小曼谷泰國美食站

营业中

休息中

一進店，便立刻被火車車卡的裝修吸引住了🤣很有像在車上吃東西的感覺😍小曼谷炒米粉～乾身的，炒得有米粉香，蝦很大隻及彈牙，還有蟹柳炒蛋等等配料～燒豬肉串燒～豬肉腍鬆的，沾上沙嗲醬吃，很惹味😋地道燒臘腸~臘腸經過燒後，油脂流出，令整片臘腸比平日吃到的更香，有驚喜😍椰青波波 ~這個好得意的，整個椰青的外殼都已切掉了，可直接吃椰青肉及喝椰青水，唔駛掘到手軟，好滿足🤣小曼谷孖寶～我選了（牛油蒜蓉燒蟶子和小曼谷海南雞半隻）蟶子超級大又肉厚，新鮮爽脆，加了附上的酸辣醬汁，惹味；海南雞份量都大隻，足料，一家人分享剛剛好😋

銅鑼灣有間泰國菜嘅設計超特別係好似身處於小火車食飯咁😳💕佢哋有一個晚市優惠超抵食A+B套餐 $288原本淨係要一份泰脆炸豬手都要$218招牌海南雞(半隻)$148計落CP值高！而且海南雞整到好嫩🤤炸豬手份量超多😆食落唔會油膩不過就醃得太過入味 略為鹹咗啲值得一讚佢哋嘅肉質非常鬆化 唔會韌🥰仲有好多蝦片🤩不過記得趁熱食，凍咗嘅豬皮會變淋唔脆🥺仲要多份泰式馬拉盞炒通菜 $88調味剛好 鍾意馬拉盞有啲蝦乾😍

呢間泰國餐廳真係百吃不厭🤤銅鑼灣分店門口仲有大大個火車頭🚂打卡一流呀📸🐽燒豬頸肉（$118）燒得好香好好味而且啱會太乾，依然保持到有肉汁邊邊位焦香脆口咬落爽口香脆，口感一流！點埋伴碟袐製嘅酸辣醬，更加惹味呀😋🌶香葉辣椒豬肉碎炒飯（$88）呢款肉碎炒飯辣勁十足啱哂各位辣控呀❤️炒飯粒粒分明，份量都幾多加埋荷包蛋，正呀！🍛黃咖哩海鮮（$108）海鮮有大蝦、青口、魷魚咖哩椰香味濃郁，帶小小辣建議大家可以叫埋蒜茸包/烤酥餅唔洗浪費啲咖喱汁😋🍞泰式蒜茸包（$45）一盤有4件新鮮熱辣，咬落超香脆用嚟點咖喱汁，絕配呀💯

疫情之前都係成日都會去泰國，因為啲嘢食好啱食， 而家思鄉病發作， 所以今日就揀咗泰國餐廳就喺tower 535， 就係銅鑼灣世貿中心旁邊。餐廳裝修常特別，一去到門口就見到好大個火車頭， 重播埋泰國音樂， 真係好似去咗旅行咁。餐廳嘅座位都好闊落， 用QR code落單非常方便， 我哋就畀其中一個孖寶推介吸引咗，因為$288就可以揀兩款主菜，都幾抵食呀。招牌海南雞半隻必食海南雞海南雞大大件， 雞味十足， 肉質鮮嫩，雞唔會太肥，配埋泰國秘製醬汁 ，正呀。鹵水豬手煲非常回味， 鹵水豬手煲滿滿嘅骨膠原， 豬手亦都非常入味，肉質夠曬軟滑。泰式芒果糯米飯芒果好甜，糯米飯亦都好好食口感夠曬彈牙有黏性， 配埋滿滿嘅椰汁，一口咬落去真係非常香甜美味。餐廳座位夠曬舒適，喺銅鑼灣都可以食到九龍城嘅味道。

今次嚟到銅鑼灣食泰餐， 就喺世貿附近的535 tower，地點都好就腳，餐廳裝修非常有特色，門口就擺放一部小火車就好似去咗泰國夜市一樣， 餐廳內部都好似火車內部咁，頭頂有好多細件嘅行李裝飾， 牆身仲有啲齒輪裝飾，非常有feel 。菠蘿雞肉炒飯 $88每次去親泰國餐廳都會叫呢個炒飯， 今次呢個菠蘿炒飯以雞肉為主， 再配埋提子乾及豬肉鬆， 非常有口感。泰式乾炒海鮮米粉 $93米粉炒得好乾身，唔會一 舊舊， 配料亦都非常多，海鮮有魷魚、帶子、蝦等等。泰式燒原隻魷魚 $168見到餐廳都有好多不同款式嘅燒海鮮今次我哋揀咗原隻燒魷魚， 魷魚夠曬厚肉， 而且非常鮮嫩，配埋泰式汁簡直係一流。泰式芝士烤薄餅 $48普通烤薄餅就食得多，今次竟然見到係芝士烤薄餅，我呢個芝士控當然唔會錯過啦， 香氣十足，食落有濃濃嘅芝士味， 唔使配咖哩汁就咁食已經好好味。餐廳上菜速度好快，落咗單一陣就已經有得食， 好味嘅泰國菜唔一定去到九龍城。

平時好少食泰菜，今日心血來潮入去呢間泰國餐廳試吓，反正疫情下去唔到泰國都想試吓冇壞。入到去第一眼就係火車站！行李架，火車模型，裝修，吊燈無一不是火車風格，可見老闆有幾咁中意火車呢！令我想起歐陸火車站的場景。在呢個環境下食泰菜別有一番風味吖！我們六點到了剛好有好多靚位，就座後我們立即點了鎮店好評的泰脆豬手，海南雞同泰式鮮蝦炒金邊粉。先說泰脆豬手，呢碟真係超香又超脆吖！分量仲離曬譜地多，真係好難食得曬，好明顯唔止兩個人分量囖！爆香，80分！繼續試埋金邊粉同海南雞！海南雞勁多雞腿肉滑lulu，就算是雞胸肉肉質都超滑口，唔知道點解可以整到咁，食咗再算，又喺大大碟，但淡淡肉最快食得完。到泰式鮮蝦金邊粉，不得不讚廚房炒功一流，金邊粉炒得香噴噴！鮮蝦大大隻，彈牙冇得彈！必食！

今晚朋友帶咗我去間好有泰國夜市feel嘅餐廳。餐廳的裝潢擺設風格都令食客猶如置身曼谷夜市嘆當地美食。餐廳店員服務態度很好，又不時為客人添水。海鮮孖寶套餐$288揀左牛油蒜蓉燒子(三隻) +招牌海南雞(半隻） 一上枱牛油蒜味撲鼻而來，大大嚿的蟶子肉鮮甜又爽口，鋪上蒜蓉蔥花和魚乾一齊食落口，非常惹味。海南雞半份兩個人已經好夠食，肉質鮮嫩，啖啖肉 ，無肥膏，可以大啖大啖咁食。油飯$24黃油飯粒粒分明，唔太油膩，仲帶有雞汁鮮美。泰式飛天炒通菜 $89 佢炒得好香，鑊氣十足, 偏辣🌶🌶🌶珍多冰$41滿滿椰香超大杯，用嚟解辣一流，粉條軟滑，吸極都有，充滿口感。係香港都可再度重溫泰式滋味，一解思鄉之苦🇹🇭！

炭燒豬頸肉有驚喜。豬頸肉燒至燶邊，脆口焦香。肉質香嫩，保有肉汁，火候控制相當好，唯一一點可更好，則是肉質偏瘦，若較肥身，則豬油脂香，更好配襯外皮的焦香。芒果糯米飯，糯米粘糯，米粒本身已有調味，帶有椰香，若口味較輕，配以芒果，一口食即可。若口味較重，喜好甜，亦附有椰漿，以供淋上，一同配以芒果，芒果的香甜，平衡濃稠椰漿的甜漏，糯米軟熟，不黏牙。芒果、糯米、椰漿三者在口腔內結合，甜而不死，層次豐富。橙黃色的冬蔭功湯，顏色相當奪目，湯汁夠熱，熱氣騰騰，香氣撲鼻，主食前飲用，可謂醒胃。湯汁下，係滿滿嘅湯料，可以話相當足料。另外火車風格裝修的餐廳都相當有特色～～

今次就黎左銅鑼灣既小曼谷泰國美食站，小曼谷我之前都食過幾間分店，呢間主打火車裝修風格，好有feel，同朋友一邊食一邊吹水一流！ 青咖喱雜菜，見到menu有推薦，作為食肉獸既我都好奇一試～各款蔬菜特別係西蘭花都好掛汁，比想像中好食，最重要個汁可以用黎配蒜蓉包同埋薄餅🤪🤪滷水豬手煲，又一佳作，豬手已經煲到淋曬，入口即化咁濟～同埋欣賞佢個汁唔會太甜/鹹，味道恰到好處小曼谷炒米，水準之上，有鑊氣，足料，亦好飽肚

原本想去世貿廣場逛一下 看看有什麼好吃的但見到外面都圍滿了圍板轉到附近看看 發現了一個新的商場地庫幾間餐廳 就數這間最搶眼了大門口大大的火車頭 坐位上方都放滿了行李擺設好有去了泰國旅行的感覺泰菜小曼谷 印象中在九龍城有吃過不知道是不是分店去泰國必吃的PAD THAI微辣 加上青檸汁酸酸的 好開胃有3隻大隻 好爽口彈牙串燒白鱔好肥美 白鱔的油份比較重 吃起來很香一人一串不夠吃黃咖哩豬頸肉泰式咖哩獨有的香辣和椰香另外一定一定要加點泰式烤薄餅香香脆脆的沾著咖哩汁一起吃太正啦 芒果糯米飯也是必點的糯米飯微暖 淋上椰汁配上芒果很香甜

對上一次去泰國已經係兩年前喇真係好掛住泰國唯有搵啲泰國菜食下啦平時食泰國菜都會落九龍城但發現銅鑼灣原來都有分店Happy friday就約朋友銅鑼灣shopping完再食泰菜喺Tower 535嘅地庫位置用上火車主題吊燈係火車嘅齒輪零件 幾有心思仲有行李架好似搭住火車去泰國開始一個美食之旅咁勁掛住泰式燒海鮮呢度都幾多選擇本身睇主menu已經打算叫點知仲俾我地發現呢個孖寶推介抵左好多 慳左88夠食甜品啦😂牛油蒜蓉燒蟶子牛油蒜蓉勁香 蟶子爽口彈牙面頭仲有少少銀魚絲好好食加埋泰式醬 酸酸辣辣好惹味燒脆皮白鱔好厚肉 燒到皮脆肉嫩鮮菠蘿雞肉炒飯好香泰式咖哩味 炒得好香夠乾身最後又點少得泰國嘅芒果糯米飯呀用上全個嘅泰國水仙芒糯米飯咸咸甜甜咁 加埋椰漿超好味呢個係燒海鮮度慳番嚟嘅 特別好食😂

和朋友放工去完Sogo購物完，順路過來食泰菜，去到唔駛等位真開心。店內裝潢如置身小火車裡，美食放送到小曼谷。價錢經濟，食物有水準。泰式拼盤(小) $156四款小食每款四件，雞棗香口咬落滋味。蝦餅彈牙肉軟好味，魚餅鬆軟香草味，春卷大件餡料飽滿，有椰菜絲甘荀絲爽爽口感。冬蔭功湯 $138一窩分到四碗幾好，有小火熱住湯夠熱夠好味，湯味酸辣飲落醒胃，而且唔會好辣但又好刺激，大頭蝦肉質唔鬆散新鮮彈牙，湯料有秀珍菇夾到絕，如果可以俾多幾片就更滿足啦。豬肉碎生菜包 $928片生菜可包幾轉，肉碎份量多好夠食，酸酸辣辣肉碎夾雜紅蔥頭碎，用手拎住食好有風味。

今日同朋友係銅鑼灣聚餐，想食泰國菜就揀左呢間餐廳，見到裝潢有泰式風情特色，座位寬落~ 泰式沙爹串燒 (雞肉，牛肉，帶子)呢間泰式串燒Size非常有誠意，大大舊肉，肉質嫩滑多汁，唔會覺得燒到柴; 帶子都係大粒又新鮮, 配搭埋燒番茄仔食更覺鮮美！沾上精華所在的沙爹汁入口非常惹味！青咖喱豬頸肉香噴噴的青咖喱中帶有椰奶香，同香茅等各種泰式特色料頭香味，口感滑，豬頸肉切成細細條狀型，非常入味~泰式風情薄餅 (大)賣相同味道成正比的薄餅～ 金黃色的酥皮餅底好脆口同好有牛油香味，配搭埋芝士，泰國臘腸同番茄仔，口感層次豐富😍😍 即叫即整熱辣辣，好食到食唔停口！小曼谷炒米粉呢個泰式咖喱炒米粉非常夠鍋氣，但唔會太油膩～ 米粉炒得條條分明，非常入味乾爽，不錯的選擇

話說這個月成功減了 6.35kg，當然不能咁快增磅，今天有朋友食午餐，選了泰國菜，坐下一見木瓜沙律，就覺得醒胃又健康，有三款主菜可選，我就要牛仔骨木瓜沙津，牛仔骨、木瓜沙律分開上，好細心，沙律賣相又靚😍價錢唔貴，雖然牛仔骨不多，但已夠飽肚，仲有龍眼水或龍眼冰送👍🏻正，仲有仲有泰式菜湯，味道是不辣的冬陰功湯，加上少少菜，已經好飽😍抵食👍🏻

雖然身在銅鑼灣鬧市，竟然比我同朋友揾到間裝修得好懷舊用哂烏絲燈既泰國餐廳。由於燈光柔和，令人可以放下煩惱同放鬆心情享受美食。除此之外，餐廳老闆仲用左好多老爺火車仔同零件做裝飾，火車迷既你，肯定你見到會好開心同興奮。估佢唔到呢度有咁多選擇，未計食物，淨係飲品都用左我同朋友成5至1O分鐘先決定到要龍眼冰，芒果沙冰，青檸菠蘿冰同菠蘿冰。淨體賣相就已經令人流哂口水，最勁係杯杯都真材實料，味道天然，唔會太甜。至於食物方面：-滷水豬手煲 ～夠淋同好入味，成咀邊都比骨膠原粘住，必食推介。海南雞半隻~夠大隻，但肉質好嫩滑，加埋個汁簡直係絕配。泰式拼盤 ~有魚餅，蝦餅，春卷同扎肉。包羅萬有，各式其式，樣樣足料。我好鐘意，勁好味，必試。泰式馬拉盞椰菜苗~熱刺刺，非常野味。泰式乾炒牛海鮮米粉 ~乾炒得來容易入口。幼身米粉唔會被碎上，同埋有彈牙大蝦，夠驚喜。