小曼谷泰國美食站

营业中

休息中

位於銅鑼灣tower535 basement既小曼谷，一入店已經見到架火車頭，餐廳怖置像火車內，環境幾舒服！卡位寬敞夠大，menu很多唔同種類既食品有串燒，咖哩，沙律炒粉麵飯等等既泰菜。香葉辣椒豬肉碎燴飯，賣相紅紅綠綠，香味滲出好香，味道超惹味送飯一流" 而且口感層次豐富，豆角爽脆清新！半隻海南雞，估唔到背隻份量已經好多！雞肉極為嫩滑，完全無乾爭爭！ 自家製嘅泰式蒜汁超惹味！更令海南雞味道更突出，隻雞都相當肥美，幾厚肉。泰式風情薄餅，餡料有泰國臘腸，芝士，蕃茄仔！ 餅底非常鬆脆，好似式牛角包嘅質地！ 輕輕一咬"刷"一聲，非常脆又唔油！夠哂熱， 配料都夾得幾好。泰式奶茶非常地道， 甘甜清香，又夠大杯！整體服務幾好，環境舒服。

遲來的食評，跟老公去了銅鑼灣Tower 535搵食，發現咗呢間泰國菜，裝修時尚，有點似去了酒吧似的感覺，坐得舒適。菜單都幾簡單易明，又有推廣優惠，雖然我同老公都睇到花多眼亂，最後食到飽飽離開。先來的是串燒，《牛肉沙嗲串燒》、《珍寶腸沙嗲串燒》、《雞全翼沙嗲串燒》，最適合作為小食，入口有風味，沙嗲味濃。我老公尤其最愛珍寶腸，佢話又大又爽，好滋味。《鹽焗馬友》，傳統嘅泰式煮法，魚肉入口夠鮮又夠嫩。香燒扇貝（2隻），大大隻，一人一隻，啖啖肉，夠滋味。黎多杯《芒果椰汁沙冰》，芒果加上椰香，十分解喝，亦都充滿泰國風情。

朋友好想食泰國嘢，搵到呢間同佢一齊食。.🌸咖喱豬頸肉 $98一端上就聞到陣陣椰子的清香味道。在色澤上呈现青绿色。豬頸肉薄切條形，充滿青咖喱味道，口感上集酸、辣、甜于一身，肉質嫩滑。.🌸泰式原味烤酥餅 $45搭配青咖喱汁一齊食，味道一流~就咁食都好正，酥餅外脆內軟，好香脆可口。.🌸豬肉碎生菜包 $92食泰國野，生菜包係必食~外層係爽脆生菜，包住香料味濃嘅肉碎。可以再加配青咖喱汁同豬頸肉，味道更豐富。.🌸泰式馬拉盞炒通菜 $89又係必食之一嘅菜系，超好食惹味~.🌸泰式青檸梳打 $41🌸冰洛神花茶 $33

今日跟飯腳在銅鑼灣搵食，睇Openrice 先知原來銅鑼灣都有小曼谷，所以就來試一試。在大門口就見到火車頭，原來這間係火車站主題，有指示牌又有行李架，都幾特別。 現場有live music, 樂手唱得不錯，結他輕奏，好有mood. 可以聽下歌，慢慢傾，慢慢食。先來沙律開開胃，這個極上牛小排醃沙律好好食，雖然真的有點辣，但好足料，牛小排有好多，好有份量，而且好嫩滑有牛香。沙律菜好新鮮。要了海南雞半隻，份量都ok. 雞有雞味，而且好滑，忍唔住一口氣食左幾件，泰式海南雞醬辣辣地幾惹味。點醬或唔點醬都各有風味。泰式乾炒海鮮米粉有驚喜海鮮份量有唔少，而且竟然有帶子！ 個米粉好有鑊氣，而且米粉係幼絲但好有彈性。 味道好好食，咸咸地，加埋士拉差辣醬就昇華左，令人好想食多碟。泰國米粉真係無得輸，令人一解泰國街頭小舖的懷念。這餐廳整體感覺良好，下次要再encore

友人銅鑼灣收工約食飯,話想食泰國菜,諗左一陣,位於Tower 535地庫既小曼谷一路都想去,終於有機會啦入坐時先發現有駐場歌手唱歌,幾好feel生蝦刺身食泰國野次次都會叫,爽口蝦刺身加埋泰式辣汁,都一定冇甩拖冬陰功湯又係必叫酸辣都好平衡,湯夠濃香,入面仲有好多菇大大隻虎蝦,又爽又甜,正酸辣八爪魚沙律入面有芹菜,洋蔥,八爪魚,少少酸辣,好開胃炸蝦餅熱辣辣,好彈牙,份量都幾多,好抵食馬拉盞炒椰菜苗椰菜苗好鮮甜,馬拉盞辣辣地,好惹味極上燒安格斯西冷牛小排火候控制好好,外脆內嫩,牛味重食埋甜品西米糕同千層糕呢餐好完滿

限聚令成日改黎改去...我地既聚會...都拖左好耐！今日終於可以出到黎食飯！朋友推介呢間泰菜，佢話食晏同同事都成日去！咁梗係訂位黎食晚餐啦！今晚我地4人飯聚，其中朋友要生酮，梗係陪佢一齊啦！我地睇左都好多野岩佢❤️首先黎既係大既冬蔭功湯，入面有三隻大蝦，大量菇同香料。湯好好味 ～ 但香茅同香料太多，我每次飲湯都要自我隔渣🤣🤣馬拉盞炒椰菜苗，呢個間間都唔多同椰菜苗個樣，有d係圓形一粒粒，呢個係一棵棵！味道唔會太咸，都真係好嫩 ❤️生蝦刺身必叫！正 ～ 但汁唔夠多，同埋我地唔夠分 🙈再黎梗係炸蝦餅，呢個勁開心！份量相對好多！又大又厚，好爽呀❤️ 又係唔夠汁 🤣🤣 大家對個汁好似要沖涼咁！笑死我地 🤣呢個八爪魚沙律，我隻佬點名要叫，估唔到驚喜喎，八爪魚好多，配酸洋蔥同芹菜，呢個好醒胃 ❤️再黎就係生酮朋友指名叫既 牛小排，不錯！牛味濃又夠淋 👍🏻最後姐姐送我地每人一件甜品，真係唔錯，我覺得呢間都好正宗 👍🏻

年年去泰國旅行，今年冇得去，唯有去食泰國菜，食左當去左！現場仲播住泰文歌，勁有feel 餐廳裝修成火車風格，真係好有旅行feel呀！（真係好想去旅行呀！發夢中⋯⋯）回到現實，食好西最實際 老公要食炒河粉，叫左雞肉乾炒河粉，辣辣地好好味，仲要大大碟，夠晒兩人份量當然唔少得咖哩，叫左咖哩大蜆，呢碟仲大碟！真心正咖哩唔辣，唔太甜，配埋薄餅食一流之後老公仲點左串燒，有牛肉，雞腎，帶子，仲有秘製臘腸，有驚喜仲有唔少得的泰式奶茶。今餐真係好似去左泰國旅行咁！

今晚同朋友在銅鑼灣覓食中，路經小曼谷泰國美食站，見店內有了一列巨大火車頭，好有特色，環境舒適，燈光昏暗，於是決定入內晚膳，留意到店內用了很多火車零件、舊式行李喼及懷舊小火車作擺設，餐廳採用半開放式廚房，客人能觀看到部份煮食的過程，而店內設有一個表演空間，每晚7點至10點會有註場歌手自彈自唱（但因疫情下暫停表演）明爐香檬汁烏頭魚$228原條上嘅新鮮烏頭魚啖啖肉很鮮味，廚師用了青檸、薑絲、香茅、辣椒碎及芫荽蔥煮成的湯汁，味道香濃，呢款獨特嘅泰式酸辣魚不但刺激味蕾同時提升了層次感泰式鹹魚炒芥蘭$82每條芥蘭菜都充滿了香蒜同鹹魚嘅香味，炒得夠晒鑊氣香芒蟹肉炒飯$98飯粒炒得夠乾身配埋大大粒芒果肉、蟹肉份量都唔少夾埋D肉鬆一齊食夠曬惹味芒果沙冰$41賣相同味道一樣芒果味十足，沙冰再放上芒果粒，淡淡都係芒果好滿足呀

👩🏻‍🤝‍👨🏼銅鑼灣覓食早兩日上完急救重溫，咁啱朋友話要出銅鑼灣買嘢，所以就順個便去銅鑼灣覓食啦，因為同親呢堆朋友約食飯總會輪住有人提議食泰菜（唔知點解🤣）今次又促成一次泰菜晚餐喇🤤今次位於銅鑼灣幾新嘅tower535地庫嘅小曼谷泰國美食站，去個陣仲早唔洗等位有得直入，門口仲有大大架火車模型係到可以打下卡🤓🥢泰式馬拉盞炒芥蘭我原本一向都好鐘意馬拉盞炒菜，今次朋友揀咁芥蘭，份量唔算好多，但即叫即炒夠鹹香好惹味🤤🥢香芒蟹肉炒飯個人終於第一次覺得水果煮熟嘅飯係好味🤣但蟹肉略略嫌少咗啲，朋友唔講起都唔發現係有蟹肉🤔🥢串燒今次叫咗雞/豬/牛/牛舌各一串，口感唔錯，唔會乾爭爭，鐘意佢配埋嘅醬汁😚🥢泰皇咖喱法包軟殼蟹咖哩味香得嚟唔會太辣，軟殼蟹脆卜卜，曼鐘意係個包浸滿咗啲汁，好軟好入味，好正🥢泰式奶茶/泰式咖啡/龍眼冰因為餐牌到有分港式同泰式奶茶，我都再三同店員confirm係要泰式奶茶，不過味係樣但好淡🥲小失望 朋友飲嘅泰式咖啡同龍眼冰就不過不失🥢原隻芒果糯米飯始終唔係當季啦，芒果好酸😂 不過食得泰菜點都要加個芒果糯米飯作結🤤

小曼谷泰國美食站冬蔭功(細）燒豬頸肉鮮菠蘿海鮮炒飯價錢💲: $138/ $118/ $93/ $37好味程度😋: 4.3/5服務🍴: 4/5環境🗾: 4.4/5性價比🥢: 4/5回頭率😚: 4/5-有時想食泰國嘢又唔一定去九龍城既，今次去的呢間-小曼谷泰國美食站，都幾有feel，好似去左泰國🇹🇭咁！佢地的裝修主題係火車，門口有好大個火車頭，入面例如牆、天花就有啲齒輪咁😆 佢地夜晚仲會有live show，個晚一路食飯，一路聽住英文同泰文歌，好似係泰國個啲night market咁☺️-首先叫左細的冬蔭功，都有成6-8碗。味道以酸為重，食到有啲青檸味，辣味就會慢慢滲出來😌 飲落去仲好大香料同香茅的味，好正宗咁😀 雖然唔係特別濃，但佢入面有2隻原隻虎蝦，所以啲蝦味，出晒來！🦐好大隻，肉彈牙，頭都有小小膏，吸盡啲湯😚 入面仲有好多秀珍菇，好足料。-下一道係燒豬頸肉。呢個就燒得好好，條邊係啱啱燶，入面啲肉就好嫩。佢係好薄一片，所以唔會咬唔開😍 最中意點埋個酸酸辣辣的汁食，開胃又惹味，仲好香魚露😛-主食就叫左鮮菠蘿海鮮炒飯。飯炒得好乾身，粒粒分明。入面有幾多的菠蘿粒粒，中和到成個飯的油膩感🤓 仲好

這間位於銅鑼灣的泰國菜，除了門口有火車頭做裝飾，晚上還會有現場唱歌表演，好有置身於泰國的感覺!餐牌上有多款不同的泰菜可以選擇，而且還有優惠套餐。風味燒豬頸肉，豬頸肉好有炭燒的風味，邊位燒到脆邊，豬頸肉亦不會很肥，再點上附有酸辣醬汁，特別惹味！餐廳有個小曼谷孖寶推介套餐，都幾抵食！泰式燒盲鰽，盲鰽魚都算幾大條，面頭有大量粗鹽，魚肉嫩滑鮮甜，加上用了泰式香料醃製，味道更香更入味！牛油蒜蓉蒸大蜆，蜆肉上有蒜蓉、銀魚仔，味道好香蒜蓉味，蜆肉鮮甜而且脹卜卜，十分美味！鮮菠蘿雞肉炒飯，炒飯內的雞肉和菠蘿都幾多，雖然味道不是很濃，但加上肉鬆一齊食特別美味！西瓜沙冰、椰青波波，沙冰有好香的西瓜味，不會很甜，很清新的感覺！後者和在泰國飲的一樣，整個椰青只淨椰青肉，椰青入面是鮮甜的椰青水，很有泰國的感覺！

位於銅鑼灣總統戲院對面的商場地牢有幾間食店，其中這家是食泰國食店，之前有去九龍城分店食過，對其印像不錯，所以都會選擇返呢一間再一次尋找泰國風味。現場一眼就見到一個大大的火車頭擺設，令火車迷的我也感到興奮。$288 孖寶，在A揀一個及B揀一個，A選了「泰式燒盲糟」：燒香了的盲曹內有乾坤，有不同香料在魚中，魚燒熟嘅程度剛剛好，不會太生亦不會過熟，食落感受到魚肉的淡淡幽香，點些特別配料更是惹味。B選了「小曼谷海南雞」：雞肉嫩滑，無挑剔的可言。泰式鹹魚炒椰菜苗：有魚有雞加上這個青菜，但也絕不「清」菜，因為有泰式鹹魚在內，椰菜苗咬落爽口，鹹魚的鹹香令菜口感一流。見到menu背後有教泰國話，引用佢其中一句泰文「亞萊Mark Mark」來形容餐廳食物味道「好味」也不為過。

少有食店會設有現場live唱歌，令到現場頗有氣氛，加上現場嘅佈置有滿滿嘅火車頭襯托返餐廳主題，以及燈光相對調暗令整體氣氛舒服。「鮮芒果海鮮炒飯」以往我喺泰國餐廳都會食菠蘿炒飯，今次叫這個芒果海鮮炒飯，海鮮魷帶子鮮魷蝦等都幾足料，而且炒得幾香口，再配上豬肉鬆混在其中增加了口感，而鮮芒果在煙韌飯粒中增添了juicy，比起平時食菠蘿炒飯的乾身多了幾分濕潤更鮮味，不錯。「冬陰功湯」一向鍾情冬陰功湯的我們叫了四至六人的份量，冬陰功湯的辣度適中唔會太搶喉，而且幾惹味，撈起來有幾隻大頭蝦肉幾爽口，特別之處係盛湯的爐具，有著傳統圖案孔口，幾別緻搶眼具特色。「串燒」雞、牛、豬各2串，串燒燒得幾惹味，唔會燒得太韌，而最突出是那些沙嗲醬，配搭一齊食帶出香口。整體食物不錯，加上現場唱live 增添了氣氛，是約腳飯局不錯的地方。

喺銅鑼灣想揾良心餐廳但食厭左西餐，就去左呢間泰國菜，以泰國餐廳黎講佢都幾有格調，唔知係咪叫美食站嘅緣故，佢嘅裝修以車站為主題，門口有個火車頭擺設同路牌，牆身有行李架同齒輪裝飾，當日仲有駐唱歌手唱泰文同英文歌添。🍽泰皇咖喱法包軟殼蟹麵包焗脆後挖空中間裝泰式咖喱，配料有紅椒、青椒、洋葱等，辣度唔高，成塊麵包浸滿汁食都無問題，軟殼蟹炸到脆卜卜又多膏，分量頗多，建議兩至三人分享。 🍽泰式馬拉盞炒通菜望落好似好多辣油咁但辣度適中，馬拉盞鹹香惹味，同爽脆嘅通菜好夾。 🍽小曼谷海南雞飯一開始見到全部都係雞胸有少少失望，但好彩食落都唔會鞋，個蒜蓉辣汁撈飯唔錯，另配芫荽湯可暖暖胃。

自多年前一直都渴望去一轉泰國雖然今年疫情下旅行暫時免問但去享受一下泰菜還是挺不錯最近網遊爬文見到有人介紹呢間小曼谷泰國美食站不論評價或是食物質素都有不少好評果斷地相約飯腳去試一試一入門口就見到火車頭餐廳佈置設計就似坐著火車令人感覺似去左泰國夜市一樣 挺有特色當晚去到仲有駐場歌手表演邊食邊聽 滿有享受好有chill感望望餐牌 選擇都挺多 而且感覺都頗地道極上牛小排醃沙律大大份睇落好抵食 而且非常足料牛小排外邊燒至微脆 食落有少少焦香感 肉味濃郁咬落外脆內柔軟細嫩 難得是可以keep到仲好juicy味道帶點辛辣 配合新鮮沙律菜令人耳目一新作簡單既開胃實在不錯海南雞半隻雞肉肉厚啖啖濃厚鮮雞香即使是雞胸肉亦全無過火感覺口感鮮嫩彈滑 肉香皮爽沾上特製醬汁更是惹味停不了 味道剛好不會過咸可以說是味香而不油膩泰式干炒海鮮米粉同樣地上枱大大份 海鮮配料足雖然賣相不怎麼樣 不過食落算有驚喜米粉炒得乾身唔笠口 口感細軟 味道是夠的不過略嫌炒得不太均勻 以致顏色上味道上都略有偏差整體不算差 而且頗有泰國地道風味