小漁村烤魚火鍋 (已結業)

朋友生日，佢提議想試小漁村食烤魚放題，所以琴晚就嚟試吓。晚市由5:30開始，唔限時食到12點🤣🤣星期日至四只係268+10%👍🏻星期五六日或者公眾假期只係加多$30。真係好抵食。店員講解咗我哋食嘢嘅流程之後，海鮮拼盤就上枱啦😜好吸睛！有蠔，海蝦，蜆仔，扇貝等等，好大盤，調味就多數用蒜泥，所以蒸起咗真係好香🤤啱晒我口味，海蝦亦都好新鮮，　蒸得啱啱好，仍然保持到爽口彈牙。之後就可以任食烤魚，再打邊爐，火鍋配料可以出去自助吧取，咁樣就避免浪費，自己食幾多就幾多，我哋食咗好多嘢，非常滿意今餐。一定會再嚟。