小漁村烤魚火鍋 (已結業)

最近去左旺角小漁村烤魚火鍋佢地午餐時段烤魚只要$78依個價格對於烤魚餐廳來講非常划算而且餐廳分量也非常足一個人食超有飽足感今次點左重慶頭花烤魚同鮮青椒烤魚重慶頭花烤魚味道非常好魚肉鮮嫩多汁，配上獨特的香料和調味料，味道非常開胃 魚肉口感好好唔合會太鹹或太辣 令人上癮我自己好鍾意鮮青椒烤魚辣度適中 非常適合喜歡辣味既朋友另外餐廳既環境好好店內裝潢簡約而溫馨 整體氛圍非常舒適如果你鍾意烤魚 依道一定要黎試下性價比非常高 味道好 環境舒適 服務周到非常適合同家人朋友一齊黎小漁村烤魚火鍋 📍旺角彌敦道726號19樓

平時一行四人，四條女都好中意食烤魚😂但有試過係繁忙時間俾人趕住交枱，都會食得唔盡興🗣️所以經過個次之後我地就會揀啲無限時既地方所以我地就揀左呢間小漁村烤魚火鍋🍲因為見到啲評價係無限時，岩哂我地四個口水多過茶既女人🤤去食得任食就緊係要留肚啦，但係每次去到都會飽到好忟憎😂不過呢到一黎就上左一盤四人份既海鮮拼盤係包埋係價錢入面，估唔到係咁豐富🦞連煮同燒都唔洗自己，一去到坐低就有得食，即刻醫枱仔🪑我地揀左重慶麻辣烤魚，而配料我地拎得最多既係娃娃菜同生根，因為呢個可以索到最多湯汁🐟咁就唔會浪費左條魚而烤魚入面都已經會有平時既配料，如果想加烤魚都可以😌呢下真係好大方，因為好少地方可以加魚，而且打邊爐仲係用番原本烤魚個湯而唔係齋落清水👍🏼呢個價錢有呢個質素好正

金湯酸菜魚越食越濃郁🐟我好中意食酸菜魚，平時就算去茶餐廳都會嗌個酸菜魚套餐自己一個嘆🍲所以今日個fd問我食咩咁我就緊係即刻拉佢陪我食烤魚🔥我諗都無諗就揀左呢個金湯酸菜魚🐟而佢既魚係開左半再反開左好似蝴蝶咁🦋所以食既時候都好方便，唔會要食完一邊又要反轉另一邊👍🏼對於我地懶人黎講好正佢個海鮮拼盤一盤有幾款海鮮🦞分別有蒜蓉蠔，扇貝，蜆，鮑魚，蝦等等，中間仲有炒麵🍜食完呢盤都怕蝕😂因為真係勁大盤🥣

同fd今日去左食試呢間開左無耐既任食烤魚火鍋店🐟因為呢到除左食烤魚外，仲每枱都會有一碟海鮮拼盤🦐雖然只係得一碟，但係佢既份量真係好多，完全唔馬虎😄成人四至日無限時任飲任食$26＋成人五至六無限時任飲任食$298＋另外食完烤魚就可以加湯轉邊爐🥢而有無人打邊爐同我一樣都係中意食炸午餐肉🐷雖然邪惡，但係個午餐肉索埋個湯汁真係好正🤭而和牛都係影相再出post就有得一枱送一碟📸️呢碟真係好高質，記得唔好蝕😂師奶仔著數實唔可以錯過

呢排川菜開到周圍都係，但有無一間係可以又可以食烤魚，又有小菜食呢？朋友又send左呢間問我有我有無興趣😂睇完menu覺得又幾抵食喎，一個價錢任食，岩哂我唔洗諗食乜🤩想食乜就嗌乜又唔洗就住就住成人四至日無限時任飲任食$268當日既A5和牛好出色，只要影相係IG/FB出Post再Public，Tag餐廳，就有得免費送🤩對於我呢個食肉獸真係好爽🐮而麻辣火鍋必備既鴨血都有🍲而最驚喜既係有小饅頭食，依家已經唔係好多地方有，仲要有得任食🥠澱粉質派最岩我。

同幾個朋友食飯，唔知道食咩好？今日朋友帶我去呢間小漁村，環境唔錯，可以坐底一邊食，一邊傾計，而且重係放題，可以任食烤魚😍😍BBQ海鮮盤 - 有扇貝、鮑魚、生蠔、生蝦等等，好好味。全部好海鮮都好好味，加入了蒜蓉才煮，特別鮮味。我最鍾意個鮑魚同埋蜆，因為啖啖肉，正呀👍🏻👍🏻炸饅頭 - 呢個小食，超邪惡，外脆內暖，加上煉奶，甜甜哋，一個人食3-4個都唔過份😍烤魚 - 呢個真係好好味，重要係任食，而且有好多個味道可以選擇👍🏻 例如：重慶豆花，金湯酸菜，香濃蕃茄等等。而魚類都有得選擇，有海鱸魚，清江魚及江團魚🐟我選擇了重慶豆花，麻辣味好吸引，越食越停唔到口😍魚我選了海鱸魚，魚肉鮮甜，魚肉又厚身，有料👍🏻牛頸脊 - 任食嫁，無睇錯，係任食😀將牛頸脊放入重慶豆花湯入邊，麻辣味提升了牛的味道，超好味😍A5和牛 - 呢碟勁好味，牛肉味超濃，啲牛汁爆出嚟咁濟😋 但要食到呢碟A5和牛，係有條件嫁，要影相出Post(FB /IG)，必須Tag 餐廳及設定成公開，即送一碟A5和牛。精明嘅我，緊係即刻攞咗個優惠佢啦👍🏻仲有好多火配料整體來講，餐廳坐得舒服，食物又一流，啱晒三五知己去飯聚👍🏻👍🏻

这老板也太卷了，竟然有这等好事，②0️⃣0️⃣多竟然可以海鲜拼盘加烤鱼任吃？我想平时一条鱼🐟都不止这个价吧。 一进来店员就先上了一大盆海鲜拼盘，分量十足！海鲜包括：鲍鱼/花甲/扇贝/生蚝🦪/虾🦐/中间还有冷面作为主食。‼️做法是蒜蓉蒸，把海鲜的鲜味展现的淋漓尽致！ 随后我们点了一份烤鱼，因为天气热怕上火，特地选择了不辣的蒜爆豆豉烤鱼🐟~十分之入味，重口味的来又不辣，上门很多渣蒜头和豆豉，十分香口！鱼我选了江清鱼，骨头很少，肉又很鲜滑！ 别的配菜娃娃菜 响铃 牛肉 莲藕等等，都是任吃的，🐟也是任吃的，一条不够来两条，服务员说笑说有人4个人吃了4条鱼，这种性价比在香港真的是绝了！人均②⑥⑧任吃，味道还很不错，绝不踩雷！

上星期屋企人生日，我地一行六人就嚟試下依間新開嘅烤魚放題。餐廳好闊落，枱之間都唔會好迫，坐得舒服。而且新裝修，感覺都好乾淨企理👍🏻首先上枱嘅係海鮮拼盤，有蝦，蜆，生蠔，扇貝等等😍超大一盤，好吸睛。全部都好新鮮，鮮甜。而且海鮮嘅size都唔會話好細隻😃中間仲有麵底，吸收晒啲精華，正！然後就食烤魚，我哋因為人多，可以試多幾隻味，我最鍾意都係麻辣。辣得來仲可以食到魚嘅鮮味，之後打邊爐就用返魚嘅鍋底，a5和牛好重肉味！高質之選，而家只要影相出post喺社交平台 就送。另外估唔到嘅係煉奶小饅頭都好好食，我哋叫咗幾輪。整體嚟講餐廳食物高質，啱晒一家大細嚟聚餐，大家鍾意食咩都有，價錢亦都合理。一定會再同朋友再嚟食。

同朋友去旺角行街，佢話有間新開烤魚放題想試吓， 我地大概六點到，可以直入。店員話係無限時，可以食到十二點！🤣喺旺角嚟講真係好小見，通常放題都係得兩個鐘，抵讚👍🏻首先先吃海鮮拼盤，然後再食烤魚，烤魚可以仼食😍原條上，我地食辣既，惹味又入味。放題有依個質素真係好驚喜。我地食咗兩條就開始打邊爐。配料中特別推薦五花腩肉，午餐肉😋午餐肉係厚切，大滿足😊總結係性價比好高，我地閒日只係$268+10%，平時打邊爐都要依個價，仲要未必食得飽，所以依到一定有下次！

上星期屋企人行過知道呢度新開咗一間食烤魚放題嘅餐廳，所以星期日就嚟咗試，weekend收費係$298+10%，包咗海鮮拼盤，烤魚任食，打邊爐。一開始就食海鮮拼盤，海鮮拼盤有各種海鮮包括蝦，扇貝，生蠔等等。拼盤雖然係one off過，但係真係超大盤。打卡一流😍排得好整齊，而且每樣睇落都好想食🤣我最鍾意就係海中蝦，好新鮮，又大隻。最犀利就係蒸得啱啱好，唔會個老，仲係好彈牙👍🏻然後就可以開始食烤魚同埋打邊爐，無論配料定係烤魚嘅質素都好好，整體成餐飯都食得好開心。

烤魚就食得多，但係烤魚放題香港真係好少，呢度除咗食烤魚之外，仲會有海鮮拼盤同打邊爐😍一次過滿足三個願望。首先食咗海鮮拼盤，然後就到重頭戲烤魚，我哋都係鍾意食麻辣，所以叫咗重慶麻辣烤魚試吓。條魚上面鋪滿辣椒🌶️，辣得過癮。唔會因為任食而條魚好細，同平時出去食烤魚size一樣👍🏻值得一讚。而且調味亦啱我口味。食完一條又一條。然後就用我哋烤魚嘅湯底打邊爐，呢度有個promotion，只要全枱人like 餐廳社交平台, 就享有任食牛頸脊優惠😍😍😍本地牛頸脊鮮嫩又有肉味，而家免費就食到，真係好抵食。

上網見到呢度裝修咗之後，變咗係一間烤魚放題餐廳，望落好似好多嘢食，所以就約埋屋企人試吓。首先食海鮮拼盤，海鮮質素唔錯👍🏻都有五六種海鮮，多數都係落蒜蓉蒸，所以一定會好食😎又香又新鮮。之後我哋就食麻辣烤魚，我唔係食得好辣，都可以食到，夠入味，魚肉厚嫩，啖啖肉。最正係可以不斷encore。仲可以用烤魚嘅湯底打邊爐，吸晒烤魚嘅精華😝我哋擺埋鴨血落去，真係好正。另外自助區仲有好多火鍋醬料揀，配菜亦都唔少，我哋拎咗小饅頭返嚟試吓，驚喜地出去攞咗幾次，好食。我見到呢度下晝都有一人套餐，下次有機會一定會再嚟試

聽朋友講旺角開咗一間新餐廳，放題任食，仲要係冇限時嘅，一於要去試吓啦🤣 試完真係太誇張喇，我哋揀咗星期一過去，完全將Blue Monday嘅煩厭一掃而空，價錢只係$268+10% 每位，係可以食一個海鮮拼盤，再加埋食烤魚，再加埋任食火鍋放題，仲要係冇限時，價錢都只係$268+。 真係超級抵！ 掛住食冇乜點影相，so sorry … 我哋烤魚叫咗個重慶麻辣味道，辣度以自己揀嘅，其實食完個海鮮拼盤已經好飽，超滿足，烤魚仲可以任食，不過我哋想留肚，所以就只係食咗一隻味道姐。 火鍋配料都有好多唔同嘅選擇，最為欣賞嘅就係炸響鈴，超好味，吸晒啲汁好入味，另外我男朋友勁邪惡咁樣叫咗午餐肉，本身已經煮好咗㗎啦，可以即刻食，但我發現加入烤魚嘅汁入面，有另一番嘅滋味享受，好正好邪惡啊。 另外佢哋而家做緊有一啲宣傳，只要全張枱like佢哋嘅社交平台，就會送牛頸脊任食，超誇張，性價比真係超高，有圖有真相，啲牛頸脊紋理好靚，牛味超香。 總括嚟講呢一間餐廳真心推介俾我啲朋友，因為實在係太抵食同埋太好食喇😆😆😆

呢度嘅放題係首先食咗海鮮拼盤先，然後就食烤魚，最後再用烤魚嘅湯底打邊爐。海鮮拼盤質素唔錯，每樣海鮮都好新鮮，尤其是生蠔，加咗好多蒜蓉蒸，啱晒我口味。海鮮拼盤係冇得再加，但係之後食嘅烤魚就可以任叫👍🏻麻辣烤魚真係好正🥹大量蒜同辣椒，重口味人士一定鍾意❤️我哋一行四個人食咗三條，真係好抵又好食。然後到打邊爐部份，鴨血好有驚喜，好入味之餘，仲好嫩滑。配埋我哋烤魚嘅麻辣鍋底，兩樣嘢好夾🥰其他配菜都可以出去自助區自己夾，種類亦都好多，最後小饅頭都係甜品必食之一，超多煉奶😎好正。

喺旺角高空食lunch，其實又唔一定係食西餐嘅食烤魚都可以好chill好歎，呢間午市嘅烤魚餐平到跌con雖然唔係平時食烤魚咁大盤，不過一條友嘅份量就好足夠，熱辣辣奉上海鱸魚肉好嫩，揀咗蕃茄湯底好濃，可以撈飯食大胃之母唔想食太飽，就嗌孜然雞翼跟米線雞翼醃得好惹味，皮香肉滑，好果唔跟米線跟飯都正，不過米線都好食出面太熱，行過嚟已經好口渴，見佢特飲只係加$9，就嗌兩杯。蝶豆花荔枝梳打顏色好靚，對住環境打卡好chill，打完就飲，當場解渴玫瑰梳打啱晒少女心嘅大胃之母，又唔會太甜