小漁村烤魚火鍋 (已結業)

一人烤魚午市套餐 ($78）。重慶豆花烤魚配白飯 (中辣)。鮮青椒烤魚配白飯 (中辣)。冬瓜益力多梳打 (+$9)。蝶豆花荔枝梳打 (+$9) ↪️ 烤魚午市套餐份量十足，每份都有一條開邊原條烤鱸魚，點了重慶豆花和鮮青椒口味，前者有滿滿的辣椒，食落香辣美味；後者滿滿的青椒，辣中又帶有麻辣味，個人覺得這款口味效好味。除了重慶豆花多了硬豆腐，兩款都有蘿蔔、薯仔片、百葉和芽菜等配料，都係非常吸湯汁的食材。兩款飲品除了解辣外，亦幾岩打卡。

六點左右去到餐廳，大概已經坐咗八成人，好快就上咗個海鮮拼盤，佢係根據人數，每人大約有五款海鮮，幾驚喜嘅係鮑魚都有，而且拎到上枱係熱辣辣，蒸嘅時間啱啱好，唔會過老。跟住就可以食烤魚，打邊爐。決定要打邊爐就唔可以再返食烤魚，所以大家記得要食夠先開始打邊爐，火鍋配料選擇好多，呢個價錢有咁靚嘅和牛真係不錯了，肉味濃郁，油花幾靚，試咗佢幾盤質素都穩定。整體嚟講，我係推薦小漁村，尤其是多人聚會就更加好，因為呢度又唔限時，又坐得舒服。店員收碟速度亦都好快，一定會經常來。

呢間餐廳座位舒適，主打食烤魚，我地叫左一條酸菜魚，呢度既魚有辣有唔辣，仲有好多唔同既烤魚可以揀，酸菜魚熱辣辣好入味，酸辣湯底魚肉好滑，仲有呢度仲有米線餐好平好抵食60蚊左右一碗份量好大碗，好多餸，蕃茄湯底濃郁，餃子好多涵，魚片無骨好多片，呢度仲有好飲既蝶豆花soda，顏色鮮艷好靚@siuyuchuan #烤魚 #酸菜魚 #蝶豆花 #米線大大碗 #抵食 #hkig #hkfoodie #ig #hkiger #hkigfood

最近親戚朋友喺外國返嚟，諗嚟諗去都唔知同佢哋食咩，做吓research搵到小漁村烤魚放題🥳最正嘅係冇限時，唔使食得趕頭趕命。😍首先食海鮮拼盤，我哋一行十幾人，所以上枱好誇張😍好大份，有蠔，蝦，扇貝等等。影相打卡一流，食完之後就可以食烤魚，烤魚都有好多唔同味道揀，仲可以任食🤣最後就用烤魚嘅湯底打邊爐，我都幾推薦鴨血同埋五花肉片😙鴨血吸晒湯底嘅精華，而且一啲腥味都冇，處理得好好。五花肉片更加係肥瘦均勻，唔會食到成口油，食埋甜品黑糖糍粑就大滿足了。

朋友生日，佢提議想試小漁村食烤魚放題，所以琴晚就嚟試吓。晚市由5:30開始，唔限時食到12點🤣🤣星期日至四只係268+10%👍🏻星期五六日或者公眾假期只係加多$30。真係好抵食。店員講解咗我哋食嘢嘅流程之後，海鮮拼盤就上枱啦😜好吸睛！有蠔，海蝦，蜆仔，扇貝等等，好大盤，調味就多數用蒜泥，所以蒸起咗真係好香🤤啱晒我口味，海蝦亦都好新鮮，　蒸得啱啱好，仍然保持到爽口彈牙。之後就可以任食烤魚，再打邊爐，火鍋配料可以出去自助吧取，咁樣就避免浪費，自己食幾多就幾多，我哋食咗好多嘢，非常滿意今餐。一定會再嚟。

位於旺角的四川烤魚火鍋任食餐廳，全幢大廈都是食肆，各個不同國家菜式都有。而這家則是以川式烤魚作主打，餐廳寬闊，地方企理整潔，座位都是梳化位，蠻舒適。壹食：海鮮盤 一盤海鮮拼盤按人數份量分配，海鮮款式豐富，包括生蠔、鮑魚、海蝦、扇貝、蜆，南瓜天婦羅及炒麵圍在中間，一上枱已經可以享用。海鮮主要以蒜蓉、蔥花調味，蒜味濃香，海鮮鮮味。貳食：烤魚二重奏整條江團魚，配料還有豆皮、酸菜、芽菜。魚的外皮烤至脆脆，肉質鮮嫩，很厚肉，而且骨頭少，所以吃的時候較輕鬆。重慶豆花就如水煮魚般，紅油浸著，還有豆腐，吸收了湯底精華，不過小辣不算辣。而鮮青椒味道的烤魚，上面鋪滿了青椒及炸蒜粒，那股麻麻辣辣慢慢散發出來。金湯酸菜湯底酸中帶微辣，較開胃之選。叁食：任食火鍋配料火鍋配料選擇不太多，外面有些丸類、蔬菜、響鈴卷、麵條等。還有少量食物及飲品則是掃描二維碼下單。肆食：限時優惠追加只要在社交平台打卡出相，隨即附送一客A5和牛。和牛薄薄一片，有豐富的油脂牛，牛味濃郁，灼一灼已經熟了。餐廳還提供小食，如炸饅頭、紅糖糍粑。糍粑新鮮炸起，金黃軟糯，口感煙韌，入面是黑糖流心，作為飯後甜點也不錯。

小漁村烤魚火鍋 而家晚市做緊烤魚 雞煲放題 有埋海鮮食都系二百幾蚊 睇落好吸引又抵 薯不知原來佢地午市都推出左1人前烤魚定食 堅系一個人原來都可以盡興丫🤪🔥金湯酸菜烤魚 $78原條鱸魚開邊上 面頭鋪滿左炸蒜 酸菜 好香口惹味魚皮煎香左 帶點焦香 咬落層皮幾煙韌酸菜魚湯底 辣度雖然冇得簡 但小辣 吾錯😋🫒鮮青椒烤魚 $78中意食辣既朋友 呢個就岩曬啦 有大 中 小辣簡🌶叫左小辣 但都比酸菜烤魚辣啲 入口冇耐啲麻麻辣辣就滲出黎 魚肉實淨得黎都幾滑 吾會夾散曬 每個套餐都有白飯同汽水 想轉特飲加幾蚊就得啦 💭餐廳環境幾舒適 新裝修 干淨企理 天花掛左啲大紅燈籠 牆身又有啲捕魚工具擺設 設合小漁村主題🥰 食物水準好 價錢合理 而且系旺角站隔離 好方便✌🏼

近排好鍾意食烤魚，朋友介紹我一定要試吓小漁村嘅烤魚放題，所以急不及待book枱嚟食。放題包咗一份海鮮拼盤，冇得refill但係份量都幾足，跟住就可以食烤魚😁烤魚可以任食，每次叫不同嘅口味都得，我哋encore咗重慶麻辣烤魚，好香口又惹味！調味做得剛剛好，唔會太辣太鹹，啲魚仍然保持嫩滑，同外面單點餐廳差唔多👍🏻👍🏻👍🏻好有驚喜。之後打邊爐就用返烤魚嘅湯底，一定要食響鈴生根，吸晒咁重口味嘅湯底🤪好正。總結嚟講，二百幾蚊食到依個質素真係好抵食，而且不限時真係好吸引。下次同朋友gathering一定會再嚟。

雖然旺角係好多餐廳選擇但永遠要諗食咩都係諗唔到友人提議想食烤魚我就醒起小漁村烤魚火炭喇就算一個人黎食都茅問題架🫢一人烤魚午市套餐$78（包飯及飲品 特飲+$9）✨金湯酸菜烤魚唔好食辣又唔好食太清我絕對推介呢個口味🙌小辣得黎唔會冇左魚本身既鮮味湯入味到令友人 魚都未開始食飯就食晒✨重慶豆花烤魚（可選辣度）果然麻辣is da best✨✨✨🤪再加上多左兩舊唔硬唔淋口感好既豆腐多左幾片白蘿蔔同薯仔片師奶心態既即時覺得叫呢個實冇輸蝕啦🤣重點魚係好滑好滑 食唔停✨冬瓜益力多梳打聽個名都覺得特別啦不過放心唔會怪因為益力多味都幾重下所以唔會話唔夾既😃✨蝶豆花荔枝梳打 顏色鮮艷 比較上鏡🤭但唔會好似藥水味咁死甜

呢間係旺角726大廈入面既小漁村前身叫error 19，雖然改左名轉左裝修，但係味道依然好味😋重慶頭花烤魚（$78）以$78黎講，食到成條烤魚真係好難搵到，但只係限平日lunch time供應。呢條有一條魚，仲有豆腐同埋蘿蔔、薯仔、芽菜墊底，啲菜吸晒啲麻辣味真係好惹味。呢個口味本身比較辣，所以叫小辣都已經好夠🥵麻辣毛血旺（$65）呢個毛血旺好足料，有鴨血、午餐肉、豬腩肉、豆皮等等。因為實在太足料食完真係好滿足😋

最近小漁村改頭換面變成一間以川菜烤魚為特色嘅餐廳😋 環境非常乾淨企理，可以見到裝修上都花咗唔小心思😍 傳統嘅紅燈籠掛滿天花板🏮牆上有唔少漁村嘅用具，包括竹籮、漁網、竹帽 👒 仲有好多食物道具 包括魚🐟 辣椒🌶️ 洋蔥🧅正正符合川菜烤魚嘅主題 🤓..叫左個鮮青椒烤魚（中辣 ），$87配埋個白飯同飲品，魚嘅辣度大概係譚仔嘅小辣👌🏻 魚係成條上，骨又唔算多，佢先醃好咗再喺出邊煎一煎，然後放落個湯度一路有用火喺個底燒住，所以好入味😋🔥 套餐本身包一杯普通汽水，加$9可以轉特飲🥤叫咗杯蝶豆花荔枝梳打，唔會太甜清新無比，呢個天氣配辣野簡直係一流😎🤓

見到新開嘅小漁村烤魚火鍋放題，就同另外三個fd一齊去探店👀店舖用QR Code落單，睇個menu有齊牛羊豬🥩而依家只要全枱人like同follow FB/IG page仲有牛頸脊任食😍星期日至星期四每位$268 ＋ / 星期五至六就$298＋我們咁精打細算梗係㨂平日去啦。自助區方面都有啲蔬菜類例如娃娃菜，粟米等既配菜🥬係火鍋方面都算做得十分充足，因為邊爐既基本配備都有齊好驚喜個海鮮拼盤有燒生蠔🦪重點係佢既蒜蓉真係好滿，估唔到個size咁大同都高質🔥而熟食仲有得嗌小饅頭🥞新鮮既炸饅頭加煉奶真係好match，諗到咁食既人真係天才😆烤魚有唔同味道可以揀都可以任食，而食夠烤魚決定左打邊爐既話就用番烤魚個湯打，開左爐就無得改嫁啦🐟我嗌既金湯酸菜魚都好夠味，正。

同朋友喺旺角行完街，見到呢間餐廳新開嘅，梗係要過嚟一是究竟啦。 成間餐廳掛滿着紅色嘅燈籠，好有氣氛，環境好乾淨侍應都好有禮貌。 原來佢呢度係放題任食，一個價錢係可以無限時任食😱😱😱😱😱先來就係一個巨型海鮮盤，有鮑魚，扇貝，海蝦，生蠔，炸番薯等等，超大份一碟！ 各款時令嘅海鮮好新鮮，配埋蒜蓉特別美味。蝦用少少鹽吊味，好鮮甜，炸番薯都外脆內軟，正！ 然後就再食烤魚，我哋叫咗個鮮青椒江團魚，呢個唔會太辣但好香口。 江團魚烤到外皮焦脆，然後再放入鮮青椒嘅湯底度，煮到入曬味。 我哋食到一半再嗌一啲肥牛，火鍋配料，佢呢度本身都有一個自助吧，可以自己出去拎火鍋材料，例如有魚蛋，魷魚，娃娃菜，響鈴等等。 飲品方面亦都好豐富，最重要嘅係全部都係任食！ ❤️❤️❤️ 同埋佢呢度係冇限時，即係話我真係可以由5:30坐到12點，超好啊！ 最緊要價錢經濟實惠，要推介比身邊啲朋友先👍👍👍👍👍

麻辣鮮香，啱晒我！ 聽朋友講旺角開咗一間烤魚海鮮火鍋放題，咁抵食梗係要試吓啦。 本身包咗個海鮮拼盤，另外仲要任食烤魚再加埋火鍋放題配料飲食，超級誇張喔！ 難以想像其實餐廳咁平經唔經營到架。 唔好以為係伏，咁嘅價錢，用料超級靚，烤魚本身勁大條配料勁多，我會推介海鱸魚，魚好大好爽滑，仲要冇乜骨添！ 超級好味！ 另外餐廳都做緊好多唔同優惠推廣，我相信係新張期內先會有呢啲優惠，出返一個post跟住仲tag 返餐廳, 就送咗呢個A5和牛，超靚，啲紋理好靚，牛味超香，我想講佢本身已經有好多肉類已經係免費放題任食㗎喇，跟住仲可以追加送呢一個A5和牛俾我，真係超抵食！ 平時我去食飯都唔會特別寫食評，但呢間真係真心抵，用料又好，我諗我會keep住每個月都幫襯，正！ 😆

我们选的清江鱼，上桌后可以直接吃，不需要煮。但是小火慢炖会越来越入味 很不错呢！让人惊喜的是这里的烤鱼是不限量的，可以一直点一直点…学配菜都是自己选的，份量很大。还有蔬菜可以自己夹。回对了，刚上桌还有BBQ海鲜拼盘，有生蚝、鲍鱼、蚬、扇贝海虾和炒面，每一款海鲜都加好多蒜蓉点缀。我超爱里面的鱿鱼圈哈哈哈，虾也很不错