富豪金殿

营业中

休息中

大除夕晚餐揀左去富豪金殿食中菜，近排黎左兩次飲茶，都冇試晚飯。今日一早訂好位，晚市人唔多，算清静。餐牌有湯，海鮮，得獎菜式，廚師推介，煲仔菜，同素菜。主餐牌有招牌菜式，小食，湯羹，鮑魚海味，燒味，海鮮，家禽肉類，素菜，同飯麵。今晚一於主打得獎菜式同招牌菜式。金湯珍珠香茜魚蓉羹 $138 另加一呢個金湯珍珠香茜魚蓉羹係得獎菜式之一，改左個好靚嘅名。金湯係淡黃色，賣相討好，飲落有淡淡魚湯味。湯料豐富，入面有連皮星斑魚片兩片，少少爽口菇粒仔，好多用蛋白造嘅珍珠波波，同切碎嘅香茜。口感多層次，味道清甜又有香茜嘅香，又夠杰身，健康好味。唔錯唔錯。金獎茶皇燻雞半隻 $288 另加一金獎茶皇燻雞半隻都得獎菜式之一，茶皇燻雞有超薄脆皮，帶微微茶味，好味道，可惜肉質唔夠嫩，明顯係冰鮮雞，全冇鮮味。窩燒龍躉脊鰭 $538 另加一呢味窩燒龍躉脊鰭係招牌菜式，用成個窩上，熱辣辣。服務員幫手將龍躉脊鰭切開，龍躉明顯係新鮮，肉質好實在，味道濃淡適中，唔過鹹，不過講真唔算好出色，只可以話真材實料同調味適當。其他配料有火腩，枝竹，厚身冬菇片，香蔥同香茜，咁都有唔少菜食喎。荔茸香酥鴨半隻 $228 另加一荔茸香酥鴨賣相

公眾假期又去左富豪金殿飲茶，即日朝早打電話訂位都有位。富豪金殿午市餐牌有風味小食，招牌飯麵，招牌點心，精選點心，同廚師推介。餐牌簡單，不過選擇好多。今日我地主打點心，另外叫左兩個煲。石鍋菌王薑蔥桶焗蠔 $388 另加一石鍋菌王薑蔥桶焗蠔熱辣辣上枱，成個煲咁上。蠔六大隻，質感好實在而厚肉，食落啖啖肉，炸皮就好薄。味道算係唔錯。如果伴碟嘅菇菌同薑蔥多啲仲好。金牌咖喱牛筋腩煲 268 另加一金牌咖喱牛筋腩煲都係成個煲上枱，等左好耐。有好多牛腩，雖然有啲部位似牛肉多過腩，不過炆得算稔又帶牛筋，牛筋就炆得超稔，個汁有少少辣，好冶味。其他配料有好稔嘅薯仔，辣椒片，車厘茄同洋蔥。不過呢個價錢唔洗喺度食呢個餸。風味咸芽菜蝦春卷 $68 另加一風味咸芽菜蝦春卷一客四條，每條一開二，方便食用。春卷炸得外皮薄脆，而內餡有啖啖蝦肉，好足料。咸芽菜味道就唔太出。另外沾上醬汁食仲好味。甘脆蝦多士 $58 另加一呢款傳統點心想食好耐。甘脆蝦多士一客3件，多士上面有一大舊蝦滑同一隻蝦仔，全部炸得香脆，炸粉好薄，而蝦滑夠彈牙，沾上另上嘅甜酸醬仲好食。蟹將紫薯球 $68 另加一蟹將紫薯球造型好有趣，好似一個迷你水果。紫薯

好多年前黎食過幾次富豪金殿中菜，今日平安夜，應該少d人食中餐，不如黎重溫舊味。富豪金殿午市餐牌有風味小食，招牌飯麵，招牌點心，精選點心，同廚師推介。餐牌簡單，不過選擇好多。北京片皮鴨 每隻 $700 另加一為左一定有北京片皮鴨食，我地提早一日打電話預留左一隻北京片皮鴨，仲交代要1點上枱。不過最後唔知係咪要等我地坐低先開始整，最後1點幾先有得食。服務員先上全鴨俾我哋睇，之後係我地面前起皮。好快就起好皮啦！鴨皮係脆口既，不過同其他評語一樣，真係肉太厚而皮太少，所以用薄餅包住食就唔太可以，完全食唔到鴨皮既油香。如果直接沾醬汁食都還好。醬汁配料係常見嘅烤鴨醬，京蔥絲同青瓜絲。全鴨跟兩套醬汁配料。薄餅皮用有蓋熱兜放好，微微暖身。全鴨跟兩套薄餅皮。可惜鴨肉太厚，要直接沾醬汁食，所以薄餅分量就多到食唔嗮。個人覺得由於刀工問題，呢度嘅北京片皮鴨唔合格。北京片皮鴨二食 鴨崧生菜包 加$40 另加一食北京烤鴨要二食係常識啦。呢度只需要加$40實在係太抵。鴨崧生菜包等到食完糖水先黎。特登叫左唔好太鹹，果然鴨崧配生菜食都唔鹹。鴨崧加左好多冬菇粒同其他菇粒，口感唔錯。生菜夠新鮮，不過太細塊，基本上做唔到生菜包既

不知有多久無試過呢度嘅晚餐，成日都話富豪酒店相對係酒店業來講唔算有好多米芝蓮級數又好出名嘅餐廳，但係今日食左呢個masterchef 晚宴後，我又真心唔係咁諗，有兩三間餐廳都因為今晚餐飯完左後感覺幾滿意才即刻去食。 九道菜美酒佳餚菜譜，的確係好震撼，最緊要，個個菜式都有pairing，有一兩個水準係直逼有星嘅餐廳，而且當晚有幾多酒都好出色，令人想即刻入手亦都大開眼界，即刻睇睇。 春初心為頭炮，龍蝦沙沙，金莎椰菜花，鮮蟹粉鍋巴，由富豪香港酒店富豪金殿首席中菜行政總厨楊嘉輝師傅製作，配上Louis Roederer Collection 242，一個字，好，開頭開得好，通常成晚都有食神運。 夏慕情的出色，帶你來到東南亞風情，海南難壽司，越南庶蝦，帶子柚子沙律由麗豪酒店河夢餐廳主廚都玉華師傅製作，的確海南難壽司驚喜好大，如果排不到紅磡勇記，來麗豪酒店食海南雞都不錯，帶子柚子沙律清新度滿分，係我之前少吃到的感覺和滋味。Domaines Ott Château de Selle Rosé 2020，感受到的是熱帶的夏天嘅感覺。 金湯珍珠香茜魚蓉羹則由富豪九龍酒店富豪軒

友人請晚餐，第一次黎食，一入到去，環境已經一流，樓底好高，感覺好高雅，印象分大大提高友人推介茶皇燻鷄，不過今晚似乎失準，不夠茶香味，似冰鮮鷄，有點失望原本想叫乳豬，可惜無，經理推薦燒腩仔，皮好脆，終於有番少少信心之後來了碟老陳皮柚蜜汁廣島蠔，肥美嫩滑，好正！！！不得不提的是蟹肉粟米羹，啖啖蟹肉，無花無假超鮮甜！重點二，脆皮牛坑腩！外脆內軟，配咖哩汁，無得輸！菜方面，叫了金銀蛋莧菜，沒有驚喜，不過不失反而魚是亮點，西蘭花配香煎銀雪魚！個魚好入味，啖啖肉，正！值得一讚是大啡菇炒素雞丁，切片的大啡菇好香口至於花膠海參煲就一般般，但好足料最後甜品是紅豆沙和杏仁茶，前者水準之上，後者超水準，好香，一定唔係開粉，生磨杏仁，正！服務生態度非常有禮，食得開心！

在今年5月1日勞動節，我跟媽咪租住銅鑼灣富豪香港酒店 Staycation，預祝母親節！ 「嘆、住、食」Staycation package，包括升級至高級豪華客房，2人 Room service dinner (中式)、2人 Breakfast buffet！原定 Check in: 3:00pm，在希慎廣場 Lifetastic 食 High Tea set 後，4:00pm 開始排隊，實在好多人，最終排了一小時，5:00pm 才排到 Counter！當我們 Check in 時，我問酒店職員要提早幾多時間及最遲致電 Room service 送晚餐到酒店房？是否固定食物款式？他即時遞上中式 Room service dinner 餐牌，有些需要二選一！中式 Room service dinner 餐牌，由頭盤到甜品，非常豐富！我都飽到投降！除了桃膠之外，其他菜式都令我們滿意！我們要求 8:00pm 送到酒店房，相當準時，8:00pm 前便送到，並送入酒店房 (之前復活節另一間 5星級酒店，只送到房門口)；每款食物均以保鮮紙密封包裝，確保衛生及保溫！我開保鮮紙期間，也摸到器皿是溫熱

早幾日係銅鑼灣富豪香港酒店 Staycation，除了兩個健康檢查及享用所有設施之外，仲包早晚兩餐，都不過$1080，真心覺得好抵玩。午間去了檢查面部皮膚，之後係 Executive Lounge 休息下，喝返兩杯酒，係時候去開餐。很喜歡餐廳開揚寛敞的感覺，反正地方夠大，1.5米距離完全無問題。由於是套餐，所以都不用煩，直接上菜便是。前菜一式三款，先試試海蜇燻蹄伴瑰桂花杞子鮮淮山，在一般的海蜇燻蹄加入了桂花蜜，又有新鮮淮山，很特別的配搭，卻又沒違和感，不錯。黑醋鎮江肴肉味道同質感都很傳統風味，加了黑醋令肉味更鮮。麻香藕片鮮牛蒡蓮藕片好薄而且醃得入味，咬落爽脆，陣陣麻香，辣度又不會過火，牛蒡同樣入味，正好刺激了味蕾，令人胃口大開。白果腐竹豬肚湯其實老火湯是每次不同，今次是白果腐竹豬肚湯，湯色呈微奶白，入口醇香，豬肚都煲至軟腍，是火喉的表現，好有家常湯水feel。脆皮秋葵脆漿好薄，而且把秋葵較硬的頭部事先切去，夠細心。蟹肉扒嫩豆腐豆腐真係好嫩，連同鮮甜既蟹肉一齊食口感更佳。有營果香炒豚肉配料又真好豐富，有蜜瓜、哈蜜瓜、火龍果、彩椒同荷蘭豆，豚肉質地鬆軟，沾上了甜美的果汁就更吸引。黑椒茄子牛

好耐未食過啲咁失望嘅飯 好耐之前食過一次真心唔錯 但係今次去食竟然可以完全唔同晒同屋企人就叫咗個片皮鴨 先唔講佢整得好唔好食 佢片嗰啲皮係連肉嘅 自問咁大個人都未食過片皮鴨係連肉嘅🤯🤯 啲鴨肉又”鞋”又冇味之後就係葡式焗蟹蓋 完全係垃圾都不如 點解焗蟹蓋可以咁難食 雖然佢個葡式醬汁其實唔錯 但係一撈埋落個蟹蓋度簡直就係。。。再嚟有個炒鴨鬆 簡直就係垃圾 無果得泥 仲要炒得唔夠乾身 粒粒都濕嘅🤦🏻‍♀️呢個蠔都係垃圾 大家睇唔睇到右上角嗰隻蠔特別細 唔係我影得佢特別細 係佢真係咁細個味道其實唔錯但係個口感真係唔掂😅 以前食過係脆嘅 今次食係林晒 重要啲蠔有啲腥到呢個鱈魚 大家都有眼睇佢啲粉漿有幾厚 衰過大排檔🤯真係越食越嬲

不止一次說過，自小就跟老爸喝早茶，根深蒂固地對飲茶食點心有莫明的習慣。近年跟幾位朋友組成「點心兵團」，經常走訪不同酒店中菜廳，但當中有不少是名大於實的，偶爾亦有予人驚喜的感覺。今次就同另一位朋友品嚐了銅鑼灣富豪酒店「富豪金殿」中菜廳的點心。餐廳位於銅鑼灣核心地段，毗鄰地鐵站及維多利亞公園人流暢旺，早前曾經一家人試過親子「密室逃脫」 staycation ，但就只係包 buffet，所以對中菜廳是擦身而過。翻開點心menu，種類可真的不少，最難得是涵蓋不少懷舊點心，正好啱我呢類「老餅」。古法蟹肉罐湯餃（$98）雖然寫係古法，但並非乾身用鐵片上，而係用高湯泡浸。不過市面有真正傳統風味的，大概只有來來去去果幾間，或者過多幾年，大家都已經淡忘了。無疑湯底好鮮甜，蟹肉是拆肉上，看得到、吃得出，餃皮亦不會浸到甩皮甩骨，感覺良好，賣到近百蚊一隻，個人覺得合理。上湯煎粉果（$55）想不到點心類都有上湯煎粉果，一碟四件，擺放得令人安心，粉果煎得香脆而不過火，浸入湯裡快速拎起，可以蘸上了湯汁而不會令外層變軟，好味。甘脆蝦多士（$55）蝦多士就稍微炸得過火，但仍不失香脆口感，尤其是蘸點甜酸汁，令味道複雜，貪

吃賀年糕點是農曆新年傳統習俗，因為年糕寓意步步高陞的好意頭，不過平時都只會聯想到蘿蔔糕、中式年糕等傳統款式，難得新一年也不妨來一個新嘗試共「饗」新歲。身為抹茶控，當然首選本年限定的新口味- 紅豆綠茶年糕，再加上熱量較低的金箔燕窩桂花糕，應節之餘也不怕吃得飽膩滯口，禮盒包裝優雅華貴，用來送禮亦大方得禮。紅豆綠茶年糕 (原價$218 優惠價 $158)精選頂級大紅豆及醇香綠茶，顛覆了過去中式年糕口味，融入東瀛和風甜點的元素，將清香的抹茶和馥郁的紅豆結合在一起，為傳統的吃法注入了嶄新創意。抹茶與紅豆向來都是絕配，糕身口感煙韌軟糯且有彈性，入口不會過黏，綠茶茶香夠濃醇，隱約滲出微微的苦澀回甘，紅豆份量相當足料，大粒飽滿，帶來富層次的味覺體驗，我自己就最愛蒸熱吃，暖呼呼的真是暖身又暖心。金箔燕窩桂花糕 (原價$218 優惠價 $158)以閃閃發亮的金箔點綴，更顯尊貴奢華氣派，黃金處處，稱得上是送禮佳品，加上矜貴燕窩食材入饌，滋補養顏，可以即開即食，免卻烹調步驟，方便又快捷，最適合我這些懶惰鬼。糕身晶瑩剔透，口感清爽，桂花香氣沁人心脾，留下清甜甘香的餘韻，甜而不膩，清潤養生，中和新年時無節制地大吃

發現鼎食聚、香港旅遊發展局，連同200+家酒樓、餐廳，推出We Love Dining promotion。第一站，挑了家中菜，和家人來試試。We Love Dining 晚餐，288元/位：#金殿三色一碟：鮮蝦小黃瓜、鹵水素鮑魚海蜇絲、七味脆金磚，只有豆腐(脆金磚)好吃！鮮蝦小黃瓜味道太淡；素鮑魚和海蜇太鹹！#滋補燉湯：蟲草花瑤柱杞子燉豬，好味！#珍菌雞甫炒虎蝦：味道不錯！#黃汁燴香煎大元貝：一般！#金針雲耳紅棗蒸海斑球：好味！#濃湯新蕃浸菜苗：差！菠菜有苦澀味，和蕃茄的味道不搭！#精選甜品：腰果露，不夠香滑，一般！

一等的食材，五星的烹饪，俩菜一汤，荤素匀称。什么都不用说，吃进嘴里就明白了。吃得在于精不在多。100多港币，一人套餐能吃到这样的食物真的是拜托疫情给的千载难逢的机会。

放假找食，頭大，要有優惠，又未去過，又不要太貴，又要坐得舒適，按銅鑼灣區酒店中餐廳，是漏咗富豪酒店此處，我選的日子openrice網上無得訂，查咗某網站有85折，但原來結帳多張信用咭都有折扣。樓底特高，高高玻璃幕牆，在鬧市中，仍何讓陽光柔和透入，舒適。看openice食評介绍有蛋黄千層糕$42,絕無失望，椰絲，蛋黃雖淡色，但有蛋香，咸甜相宜，白色粉層軟滑，互相交融，滿足。食評推介燻素鵝$78，好過北京樓，係佢2倍份量，菜，紅蘿蔔，蔬菜爽甜，加菌香滑，加烟薰腐皮，正，但略嫌凍。鵪鶉蛋燒賣$55，豬肉餡躉夠大，多蝦，彈牙有鮮肉味。推介糯米包$45，差不多食完其他點心，都未上，追問2位侍應，隔咗一段時間先送上，我無責怪，因地方場地大，侍應不足夠，廚房較遠，端上來還好熱辣辣，有仙氣，網球般大，用蛋皮包裹，挺身，蝦米及臘腸雖不多，但切開香味濃郁，糯米吸收其精華，但又不肥膩，不硬不爛，米軟糯有口感， 有齒難忘！原來紅豆沙贈送，叫咗1碗咋，正蠢，紅豆大粒，不爛又腍，開花，美味！