小曼谷泰國美食站

营业中

休息中

少有食店會設有現場live唱歌，令到現場頗有氣氛，加上現場嘅佈置有滿滿嘅火車頭襯托返餐廳主題，以及燈光相對調暗令整體氣氛舒服。「鮮芒果海鮮炒飯」以往我喺泰國餐廳都會食菠蘿炒飯，今次叫這個芒果海鮮炒飯，海鮮魷帶子鮮魷蝦等都幾足料，而且炒得幾香口，再配上豬肉鬆混在其中增加了口感，而鮮芒果在煙韌飯粒中增添了juicy，比起平時食菠蘿炒飯的乾身多了幾分濕潤更鮮味，不錯。「冬陰功湯」一向鍾情冬陰功湯的我們叫了四至六人的份量，冬陰功湯的辣度適中唔會太搶喉，而且幾惹味，撈起來有幾隻大頭蝦肉幾爽口，特別之處係盛湯的爐具，有著傳統圖案孔口，幾別緻搶眼具特色。「串燒」雞、牛、豬各2串，串燒燒得幾惹味，唔會燒得太韌，而最突出是那些沙嗲醬，配搭一齊食帶出香口。整體食物不錯，加上現場唱live 增添了氣氛，是約腳飯局不錯的地方。

喺銅鑼灣想揾良心餐廳但食厭左西餐，就去左呢間泰國菜，以泰國餐廳黎講佢都幾有格調，唔知係咪叫美食站嘅緣故，佢嘅裝修以車站為主題，門口有個火車頭擺設同路牌，牆身有行李架同齒輪裝飾，當日仲有駐唱歌手唱泰文同英文歌添。🍽泰皇咖喱法包軟殼蟹麵包焗脆後挖空中間裝泰式咖喱，配料有紅椒、青椒、洋葱等，辣度唔高，成塊麵包浸滿汁食都無問題，軟殼蟹炸到脆卜卜又多膏，分量頗多，建議兩至三人分享。 🍽泰式馬拉盞炒通菜望落好似好多辣油咁但辣度適中，馬拉盞鹹香惹味，同爽脆嘅通菜好夾。 🍽小曼谷海南雞飯一開始見到全部都係雞胸有少少失望，但好彩食落都唔會鞋，個蒜蓉辣汁撈飯唔錯，另配芫荽湯可暖暖胃。

自多年前一直都渴望去一轉泰國雖然今年疫情下旅行暫時免問但去享受一下泰菜還是挺不錯最近網遊爬文見到有人介紹呢間小曼谷泰國美食站不論評價或是食物質素都有不少好評果斷地相約飯腳去試一試一入門口就見到火車頭餐廳佈置設計就似坐著火車令人感覺似去左泰國夜市一樣 挺有特色當晚去到仲有駐場歌手表演邊食邊聽 滿有享受好有chill感望望餐牌 選擇都挺多 而且感覺都頗地道極上牛小排醃沙律大大份睇落好抵食 而且非常足料牛小排外邊燒至微脆 食落有少少焦香感 肉味濃郁咬落外脆內柔軟細嫩 難得是可以keep到仲好juicy味道帶點辛辣 配合新鮮沙律菜令人耳目一新作簡單既開胃實在不錯海南雞半隻雞肉肉厚啖啖濃厚鮮雞香即使是雞胸肉亦全無過火感覺口感鮮嫩彈滑 肉香皮爽沾上特製醬汁更是惹味停不了 味道剛好不會過咸可以說是味香而不油膩泰式干炒海鮮米粉同樣地上枱大大份 海鮮配料足雖然賣相不怎麼樣 不過食落算有驚喜米粉炒得乾身唔笠口 口感細軟 味道是夠的不過略嫌炒得不太均勻 以致顏色上味道上都略有偏差整體不算差 而且頗有泰國地道風味

小曼谷泰國美食站銅鑼灣謝斐道535號Tower 535地庫B02舖已經係第2次黎呢間小曼谷，今日同屋企人黎左銅鑼灣shopping ，行到累累地有d肚餓即刻唸起黎呢到，好彩我地都算早7點已經黎到，都未使排隊，坐低左之後就見到愈黎愈多人啦呢到既座位都算幾舒適， 一大牌梳化卡位，岩晒坐低一邊食，一邊慢慢傾好精美既火車頭，好似置身係泰國既火車博物館咁 馬拉盞炒芥蘭真係好正，仲要用鐵板上非常惹味，而餐廳用既芥蘭本身都好嫩，唔會太硬，食得出豬頸肉都係有醃製過既，好正非常嫩滑既海南雞，食落口唔會太肥，加埋餐廳秘製既醬汁，無得頂呀望落已經覺得好吸引，軟殼蟹炸得好香脆，配埋個泰式黃咖喱真係好match....食完蟹仲可以食埋個沾滿咖喱汁既法包，雖然好邪惡但真係一流泰式鹵水豬手就食得多，今次試下呢個脆炸豬手，都好有驚喜，餐廳炸得好香好脆，除左豬手以外，伴碟既蝦片都好好味飲品方面我地叫左珍多冰，好香既椰汁味，而且唔會太甜，岩晒我口味，加埋七彩繽紛的配料，真係又好睇又好飲今晚最大既驚喜就係估唔到，餐廳仲會請駐場歌手係到自彈自唱，而家係香港真係買少見少啦，非常好feel唱左好多首有共鳴既歌，而且真係堅好聽架，

今日同左朋友慶祝生日，主角話要食泰國嘢，但我地係港島區又唔想走到去九龍城咁鬼遠，所以即刻上openrice睇下有無頭緒啦，於是就見到呢間係銅鑼灣535 tower既小曼谷好似唔錯，而且有好多好評，地點又方便，所在就決定book位啦係餐廳門口己經見到好大部舊式火車，好吸睛呀，絕對係打咭位，唔知仲以為自已去左曼谷火車夜市呀，哈哈。。而入面既座位都好闊落，大部分係卡位為主，岩晒同朋友黎吹水聚會，另外仲見到餐廳有個live band corner ,應該定期會請人返黎唱歌，咁就更加好feel啦打開meun見到樣樣都好吸引，真係有d選擇困難呀，見到其中有一個孖寶推介都幾抵只係$288蚊，就可以揀2款主菜，我地就要左A. 泰脆炸豬手B. 小曼谷海南雞(半隻)兩樣都好大碟，非常推薦叫呢個孖生，好抵食除左孖寶之外，我地仲點左泰式咖哩法包軟殼蟹，泰式鮮蝦炒金邊粉，鐵板豬頸肉啫啫芥蘭 (馬拉盞 )，全部都好高質，自己最鐘意就係個 咖哩軟殼蟹法包，食完香脆既軟殼蟹之後，仲可以用埋法包點咖哩汁，簡直最佳組合。另外，呢到既飲品都唔錯，我地分別叫左珍多冰同埋菠蘿沙冰。

最近泰國的政治危機成為了國際焦點，朋友係泰國粉絲，非常關注泰國情況，對泰菜更是情有獨鍾，惜因疫情關係，不能外遊，沒辦法去泰國，那就只好吃點泰菜解饞。朋友揀咗銅鑼灣謝斐道 Tower 535 地庫呢間「小曼谷泰國美食站」，據說店舖係由泰國華僑開設，甚至連廚師都係泰籍，所以食物充滿地道風味。餐廳以泰國火車為主題，除咗門口放置了一部大型火車頭作裝飾之外，連用餐區亦以火車卡為藍本，令人有彷如置身於泰國火車夜市之感。先細看餐牌，菜式應有盡有，而且選擇甚豐，有湯類、咖喱類、沙律、炸物、炒菜類、飯類、炒河類、水上市場船粉、甜品類、飲品類，另外亦有廚師精選及多款小曼谷孖寶推介。兩個人吃得不多，揀咗個炒椰菜苗、蟹肉炒飯，另外再加咗杯飲品，一於留肚食甜品。先試下碟泰式馬拉盞炒椰菜苗 ($92)，椰菜苗取自最鮮嫩的中心部分，色澤翠綠，入口爽脆鮮甜，加上用咗馬拉盞和紅椒嚟炒，食落鹹鹹辣辣，香口又惹味。香芒蟹肉炒飯 ($98)，個炒飯賣相好靚，色澤金黃，飯粒分明，而且上桌時香噴噴、熱辣辣，鑊氣十足。舀起一試，入口啖啖蟹肉，芒果新鮮甜美，另外配料仲有青豆粒、紅蘿蔔、粟米粒、洋蔥和蛋絲，再夾埋碟邊嘅肉鬆一齊食，口感

筆者今晚同好姐妹到銅鑼灣shopping, 買夠當然要醫肚， 大家也想食泰國菜，腦海突然諗起小曼谷，小曼谷評價一向也不俗，好姐妹也極力推薦，一於試下先 餐廳門面已經極具泰國火車市場風格，非常特別裝修很有泰國火車市場意境。 當晚侍應安排坐在表演者前的餐桌，可以一邊聽歌，一邊享受美食，十分歡暢 疫情影響下，坐位間有隔板相隔，食得安心筆者喜歡鹽燒東風螺，隻隻都熱辣辣，啖啖肉，非常滋味串燒即叫即燒，牛柳粒熟度岩岩好， 配合燒車厘茄，十分開胃。 燒臘腸更是驚喜， 甜甜的，但一點也不肥膩，一試難忘的感覺。 【泰皇咖喱炒海鮮 】份量十足，大大碟，有大大隻鮮蝦、青口，硯 ， 筆者另外點了原味烤薄餅，沾上香濃惹味咖哩，胃口大增。 【青檸菠蘿炒冰】 配合泰國菜一流，香甜解渴。 【泰式冰咖啡】 朋友推薦，香濃有水準。 今晚泰國晚餐，令筆者感覺置身泰國當中

開頭見到小曼谷泰國美食站個名好有趣,去到先知原來係一個火車站,門口仲有一架火車,坐位就好似坐係火車卡入面咁都幾特別幾有趣泰式既蟹肉魚肚羹我第一次見份量都唔少,可以分到6碗,魚肚好厚好大件,蟹肉都唔少,個羹就好似碗仔趐,好飽肚,所以好抵食另外叫左半隻海南雞,半隻雞都好多,可能隻雞係大SZIE,所以食唔完雞肉好滑,我本人鐘意食皮,好正再加碟炒通菜,好香好爽仲點左一杯波蘿沙冰,正!大部份食物都好平,估唔到銅鑼灣食野都唔貴絶對值得回頭

想在銅鑼灣覓食又可以搵埋fd，一舉兩得丫懷念泰國風情就黎到ne間連門口都擺架火車頭，比我想像中多位（～30個應該塞得落）坐得黎燈光較得幾舒服柔和風又睇到menu ，夜少少仲有live band tem。 到正玉啦～ 一馬當先叫左個生菜豬肉包（個fd) 唔食辣的寶寶應該同我一樣食一兩啖好滋味但太辣食唔到，野飲cover唔到（會出現想食又食唔到的狀況,個fd食得巧happy)咁就唯有主攻扮曬健康叫左的通菜但其實個底收埋曬d豬頸肉的菜（阻唔到我食豬肉的決心 ）單叫烤豬頸肉又怕食唔曬，ne 道菜出得讚呀～比料大方豬頸肉沒數大概都比左十塊度香口又好咬口，通菜由蒜香油炒到巧香口岩曬配飯。主食叫左個芒果蟹肉炒飯，粒粒分明，重點係唔油膩，芒果帶微甜配蟹肉的鮮配飯又出奇地好食，隔離仲放左肉鬆可以多一種滋味食炒飯。野飲方面比起凍啡，都係fd個杯凍奶茶好飲d(唔認係因為奶茶個種甜甜的地奶又濃中左賣非佛）。總括黎講，野食大份又好食，同fd聚會想食泰國野會捉佢地黎ne間翻桌（以香口之名）。

小曼谷可算是九龍城泰國菜的代表之首，如今港九新界亦有小曼谷的蹤影，雖然不太確定小曼谷海鮮燒烤屋、小曼谷泰國美食及小曼谷泰國美食站之間的實際關係，但曾經去過不同小曼谷，始終覺得有一定保證。小曼谷泰國美食站是港島區唯一一間小曼谷，裝潢比較摩登型格，與本店顯然走不一樣的路線，而且應該更不時會有現場音樂表演。青咖哩豬頸肉 ($98)青咖哩以青辣椒炮製所以一般會比黃咖哩或紅咖哩辣度更高，香辣濃稠而且加入椰漿較為溫和醇厚，豬頸肉本身更預先經過燒製而非單純烚煮所以特別香口。辣椒膏炒海鮮 ($248)青口、炸虎蝦、蜆及魷魚炒得入味，肉質不算相當鮮美勝在包羅萬有。小曼谷炒飯 ($108)這款炒飯之前已經在其他分店吃過多次，薄薄一層煎蛋皮中包住富陣陣咖哩香，而且更有豬頸肉、扎肉、蝦及蟹柳相當豐富。極上燒安格斯西冷牛小排 ($238)牛小排同樣是每次必點的菜式之一，但水準有點飄忽不定，以往一般都肥美多汁，油脂豐富，不過這次略為過熟令肉質稍韌。椰皇沙冰 ($37)當初以為椰皇沙冰會以椰皇——椰青水製成，出乎意外地是椰汁沙冰，但椰香十足同樣合我心意。

呢個餐廳門口有大大個火車頭做裝飾，好特別(^u^)有幾款孖寶推介，我地就揀左以下既配搭:#泰脆炸豬手 + #牛油蒜蓉燒大蜆 $288炸豬手好大碟呀，份量十足，原隻豬手已經切開了一件件，食起上嚟好方便，皮唔算好脆，但肉質都幾淋，好中意食豬手上既蝦片(ﾉ>ω<)ﾉ 牛油蒜蓉燒大蜆賣相唔錯，好重牛油同蒜蓉味，仲有啲炸左既小魚乾，脆脆地好有口感(ゝ∀･)#豬肉碎生菜包 $92 豬肉碎有小小辣，唔會炒到好乾，惹味又開胃ε٩(๑> ₃ <)۶з #椰汁西米糕拼千層糕 $49  叫左千層糕做甜品，千層糕微暖重椰汁味，亦好煙煙靭靭呢(✪ω✪)#椰皇沙冰 $37 勁香椰汁味，夠晒冰凍岩晒解辣!!點評｜小紅書

小曼谷在九龍城、元朗和銅鑼灣都有分店，今天便來到銅鑼灣的分店。椰青$43，冰凍的椰青，是吃泰菜的最佳選擇，還可以吃椰青肉，十分滿足。泰式冰咖啡$33，咖啡味道濃郁，甘香而不會過甜。香葉辣椒雞肉炒河$88，鑊氣十足，雖然是用辣椒炒成，不過辣度只屬輕微，不要被這個名字嚇到。因為河粉賣完，所以點了金邊粉。想不到金邊粉的口感，比起河粉更加彈牙，感覺上更佳。泰式鮮蝦柚子沙律$108，配料有椰絲、乾蔥、花生和魚仔乾，主要材料當然是柚子和鮮蝦，蝦肉爽口彈牙，柚子味道鮮甜，配合酸酸辣辣醬汁，味道更佳。小曼谷原隻芒果糯米飯$88，糯米飯是熱騰騰的，所以糯米軟中帶點嚼勁，如果芒果再甜一點，口感更佳。

一直都係小曼谷嘅fans，今日黎開銅鑼灣先知道呢度都有，梗係要去食‼️佢哋嘅火車裝修風格都好型-🚂一入門口勁大個火車頭，座位都模仿火車車廂好特別，仲有唔少火車嘅擺設好盞鬼(⊙ω⊙)-🥘小曼谷泰式沙嗲串燒豬｜牛｜雞｜一串💰24✨超香超多汁，樣樣都好軟淋✨沙嗲醬汁好香濃，有好多花生粒，甜甜開胃.🥘青咖喱海鮮｜💰108超香甜香濃，配埋個餅超好味入面有蝦、帶子、青口、魷魚等等，好足料 .🦐泰式乾炒牛河海鮮米粉｜💰93炒得好乾爽好香口，米粉好爽口蛋味好夠，魷魚同蝦又爽口.🍞泰式原味烤酥餅(兩塊)｜💰45超酥脆，就算點左咖喱都食到酥餅嘅牛油香味.🥥泰國直送椰青波波｜💰53我今次嘅剝肉技巧冇得用嚕佢連肉都起埋出嚟超方便，啱晒鍾意食嘢肉給大家-餐牌好似同九龍城大鋪冇乜分別，嘢食質素都係高，只係裝修風格唔同，仲有live band corner ，播埋泰文歌超有格調

喺銅鑼灣Tower 535地庫，原來開左呢間泰國餐廳，唔上網睇都唔知！喺市區嚟講，價錢適中，坐位都尚算舒服，服務唔錯，值得一試。 🍴 泰式鮮蝦炒金邊粉 ($98) ⭐️⭐️⭐️⭐️💫 泰國餐廳必食！份量比得非常慷慨，麵有好多，用左蝦、豆腐、蛋同芽菜等等。如果鐘意可以加埋花生碎同青檸汁，味度更加香！ 🍴 香葉辣椒豬肉碎燴飯 (配荷包蛋) ($88) ⭐️⭐️⭐️⭐️ 我比較少食肉碎飯，估唔到原來係幾香口，辣辣地鹹鹹地好香，撈飯一流。荷包蛋成功做到流心效果，正。 🍴 風味燒豬頸肉 ($118) ⭐️⭐️⭐️⭐️💫 CP值好高，超大份，燒得唔會好乾，豬頸肉做到唔會韌，加埋特制泰式醬汁，好味！ 🍴 泰式馬拉盞炒椰菜苗 ($92) ⭐️⭐️⭐️⭐️ 份量唔係好多，但勝在鹹香鹹香幾惹味！ 🍴 泰式冰咖啡 ($33) + 泰式冰鎮奶茶 ($33) ⭐️⭐️⭐️⭐️ 算幾大杯，好地道嘅泰式咖啡同奶茶，比台式嘅較甜，唔錯！ .............................. 小曼谷泰國美食站 地址📍: 銅鑼灣謝斐道535號Tower 535地庫B02舖 總評分: 8.2/10 ............................

收工約舊同事去銅鑼灣shopping順便食飯，舊同事想食泰國菜於是就去了小曼谷，這間裝修比九龍城精緻~有好大架火車裝飾好似置身於曼谷火車站般😀座位舒適我們坐近live band 台，滿心歡喜以為有人唱live 之後問店員才知道疫情下暫停了，不過都有不停播放歌曲，希望疫情盡快過我地就可以一邊食飯一邊聽結他手現場演唱半隻海南雞~肉嫩又汁豐很美味的😋串燒牛，羊，雞各一串~入晒味的肉質非常juicy再配上秘製沙爹醬非常好味😋👍蝦餅~炸至金黃色再配上甜酸醬一口咬下爽口彈牙😋香葉肉碎炒飯~唔係每閰泰國菜都做得好，依閰炒得好食😋