少爺18 (已結業)

中午時間在葵芳新都會廣場搵食的確甚有難度，18少爺在4樓，唔知是否位置問題，較容易被客人遺忘，今天在「不須等候，二人直入」情況下，我去同少爺共度午餐先!我們跟餐牌點了兩份午餐:●印尼炒飯拼串燒炒飯只得兩隻蝦和數粒豆炒，有少少dry，但用上了醬汁，飯甜甜地幾好味，唯有用煎蛋和菠蘿青瓜伴飯食。串燒味道唔錯，可惜只得兩串，「些牙」了一串給朋友後，自己食一串，其實都覺得有唔夠喉既感覺。●海南雞飯配馬來西亞肉骨茶雞肉肉質嫩滑，欣賞佢有一條菜芯伴碟，感覺健康。加錢可拼肉骨茶，馬來西亞和新加坡口味，我們揀了深色，藥材味較重的馬來西亞。若是怕怕藥材味，可以揀新加坡，色淺，用白胡椒清淆成。午餐送飲品，價錢約$100位，食物分量普通。

葵芳店，:肉骨茶(藥材)味道太濃偏咸，海南雞冇味，咸蛋黃輕殼蟹冇咸蛋黃味，串燒味道一般，只有雞油飯好食，服務態度差好似趕時間霸住張枱咁(由坐低到賣單都有好多位)。

與友人逛街到晚上7點幾，肚仔有少少餓了，於是隨意找一間食肆坐下。這間食店是吃新加坡菜的，地方大，環境舒適，好快我們便入坐。一坐下，店員便上熱茶，茶香，有淡淡荔枝味，幾特別！我點了「新加坡椰香海鮮喇沙」，仲有甜品「斑蘭榴槤雪芳班戟」。「新加坡椰香海鮮喇沙」算足料，有蝦、魷魚等，喇沙既香又有少少辣，不錯！最後上甜品「斑蘭榴槤雪芳班戟」，蛋糕有斑蘭味，但中間的榴槤蓉卻食不出榴槤味道。如果你是榴槤迷，一定大叫回水。

星期六的葵芳新都會廣場人滿為患，為左可以晤洗等位，下午早早就來到食飯。我地揀左好耐冇食既少爺18。葵芳的分店裝修幾好，環境不錯，幾好坐。印尼炒飯：味道好好，無論系配菜定系炒飯，絕對系值得推薦，蝦片脆，沙爹雞串惹味，炒飯乾爽，粒粒香！可惜分量真系勁少，講真，米飯值幾錢？晤洗咁小氣卦！蒜香柑桔蜜糖豬脾：柑桔蜜糖清新甜蜜，豬脾肉質鮮嫩，完美配搭，加上蒜香的點綴，系大快朵頤的享受。胡椒鱸魚：好味面前熱氣都不怕，好有特色，炸脆左的鱸魚仍保留魚肉的鮮，外脆內嫩！新加坡蕃薯喳咋：中伏，呢道甜品系今餐的敗筆，同想象中相差甚還，完全冇特色，見不到蕃薯，同普通西米露冇分別，且太甜。

第一次幫襯，裝修陳設有家的感覺 ,睇得出佢哋下過一番心思，價錢相宜，食物份量適中，試咗佢哋嘅肉骨茶，味道濃醇偏鹹，老公就叫海南雞飯，兩者皆適中但沒有特色，反而椰汁雞湯就幾好味，下次可以試更多菜式。

已經第三次幫襯，野食都ok但唔係樣樣好食不過唔難食，今次食左雞絲粉皮、炒貴刁都好味、但豆腐唔夠脆唔夠滑，肉骨茶都唔錯但咸左d，之前就食過菜包肉碎、海南雞飯覺得麻麻地。今次仲有意外驚喜，原來匯豐卡有85折開心

味道及内容都不是滋味, 招牌海南雞飯沒雞味, 更難接受竟有不少雞毛未抜清。海鮮喇沙, 真不知所謂, 指海鮮用料方面, 潮州魚片怎能當是海鮮呢!! 蝦, 硯肉, 魷魚或墨魚是例牌用料吧！而這裡只有蝦, 其餘是魚片。馬拉盞牛肉炒豆角, 牛肉是方塊厚切, 可是没有牛肉味, 真是奇怪, 是否可以用新鮮食材呢?炒貴刁更不是味兒, 内容跟星馬差太多了, 真不能相信標榜是新加坡 style.最好吃的是椒鹽豆腐及疍黄軟殻蟹, 其餘肉骨茶, 肉碎豆腐湯紅薯粉絲, 都不是味兒, 不值一提。

叫咗個肉骨茶配海南雞飯再加生菜包另外加咗杯羅漢果龍眼蜜個雞係幾滑嘅其餘都真係幾唔掂肉骨茶-勁 咸 勁重味精生菜包-唔酸唔辣 又係覺得勁重味精好似食緊一啲普通嘅炒肉碎羅漢果龍眼蜜（熱）--勁甜好難飲食完成餐飯啲嘢飲先到媽呀，我真係好口渴，因為啲嘢真係好重味精！救命呀!未行出嗰店門，已經覺頂唔順！我明啲嘢食係要加味精通常都係食完野之後先會發覺宜家直頭未食已經覺得好辛苦好難頂Sorry 唔會有下次

今晚四個人一齊食呢間餐廳，見平時都多人排隊食，所以就諗住去試，點知食完之後真係超級失望，好多菜都唔係預期的。我地一共叫咗五碟菜，第一個係少爺拼盤，個串繞甜得好難食，沙律仲難食，蝦餅又唔脆，係得炸蝦餅叫做正常。第二道菜係通菜，竟然係咁多道菜最好食嘅，味道惹味。第三係大蝦飯，同 menu 張相差別太大， 首先張相嘅飯係深色啲嘅， 而且佢嘅飯係好似飯碗倒出嚟的型態， 但係實物同相係差好遠，飯淺色好多，同埋係散咗俾我地，覺得好球奇就上菜，味道一般。第四道係新加坡軟殼蟹， 味道一般而且蟹係真係軟，一啲都唔脆，真係好失望。最後係抄貴刁，中規中距。價錢又唔係特別便，都食咗成$800。以呢個食物質素，我覺得真係貴呀! 我唔會推介身邊嘅朋友過嚟食，因為真係好差好失望。 今次打出嚟就係唔想其他人好似我咁樣做咗水魚，食早餐好難食嘅飯!!!

今日嚟到葵芳行街，行到我餓餓地，見到有少爺18 ,即刻好想食返個海南雞飯。由於下午茶時間，所以店入面都冇乜嘢人，好快侍應就攞咗兩杯水嚟俾我哋啦我叫左個下午茶套餐，但係當我飲到個湯嘅時候，個湯竟然唔係熱嘅，只係暖暖地，而且嗰舊排骨係凍嘅，至於個海南雞肉質都算滑，好可惜佢仲有一浸雪藏味，而且佢嘅價錢唔平但係份量都偏細，至於個飯都係凍㗎，雖然係下午茶，但我覺得唔至於所有嘅嘢都要係凍㗎囉，以前都食過少爺18 ,但質素好似越嚟越下降

每次因工作關係經過新都會廣場都會吃的餐廳！海南雞飯賣相漂亮但略嫌雞有些「鞋」，最愛還是喇沙湯麵！湯底有濃濃的椰奶香，少少辣非常惹味！每次吃連湯都喝光！唯一美中不足是湯麵內的尤魚冇味。

到葵芳食lunch, 周圍都冇位，呢間有位吳使等，姑且博ㄧ博吧 ! 叫佢招牌菜: 星洲肉骨茶！心想應會ok la, 點知，真的得一丁味（好過清水少少）, 湯冇湯味, 連基本胡椒味都只得真的一丁點，蒜頭仲係梗，D 肉只有小小在骨上! 我明，租金貴，但以店舖收的價錢而比的質素，真是覺得太過份了！如果大家找不到位吃飯，都係食魚蛋粉有保障！太差了！！

朋友生日走去食生日飯，平日唔多人，walk in 直接入得。叫左半隻海南雞，味道普普通通，雞都算滑。仲有黃金軟殻蟹，好香蛋黃味，但乾左少少。最好食系個喇沙，個湯好濃，好香椰奶味，海鮮配料都好多。整體不過不失。

Singaporean restaurants are not many around. And good Singaporean ones are even less. My friend suggested me one to try at Kwai Fong. The decor and cutlery are really pretty and attractive. The menu is colorful and easy to read. There were many selections for us to choose. Bakute - one of the most famous Singaporean dishes. There are 2 choices - herbs or white pepper. Of course, I picked white pepper as it is the Singaporean style. The taste was yummy with full ingredients. However, it was not s

新都會廣場自從新裝潢後，進駐了不少各大品牌，新加坡娘惹菜在香港不算普遍。發現這家「少爺18」裝修精美，感覺摩登時尚，雖然用上木椅，感覺不夠舒適。但空間感跟環境優雅，外望戶外空中花園，幾寫意。⭐️麻香素三鮮涼拌小吃 - 萵筍，雪耳，准山，白果。幾開胃，麻油味重⭐️新加坡肉骨茶(白胡椒蒜頭)上枱不算熱，溫度其實可以叫人微暖，後來我叫格離枱有火爐仔但我們並沒有🙄內有一字排骨，豆卜，整個蒜頭，蘿蔔。胡椒味欠奉，蘿蔔完全無味。⭐️巴東牛肉做到印度巴東牛肉的濃郁的味道，但吃不出椰奶味⭐️新加坡番薯喳咋🍠本來吾中意食喳咋，但睇相幾吸引，一於試一試啦。佢吾係傳統有花生個隻喳咋，佢係由椰汁，番薯，芋頭，斑蘭條，芋買而成的芋圓很粉無咬口同無味，斑蘭條無味，芋頭過生，成碗得椰汁味😟⭐️雪梨果蜜茶🍐真係好好飲，飲落吾會好甜，重好清潤，2個人飲都夠☺️-地方闊落坐得真係好舒服，但食物真的有很大改進空間