富記粥品 (已結業)

雖然時常於旺角區走動, 但從不發現此粥店, 直至看完阿蘇的節目才懂得找吃, 真係後知後覺。 有時候, 一些食家/名人推薦的食店未必一定好吃, 好似阿蘇推介過尖咀的一檔食上海小食, 發覺貨不對辦。 但今次去粥店食早餐都坐滿人, 基本上客人是長期客仔, 不似我慕名而來。 叫了及第粥, 等一會兒就到了, 一碗粥的料夠多, 粥底很綿 (自己喜愛吃綿粥), 肉臟沒有苦味加爽口, 好味道! 本來想吃腸粉, 消滅碗粥後已經飽了, 留待下次才試吧! 除了上環x記外, 此店會是我喜愛粥店之一。

看完 SO GOOD 節目, 等左好耐, 終於可以一試, 因為旺角食飯大致上都係差不多無乜選擇, 問題就係邊到抵邊到好味又有家常餸先至最緊要 。一家三口食了 $158, 包括: 秘製燒鵝例牌一碟、皮蛋瘦肉粥、界菜魚腩湯、魚香茄子煲、一碗白飯 及一支汽水 。皮蛋瘦肉粥好大碗, 足料, 界菜魚腩湯真係如阿 SO 所講, 好味加好多料, 魚香茄子煲放左超過 10分鐘, D 茄子食落去仍然係裡面出晒煙 。至於秘製燒鵝, 我又覺得普通, 特別在有脾食同件件好多肉, 無D淨骨連皮的, 計係來價錢都算抵 ! 好值得推介, 果晚去到8:00叫, 大概 8:30 若叫以豆腐配料做湯的已賣晒 。 叫餸後10分鐘內差不多齊晒, 唔使等好耐, 因為有兩個舖位加樓上舖,唔好俾D人流欺騙, 唔好咁快走, 因為佢哋唔會留人 。 下次我都唔使叫白飯, 因為碗粥好大碗, 最好坐低望下環境先至好叫份量, 好多人叫义燒燒鵝飯, 我下次都要試試 !

义燒飯 ....... HKD 26睇完電視亞蘇介紹, 再睇 OpenRice 食評, 見 D 义燒好似非常好味. 今日試了肥义燒飯, 真的好肥. 味道一般, 不算出色. 可能半肥义會好D.

由於睇完電視亞蘇介紹"掃街"，決定來試試富記出名的魚湯尚未係收工時間，見不太多人，立即衝入店坐低魚腩湯飯：嘩﹗真係好好味﹗其實我幾怕食魚..怕骨、怕腥，但這裡的湯飯只有飯、魚腩、白菜仔同魚湯，沒有加薑......超好鮮味呀雞鵝飯：一般，沒什麼驚喜原本係點了珍肝飯...亞姐話有，但入單後又話買無這是一間很舊式飯店，我和蝦子餅都好喜歡它的小圓木椅...好懷舊呵

在「富記粥品」嚐過燒鵝飯後，基本上每個星期也會到一趟，在上課前吃一碗燒鵝飯。但由於每次只有自己一人，所點的食物款式有限，難得今次與啤梨一起前來，終可一嚐其他心水食品。雖然在上午十一時左右到達，但卡座已滿，唯有坐在中間的位置。食物方面照舊點了燒鵝飯碟($26.00)，新嘗試的有白菜粉腸湯($32.00)及心椗($15.00)。燒鵝飯碟先來，今次的燒鵝部份是背部加少許腩，皮仍帶微脆，鵝肉肉香四溢，一口咬下去，皮脂內的油份頓時湧出來，好味！飯底夠軟綿，鵝汁流進飯裡，實在令人吃不停口。再來是首次吃的心椗，小小的一碟，內容包括花生、雞腳及豬心椗。各材料也夠腍夠入味，唯獨心椗的份量少了點，只有三小件。索價十五元雖不算平，但也算是點得過的小食。製作需時最長的白菜粉腸湯熱騰騰地端上來，其實這兩種材料也屬於「淡味類型」，用來滾湯的效果其實一般，但由於同行的啤梨不喜歡吃芥菜及怕魚腥味，同時她亦想吃粉腸，唯有選擇此組合。白菜仍帶點硬身，尤其是菜身部份，粉腸本身味道不重，要加一點豉油來吃，湯水的味道跟預期一樣的偏淡，未算是理想的一碗滾湯，只好怪在選料上的錯配。自己來了多次，環顧四周不少單獨前來的麻甩佬，也會點

莫拉菲來去匆匆，前一夜還是橫風橫雨的，吹得人晚上全然進入不到夢鄉，想不到翌日便已天朗氣清了。颱風一過，馬上蠢蠢欲動，欲跟太太到旺角看看相機產品。忽然想起還沒有吃午飯，小巴下車的地方又在這老店對面，正所謂"相請不如偶遇"，就入去吃些粥飯來填肚吧...自從太太暫時需戒吃燒味類食物後，連帶自己也吃少了，不過但見掛在門外"檸立立"的义燒燒鴨，心裡又如何把持得住 ? 於是立定主意放肆一下，來一碗半肥燶义燒鴨飯，以一解多月來沒吃燒味的相思之苦.....燒味飯還未端來，偷吃了一口太座叫的滑牛粥。粥底依舊是那麼的鮮甜濃杰，下了不少瑤柱的粥底當然是居功不少，但吃多數口，喉嚨就有點點不太舒適，斷言這"甜"味也可能是來自師傅吧，不過就算是有，也應落得不多，是自己還可接受的程度。牛肉就全是受到梳打粉照料過的，弄得肉味全失，這就反而接受不了嘞....好久沒有吃半肥燶义，吃進口那甘香豐腴，滿口油潤又帶焦香的感覺，依舊是那樣的令人傾倒儘管一向不愛吃肥肉的太太看至眉頭緊鎖，說怎能將如此肥的東西放入口中，但小弟卻只像"借了聾耳陳隻耳"，大大啖將之放落肚。唉...人生苦短，面對如斯美吃，甚麼也忘記得一乾二淨了....很幸

一星期前來到「富記粥品」品嚐過一碗及第粥，味道不過不失，未算精彩。今次前來便轉移目標至燒臘食品，吃燒臘當然是吃自己最喜愛的燒鵝。來到時又是用爆滿場面來迎接我，最後搭坐在四人卡位內最後一個位，馬上點了燒鵝飯碗($22.00)，數十秒內便送到。一隻小小的懷舊公雞碗，上層鋪滿數件斬得大件頭的燒鵝，同時伴著一小碟酸梅醬。其實我不太愛用酸梅醬伴燒鵝，但也點了一些來試，酸味不算重，同時稀稀的。燒鵝帶微暖，鵝皮仍脆身，飯熱由下而上令鵝肉的氣味揮發上來。其實在吃燒臘飯時，飯熱令燒臘變暖，自覺絕對是一件美妙的配搭。燒鵝醃料味香，但肉味沒有被蓋過，厚而嫩滑的肉跟微脆的皮，一口咬下去，實在是一件幸福的事。飯的軟硬適中，鵝汁流進白飯裡，放一口進口中，用好味二字來形容實在最適合不過。小小的一碗燒鵝飯，帶給我大大的美味滿足感，好波！！

這兒已經成為妹妹的晚餐心水飯堂了xD因為湯實在太美味~~~常常帶不同的朋友來 >u<這次帶綿羊來, 試了"九杞及第湯" ($32)~九杞不是帶甜味的蔬菜, 與豬什配起來感覺很剛直XD湯又清又甜, 而且沒加味精!!即使吃的是豬內臟都只覺鮮味而不會噁心XP豬潤煮得剛剛好~ 有些瘦肉粒, 很鮮很滑~~ 好味呢~再來個新嘗試~~ 鮮鯇魚片 ($15)~ 剛來到時嚇1嚇!! 是生的!!妹妹和Annie思索1會, 下定論應該是可以就這樣生吃的吧... 魚肉新鮮魚味10足~ 本身都不會有腥味, 配著薑絲來吃更美味~~下次再試其他湯~~ 或是有天要試試燒味飯 >w<

哩間係我地常到既飲湯食飯既地方 !!每次定必點時菜滾肉片湯~~時菜就睇當時咩菜當造! 而蒸肉餅, 蜆芥陵魚球, 燒鵝 都係常點之菜式 !!蒸肉餅, 肉不過"林", 應沒有落過多生粉, 發成一大舊 !! 肉滑而且調味夠, 真係好好送飯 !!蜆芥陵魚球, 同樣沒下過多生粉發起, 咬落亦算彈牙有口感, 兼有陵魚味 !!出街食, 只要識揀, 亦可以食得好健康!

在旺角吃生滾粥，大多會去光顧了廿年以上的「好旺角」，今次想轉轉口味，行多兩步，到兩街之隔的「富記粥品」。店面細小，已八成滿，店員指示我坐在牆邊的坐置，基本上跟後面的客人背貼背而坐。不太餓，只點了「及第粥」($22.00)，不用五分鐘便端上來，起初還以為要等十分鐘左右。粥底不太稠，米已全爆，材料十分豐富，豬腰、豬心、豬肚均爽口，瘦肉嫩滑。而最講究新鮮的豬膶及粉腸，前者新鮮之餘，火喉剛好，口感嫩滑，後者內裡夠粉香，有水準。在吃至尾聲時，發現一粒小小的乾瑤柱，是首次吃有瑤柱的生滾粥。以材料而論，絕對新鮮豐富，只是粥底未達自己心水，就算有乾瑤柱的坐鎮下也未能達標，如果再稠一點便可算完美。下次再來試試燒臘的質素如何。

今天早上吃了一餐十分之不滿意的粥和炸兩, 很不開心.要補償一下, 當然要來這裡.下午三時許, 沒有幾個客, 可以舒服地獨佔一個卡位.單叫一碗及第粥, , 五分鐘有得吃.粥是白濛濛的只有幾條薑絲在面, 米已經溶化, 粥很杰, 正合我意.料是很精緻的哂士, 豬潤和腰各有一件, 其他粉腸, 豬肚, 瘦肉各幾片.熟得剛好, 連瘦肉片也很滑, 粥底綿, 又好味, 找到幾粒手指尖般大的瑤柱,足証真的夠料, 朝早敗興的早餐已經足以掃得一乾二淨.老店就是可靠.

吃完半餐飯，似餓非餓，醒起近兩年無去過富記，幾掛住八分肥叉的，就來吃碗碟頭飯先打道回家。九時許仍排緊長龍，比起附近幾間派人拉客亦不見人氣新派餐廳，這老舖也算有意思。攝下半個位置，叫了叉鵝瀨食肥叉，未幾伙計中氣十足咁單聲燒鵝賣晒，總算趕及尾班車。八十年代的衛生環境，風味唔錯的，晚晚都其門如市略知一二；叉鵝瀨賣相絕佳，叉鵝上放著一碟梅子醬，風味是新派燒味檔不會嚐到的，冒著中毒危險都要一試，未食過難出食評談其味，食評不該純賣弄風格主義吧。原打算叫飯，但最後要易入口一點湯瀨，瀨粉是長身乾貨，爽韌無味，似乎要吃一口新鮮瀨粉不易，尤其在大熱天（太子大記麗粉這方面是本地少數有心堅持小店），燒鵝本身唔算好肥，但吃到近腩的位置，油甘好吃而夠味，反而連骨厚肉的部分雖然唔韌，但味道就比較普通，叉燒是瘦叉，吃落有彈性，如吃到肥叉就更滿意，當然臨近打烊也難以荷求了。埋單廿四，伙計效率高中氣夠，食物唔差抵比個笑的，吃完速速離去。

好怕在下雨天來富記, 因為地方太細及地板好slippery. 不過因為太掛住佢個生滾湯, 所以就算有一點dirty(係因為條街)及slippery都要來.1. 生滾介菜肉片湯+咸旦($3x) - 個湯好甜及滑, 介菜煮得剛剛好, 肉片都好入味, 不過我一定會點梅醬一起食.2. 佢地既燒味真係好好食, 所以我叫了燒鴨粥($2x), 燒鴨既汁及瑤柱既味道竟然可以共存在一個小碗上. 誰也沒有搶走誰的味, 好回味.3. 朋友叫了牛肉弼($2x) - 佢說牛肉好滑.

自上月腸胃炎痊癒後,被胃氣脹折磨到現在. 為了有啖好食,唯有做定功課,搵定d粥舖. 其中一間想試係富記. 今日去開先達,終有機會去試. 行完先達,以為好早,點知七點半,每邊門口都有4,5個人排隊,又幾好生意啊. 企在門口一d都唔悶,因為伙計不斷由一邊送飯菜去另一邊,睇到流晒口水. 這裏有四種野食,粥,燒味,湯飯同小菜. 我別無他選,一定食粥,朋友選燒味,另外兩樣,唯有留到好番先食得,唔知到幾時...這裏最平的粥係22伩的及第. 我加咗燒鵝,所以要成30伩,重貴過叉鵝飯(28伩). 碟飯幾大,叉燒同鵝各有5-6件. 我各試了一件,覺得幾好味. 半肥廋幾稔,配少甜蜜汁唔膩,鵝皮薄夠甘香. 碗粥有成一半係餸,有豬潤豬腰粉腸豬心,都幾稔架,不過無咩味,燒鵝都係d頭頭尾尾,所以無咩肉食,而且燒到黑黑地,下次都係淨及第算. 個粥底己經煲到開花,而且滾過下鵝,多咗肉味,少咗師傅,都ok.見到人多,而且坐得唔係咁舒服,三扒兩撥食完,又趕下一場.

Its obviously not usual to come here to eat 叉燒 rice, but somehow I've read about people raving about the 叉燒 here, and its always sold out really early. This is on the 'right hand side' shop. So rate the 叉燒 I will!I thought it was quite soft in a way but really fatty - which is usually great but in this case, the fat hasn't really started melting, nor was it interlaced with the meat - so it was like chewing on raw fat on certain pieces! I guess I liked the 叉燒 flavour and softness in a way, but