富記粥品 (已結業)

前兩天，我和媽咪去了旺⻆行街，剛巧經過富記粥品，我記得此粥品店曾經被飲食雜誌及阿蘇介紹過，於是我和媽咪就決定試試。我點了以下食物: (1) 及第粥 ($25) - 粥底軟綿，材料豐富，內臟又沒有怪味(2) 皮蛋牛肉粥 ($22) - 粥底軟綿，皮蛋和牛肉滿滿一碗(3) 燒鵝瀨粉 - ($22) - 燒鵝不太肥，燒鵝皮又脆又香，好味道!雖然，富記粥品的食物相當不錯，但環境及衛生程度就真是麻麻地。此粥品店絕對不適合極度注重清潔的人。

食完好多野之後仲係要行過黎試下個粥同燒鵝燒鵝好香口 正叫左個滑雞及第粥好甜既粥d料好足...吃完都好飽正by the way..好多人叫d菜+及第/魚雲正爆

3月20日（星期六）晚，和女友看完電影，又是時候吃點食物，這時女友想吃粥，在不想去連鎖集團的粥店底下，突然想起這裡，於是和女友趕過來，幸好趕得及在收舖前來到。因為目標明確，女友就點較正氣的皮蛋瘦肉粥，而我就試試集此店兩大名物於一身的金牌雞鵝粥。女友的皮蛋瘦肉粥先來到，看上去很足料，試了幾口粥，粥底很軟綿，米粒全部爆開，可能下得“師傅”不多，味道並不突出，尚算清甜，瘦肉帶點酒味，應該是將平常用來炒小菜的肉片作替補；至於我的金牌雞鵝粥，粥底方面剛剛已描述過，不作重覆，反而雞和鵝的份量不少，燒鵝較滑雞多，鵝件的皮有點脆鬆軟，鵝肉味道依然濃厚，骨子裡更嚐到很濃的醃料味道，相比之下滑雞件就遜色得多，除了肉質還很嫩滑外，就沒有甚麼好形容了！兩碗粥都很大碗，女友更吃不完一碗，要我來“包底”。看著店員上閘和主動叫每檯客人埋單和幫忙找續，我們也不宜久留，待女友把藥吃完後就離開了，也是時候送女友回家。

今天晚上，筆者帶了一位教會弟兄到旺角富記食飯。這是一間外表十分普通的茶餐廳，午市主打粥麵，晚市主打小菜，個人認為最突出的是白灼及弟及薑蔥炒及弟。食畢後，那位弟兄稱讚這店子其貌不揚，食品質素卻是一流，果然是好介紹。當然吧！在旺角生存了一段時間的餐廳，食物質素一定有相當水準的。http://hk.myblog.yahoo.com/chicken-goal/article?mid=2072

朋友話依度乾牛河好出名, 本人由細到大都勁鍾意食乾炒牛河, 但尋覓全港都搵吾到一間真係好好食既. 見富記咁把炮, 當然係要去睇睇乜料.去到原來係一間好細既粥舖, 好多人同要等, 多數都係雜誌出街後既原因. 不過, 未入去之前, 已經對佢既乾炒牛河不抱高期望. 第一, 朋友話佢一日炒300碟. 咁大產量, 但係咁細間舖, 我一定吾信你係會一碟一碟炒, 相反, 一定係一大兜一大兜mass production, 火喉一定好難控制. 另外眼見佢地係用有邊既兜去盛載牛河, 大佬呀, 乾牛河一定要用好平好平既碟裝, 先吾會"瓊"晒一patpat, 吾係咁簡單既道理都吾知吓.好啦, 輪到好地, 一場黎到, 都食吓啦. 叫左最出名既魚云湯, 燒鵝, 乾牛河同一碟菜遠炒及第. 魚湯, 只不過係滾水, 好在有胡椒粉, 如果吾係真係吾知飲緊乜. 燒鵝, 叫做剛剛燒好, 熱同肉質好嫩, 都ok 啦, 不過無乜味, 同深井比, 富記係小學級數, 深井係大學級.菜遠炒及第, 唉, 吾係招牌就......d菜明明係好嫩綠, 但都炒到黃晒, 好有家既感覺, 因為我屋企阿媽炒既菜次次都變黃同好難食. 好啦, 到乾炒牛

這間店是我這次香港行覺得最好吃的東西，如果下次有再去香港，我一定會再去吃ㄧ次。我們點了廣東牛肉粥和魚片粥，食材非常新鮮，牛肉很嫩。衛生部分是我覺得比較差的，有點像菜市場。另外我覺得香港的粥裡面的米會比較少(和台灣的粥相比)。

見食評唔差, 所以同男友特意放工一試.其實入店前都有心理準備服務麻麻, 可能無太大期望, 反而感覺OK!見附近食客都有點叉燒飯, 我倆都唔執輸, 叫一碟試試. 叉燒偏瘦, 但都幾林, 反而飯唔夠汁, 令到成個叉燒飯較乾. 食叉燒我都係較愛太興!因為想食得健康, 我倆叫了一碟白菜仔, 落單時, 伙計問係咪要湯? 其實我倆都應到奇怪, 明明叫白菜仔, 點解會問係咪要湯? 後來則邊坐左一對年紀較大的夫婦先知道原來好多人都會係點菜湯的!! 不過白菜仔都不錯, 只是低較油, 味道清清地不致於淡而無味! 另外再點一碟咸旦蒸肉餅. 原來份量都幾多, 兩個人都食唔晒. 好有家庭feel, 肉餅口感豐富, 中間夾雜住肥豬肉同瘦肉, 加上咸旦黃, 幾唔錯的配搭. 個人幾buy呢個餸, 但男朋友話膽固醇高所以我做主力. 但最後都有三份一要打包. 好彩有呢個餸, 第日返工有得帶飯呢. 臨走見到有食客點左窩旦牛肉粥, 好吸引, 下次一定要試下.

一月上旬首回來是三年前的麻甩lunch，回味當日肥得來卻是爽而不膩的肥叉，這夜就來碰碰運氣，看看能否吃到肥叉飯。平民小廚，冬天不乏來吃煲仔菜的老街坊，街冷店內卻是人氣十足的，外套也可脫下，如果有位放的話。老伙計還是老樣子，找他落單，總是回以連尾音都沒有的一句：「未到你，等下先。」，抽的是下下籤，肥叉沒有了，就叫油雞檔來碗叉油雞飯。油雞是連骨的髀位，肉一定嫩但雪氣十足，同樣是骨多肉少，雞背會更好吃，瘦叉沒半點脂肪，肉粗實，不著蜜味偏鹹，隱約吃到玫瑰酒香，飯底較濕，$28／碗，旺角街坊味道，無可無不可的埋單去。

已經到訪好幾次, 因為滾湯真係無懈可擊, 芥菜、 西洋菜、 菜芯等時令菜, 及第, 魚雲, 咸蛋 任君選配, 我就最鍾情芥菜魚雲加咸蛋, 真係好好好味﹗其他招牌菜, 叉燒同燒鵝, 因坊間太多高質素燒味, 所以覺得富記唔係特別出色為咗靚靚滾湯, 值得一試, 不過事先聲明環境衛生就真係 。。。。。。

不想吃幾百塊的聖誕餐, 在旺角想吃有水準的晚餐, 揀了富記. 六個人, 7:20pm, 等了35 分鐘才有大檯 (2-4人會快點). 來到富記, 必定要叫燒味. 叫了叉燒, 燒鴨各一碟. (幾星期前吃過叉燒飯, 燒鴨河粉, 超正, 所以今晚番叫.) 可惜今晚叉燒很瘦, 可幸肉軟不至於鞋. 燒鴨肉普通, 不夠皮脆肉嫩. 意外是墊底的花生索飽燒味汁, 很好味.西洋菜滾魚云湯很鮮味, 全喝光.乾炒牛河牛肉滑而不胤, 河粉乾身不油膩, 吃過很多次, 都能保持高水準, 抵讚.還吃了炸魷魚鬚併白飯魚, 很香口. 一大碟, 吃不完, 打包回家, 用來看球送酒一流.白粥很綿, 過節吃得太多, 清清腸胃.提示: 食物味道可放心, 侍應服務要求不高也還可以, 但注意座位狹逼, 坐得不舒服.

又是跟好友新兄聚頭聊天的一夜。以往選擇晚飯的地方多是"吃大塊肉、喝大杯酒"的西式餐廳。今夜決定改變一下，來富記叫餸吃飯，相對上比從前去的地方，感覺是平民化了不少....來到富記，有兩樣東西是必定要叫的。其一是新鮮出爐的燒味，肥燶义就更是極品，不過鑑於健康着想 (特別是新兄的)，所以決定忍一忍手，沒指明要吃甚麼部位的，於是端來的便是偏瘦且較嚡的，吃得人納悶之極；另加拼的燒鴨也沒有過人之處 --- 皮不脆之餘肉也不軟熟，其中有數件更是"肥膏多過肉"，是完全放不入口的。最好吃竟是墊在底的那些嗦盡燒鴨汁的花生粒，實是奇哉怪也....燒味水準已失手，另一必叫的滾湯就保持應有的食味。要了一大勺及弟湯配西洋菜，湯底既清又甜，豬腰及豬心也是既爽又無異味；豬潤很軟熟，灼的時間剛剛好；西洋菜無渣，清潔得甚為乾淨，食得放心....薑葱魚腩煲上桌時火氣十足，油下得重手了點是缺點，不過勝在薑及葱段同樣下得重手，那就是優點了。魚腩是一貫的鮮甜，雖經過上粉走油炸過，仍不失鮮嫩，很難得....喝着啤酒夾着餸，談了一整晚，好不舒暢....

富記我大大話話, 我都幫襯左5,6年, 呢間野雖然餐舊, 逼夾同唔乾淨, 不過每晚依舊都係坐滿人, 門口經常人小人龍, 已且黎食既人越黎越後生, 真係反映到而家旺角新開d餐廳, 真係好唔掂. 如果夜晚係旺角諗唔到食乜, 可以黎碰下運氣, 睇下有無位.雖然餐廳環境唔好, 食物賣相唔精緻, 但食物水準真係保持得好, 入到去, 好似去左間酒樓咁,燒味,抄粉麵, 小菜, 粥品, 鹵味, 樣樣都有, 選擇好多.先講燒味, 燒鵝 - 皮脆肉獎, 食得出唔係雪 藏貸, 比起什麼鏞記, 深井燒鵝, 真係有過之而家無不及, 好肥既老饕, 更加唔可以錯過肥叉呀!!粥品, 粥底好綿, 而且仲係落左瑤柱齊煲, 夠香! 雞粥,及第, 牛肉粥 味道拍得住新興棧, 生記, 小菜, 我覺得一般水準以上, 特別留意係, 豬心蒂炆雞腳同各款生滾湯, 唔食過真係唔好話黎過富記,(我覺得).抄粉麵, 係呢度食, 可以食番阿爺果個年代既味道, 出面d茶記做唔到, 唔信可以試試, 推介排骨抄麵, 麵脆無梘水味.鄭重聲明:如果係好注意清潔同services既人, 千祈唔好黎, 免得勞氣!!

今日同bf去旺角行街,bf記得之前電視亞蘇介紹過,話想入去試下,見個門口一d都唔吸引,而且勁多中年男人同亞伯係度食,已經唔多願意架la,仲要d野一d都唔平,一個中碗size既湯都要成三十幾蚊,不過bf想就試一次la..叫個碟燒鵝飯,一碗魚雲滾菜湯&菜遠炒牛肉,燒鵝好香,唔算好肥,個湯真係超正,好鮮甜,d湯直頭係煮到奶白色架,菜遠炒牛肉又係正,牛肉好淋,又唔會一口食粉果種感覺,好有牛味,連d菜都好甜,佢唔係因為嫩所以甜,而係個菜比個廚師炒到好好味,連我bf平時禁奄尖都話好味,以後自己出街食飯真係唔好以貌取"店"la..

本人最愛飲湯,中湯西湯都好鐘意不過亞b怕污糟,唔肯食富記搞左成幾個星期先肯去 呢間舖頭係我爸爸介紹我媽媽,然後我媽媽介紹我食既富記好多老夫老妻同亞伯食,幾正點了白菜滾及第,蝦仁炒滑蛋,叉雞飯同埋椒鹽白飯魚叉雞飯既叉燒勁正一定要食,好似人地日本拉面果D腩咁好香.好正雞就差D,無咩肉味,可能係冰鮮雞富記既滾湯依然美味及第夠多夠新鮮唯一可以挑剔既係比以前少左d蝦仁炒蛋同白飯魚ok~希望快d可以再去食****以前同媽媽去食及第粥17蚊而家加價加到22蚊...好貴

叉燒飯(碗)$22燒鵝瀨$22睇完早場（孤疑），走過嚟食晏，套戲如果交待埋個女仔點解會變成咁，就更加好睇呢間嘢真係好多麻甩佬嚟，裝修舊舊地，好多都一個人嚟食，跟住嗱嗱聲走叉燒燒得幾香，有燶邊，瘦多肥少，咬落都有啲韌，冇雪味，都有淡淡肉味食親瀨粉都彈到周身都係，但又好鍾意食佢嗰個質感，個燒鵝唔係傳聞中咁好食，唔及（波記）好食，個肉唔夠入味