小曼谷泰國美食站

营业中

休息中

今日心血來潮想食泰國嘢，其實銅鑼灣真係冇乜選擇。突然間經過總統戲院對面，見到呢一間小曼谷，其實小曼谷好出名，首先喺九龍城打響名堂，再喺其他地方開分店。初時都抱住試吓嘅心態，都驚分店始終係分店未必咁好味。入到去個氣氛都幾好，有live Band，廚房啲人全部都係泰國人唔。睇睇個Menu，因為可能喺銅鑼灣地區，啲食物價錢比九龍城貴咗兩三成。試吓佢先我哋叫咗以下三樣菜式1. 燒雞翼: 10分喜歡吃，首先講佢嘅醃料好味入味，燒得啱啱好，所以雞翼係出邊脆脆地，入邊好多汁，推介！2. 咖喱炸軟殼蟹農夫包： 食過最好味嘅咖喱農夫包！佢隻咖喱汁係咖喱炒蟹有蛋嗰隻咖喱汁，味道又香又濃，濃結到啱啱好！個農夫包外脆內軟，不經不覺我哋兩個人就食晒成個農夫包！超好味3. 芒果糯米飯： 佢有原個芒果，糯米飯煙煙林林，配淡淡的椰汁，都唔錯。不過有啲失望係冇紫色嘅紫糯米只有白糯米。食後感：整體啲食物好好味，一定會再嚟食過！溫馨提示，我哋七點去嘅時候啱啱滿座，如果大家想食嘅話記得一定要訂位，強烈推介咖喱炸軟殼蟹農夫包，值得一試燒雞翼！

講起食泰國菜，不能不提小曼谷，係香港都算街知巷聞，賣嘅唔係高級商場嘅豪華和優雅，而係地道泰國菜，紮根九龍城多年，而呢間分店落戶銅鑼灣的Tower 535銀座式新商廈，餐廳裝潢以火車作主題，門口仲有一大個火車頭。其環境及Amenities例如廁所都好比九龍城那邊，而食物質素都Keep得到。食物選擇與九龍城那邊幾乎一樣，而價錢好像沒啥分別，價錢中等，唔算貴，但又唔係特別平，聚會又好，拍拖都好，唔會覺得失禮。冬蔭功湯 ($138/細): 即使係細窩都足夠3-4人享用，冬蔭功湯口味地道，酸辣並重，濃郁鮮香，仲有兩隻大虎蝦，肉質爽實鮮甜。泰式芝士烤薄餅 ($48): 一客有兩大塊，合共八小塊，都幾大份，添加大量芝士烤焗，非常酥香「芝味」，雖然好食，但略嫌有啲太膩。另外有原味烤薄(酥)餅，奶油香較重，適合配咖喱食，小曼谷啲黃咖喱都唔錯。泰式鮮蝦炒金邊粉 ($98): 泰式炒金邊粉 (Pad Thai) 係一款幾有代表性嘅泰菜主食，用鮮蝦、雞蛋、硬豆腐、芽菜、韮菜，及魚露等料炒金邊炒，再加花生碎及青檸汁等，口感及味道豐富，但呢度口味稍淡，略帶不足。泰式酸辣鳳爪 ($92): 有超過20件鳳爪，份量算

尋日同朋友去食LUNCH. 時間尚早, 唔洗等位。睇緊餐牌果陣侍應送上餐湯(有D 似冬蔭功)，但佢係每個客人一碗，行過見你無湯就派一碗，所以湯唔熱。叫左一個大蝦泰式炒金邊粉, 一個咖哩軟殼蟹配蒜蓉包。大蝦泰式炒金邊粉得2隻蝦。青檸有....1/8 個, 好刀功! 唔夠味。鑊氣僅僅合格咖哩軟殼蟹配蒜蓉包一直諗緊個汁入面好似鼻涕咁嘅野係咩... 以為係芡汁太多, 透明嘅... 應該係未熟嘅蛋白?個汁無黃咖哩味... 似港式咖哩+泰式咖哩唯一好食嘅係蒜蓉包~ 焗得脆脆~同行朋友都話上次食無咁難食... 唔通下午個廚師唔同?

約咗朋友喺銅鑼灣食晚飯，由佢安排餐廳。一見到朋友，佢就豎起三隻手指高舉過頭，我咁醒目就知道佢係模仿泰國爭取民主嘅學生同人民，於是立即肅然起敬，亦都知道佢會帶我去食泰國菜😋朋友就帶咗我嚟呢間有個巨大火車頭嘅餐廳，裏邊亦都有好多火車車廂嘅裝飾，幾特別幾得意😎我哋叫咗幾樣嘢一齊食：「泰式醃粉絲海鮮沙律」，呢個沙律係熱嘅，非常特別，有熱辣辣嘅粉絲，真係又熱又辣😆，仲有鮮蝦、魷魚、帶子，非常惹味，啱晒鍾意食辣嘅人😋　「泰式鹹魚炒芥蘭」，芥蘭好新鮮，鹹魚又係超級惹味，簡單又非常香口美味嘅菜式😋「泰式鮮蝦炒金邊粉」，除咗鮮蝦之外，仲有芽菜、雞蛋絲、香蔥、碎花生，加埋青檸汁同魚露，非常好味😋，仲好大碟😁「小曼谷原隻芒果糯米飯」，呢個芒果糯米飯仲配有椰漿，芒果好甜，椰漿少少甜兼好香，配糯米飯食好美味😋同朋友兩個食得好開心😃。另外希望泰國民主運動早日成功。香港就.....要加油，正如餐廳收據上邊咁寫💪

經openrice訂座感謝祭買咗$20泰皇咖喱炒海鮮優惠，所以黎試呢一間首先位置坐得舒服，我地一共2個人，落order時有同waiter講訂咗 $20優惠，大唔大份，waiter話大份，黎到真係好大份，完全冇因為推廣$20就俾少，真係好大一碟，不過汁佢佔居多，但係2個人食係有啲多。我地嗌咗烤薄餅（$45），熱辣辣既薄餅配呢個咖喱汁真係super match燒豬頸肉（$115）都幾大份，配泰式辣汁，燒得香又惹味，值得推介！甜品就叫咗芒果糯米飯（$88），真係原隻芒果，味道中規中矩。飲品就叫咗椰皇($33)，鮮甜，同預先切口比較大，方便飲完再食入面既椰肉呢間餐廳唔錯，服務態度好，因為今次$20優惠黎試，覺得下次可以encore

今晚同朋友過嚟銅鑼灣食飯，揀咗小曼谷食泰國菜，真心好有驚喜佢哋有小曼谷孖寶A+B套餐，計落又幾抵食滷水豬手煲+燒脆皮白鱔 $288呢間嘅滷豬手真係食過之中最好食😳入味唔過咸，肉質鮮嫩，唔會有啲位好硬好乾！豬皮軟滑🤩平時食豬手都會覺得好肥膩，但依度真係做得好好，食曬都唔覺溜！❤️燒白鱔跟呢個套餐點真係超抵食！燒到外脆內嫩🤤油香係口腔徘徊🥺💕太好食啦！就算唔點汁都勁正！鮮味十足❤️鐵板豬頸肉啫啫通菜 $99好少食通菜連莖都咁嫩！調味剛好，鹹香十足💕本身馬拉盞炒係會有少少辣，但呢個辣度非常惹味，連我呢個食唔到辣嘅人都大讚😍豬頸肉份量超足！似蜜汁燒過，入口勁juicy👏🏻大推下次絕對會再嚟食！試吓其他菜式

之前6月朋友生日黎過一次,又平又好食,今次都係朋友生日,都係黎返同一間餐廳,今次食物水準都一樣咁好,而且價錢真係好吸引,平均一人消費只係$200,係銅鑼灣黎講認真抵食火車頭同火車裝飾仍然係焦點生蝦刺身,蝦肉爽彈,肉質新鮮又通透,一碟有6隻,size 適中生蝦精華在於生蝦醬同蒜頭辣椒好好味燒半架,我本身唔好,但壽星仔想食要左一份,一份有2件,好似好細份,但都幾多肉我對羊架喜出望外,超好味,秘製醬汁酸酸甜甜,無念過會咁好味不過價錢都唔平,但真係要試,包無後悔最後一碟豬手飯,豬手皮好淋,肉都好淋好入味,飯份量都多,夠2個人食,所以十分超值

上星期同媽咪行完銅鑼灣，順利去呢度食晚餐！媽咪話想食泰國野🤣門口果個火車大型擺設幾特別！座位算多👍🏻上菜速度快👍🏻泰式鮮蝦炒金邊粉 $98加上青檸汁會好味啲🤣金邊粉既口感幾好！蝦仁爽口，都幾好食～同埋好大碟呀！夠飽肚！香葉辣椒豬肉碎燴飯配荷包蛋 $88個荷包蛋好正咁🤣蛋黃漿流出嚟果下好治癒🤣辣豬肉碎好正！好惹味🤤感覺更開胃！配白飯一流呀！泰式牛肉沙嗲串燒 $24個沙嗲醬汁好味😍牛肉味濃，幾正！值得一試！🤤

防疫措施稍為放寬，偶爾也約朋友外出晚膳，是晚在銅鑼灣，心血來潮想食泰國菜，便去了小曼谷。沙嗲串燒 - 點了牛和雞串燒，牛肉濃郁，雞肉彈牙，配沙嗲醬汁十分惹味。香葉辣椒海鮮炒米粉 - 有鮮蝦、魷魚、帶子等，海鮮爽彈。用上泰式幼米粉，把海鮮及調味料精華全吸收，微辣的香口非常，而且份量很多。馬拉盞與通菜總是相襯，加了少許蝦米仔炒更富口感滋味。泰國菜偏濃味，飲天然清甜的椰皇最為合適又健康。小曼谷的食物無論款式及份量都多，而且惹味，想食泰國菜時好選擇。

今日朋友生日 book左黎呢間食飯😂不過入去其實唔太多人 唔洗特登book位呢到有送口罩套😃 讚 我地兩個人 叫左三樣野食加兩粒椰青青咖喱豬頸肉 $98 呢款唔算太辣 可以食到咖喱既味 可惜都唔系好食到 🙂豬頸肉份量多 唔太韌 爽口 易咬友人唔太食豬頸肉都讚泰式拼盤$ 156 二人份量都系果d野 唔特別講喇 😂小曼谷炒飯$108呢個真系好正 飯炒得香同乾身 同蛋包飯形式包住 無論就咁食定配青咖喱食都好食 值得推介😄 另外椰青新鮮多汁 有冰過呢間整體都唔錯 值得再食😂

小曼谷地點好就腳，環境都好靚，店內放滿泰式擺設及霓虹燈，仲有個紫色霓虹燈的mini bar，裝修充滿泰國風味阿～場地夠大，坐位好舒服，餐具都好有自己既特色！望住個餐牌花多眼亂，差品多樣樣泰國菜都齊，專食泰國菜的地方真係好吸引。椰青波波$53（泰國直送）完整打開就咁飲同埋食，乙層白色波波係白嫩椰青肉，內面包住清甜嘅椰青水的，唔洗劈開，方便又快捷，不用花費功夫削削椰青肉，係天下間偉大的發明阿！估唔到響呢度飲到～小曼谷海南雞飯$88賣相非常靚，果然名不虛傳，海南雞肉質夠嫩滑，再配上醬汁超夾味，一起吃真是一流，好好食。個飯係白飯黎，但都合乎水準，配番個冬瓜肉湯，好正! 泰式鮮蝦炒金邊粉$98，呢個價錢嚟講都唔細份，炒得乾身有獲氣，食落一點也不油，炒得好好。金邊粉炒得好爽滑，我覺得味道不錯，都有好幾隻大蝦，鮮蝦鮮甜彈牙，仲配埋蛋絲、芽菜、花生碎，配料夠多😍滴少少青檸汁，味道更上一層 呢度的串燒豬、牛、雞腎$24 ×3當然也是必吃之選，好推介大家食，ｄ肉燒得幾好，肉質嫩滑，口感不錯。燒烤時間掌握得岩岩好，入口香軟好味。串燒適合搭配沙嗲醬一齊食就更加開胃！椰汁西米糕拼泰式千層糕$49望個樣好掂，食落

book左晚餐6:00我地2人叫左金邊粉炒蝦，咖哩雞，飛天通菜，酥餅，3件蝦餅，奶茶。蝦餅係最好食又大份，推薦咖哩雞個咖哩好好味，但雞就普通，吾夠滑，有骨既雞。其他都吾錯。

繼續報復式食好野, 今次黎到之前係九龍城食過既小曼谷泰國美食站既CWB分店因為都要就下朋友既返工地方既一入到去就見到架火車, 令我諗起泰國果個市集, 真係好掛住泰國呀, 但又真係令我以為去左泰國!牛肉沙嗲串燒-$24首先梗係要食下串燒熱下身先啦, 個牛味好香, 而且一D都唔靭, 配埋個沙嗲醬真係令人一食再想食, 但都係要留肚比主食既!飛天通菜-$89個通菜炒得幾好鑊氣, 而且好惹味, 少少辣, 好開胃, 好味香葉雞肉炒河-$88又一好味既少少辣之選, 每一條河粉都包住D個好味既醬汁, 而且雞肉都唔少, 不選之選咖喱炒大蜆-$168終於黎到今晚既高潮, 就係小曼谷泰國美食站出晒名既咖喱, 今次我地就揀左炒大蜆, 大蜆鮮甜, 完全唔會怕食到沙, 而且隻隻都開晒殼, 可見其新鮮程度, 而且咖喱真係超好味呀, 滲晒落蜆度, 就算比左幾多隻大蜆我地都係唔夠食呀總結小曼谷泰國美食站真係好好味, 就算CWB分店都係保持到!

同朋友去食泰國野，咁又唔知食咩，就去食比較有保證少少既連鎖餐廳既小曼谷，之前都食過既，我食過幾間泰國野，都好似普遍都係咁上下。黃咖哩豬頸肉 - $ 98我覺得依個就係比較偏甜既，椰汁味都幾重，但我有朋友就覺得都有d辣，但唔食辣既朋友都可以試下，因為覺得泰國野食下d咖哩or辣野先過癮。泰式燒原隻鮮魷 - $ 168依個大家真係唔好叫，首先食落魷魚並唔彈牙，太淋，味道亦都好怪，佢唔係腥而係個味好似變左，而且個醬汁亦都救唔返依個魷魚既味道，真係唔推薦大家叫。半隻海南雞 - $ 148依個我覺得正常好多，雞夠滑，肉夠嫩，醬汁又同隻雞好match，不過依個唔係跟飯 要另外叫，唔錯

原本計劃咗同朋友去泰國度玩但因為疫情去唔到🥺 我哋決定嚟呢間泰式餐廳，食個飯補番數🤗🤗行到謝斐道535號大大個水牌見到非常清晰👍搭電梯落去就會見到間餐廳餐廳個設計都幾特別感覺好似係一個火車車廂咁樣， 喺門口有個好大嘅火車頭，打卡一流😄座位都好闊落好舒服，值得留意佢哋有個live band位 如果有得聽住歌食飯應該都幾正😉😉睇返餐牌都有好多唔同嘅選擇飯類，海鮮，咖哩，串燒應有盡有，睇啲相都覺得好好味我哋叫咗一個 芒果蟹肉炒飯，泰式海鮮金邊粉，炸蝦餅😋芒果蟹肉炒飯材料好豐富除咗粒粒芒果同一絲絲嘅蟹肉之外 仲有蛋絲同肉鬆食落口感好豐富芒果好鮮甜味道好正😁泰式鮮蝦炒金邊粉擺碟美美的😚，炒得好有獲氣而唔油膩，金邊粉炒得好爽滑，有大蝦，鮮味彈牙，仲配埋蛋絲同芽菜絲😍加少少青檸汁，味道更上一層😋炸蝦餅雖然叫左細份，但都夠食，表皮炸得香脆，入面食到好爽滑蝦肉味😌飲品叫左椰青同熱龍眼茶椰青質素頗高，飲落好鮮甜清熱，仲有淡淡果肉😙熱龍眼茶味道好清甜有少少似蜜糖水，飲完覺得好潤😘