小漁村烤魚火鍋 (已結業)

最近親戚朋友喺外國返嚟，諗嚟諗去都唔知同佢哋食咩，做吓research搵到小漁村烤魚放題🥳最正嘅係冇限時，唔使食得趕頭趕命。😍首先食海鮮拼盤，我哋一行十幾人，所以上枱好誇張😍好大份，有蠔，蝦，扇貝等等。影相打卡一流，食完之後就可以食烤魚，烤魚都有好多唔同味道揀，仲可以任食🤣最後就用烤魚嘅湯底打邊爐，我都幾推薦鴨血同埋五花肉片😙鴨血吸晒湯底嘅精華，而且一啲腥味都冇，處理得好好。五花肉片更加係肥瘦均勻，唔會食到成口油，食埋甜品黑糖糍粑就大滿足了。