小曼谷泰國美食站

营业中

休息中

很久沒吃泰國菜了！約了很久沒見的舊同事吃飯，去了銅鑼灣的小曼谷！朋友很喜歡九龍城分店，港島區比較方便我，所以就選了這間！餐廳裝修風格時尚，座位比傳統泰國餐廳好舒服！有時候還會有live misic！食物選擇好多！見到有孖寶推介，可以減少一下選擇困難症，價錢又會平一點，幾抵食！選了炸豬手+牛油蒜蓉燒大蜆！還有另外點了香葉辣椒豬肉碎炒飯！炒飯來了！香噴噴！上面有隻靚靚荷包蛋！炒飯粒粒分明飽滿，辣辣地，有好香的豬肉碎，還有豆角碎，好香好惹味！食完一啖好想再食一啖！牛油蒜蓉燒大蜆意外好食，賣相都好好，食材配料好有心思，除了有牛油蒜蓉，還有炸了的小魚乾！脆脆的，又鮮又有口感！蜆肉好飽滿！好鮮甜！加點辣椒汁很惹味！好好食！泰脆炸豬手好大份！大滿足！原隻炸豬手切開了一件件，食得好方便！皮炸得真的鬆脆，皮下沒有厚厚的油，所以不會很膩，肉好淋好滑，咸咸地！覺得膩可以配搭一下爽口的酸菜！三樣食物質素都好好！

講到食泰國菜，小曼谷餐係港女我數一數二最愛喔！今次初次嚟咗銅鑼灣分店食晚飯...呢間餐廳以火車為主題🚂門口有大大個火車頭，打卡一流呀📸🍤炸蝦餅（$82@3件）蝦餅外層金黃香脆，炸粉好薄而且炸得乾身唔油膩，超讚呀👍🏻咬落爽彈啖啖肉，非常好味😋🍍菠蘿海鮮炒飯（$93）炒飯足料大份，幾抵食！有菠蘿粒、肉鬆、海蝦、魷魚、帶子等配料炒飯加入黃薑粉去炒...賣相美美之餘，加添美味喔💕🍛黃咖哩牛腩（$98）咖哩富椰香味又帶小小辣勁牛腩大件具口感，牛味好濃喔！🥢泰式芝士烤酥餅（$45@2）新鮮滾熱辣上枱，香氣泗溢呀🤤酥餅酥脆，而且唔油膩👍🏻用嚟醮上咖喱汁一齊食，絕配喔💯🥤芒果沙冰（$41）之前係九龍城分店飲過一次就愛上了！大啖一啜... 透心涼呢❄️入口勁重芒果味，面頭仲加有芒果粒，超正🥭

遇上横風横雨，黄雨，紅雨，都阻擋唔到我和朋友來到銅記『小曼谷泰國美食站』一聚的決心，事關由Sogo行過來都只係1，2分鐘時間，呢啲咪係交通便利嘅好處囉。來到餐廳門口，映入眼簾嘅係好大好大的火車頭，而來到座位，亦見到細細個的模型火車，睇吓成個餐廳，好似一架行駛中的火車，美食車，有車卡，有行李箱，而我哋食客就係一眾乘客。『泰式拼盤』内有蝦餅，魚餅，雞棗和春卷，全部大大件，香噴噴即炸。『濕炒牛肉河』河粉爽滑，牛肉滑嫩，如果牛肉再多舊就更加好;『鹹魚炒芥蘭』啲鹹魚唔算太鹹，鹹鹹香香够惹味，而芥蘭保持爽脆，碧綠。『椰皇沙冰』超級好飲，足料，濃香，飲完依然回味無窮。

今天跟友人突然想吃泰國菜，我們就決定試看看位於銅鑼灣的小曼谷餐廳。位置很方便，離地鐵站出口很近。裡面的環境也很chill，還有一個位子是唱live的，很有酒吧feel。但是可惜疫情關係就沒能聽到唱歌。雖然如此，吸引我們的還是它的食物！它的menu有好多道菜，很適合大夥人一起share來吃。我們點了鮮芒蟹肉炒飯，鮮蝦炒金邊粉，2個串燒，還有鹹蛋黃雞翼。最讓我期待的就是鹹蛋黃雞翼了，因為本身很喜歡鹹蛋黃。我覺得味道不錯，鹹蛋黃的香味可以再濃郁點～金邊粉不過不失，反倒是炒飯最好吃，一直吃都不膩。芒果真的太適合加在炒飯了，甜鹹交叉，完全地提升了炒飯香味跟鮮味。再來雞腎跟豬肉丸串燒也是很好吃，口感很脆也很夠味。可惜我們點了兩份主食，只好等下次再試試其他串燒。我自己還點了一杯泰式奶茶，真的好好喝啊！它有自己一股香味，而且不會死甜。這家餐廳真的很推薦給喜歡吃泰國菜的朋友！價錢合理又好吃😋

好耐無出街食飯 勁掛住泰國既野食即刻約朋友再戰小曼谷都幾熱鬧幾多人 叫左兩個主食share蟹肉炒飯 超推介 好好食 好多蟹肉 有d肉鬆可以撈埋飯食 成件事好夾大蝦金邊粉 酸酸甜甜幾開胃炒得好乾身 有d花生碎 都唔錯另外仲叫咗極邪惡嘅鹹蛋黃炸雞翼係兩雞全翼 佢有切做雞鎚同埋雞翼 唔洗用手食 幾貼心好多鹹蛋黃掛係雞翼上面 幾香幾有新鮮感再叫左養生既龍眼茶 岩哂怕寒怕涼既女生朋友飲泰奶 幾似泰國當地果d 之後唔夠喉再叫左雞腎同豬肉丸串 幾好食👍👍燒得好香口同埋好彈牙 個沙嗲汁都超正同朋友一路食一路傾計 傾到好夜！咁岩今晚無live band ， 如果唔係應該仲正

最鍾意食泰國菜，去到銅鑼灣都特登搵間泰國菜食🥰首先叫左青咖喱牛腩（ $98 ) 青咖喱味道好濃，質地比較稠，帶少少辣味，入邊仲有好多牛腩，夠晒抵食，加埋呢個泰式原味烤酥餅（ $45 ）係襯到一絕，酥餅加咖喱係超級完美。之後叫咗半隻海南雞（ $148 ）半隻雞都夠晒大碟，2個人食都覺好多，雞肉好嫩滑，點埋個少少辣既汁就好惹味🤣今次唔叫炒金邊粉，試下呢個鮮菠蘿海鮮炒飯（ $93 ）好大碟好足料，菠蘿甜甜酸酸超級開胃，加埋啲海鮮同肉鬆一齊食，個飯炒得好夠火候好香👍🏻

以泰國為3分1個"鄉下" 嘅我 呢排冇得去泰國 好身痕🤣 所以要食泰國菜止下痕黎到小曼谷 裝修真係幾靚 門口有個大火車頭 入面又有好多風車小模型 好特別🤩講番野食先 今日好想瘋狂食咖喱 所以叫左客咖喱法包軟殼蟹 一上枱係大份到我懷疑人生🤣 勁足料囉 肥嘟嘟 圓碌碌嘅法包切走左中間 入面就浸滿左咖喱同雜菜 而咖喱係杰 有質感果種 同埋香氣都好好聞 出面就係切左出黎果舊包同埋好多舊嘅軟殼蟹 $228好抵呀baby😋 因為2個人食真係已經飽6，7成🤫然後當然我地係大食嘅 所以要多個乾炒海鮮米粉 又係足料呀救命 好多魷魚同幾大隻嘅蝦 然後米粉炒得有鑊氣 夠乾身 彈牙 我like 🤩最後唔食番個芒果糯米飯點算係完滿嘅一餐泰菜 呢個幾正宗喎 平日香港食嘅都偏甜 呢個就似我喺清邁食果款 甜得黎有少少微咸 好有地道風味😋

除了九龍城外，小曼谷尚有分店開設於銅鑼灣，是晚位處灣仔銅鑼灣一帶，想食泰菜就行到Tower 535地庫。小曼谷九龍城店沒有甚麼特別裝修，但銅鑼灣店就有火車裝飾，有火車車頭亦有火車車卡座位，不過是夜車卡已坐滿，只能安排一般座位。餐牌及食物看來與九龍城店差不多，先叫了海鮮柚子沙律開開胃。海鮮柚子沙律柚子肉撕成塊狀，入口很有質感飽滿，味道甜美多汁。蝦球不多但亦爽脆。此沙律配上不少烤花生，味道香口。風味燒豬頸肉 豬頸肉有兩大塊，斜切成厚片，中間顏色粉嫩，肉質肥瘦適中，烤得爽滑彈牙。香葉辣椒雞肉炒金邊粉是夜河粉售罄，改為金邊粉，配菜炒得爽脆，金邊粉炒得微辣，不算很油，味道惹味。芒果沙冰芒果沙冰有不少果肉，味道甜美。

很久沒與朋友外出吃飯，聽同事說在銅鑼灣站D4出口附近有一間吃泰國菜餐廳🍴環境與食物都不錯，於是決定試吓。 原來該餐廳叫「小曼谷泰國小食站」，門外還設有一輛懷舊火車頭作裝飾是十分不錯的打卡位，這火車頭讓我聯想到泰國拉差達火車夜市的美食，好啦！今晚要盡情享受一下泰國的美食。黃咖喱海鮮細細鍋但材料非常豐富，有：魷魚、薯仔🥔、洋蔥🧅、蝦🦐、魷魚🦑、帶子、青口及青紅椒，味道甜甜地，還有濃濃的椰香味，配合海鮮一起吃味道協調🌶不辣，好味😋泰式鮮蝦炒金邊粉用上雞蛋🥚芽菜及九菜炒，吃前加少許青檸汁，並混入花生🥜碎於金邊粉，混合一起吃，味道豐富又有花生香。沙嗲串燒豬肉、牛肉、雞肉、雞腎和珍寶腸，燒得香口，個人感覺牛肉和雞肉肉質較細嫩，因此較為喜歡👍椰汁西米糕拼泰式千層糕輕輕咬落泰式千層糕已感覺軟軟的質感，味道層次豐富，清甜帶椰香，而椰汁🥥西米糕也是飯後不錯的甜品😋

限聚令放寬至晚上十點，終於可以約朋友食泰國菜，一入到店舖已經比它們的火車裝修吸引，當然要影返幾張相啦👍餐牌上每樣食物都好吸引，坐低後即時點了一杯芒果沙冰😋芒果沙冰🥭冰粒幼細，冰上面見到粒粒芒果肉，啖啖肉好清甜，芒果味亦都好香濃，甜度適中。黃咖喱海鮮食泰國菜又點少得咖喱🍛我們還點了白飯配黃咖喱食，海鮮包括蝦，鮮魷，青口等全部海鮮均沾滿醬汁，椰汁味香濃，相當入味又惹味，配白飯食，正👍泰式鮮蝦炒金邊粉將花生碎同檸檬汁撈勻食，好開胃，花生碎提升了金邊粉香味，金邊粉炒得好彈牙，口感一流，蝦球鮮甜爽口😋沙嗲串燒（牛肉，雞肉，珍寶腸）串燒燒得很香口，肉質嫩滑，配上沙嗲汁，非常惹味😋椰汁西米糕椰汁味香濃，食落口感煙韌👍

疫情限聚令之下，餐廳只可以招呼日本客人，每台不多於二人。今日一行四人星期五1:00來到餐廳，由於四人枱子只能兩人，差唔多已經八成滿。午市套餐由$63至$138不等，包湯及飲品，另可加$29小食。總共叫了四個午餐包括咖喱海鮮，咖喱玄學蟹，牛小排，泰式炒粉。跟餐可叫龍眼冰，但我們想試試新野，另加半價特色飲品，芒果冰和椰皇。咖喱配蒜蓉包好吃，其他就普通碟頭飯。餐以外我們還叫了芒果糯米飯，榴槤糯米飯做甜品。四個人大吃大喝埋單$801，好彩可以用 Tower 535?$100-$50 coupon，實付$401 4個人。

首先想稱讚員工，我打電話去叫外賣自取，員工嘅服務態度非常好，好溫暖😊！我同佢地講話要某個時間先到，驚啲野食凍，想請佢地預返時間煮。佢地真係好好啊😭，拎到返屋企真係仲係暖！叫咗3樣野：1）牛油蒜蓉燒蜆：一打開個外賣盒已經聞到好香嘅蜆味，蜆肉好新鮮，牛油蒜蓉本身已經好好味，佢仲加埋香口嘅白飯魚，呢個配搭好新鮮好入味！2）炒金邊粉：蝦好新鮮，花生粒粒夠多，正！3）生菜包豬肉碎：好夠味同埋夠辣，不過如果生菜可以多返少少就好了！(唔知點解食親生菜包都係覺得唔夠生菜🤣)睇相見到間餐廳好靚，希望疫情快啲完可以親身去嗰度試！P.S.因為太肚餓，唔記得影相！😭

疫情好耐都冇見朋友啦！今日我就揀咗間泰國嘢，而入面有得聽live Band嘅！我哋其實都叫咗幾個餸，有D我覺得係特別出色就同大家分享一下啦！海鮮孖寶1）牛油蒜蓉燒大蜆半打： 野味！上面放左蔥同乾嘅蒜蓉碎，最特別係加上炸嘅白飯魚仔，喺出面又真係未咁樣食，脆脆脆。2）泰式燒盲曹：一上到枱熱辣辣，揭開塊皮魚汁走晒出嚟，真係即整！仲有好多香茅同香料係入面，魚肚嘅位滑最入味！蒜爆胡椒炒大頭蝦：總共有兩隻蝦，切開一半，夠大隻同新鮮，一咬落口度勁juicy!而佢嗰啲蒜蓉唔係講笑真係可以就咁食！因為真係炸得好香同脆口鹹蛋黃金炸雞全翼：每一隻雞翼都淋上超級濃嘅鹹蛋醬，真係完全唔識形容所以一定要睇相！鹹蛋fans一定必嗌！超有驚喜！仲有個唱live band 既鬍鬚哥哥唱歌好好聽又靚仔！一個很chill 的晚上！下次一定會再嚟！

因為疫情關係， 被困喺香港冇得出去玩， 但太掛住泰國的美食， 食泰國餐來麻醉一下自己。餐廳防疫措施都做到好夠， 食物未到唔可以除口罩， 所以比較放心。食物方面， 整體都做得好好泰式炸蝦餅：同其他蝦餅比，蝦味比較多，炸得唔會太過火。泰式生蝦刺身：最愛的泰式食物，食得出係蝦的鮮味。鹹蛋黃金炸雞全翼：鹹蛋黃味加上雞翼係超一流，佢地用的鹹蛋黃都比較多，一上菜其他人都會望一望咩野咁香。蒜爆胡椒炒大蝦： 隻蝦好夠分量，好大隻，可以同雞脾形狀作比較，可以想象到係有幾大， 香料都好夠，如果有飯真係會拎來送飯食。環境幾好，有live band，成晚都食得好開心。

疫情令到我地一班好姊妹太耐無相聚，就襯之前情況較穩定時食左餐飯😝 揀左泰菜因為我地都好掛住泰國呀😭😭泰式酸辣鳳爪 鳳爪夠哂冰凍爽口，除左酸辣之外仲食到白雲鳳爪既雞味，用料唔錯。 醬汁酸甜開胃，我自己都可以食哂成碟。😆泰皇咖哩炒海鮮泰皇咖哩炒海鮮味道好香😍，咖哩唔算超級辣，點薄餅食味道剛剛好。海鮮好豐富，有魷魚、蝦、青口等，每款都有幾舊，絕對抵食。個人認為如果唔想浪費，仲可以叫碗白飯撈埋啲咖哩汁食，好惹味。😛小曼谷原隻芒果糯米飯食泰國菜一定要食啦下嗎！椰汁好香，好正😎Live Music估唔到平日既晚上都有live music, 食住美食享受好聽既音樂，好開心既一個晚上！❤️