小曼谷泰國美食站

营业中

休息中

泰國菜好多人都會選擇去九龍城，但銅鑼灣亦都有一個唔錯嘅選擇（雖然呢間餐廳九龍城都有分店）。一行四人點左一個套餐加數個餸菜。滷水豬手煲 - 豬手煮得非常之入味，好淋， 塊豬皮有滿滿嘅骨膠原，非常之好食。海南雞半隻 - 雞味香口，但係肉質爭少少，整體感覺都非常OK， 半隻嘅份量亦都好多，四個人食啱啱好。泰式拼盤 - 有炸春卷、炸魚餅、 炸蝦餅等等。 成個拼盤都係炸物， 唔怕熱熱鍾意香口嘅朋友可以試吓。馬拉盞炒椰菜苗 - 菜苗好嫩， 馬拉盞好香口，多油咗小小， 但味道好好！干炒海鮮米粉 - 炒米粉嘅味道好友泰式嘅風味，配料有蝦同蛋，味道唔錯！另外一行四人仲嗌左沙冰，沙冰係用新鮮嘅果肉打出嚟， 建議大家試吓！餐廳整體感覺好好，店裏面嘅裝修亦都好靚，有啲懷舊火車嘅風格，好特別！仲見到佢有一個位係live Band用嘅， 期待下次嚟嘅時候可以有live Music！

同朋友在銅鑼灣購物後突然想起好好耐無食泰菜，但又唔想去到九龍城咁遠，即是上網搜尋，發現九龍城果間小曼谷美食在銅鑼灣都有分店，即時入去試吓，店內燈光昏暗好有氣氛，裝潢及擺設很有懷舊風格，餐廳內有個小舞台，可惜疫症期間暫停歌手唱 live show🎸我們叫咗一份海鮮套餐，包括牛油蒜蓉燒蟶子皇3隻+招牌海南雞半隻$288，蟶子皇既鮮甜又肥美，海南雞很嫩滑加埋個醬汁好好味青咖喱牛腩$98，咖喱汁椰香味十足，少少辣，牛腩炆得好腍好入味加埋香脆既蒜蓉包$45，實在泰滋味

呢間位於銅鑼灣既地道泰國菜，全港有3間分店，餐廳裝修設計都充滿左泰國夜市風情，而且屬於元祖級既香港泰國餐廳，有時仲有live歌手駐場，好有氣氛🍴 食物方面，款式多元化，一般泰國既經典菜色、小食同飲品都有，而且午市CP值相當唔錯～ 味道黎講，雖然未去到讚不絕口，但都絕對屬於好食既泰國菜，唔會覺得馬夫了事，想食泰菜可以多一個選擇～

👉唔係得友人介紹，都唔知呢度已經變成食街 ～ 地點非常方便，就喺銅鑼灣世貿中心隔離👍.👆門口🈶️大火車頭、裝修格局、都極具泰式風情，加埋必備嘅泰文歌，以解思鄉之情！.📌泰式燒盲鰽 🐟 $178 ～ 鹽燒嘅盲鰽，即燒上枱熱辣辣，外皮燒到脆卜卜，大廚細心地把魚身劏開，魚皮一揭即🉑️，肚內放🈵️香草🌿莞茜，香氣撲鼻，條魚燒🉐️啱啱好，魚汁仲非常飽🈵️，一啲醒味都冇，又唔多骨，成條輕易K.O.😋📌招牌海南雞 🐔(半隻)$148 ～大大件海南雞，皮脆香滑雞味濃，點理㊙️製醬汁，泰滋味了‼️📌泰式乾炒肉片金邊粉 $88 ～ 大大塊肉片、紅蘿蔔🥕、雞蛋絲、芥蘭片同炒，味道同泰國食到嘅一模一樣🥳。炒🉐️好靚又乾身，絕冇油淋淋👍🛎 呢度除咗🈶️一般嘅防疫措施外，仲🈶️現時好少🈶️嘅《執枱專員》～ 初初都冇為意，叫親嗰位哥哥仔落單，佢都非常🈶️禮地話揾其他同事幫我⋯⋯又一加分位，令人食🉐️放心🥰

以前話食泰國菜一定要去九龍城先夠風味而家就唔係咁講啦！九龍城既泰國菜銅鑼灣都有的食啦！唔係朋友帶淘小姐黎都唔知呢橦Tower 535原來有咁多嘢食之前我淨係識得去隔離嘅世貿而家就多左好多選擇啦客人人數都唔少坐下坐下都full House職員都十分欣勤有禮又會同小朋友傾計十分窩心講下野食啦～泰式生蝦刺身 $128食泰國菜必嗌既生蝦！一碟有六隻隻隻都好新鮮同爽口彈牙配上辣將辣汁就正啦泰式炸魚餅 $82蝦炸魚餅裏面有菜脯同香茜食落去口感豐富加上泰式辣將有一番風味豬肉碎生菜包 ＄92即叫即炒既豬肉碎夠晒惹味辣度適中生菜新鮮爽甜包埋一齊食超正泰式風情薄餅 $48見到有pizza貪得意叫黎試下手掌大少少既size餅底係酥餅黎好有新意泰啤小支裝 $29可惜只有小支裝否則可以大口大口暢飲

和朋友去了銅鑼灣謝斐道535號的，tower 535地庫小曼谷泰國美食站食飯。這間餐廳裝修很特別，火車的裝修風格。在座位上有些齒輪燈和行李箱，感覺上了火車，食一頓泰國餐。店員服務殷勤有禮，招呼我們到一個卡位安坐。我們點了 小曼谷孖寶推介泰脆炸豬手，海南雞半隻，另外再加了一碟泰式鮮蝦炒金邊粉。在我們附近有一個 dj打碟的地方，原來在特定時間，會有駐場歌手在這裏演唱。泰式炸豬手上枱是賣相好吸引，已經幫我們 去了骨斬件，方便我們可以抄起來一舊舊的食。 豬手皮炸得好香脆，而且肉不會太乾，點上泰式醬，酸酸甜甜，非常香口好味。半隻海南雞相當大隻，滿滿一碟，雞肉點上泰式海南雞醬，十分開胃。泰式鮮蝦炒金邊粉，每次食泰國餐一定會點正美金邊粉，滴幾滴青檸汁，加花生碎兜勻才算正宗，鮮蝦肉質結實彈牙，有少少青檸汁調味， 非常好食。總結：小曼谷泰國美食站裝修得有點像在泰國小火車市場食泰國餐的味道，也是地道的泰國味道，但這裏卻比較足料，所點的三碟食品 都鋪得滿滿的，感覺物有所值😉👍👍

火車頭既設計，裝修一樣有風味，卡位個邊上面的行李架擺設，好似將你置身於火車之中，而且四圍都係特色擺設，一入餐廳已感受到濃濃的泰式風味。 而且每個擺設都十分花心思，令人好想逐一睇一睇。再黎杯泰式冰奶茶，好好嘆下。食物當然是泰式濃情風味，先叫了泰式飛天通菜。飛天通菜當然是泰國特色食物，一上黎已經聞到陣陣穫氣，一陣陣的辣味。食落去更是無比惹味，食無停手。 泰式金邊粉金邊粉，唔知點解每次食泰國野，我都會叫金邊粉，唔係湯就係炒，今次既炒金邊粉，炒得幾好，粉沒有黏埋一團，完全係分明，而且唔會好油，份量亦十分多。 大蝦永遠係主角，配炒金邊粉，實在係好正。 泰式海鮮炒飯炒完金邊粉再炒個飯，一樣香口，穫氣，全部齊曬。泰國野既風味出曬黎。有魷魚，大蝦等等既海鮮。每粒飯炒到粒粒分明，而且唔會油笠笠。 串燒，我覺得係泰國餐必食之一，每一串都香口，再配上秘制沙嗲汁，要幾多汁，要唔要都係自己揀。今次叫了雞，牛，仲有雞比菇。燒得好香口，而且沙嗲醬汁好惹味，真係好正。泰國風味濃濃既一餐。

今日響銅鑼灣收工，見好耐無食泰國菜，所以搵左間環境唔錯既既泰國餐廳食晚餐😋😋，餐廳門口有個好大既火車頭響樹做生招牌，響香港都係第一次見，門面做得唔錯👍🏻👍🏻🌟泰式原味烤酥餅 （$45）酥餅即叫即整，外層香脆內裡軟熟，用黎配咖哩一流，叫咖哩必點😋🌟 青咖哩豬頸肉 （$98）青咖哩唔會太辣，而且味道濃郁，奶味香，唔會太浠，用酥餅掛汁一流😋😋豬頸肉爽，彈牙，唔會太厚，咬落口感唔錯😋🌟 海南雞半隻 （$148）海南雞香滑，而且大隻，肉質鮮嫩，雞胸都做到好滑，脂肪唔多，加上雞醬一齊食，味道好夾，性價比高😋🌟 泰式燒盲鰽 （$178）盲鰽即叫即燒，外層加上粗鹽，魚肚內放滿香料，燒出黎好香，魚肉新鮮，好滑，加上海鮮辣汁，味道好夾，好開胃😋😋

🍽泰王咖哩法包軟殻蟹（4/5）💰228黃咖哩唔辣就岩曬我呢種唔食得辣既人喇😂成個咖哩都充滿住紅青黃椒、洋葱呢啲我唔食既野😅如果大家中意食呢啲椒相信會好滿意軟殻蟹好脆仲好多，堆埋一齊成座小蟹山咁既樣😍法包外皮偏硬好脆，入面就好軟熟，沾埋咖哩一齊食好滿足👍🏻🍽鮮菠蘿海鮮炒飯（3.2/5）💰93超大碟啊‼️我同男友都差啲食唔曬添海鮮食落似香灼後加落炒飯到，冇咩味道其實成個飯都似冇咩味....偏淡，需要靠肉鬆調味先好啲啲😓🍽牛油蒜蓉燒大蜆（3.2/5）💰122超重牛油味！！！蒜蓉都超多夠曬重口味🤩但大蜆真心都幾細下，呢個價錢唔太值😅

以前聽就過九龍城小曼谷好好食 估唔到銅鑼灣都有，而且又係黃店就支持下。嗌了個香茅豬排雞翼飯（本來係香茅豬排腸仔），覺得腸仔換成雞翼好開心，有賺。先上了免費冬陰功湯，係不錯的。但飯黎到，個豬排真心唔得，而雞翼還可以，豬排很乾身，咬落太乾太韌，但因為太肚餓，都食得落肚。餐飲凍檸茶都馬馬虎虎過得去。希望香茅豬可以改善，畢竟附近泰越菜很多，有得選擇，價錢63都不算便宜，雖然明白鋪租很貴，但味道水平上要再接再厲

早前去了旺角家樂坊8樓的一間泰國菜餐廳裡面裝修是打卡熱點❤️滿滿的少女感最近還新推出期間限定摩洛哥風下午茶套餐❤️有機會大家可以嘗試一下✨這一次我在booking app訂了有50%的折扣不過折扣需要每人點一杯飲料，正價食物就可以享有半價優惠。(注意不包括下午茶套餐)味道和賣相都是滿分的❤️🙈我們點了一個拼盤再加一個大蝦金邊粉。超級好吃😋人均一百多左右✨性價比很高呢-地址： 旺角登打士街56號家樂坊8樓801號2363 1882開放時間： 每日 12pm-10pm

呢間cwb分店火車裝修風格, 佢本店喺係九龍城~泰國嘢係九龍城有舖好似感覺都好食啲🤣✨🐷青咖喱豬頸肉💚💰98💫評分:7.5/10📝份量好足, 豬頸肉&豆角份量都多, 濃濃椰香入口幾甜仲好香, 撈白飯一流~✨泰式原味烤薄餅 💰45💫評分: 7.4/10📝standard~幾脆同都算重牛油味✨🐷豬肉碎生菜包 💰92💫評分: 7.5/10📝肉碎好乾身, 比平時嘅生菜包偏辣, 幾惹味, 而生菜🥬大大塊好新鮮~✨椰青 💰43💫評分: 7.9/10📝飲落好鮮甜清熱~食泰國嘢必叫🤣𝕄𝕚𝕟𝕚𝕓𝕒𝕟𝕘𝕜𝕠𝕜 𝕋𝕙𝕒𝕚 𝔽𝕠𝕠𝕕 𝕊𝕥𝕒𝕥𝕚𝕠𝕟 小曼谷泰國美食站📍銅鑼灣謝斐道535號Tower 535地庫B02舖(銅鑼灣🚇D4 出口行2分鐘就到)💫評分: 7.6/10💬泰國野算above average~可以encore再試其他嘢食😋😋😋

《 去個小曼谷先 》🔷 黃咖喱雞肉配原味烤薄餅餐 $63咖哩香濃，香料落得好足，配菜都比得好足！但咖哩雞骨比肉多，煮得太耐雞肉有少少老...🔷 烤薄餅 (跟餐+$0)薄餅係即叫即烤，仲係人手搓出黎咖，夠香同酥脆，熱辣辣薄餅沾上咖哩汁係絕配！🔷 龍眼冰 (跟餐+$0)乜依加龍眼冰要咁甜架咩？😂😂叫左少甜都係甜到飲唔到....

黎呢度食飯可以一解我既思鄉之愁🤣 Live band🎵加上泰式火車🚄既裝修 彷彿真係去左曼谷咁🇹🇭 食物既水準都有泰國既質素👍🏻⭐️ 泰式拼盤 🍘炸物好香口好滋味😚春卷尤其出色😚內裡有點咖哩味⭐️ 泰式鮮蝦炒金邊粉 🦐豐富而且炒得有鑊氣🔥 但係調味偏甜😮係咪泰式風味係咁呢😅⭐️ 風味燒豬頸肉 🍖炭烤好有風味🪵 就如係泰國街頭食既咁樣☺️外脆內軟 又唔會太肥🥓配上特別既醬汁 好有BBQ風味💥⭐️ 鮮菠蘿雞肉炒飯 🍍炒飯夠乾身 粒粒分明🍚 肉鬆令我懷念兒時既口味 👶🏻⭐️ 冬蔭公湯 🍲夠酸夠濃夠辣🌶 非常開胃⭐️香葉辣椒炒豬肉碎 🌱香葉味道幾Exotic🌿 但係可能肥肉份量比較多 口感差少少🤏⭐️ 泰皇咖喱法包軟殼蟹 🦀咖喱沾法包永遠都不知不覺食左好多🥖 同樣偏甜既咖喱🍛偏港式 個人偏好辣一D

朋友介紹嚟銅鑼灣食泰國菜，餐廰座位闊落，裝修有種置身泰國夜市嘅感覺。平日仲有live band 表演，可惜疫情下停了表演。 極上牛小排醃沙律大大碟份量十足，牛小排份量多，牛小排燒得剛剛好唔會過熟，牛味濃郁肉汁豐富。沙律菜新鮮，沙律味道屬於中辣，非常醒胃。青咖喱牛腩微辣椰汁味濃，牛腩份量多肉質嫩腍，配埋烤薄餅一齊食非常夾。泰式原味烤薄餅非常鬆脆，牛油味濃，外面酥軟內裡煙韌。菠蘿雞肉炒飯，菠蘿及雞肉份量多，雞肉嫩滑，撈埋肉鬆花生粒一齊食口感豐富。