小曼谷泰國美食站

营业中

休息中

小曼谷泰國美食站 Minibangkok Thai Food Station-泰國菜😙-有live band 🎶 -優良服務💓1️⃣風味燒豬頸肉 HKD 118味道分(tastefulness)：⭐️⭐️⭐️⭐️打卡分(photogenicity)：⭐️⭐️⭐️⭐️份量分(Size)：⭐️⭐️⭐️⭐️總分(overall)：⭐️⭐️⭐️⭐️👍🏻必點之選👍🏻 豬頸肉每件都係大大件，而且外邊燒得好脆口，肉質堅韌多汁💛✅小曼谷泰國美食站 (銅鑼灣)銅鑼灣謝斐道535號Tower 535地庫B02舖

難食，服務態度奇差！今時今日已怕怕出街食飯，仲要比侍應西面，啲嘢食又貨不對辦。。。小曼谷炒米粉好似星州炒米，但係本來話有蟹柳、扎肉、蝦及豬頸肉粒，結果只有兩隻蝦同扎肉粒。。。黃咖喱雞肉配薄餅難食到一個點，唔熱，有雪味，又鞋又硬。。。侍應？唔叫唔會自動比食具，叫又比佢西面，大佬咩時勢呀，比多套公用唔過份嘛？之後上菜就求其放下。。。。圖就唔放啦，因為完全無想同食物影相嘅意欲，但無相，唔代表我講嘅唔係真相！如果唔係一肚火，我唔會浪費時間打呢篇野！

呢間黃店餐廳好似勁popular, 星期五晚7pm去到已經有好多人等位，好在我地book 咗 (旁邊間餐廳係勁空，好大對比) 。食泰國菜一定要叫既pad thai, 唔算好大碟或者特別好味蝦餅呢個係大既，都好多~好味道黃curry唔錯唔係好辣柚子沙律好大碟反而碟菜好細碟食物overall都唔錯，上菜都好快手，但佢飲食時間係得1.5小時，係真係會夠鐘叫你走人既~ 而且仲有live 有人唱歌，重點係唱既歌好岩80後，唔會太新唔識d歌，hahhahha

明天起全港食肆暫停晚市堂食一星期， 今晚可算是最後的晚餐。精心細選咗銅鑼灣嘅小曼谷，環境舒適，裝修有心思，門口有個火車頭，食物有水準。海鮮柚子沙律$108份量好多，大蝦好彈牙，柚子鮮甜，醬汁酸咪咪 ，作為前菜，非常好嘅選擇。 海南雞飯$88 呢度嘅招牌菜，好高質，雞肉嫩滑 油飯充滿雞油香，而且飯質軟熟，淨係食油飯都可以食幾碗💯牛油燒粟米$30粟米香甜，燒得幾香口。 芒果糯米飯$88每次食泰國菜都忍唔住叫呢個甜品，原隻芒果超香，用料好😍😍👏

今日難得約到朋友食飯 就佢放工我哋揀咗呢間泰國餐廳 如果唔係佢喺附近返工真係唔係咁容易搵到喺地庫呢間餐廳 但整體食物質素唔錯氣氛環境都幾好 決定推介其實除咗冬陰功湯 椰汁雞湯都係泰國菜唔錯嘅選擇 我哋今次叫咗呢個椰汁雞湯椰汁味非常之濃 用左好多香料烹調 少左冬蔭辣但多左椰香 味道夠曬正宗 正 再叫咗個咖哩蜆 份量得非常之多 再點多個酥餅配埋一齊點咖哩醬 非常惹味香口 人多一定要點咖喱食另外炒pad thai都好食 炒得非常之唔錯唔會太淋太乾 而且材料都多 蝦亦彈牙佢仲有live music 雖然人多個陣聽唔係太清楚 但之後聽仲可以點歌 讚

先介紹下餐廳環境，餐廳門口有架大火車，jo忍唔住去打卡📸整間餐廳裝修都以火車🚂做主題，好特別呢現場仲有live band🎤，結他🎸彈得ok，唱得也唔差幾有feel左😎最搞笑我老公係對面係咁跟住唱🤣.一開始就俾左張二人枱，其實有d迫，枱好細張，同隔離枱又好近，不過服務算不錯，我們點完餐後幫我們安排了四人位（可能我們點太多了哈）🧀芝士焗扇貝 $128好大粒扇貝啊😍好彈牙，好香牛油芝士蒜蓉，芝士多到可以拉絲，配辣醬汁，雖然好辣不過好正宗似泰國食，可以因應自己辣度落多或少，夾埋一齊食味道幾得意，好食👍🏻好食指數：😋😋😋😋😋🍗泰式燒羊架 $128燒到七成熟，肉質好軟嫩，醃得好入味，淡淡的蜜糖味加上超多黑椒，再配上酸辣泰式燒汁，勁好食好食指數：😋😋😋😋😋🦀泰皇咖哩炒膏蟹 $499上枱嘩一聲，好大碟呀🤣店家好貼心提供蟹鉗和手套方便食用，蟹肉好厚肉，彈牙鮮味，咖喱入面有紅椒、青椒、洋蔥、蔥、姜絲，還有滿滿的蟹膏，再配上蒜蓉包真的好食到停唔到，同一d都唔辣，唔食辣嘅朋友仔都唔怕啦好食指數：😋😋😋😋😋🥗泰式醃豬頸肉沙律 $118生菜上面鋪上豬頸肉，配上濃濃的泰式醬汁，辣辣地又有啲青檸的香味 ，豬頸肉好有

餐廳係商場既B1層，地方有點隱蔽，某處有扶手電梯落一層轉彎就見到大大架火車頭，成個餐廳裝潢由呢個料車頭帶起好似車廂感覺，好有泰國風情！ 黃咖喱雞$98一窩咖喱雞肉，黃咖喱完全唔辣，適合怕辣但又想依泰式咖喱gei朋友。內裡仲配有青紅椒&洋蔥。夾埋烤酥餅$45夾埋一齊食，完全係perfect match !兩大塊烤酥仲好窩心幫客人介開兩分，方便配咖喱食！ 泰脆炸豬手$238超大分豬手，仲大分過平時食德國豬手，豬手外皮脆口焦香，但肉身依然軟腍嫩滑，仲配有香脆蝦片&醃製配菜，可以balance下~ 好味！仲叫左分開胃菜-鳳爪沙律 酸酸辣辣，食個番尋味！清甜椰青水，連椰子肉都清埋！餐廳仲安排live band，為餐廳加添動人氣氛，客人要求，仲特別獻唱~ so nice!

小曼谷泰國美食站 Minibangkok Thai Food Station+泰國菜🏠環境:+ 餐廳泰國火車為題 周圍都有好多大大小小嘅火車 門口有大火車～～卡位周圍有細細地嘅火車模型+ 座位上方有行李架 好似火車咁上落行李 幾特別+ 啲位辦到好似火車咁～但係冇真火車座位咁迫～反而寬躺舒適👻重點！！！！！！ 竟然有live band 可以任點歌 仲唱得好好...... 好多eason歌‼️ 泰式鮮蝦炒金邊粉 $92好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 大大隻蝦 唔係求其急凍蝦 勁爽口彈牙✅ 炒得剛剛好 金邊粉夠乾身 又唔酸‼️風味燒豬頸肉 $118好食指數：⭐️⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️⭐️抵食指數：⭐️⭐️⭐️⭐️⭐️✅ 份量勁多~好抵食✅ 燒得啱啱好 又爽又多肉汁 ✅ 醬汁少許辣 不過好惹味‼️ 香芒蟹肉炒飯 $98好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 佢啲芒果係泰式靚芒果 所以食咗成個飯好Fresh 開開胃 不過蟹味就唔太出📍銅鑼灣謝斐道535號Tower 535地庫B02舖Shop B02,

今日家人同我補祝食生日飯，黎到銅鑼灣泰國美食站，地方都舒服又方便，有職員幫忙量體溫及帶位設計都帶有型格的風格，感覺好正！星期一晚上都有live band 親身唱live, 服務及態度都唔錯食物選擇都唔少，有串燒、咖哩、炸物、小食、主菜等等我們今晚4個人都試了好多不同菜式1. 燒白鱔有2串，份量都算大件，外脆內軟，好靚的鱔肉，爽口彈牙又唔會好乾身，配上甜辣醬，好正！唯一可惜是有骨要食的小心點2. 滷水豬手煲這個推薦喔入味又香軟的豬手，滷得好正，配飯一流，醬汁調味剛好🥰🥰🥰3. 青咖哩雞+蒜蓉麵包+芝士酥餅青咖哩唔辣但好惹味，雞份量足夠，配有三色椒及洋蔥片，爽脆清甜，配上蒜蓉麵包又脆又香口，蒜蓉味濃郁；芝士酥餅熱辣辣，好鬆脆芝士味香，大家都喜歡芝士酥餅更多4. 馬拉盞炒芥蘭咸咸香香惹味又爽脆的芥蘭，馬拉盞惹味，但咸了點要配飯食5. 香芒蟹肉炒飯好正，粒粒米飯炒得好靚，有3色豆、肉鬆、青瓜配料，加上芒果的香甜及蟹肉，好好食，大家都讚6. 泰式青檸梳打男朋友選了這個，甜甜的、夠凍又有梳打的氣，好消暑的

因為疫情關係冇得去旅行，唯有周圍去食下唔同國家嘅菜式望梅止渴。今日輪到泰國菜，老實講係咁熱嘅天氣，泰國菜真係一個好好嘅選擇，酸酸甜甜比較開胃，令人食指大動。首先嗌嘅係椰汁雞湯，之前喺其他餐廳飲嘅係比較稀，但今日嘅湯係非常濃稠。 唔好以為佢得幾舊雞做吓樣，成個湯有勁多雞肉同埋菇，非常足料😃另外嗌咗咸魚芥蘭。 雖然菜份量比較少，但佢鹹魚非常多， 菜炒得好有鑊氣加上鹹香味，好食👍🏻由於見到餐牌咖喱炒蜆有個推薦符號，所以就叫咗嚟試一試，幾滿足到食海鮮嘅慾望又食到咖喱😋大蜆既數量唔少，好鮮甜，無沙，配埋酥餅點咖哩👍🏻👍🏻👍🏻至於主食，必叫既一定係炒金邊粉， 個人覺得炒得夠乾身， 麵條比較幼身， 好岩我既口味👍🏻值得一提，餐廳有live show, 聽住歌同朋友吹下水，真係一個放鬆既好地方

之前在九龍城和元朗都吃過這間食肆的分店，今晚便來銅鑼灣，試試這一間分店質素如何。這裏的裝修很有特色， 7:00至9:00，還有歌手駐場演唱。泰式乾炒肉片河$88，原本是點了河粉，不過河粉已經售罄，便轉為金邊粉，想不到金邊粉煙煙靭靭，非常有咀勁， 十分驚喜。鑊氣十足，加點泰式調味料，感覺如置身於泰國之中。泰式燒盲曹$178，這個款菜式需時20分鐘以上，上枱時，用餐刀劏開魚，便可以進食到美味的魚肉，而這個魚肉的烹調方法非常特別，魚肚內藏著芫荽，去除魚的腥味，反而多了一道芫荽的香氣，如果不喜歡芫荽的，就不要點這道菜了。青檸沙冰$37，酸甜度適中，非常喜歡青檸的味道，吃泰國菜必點飲品之一。西瓜沙冰$33，甜度稍為有點強烈，不過可接受，沒有加水，可以喝到西瓜的鮮味。原隻芒果糯米飯$88，椰漿是份量十足，可以自由添加上糯米飯上，這個安排十分窩心，加上酸酸甜甜的芒果，是一道出色的泰國甜品。

本身計劃好既泰國旅冇得去，唯有食住泰菜頂頂先啦！去左間之前成日食既小曼谷分店，仲有live show ，氣氛超好！岩曬成大班朋友去食飯吹水！.▫️小曼谷原隻芒果糯米飯$88有得簡原味同班蘭味，最好食同最滿意就係糯米飯，正宗既感覺，芒果算幾甜！倒埋椰汁，成件事又邪惡又滿足☺️▪️泰式炸雞棗 $78▫️泰皇咖哩法包軟殼蟹 $198▪️泰式馬拉盞炒芥蘭▫️椰青 $33▪️ 鮮菠蘿雞肉炒飯 $88整體價錢合理，味道中等！

小曼谷呢間泰國餐廳一直都聽朋友推介過，聽講好好食，好受歡迎，今次難得早咗放工，同屋企人未夠晚餐時間就去小曼谷搵位，趁早食先唔使等位。環境舒服，而且都幾闊落，而且睇落可能會有live Band睇，幾有情調。難得Happy Friday，我哋就過分地嗌多啲嘢食啦🤤首先上枱嘅係冰凍嘅芒果沙冰，我最愛芒果沙冰😍每次去唔同嘅泰國餐廳都一定叫！夠晒冰凍，而且佢滿是芒果濃味，而且上面都有一粒粒嘅芒果粒，非常足料🥭然後上菜嘅就係椰汁雞湯，望落好濃味好似咖喱咁稠密，好杰身，食落都真係好濃味，好濃郁，滿有雞味而且有香濃嘅椰汁。入邊嘅雞件都非常嫩滑，飲咗兩三碗啊😯然後就到左我哋嘅重點推介泰脆炸豬手😍分量真係超足呀，超大碟！我哋爭啲食唔晒，但係因為我屋企人勁鍾意食豬手，慢慢食都食得晒🤭皮好脆，肉好滑，外脆內軟，10分推介必點美食之一！！！！！咖喱又點會少得呢😋辣到剛剛好而且醬汁非常香濃，送飯或者薄餅一流！整體來講好滿意，而且食得非常滿足！我見小曼谷有好多唔同區嘅分店，今次銅鑼灣區又方便又舒適，一定會回頭再來😊

突然好想食泰國菜，冇得去泰國旅行，唯有用味蕾做旅行代餐。泰式燒盲鰽魚燒得非常恰當，掀起燒焦的魚皮，露出鮮嫩肥美的魚肉，魚肚內放入香茅等香料辟除腥味，簡單的鹽烤已足夠，配上酸辣泰汁提鮮。海鮮冬蔭功有兩種size選擇，我揀咗最小的份量，但都足夠4個人食，裏面有兩隻蝦，菇同香料，我喜歡它唔會搶戲的淡椰奶味。牛油蒜蓉燒扇貝用牛油蒜蓉簡單的調味燒出扇貝的鮮無骨酸辣鳳爪沙律泰國菜必食的前菜泰皇咖喱炒海鮮+泰式原味烤酥餅咖喱海鮮有龍蝦，魷魚，青口，蜆，咖喱同海鮮量足，拌飯一流。但呢次我唔係咖喱拌飯，而是酥餅點咖喱，都係絕配。芒果糯米飯甜品當然是芒果糯米飯。芒果很甜，而且沒有起絲，口感香甜。淡椰奶和糯米飯分開，可以自己選擇奶同糯米的比例。

店內環境都唔會太迫，所以都坐得舒服，估唔到有live band表演位置，不過我去嘅日子係平日所以就冇表演，唔知表演嘅話會唔會唱泰文歌呢？呢個音樂造型擺設都好有心思🌙 泰式燒羊架 $128​第一次食泰式燒羊架 羊肉唔算多脂肪 不過燒出嚟又唔會過熟 對於鐘意食羊嘅人嚟講都係一隻新風味✅🌙雞全翼 $26🌙翠玉瓜 $24雞全翼都幾正，都大大隻好多肉！而翠玉瓜都唔會燒得太乾！🌙鹽燒東風螺 $168鹽焗出嚟嘅螺一上台好香！而且都算大份，兩個女仔都有啲多，不過餐牌上面寫係辣，但係加配個泰式辣醬，就同想像中有少少唔同。🌙 原隻芒果糯米飯 $88​講起泰國最掛住一定係糯米飯🤤​呢個糯米飯個飯都幾香又唔會太乾太硬 同埋超鐘意落勁多椰汁🥥同埋芒果都唔會酸​不過甜品嚟講價偏貴少少​