小菜王 (福榮街)

营业中

休息中

小弟一向也很愛吃小菜，所以也bookmark 了不少出名小菜的店子，幸好朋友也喜歡此道，我相信總會有機會一一試上。椒鹽九肚魚，不知為何大部份也沒有如炸鮮奶般幼滑的魚肉，只有一兩塊可以做到這效果，有些也見有魚骨在內，另外漿粉過厚也會破壞軟滑的口感，唯一的好處即叫即炸，是十分熱辣燙口的。我對炒蜆的要求很簡單，夠惹味就可以了，唯一想講的，是有少許沙。黃金蝦的蝦身大隻多肉而蝦頭算大，炸得香脆可口，蝦頭較為惹味。整體感覺蛋黃味不太重，感覺不會太膩，是好吃的。砵仔焗魚腸沒什麼魚腸的腥味，但感覺好像在吃粉絲加蛋，不難吃但一點喜歡的感覺也沒有。沙拉骨，沒有炸得香脆的外層，外層滿是酸酸甜甜的汁和沙律醬，如果你問我兩種截然不同感覺的醬料夾不夾味，我只可以說還好沒有衝突吧。好吃嗎? 一般吧，不過就現場點的數目來看，這應該是招牌菜。整體來說味道尚可，或者是選擇不到店方的拿手好戲吧，大圍開開心心吃一餐，也可以考慮這兒的。

難得與老友聚手一堂，黎到深水埗，當然要到聞名的小菜王一試啦。大約晚上8:15pm抵達，客人亦頗多，要等成15 mins 先有位 環境裝飾不多，只是白光燈、膠地板；地面勝在乾爽唔會濕笠笠；冷氣通風都算OK 唔會好大油煙味 我們一行五人跟左菜牌，點了數個小炒 ....避風塘腰果排骨一上枱好有睇頭， 大堆炒香咗既蒜粒椒絲舖滿成隻碟，蒜粒之中排骨滿佈，份量足6、7 人食。 排骨唔粗鞋，外面小小炸香而入味，最岩我呢啲鐘意啖啖肉嘅人！ 另一主角腰果亦炒得金黄香脆，食唔停呀！佐酒吹水時佳品 蒜蓉蒸勝瓜嘩，乜蒜蓉咁少架，還記得之前的是滿佈瓜面的。雖然如此，但味道整得幾好，唔會太咸，清清地幾好！小食拼盤好豐富，賣相同菜牌相片同樣吸引 炸墨魚餅 : 炸墨魚肉保持嫩滑，細趙帶著鮮美，口感唔錯！燒豬頸肉 : 燒得香脆，咬下去一點都不油膩。炸大腸 : 非常酥脆的大腸，炸得剛剛好，唔太燶 / 乾，正斗 ！小棠菜肉餅 : 呢個像似把魚肉同小棠菜混埋一起煎，但出黎 Result 普通 、一般 。海鮮玉子豆腐用料充足，有蝦、魷魚、菜粒、冬菇 & 玉子豆腐。色澤很美，不過味不夠香，玉子豆腐較淋鬆散，我認為如果先煎或炸好

雖然今日星期一,但係都有人等位,應該食物質素唔錯大約等了15分鐘左右有位了,滿心歡喜想試椒鹽瀨尿蝦,例牌沒有就問中/大瀨尿蝦$13両問左店員一隻中蝦大既有3-4両,叫了2隻,我們還點了小食拼盤以及韮菜花炒鴨胸先來椒鹽瀨尿蝦,問了店員我們點了幾多両,他仍然對我說$13両@@,心裡知道大既3-4左右,應該可接受之內^_^瀨尿雖然不是椒鹽,但味道不錯,之後再來小食拼盤,小棠菜餅好食,豬大腸少見一片片上,讚~讚~讚!可惜醬汁不夠惹味韮菜花炒鴨胸夠鑊氣,打算明晚再去一試其他菜式結賬時候,發現2隻瀨尿蝦收了10両,於是問店員不是8両,他站著說對不起,之後我們沒有出聲,他就問我"咁你想點呀?我都講左對唔住啦"嘩~~點解好像我是店員呢?於是找了"老板"他來到說唔好意思,可能今日d蝦大隻左!但係我巳經將焦點放左係"咁你想點呀?我都講左對唔住啦!"店員說話之中.而且明明之前問左幾多両一隻,而且我認為係8両而唔係10両!收錢之後,那位店員走來對我說"你既態度都唔好囉,所以你有咩資格話我"找錢時候我將那番說話對老板說,他說自己沒有說過@@其實我都唔係有心為左$26令自己無面,但係真係心有不甘,將心彼己,就算食

小菜王位於深水埗福榮街同石峽尾街交界，一條街有四五個鋪位都係佢地，好容易搵，而且你會見到間間舖都坐無虛席，果然夠晒人氣！我地到達小菜王時已過左晚飯黃金時間～可能好多好野都沽清，其中另一個失望就係食唔到傳聞嘅涼拌北海道海螺肉....取而代之叫左呢味辣酒花螺，雖然細細粒，但都夠鮮味，一班人用竹籤慢慢挖黎食，幾有風味架～！其實本來想試呢度嘅黑椒牛油炒蟶子，但唔知係落錯單定係我朋友叫錯，黎到嘅係豉椒炒蟶子。雖然都有少少失望，但見到蟶子又大隻又肥美，唔再理喇～起筷！最令我深印象嘅絕對係呢味椒鹽墨魚咀，炸粉唔厚好香口，細細粒蘸下喼汁食，真係極之惹味，最後我地仲encore多一round添～呵呵！另一樣好味要推介一下嘅就係黃金蝦，出面食黃金蝦好多時唔係隻蝦唔靚，反而係咸蛋黃太多過火位。呢度份量比例都算適中，蝦肉咬落夠實淨亦有鮮味～掂！至於砵酒牛仔骨味道不過不失，起碼舊肉煮得夠腍唔會咬唔開果隻，酸酸甜甜嘅汁都幾唔錯，不過配菜洋蔥更加搶鏡，唔信就叫碟試下～蜆介鯪魚球亦係呢度名物之一，鯪魚球熱辣辣，炸得微脆，咬落亦相當彈牙，好食！唯一美中不足係個蜆介醬唔多夠味，一啖就咁放入口都會覺得太咸～香港嘅大排檔已經

成條街都係此店, 每經過都見很多人排隊, 放在店外的海鮮很新鮮似的...是晚也是大堆人在街邊排隊等位..問一問哪哥哥要等幾張...佢只答了好快,沒說幾多張..心想...好快即是?張枱先...不到5分鐘....0衣..果然好快~乳鴿好滑,不會炸到柴皮咁..合格牛仔骨,比想象中好味,夠鑊氣,不油,沒食粉味(贊),味道正常,不會太咸或太甜絲瓜沈雙滑(魚滑及墨魚滑), 估唔到墨魚滑真的好有墨魚味..正...好過牛皇星D墨魚滑超多此店之小菜價錢正常,但頗細碟味道是合我口味之小油,小咸.....

約了昔日一班碩士班的同學吃飯。小菜王的可愛，當然也在於他的不拘謹，自由而沒有束縛。啤酒女郎的勸酒聲，高談闊論的喧嘩，伙記們粗豪但不怠慢......任你是西裝骨骨還是牛記笠記，來到這兒不消一會，就會融入在這裡的氣氛裡。只恨名菜太多，而我們人腳太少，能點能試的送有限。十道小菜，煎炒煮炸樣樣齊，叶道也沒有好挑剔的了。焗魚腸和班頭腩務必要快手吃，千其唔好你讓我我讓你，因為凍了就會胜，完全吃不到本來出色的味道。炸嘢係全晚最出色的：炸鱔片、芝士白飯魚、椒鹽骨......其他小菜各在其位，也不失禮。*頭腩係菜譜無的，係伙記大叔私人推介，$118頗貴但其實物有所值，因為份量頗多。

到這訂位是明智的, 否則在路邊等都不是很好受, 今次朋友訂了座, 被安排至閣樓, 很隱蔽的連樓梯也差點找不到呢完全沒有so味, 份量很多, 小的也能吃至少4-5人, 味道不錯很爽口, 味道很好, 不妨一試蝦很大隻, 但太軟身, 像不太新鮮?!很香口, 非常不錯, 要試!不過不失絕對要試!!!!! 香口開胃, 完美配合!跟飯一流! 味道很好!合格有餘, 全碟清由於太忙關係, 服務是慢了點, 所有餸菜都要每道等, 侍應也不是經上在閣樓, 所以未必能應付即時所需

有幾次行經此店, 見人氣非常勁. 上OPENRICE見好耐都無食家評論. 都決心試一試. 心諗死就死啦. 一次咁多.嗰日剛啱天氣凍, 見有細羊肉煲$188. 雖然覺得貴咗啲, 但心諗, 羊肉滖一滾, 寒氣都全消. 兩個人, 所以只係叫咗一個細羊肉煲跟本地生菜. 個煲勁多羊肉同枝竹, 但馬蹄同薑就少咗啲 . 整體份量多兩個人食都掂. 雖然有三數嚿羊肉有啲UN. 可能係唔同時候炆嘅關係, 其他都好好味. 尢其是枝竹, 吸收了南乳同羊肉羶味. 一流 . 因為太好味, 都忍唔住叫咗一碗白飯撈汁. 但食到最後, 先有個哥哥問駛唔駛加水. 都已經清煲, 所以話"唔需要". 但友人話如果可以一早加水就唔會乾水令羊肉太鹹.. 有待改善. 樓面啲哥哥姐姐雖然忙碌. 但服務都OK喎. 點羊肉嘅腐乳係每人一份, 夠細心.食罷羊肉煲, 覺得暖笠笠. 值得推薦.

爸媽外遊去...個幾星期都吃著圾垃，人很沮喪...極度懷念老媽蒸魚的我...失去理智下做出平時不會做的傻事︰到公司樓下的foodcourt吃兩餸飯...難食得差點了結殘生...適逢明日10/1假期，朋友帶我到鴨記買iphone套開心一下...再帶我到小菜王吃個小便飯！蒜蓉蒸勝瓜- 正！生熟蒜夾埋好野味！炸大腸-此等油物唔會唔好食囉...辣油煮花缧-suck ...唔夠熱又唔夠辣...椒鹽九肚魚-又一油物...味道ok，但係d魚怪怪地...唔似食開既九肚魚呢間野好多個舖，好熱鬧...9點半去食都仲好多人等位...最適合一大班人歡聚！我愛鑊氣小菜！

以前坐低過食.今次叫外賣返家差唔多全條街都係佢店鋪.舊式在街邊炒餸.可以看見紅紅火光.炒蜆算幾平.叫左2碟.有青椒一齊炒.有養過無沙.都算正常size.好味!!黃金蝦.底部剪開炸.好味..厚度適中的黃金外層.可惜外殼不能食.去殼後.其實鹹蛋黃的味道不多.避風堂炒蟹.叫左2隻普通肉蟹.時價$8 連埋配料.充滿一整個大盒..睇住件蟹健健康康.個拑仲好大隻.肉質鮮味.可惜白雪雪.炒不太入味...但蒜頭配料送飯食真係一絕.拼盆.$1xx 炸物為主..會配上好幾種不同醬汁.仲有沙律醬炸大腸拎到返去仲脆..好味!!!炸墨魚餅.切了片.香口.但拎到返去不脆了.仲唔到炸菜餅仲好食過墨魚餅..真係間唔到都會諗起佢.因為今次主要都係海鮮.在價錢上點叫都會略貴..以上價錢total 540.店員態度有禮.外賣蝦蟹先和外面的人揀好.磅好.再入去櫃台比錢.叫其他餸仲可以見到佢地執配料..等唔係好耐就有得拎lu.

昨晚試過增輝藝廚一役之後，同事普遍都讚食物味道不錯，不過份量真的太少了。今晚同事又話到深水埗食飯，說增輝附近的小菜王，食物質素都很好，於是是晚一行人就轉戰至此店比較下雖然店內環境無增輝咁靚，但都有冷氣，算係坐得舒服，我哋叫咗好多嘢食:黃金蝦: 蝦只是中蝦size，不算大隻，但炸得幾脆，蝦殼亦勉強沾滿一層薄薄的鹹蛋黃，有鹹香味，不過如果能夠再多一些鹹蛋黃，鹹香味會更實在~沙拉骨: 只是幾條炸過的排骨再在上面塗上莎律牆，從賣相看落一點也不吸引，好在吃落味道尚算ok，排骨亦算腍，可以接受。沙薑雞腳: 雞腳醃得很入味，沙薑味很濃，亦吃到很薄的薑辣味，算是水準貸，不過若然份量再多些少的話會更佳!辣酒煮花螺: 用了很多辣椒乾、花椒、百角等材料加入酒中一起煮，花螺算新鮮，夠彈牙，吃到頗濃的辣酒香，對我而言，算是頗辣的了!花枝釀油炸鬼: 跟增輝的鬼馬油條同出一徹，不過這個菜名較為踏實及具體，味道方面很好，將釀滿了墨魚膠的油條炸至脆卜卜，咬落又脆又彈牙，正!椒鹽肉排: 肉排炸得很乾身很腍，椒鹽味很香，用來點綴的炸蒜亦十分香口，好味!芝士牛油白飯魚: 話雖是芝士牛油，不過吃落跟平時吃到的炸白飯魚沒什麼大分

是日端午節, 假期一星期前已預早訂六點, 免得等第二輪六點正, 已有數張檯坐滿客人,我地剛人齊想叫人落單之際, 有個阿話"我岩岩返工, 落得單會叫你"服務"一流"是晚菜式焗魚腸, 夠乾身無油小食拼盤, 炸得太乾, 唔好食蒸白鱔沙拉骨金銀蛋菜炸魷魚鬚呢度服務一向都唔好, 但都多人幫襯, 其實食物唔係特別好味,而係抵食而已

老公話幾好食，咁我咪試下啦！點知落單的伙記態度極差，咁都算啦，但等咗20左右都未有菜到，搵話事人問下點解，佢問我叫咗嘜嘢菜 (講嘢仲惡過我)，佢話我叫嗰D係要好耐，我只不過叫咗芝士牛油焗白飯魚、豆豉鯪魚炒油麥菜。隔離枱叫炸乳鴿、椒鹽蝦，....都已經到哂，佢哋忡遲我哋多落單， 真係食到一肚火

8:30pm 一行6人 去到呢間鋪頭, 門口有一大班人座咗係度等, 因為book 咗位, 所以等咗 5分鐘就有位, 比我想像中快 and then 員工都幾有禮貌!好食嘅餸有 : 黃金蝦, 蒜蓉蒸勝瓜, 牛油白飯魚, 沙薑雞要改善嘅餸 : "辣酒煮花螺"唔入味, "炸猪大腸" 肥咗少少!食品都應該幾衛生, 因為一向十分容易肚痛嘅我都冇話搵toilet, 可以再食!

之前都嚟過一次，對小菜王嘅印象都幾好，所以是夜為朋友慶生，就揀了這裡。朋友們難得聚舊，所以大家已經話要『啤一啤』因為會飲酒嘅關係，所以叫了好多佐酒食物 --- 椒鹽墨魚咀、椒鹽九肚魚、椒鹽魷魚鬆、炸小棠菜、豉椒炒花甲。當然亦都要點些菜及飯啦 --- 椒絲炒通菜及不能不吃的『鰻魚炒飯』。另外一提，上次去食過『回鍋肉』都好好味咖，不過是夜叫了太多『熱氣』嘢，所以都係留待下次喇。