小漁村烤魚火鍋 (已結業)

麻辣鮮香，啱晒我！ 聽朋友講旺角開咗一間烤魚海鮮火鍋放題，咁抵食梗係要試吓啦。 本身包咗個海鮮拼盤，另外仲要任食烤魚再加埋火鍋放題配料飲食，超級誇張喔！ 難以想像其實餐廳咁平經唔經營到架。 唔好以為係伏，咁嘅價錢，用料超級靚，烤魚本身勁大條配料勁多，我會推介海鱸魚，魚好大好爽滑，仲要冇乜骨添！ 超級好味！ 另外餐廳都做緊好多唔同優惠推廣，我相信係新張期內先會有呢啲優惠，出返一個post跟住仲tag 返餐廳, 就送咗呢個A5和牛，超靚，啲紋理好靚，牛味超香，我想講佢本身已經有好多肉類已經係免費放題任食㗎喇，跟住仲可以追加送呢一個A5和牛俾我，真係超抵食！ 平時我去食飯都唔會特別寫食評，但呢間真係真心抵，用料又好，我諗我會keep住每個月都幫襯，正！ 😆