少爺18 (已結業)

今日同朋友食飯傾計，選左尼間食。朋友之前食過話唔錯，咁我都好奇想試下。朋友見多人就拎位先，尼度冇得預先book枱（限個半鐘）我地叫左馬拉盞通菜，普通椒鹽豆腐，外脆內軟，口感不錯，食落去好有咬感，加上裡面d豆腐好滑同好食。可試試。福建燴麵？外貌已經唔靚，食落唔知自己食緊咩。。。無咩味，果d汁唔確定係唔係忌廉汁，見仁見智。。。印度薄餅，算ok，我覺得普通，朋友覺得好食。。。（尼個好難整到唔好食）雞翼？黎到以為食緊韓國餐廳！？無論汁同口感都似。。。d汁似韓國甜辣醬。。。外皮時軟時硬，完全唔脆，感覺麻麻。尼個唔建議叫，我覺得唔好食。四個人一致認同條鱸魚完全無味，食左幾啖都覺得唔好味。d魚肉軟身，但清得制，完全食唔出魚既鮮味。唔望佢都唔知自己食緊魚肉。。。整體唔會有下次，因為唔好食。ps1.叫左飯，漏單，最後都係無出現過ps2.期間整魚果個火爐，唔知係唔係唔夠用，職員過黎講過下就拎走左，其實唔夠用，建議買多幾個。如果次次因為唔夠用，走去果枱拎走火爐，我覺得服務好差同o咀。