影片
更多
2020-10-19
58 浏览
約咗朋友喺銅鑼灣食晚飯，由佢安排餐廳。一見到朋友，佢就豎起三隻手指高舉過頭，我咁醒目就知道佢係模仿泰國爭取民主嘅學生同人民，於是立即肅然起敬，亦都知道佢會帶我去食泰國菜😋朋友就帶咗我嚟呢間有個巨大火車頭嘅餐廳，裏邊亦都有好多火車車廂嘅裝飾，幾特別幾得意😎我哋叫咗幾樣嘢一齊食：「泰式醃粉絲海鮮沙律」，呢個沙律係熱嘅，非常特別，有熱辣辣嘅粉絲，真係又熱又辣😆，仲有鮮蝦、魷魚、帶子，非常惹味，啱晒鍾意食辣嘅人😋 「泰式鹹魚炒芥蘭」，芥蘭好新鮮，鹹魚又係超級惹味，簡單又非常香口美味嘅菜式😋「泰式鮮蝦炒金邊粉」，除咗鮮蝦之外，仲有芽菜、雞蛋絲、香蔥、碎花生，加埋青檸汁同魚露，非常好味😋，仲好大碟😁「小曼谷原隻芒果糯米飯」，呢個芒果糯米飯仲配有椰漿，芒果好甜，椰漿少少甜兼好香，配糯米飯食好美味😋同朋友兩個食得好開心😃。另外希望泰國民主運動早日成功。香港就.....要加油，正如餐廳收據上邊咁寫💪
朋友就帶咗我嚟呢間有個巨大火車頭嘅餐廳，裏邊亦都有好多火車車廂嘅裝飾，幾特別幾得意😎
我哋叫咗幾樣嘢一齊食：
「泰式醃粉絲海鮮沙律」，呢個沙律係熱嘅，非常特別，有熱辣辣嘅粉絲，真係又熱又辣😆，仲有鮮蝦、魷魚、帶子，非常惹味，啱晒鍾意食辣嘅人😋
「泰式鹹魚炒芥蘭」，芥蘭好新鮮，鹹魚又係超級惹味，簡單又非常香口美味嘅菜式😋
「泰式鮮蝦炒金邊粉」，除咗鮮蝦之外，仲有芽菜、雞蛋絲、香蔥、碎花生，加埋青檸汁同魚露，非常好味😋，仲好大碟😁
「小曼谷原隻芒果糯米飯」，呢個芒果糯米飯仲配有椰漿，芒果好甜，椰漿少少甜兼好香，配糯米飯食好美味😋
同朋友兩個食得好開心😃。另外希望泰國民主運動早日成功。香港就.....要加油，正如餐廳收據上邊咁寫💪
张贴
