪味，食落係雪咗好耐雪壞咗嘅味，食幾件幾件都吐返岀嚟，完全唔掂，有咖哩汁都食到個臭味，不過價錢$88，同經理講咗就算，最多以後唔去。同埋另外都加咗薄餅，不過不失，價錢係$40。