富臨皇宮

营业中

休息中

今天陪姑仔往黃大仙廟拜神兼擇日子，因為佢快做奶奶了，恭喜！恭喜！原來擇日子都好講究，查完又查，左選右選，足足攪左半天，攪掂已近黃昏，姑仔住屯門，我叫她食埋晚餐先返去，所以我們就在附近睇下食乜？現在黃大仙廟附近都好多食店，各式各樣都有，但我姑仔同我老公一樣，鍾意去酒樓食中餐，就去左新光中心的富臨皇宮食晚飯。波士頓龍蝦孖寶：龍蝦和伊麵可以選上湯或芝士焗，我當然選芝士焗，因為比較惹味，另一樣可以選义燒皇或金裝拼盤或紅燒乳鴿二隻，我們選了乳鴿，乳鴿外脆內嫩，又香又好味！花膠北菇鵝掌煲：花膠都有好多件，味道爽滑！冬菇夠厚身，鵝掌夠林滑，配蠔油汁，味道吾錯！富臨每天都有特價菜式，今次有20元例牌燒鵝、18元一隻木桶豉油雞，二選一，甘平！冇理由吾食，我們選了燒鵝，味道超正👍肉嫩皮香！大良雙皮奶：特價甜品，甜度適中，好香奶味，滑滑的口感，令人食不停口😋

每逢節日都會約埋成班親戚出去酒樓食飯聚下, 其中一間我地最常去既就係富臨皇宮, 對佢地既野食印象唔錯, 所以間中都會同家人一齊去食晚餐。而且富臨係香港都幾多分店, 幾乎每區都總會有一間, 今晚我地一家就去左屋企附近既富臨皇宮食晚飯。呢間分店夠哂寬敞, 成個場都冇柱, 所以都有唔少人黎呢度搞Annual dinner/婚宴。一坐低, 先送上一碟花生前菜 (HK$10), 每位茶芥HK$10今晚媽咪負責點菜, 點左幾款超值既菜式試試....【波士頓龍蝦孖寶】HK$248 (伊麵底配紅燒乳鴿)呢個套餐比較多人選擇, 龍蝦同乳鴿都係我既至愛! 平時係出面食龍蝦都要依兩去計價錢, 有機會價錢超出預期, 呢度有孖寶套餐, 明碼實價!龍蝦跟伊麵底, 可以先選上湯/芝士, 我就當然揀最邪惡既芝士, 芝士汁夠多, 好杰, 而且芝士味好香濃, 伊麵林度岩岩好, 口感creamy~ 肉質雖然冇澳州龍蝦咁爽, 但價錢相對平好多, 同埋沾左芝士, 味道都唔錯!至於乳鴿雖然唔係皮脆, 但唔洗點醬汁, 都相當入味, 而且肉質嫩, 又keep到豐富肉汁【京式片皮鴨】HK$148片皮鴨份量好足! 皮脆且沒有肥油連住,

小時候，曾跟家人到這棟＜新光＞大廈的酒樓飲茶。想當年，只有几歲囉！現在已變為大集團的酒樓了！唯獨這大廈仍然叫作＜新光＞。今晚跟黃大仙的朋友重臨舊地，共晉晚餐。內裡裝潢變靚左，還有很多盞閃閃水晶燈呢！　最重要是，今天是平日，客人不多。加上這裡面積超大，保證每枱客人都可分散就座，坐得舒服又可保留私隱。 就座後，先開茶，以涫水清洗餐具，然後來到餐牌。首先看看圖文並茂的彩色餐牌。其實今晚各款小菜，都是在彩色餐牌內選擇呢！下單後，開始今晚的＜吹水大飯聚＞。　　波士頓龍蝦孖寶　                               　一份燒鵝皇（例）散點是100元，孖寶是238元，那麼龍蝦伊麵就是138元。　計落價格合理，於是來一份，應該夠我仨享用吧！　　芝士焗波士頓龍蝦伊麵　　　波士頓龍蝦，是哪個價位，心裡已有數。反正都是要斬件，拖油，回鑊跟伊麵加芝士再兜勻，煮好就可以上碟。可是蝦肉大大件，肉質又跟龍蝦相若，用於芝士伊麵還不錯！　加上自己在家中肯定煮不出道＜龍蝦伊麵＞。牌列明：上湯及芝士選擇，最後選了芝士。一大盤＜芝士焗波士頓龍蝦伊麵＞呈上來。波士頓龍蝦已分件，方便享用。首選當然是蝦身，啖

家人最近要外遊一段時間，便建議去黃大仙廟參拜，到晚上更是上酒樓食晚飯，圍起來食飯覺得很溫馨。平日開飯有八成都是我發辦，但平日實在少去黃大仙，也不知有那一間比較好吃，於是便上網搜尋，找了一間鄰近的酒樓開餐。雖然商場的人流少，但酒樓卻是出奇地多人，而且愈接近晚餐時間，入座率都相繼飆升！酒樓有不同的晚餐超值推介，有龍蝦、雞煲和聖子的選擇，而且有彩印餐牌參考，看得我們十分吸引！超值套餐、海鮮推介和雞煲翅套餐都適用於不同大小的聚會，另有明爐燒味、極品燉靚湯 、精美/有營小菜、廚皇新主意 ，對於我呢個習慣食西餐的人來說更是新鮮！ 雖然要另收茶芥和花生錢，但酒樓的服侍實在是比較貼心，會不時更換食物碟和沖茶。有部分海鮮必食推介是按時令去定價，有需要當然要向服務員查詢，但我們一早已看中抵食的波士頓龍蝦孖寶！有伊麵底，選了芝士底，很使人期待啊！芝士控一定會喜歡！味道可以說是特濃，若淡味一點會比較易接受，但值得一讚的是龍蝦新鮮厚肉，而且肉質有彈性也比較入味，吃起來龍蝦味道突出。配紅燒乳鴿 $238一開始沒有留意到原來是跟兩隻乳鴿，一上枱十分驚訝，現在回想實在是幾抵食！或可選配 金裝拼盤 或 極品燒鵝皇 或

中午去飲茶，唔full。講下呢間野被blacklist 的原因:1. 油雞飯似俾人食過咁，完全無賣相可言。2. 碗皮蛋鯇魚腩粥好鬼死稀，而且只係微熱3. 一張menu, tick左4樣野，漏左一樣4. 落單後，過左半個鐘，叫丫姐追下碟野，丫姐話"要夠鐘先追得𠺢喎"5. 咁大個場，得幾個服務員，全部都做又36，唔做又36的樣，話知你6. 個丫姐(同上)第一次行埋來收野，食完的又收，未食完的又收，務求清左你張枱。佢好自然咁將我嗰碗仲有3嚿雞同兩啖飯的油雞飯收左(完全無間一聲，仲要唔要丫)。當我地話仲要𠺢喎，佢話"無乜喇喎"！係咪盲𠺢！7. 下一次，佢又來收野。將我嗰碗仲有3嚿（唔係粒）皮蛋，一大嚿魚腩的粥收左。同之前一樣自然，又唔問你要唔要。我地又叫佢放返低，話佢做乜亂收野。佢的答案真係惊為天人丫，佢的意思係"邊個叫你放係度一陣丫"。聽完我地呆左一秒，跟住大笑，呢啲係咩邏輯丫。點解會請啲咁的人做侍應𠺢？真係幫公司倒米！另外仲叫左點心拼盤，有蝦餃，芝麻包，燒賣，棗皇糕，鮮蝦菜苗餃，加一個唔知乜包。呢個的味道都ok的！

同四個同事飲茶。。不是同事本身叫去，我通常都不會去，而且去呢間，去到，差到無野講。不過見d差評都寫服務態度差就。。我地未遇上，無視好似少人理就真。仲有個綿花雞，超正，不過食左忘記影。

今晚同親戚食飯十個人叫左十二人份量的海鮮套餐今次上菜幾快半個鐘上左大部份餸菜單如下：芝士焗澳洲花龍伊麵(兩斤)五福拼盤(中)碧綠蚌片蝦球(中)豐料燉靚湯(兩盅)生紋龍躉翅(一份)金蒜蒸帶子(十二隻)瑤柱扒豆苗(中)蔥油走地雞(一隻)生炒糯米飯成個餐得帶子，伊麵和湯係好味果個湯係人參雞湯算係落足料豆苗有點老，但都可以接受糯米飯唔算硬，不過無咩味拼盤係雞，鴨胸，燒肉和叉燒碧綠蚌片蝦球都係西芹和蝦球為主兩碟餸毫無驚喜可言走地雞唔滑，又油，麻麻地最差係生紋龍躉翅賣相差都算個皮紋到難以入口肉就勉強入味啦始終有放豬肉，冬菇和支竹入去紋但呢碟真係唔多掂另外落單果陣加錢要多一籠12個壽包壽包幾大個有蓮蓉和鹹蛋做餡味道唔錯總括而言套餐份量就一定夠因為今次得10個人食糯米飯，走地雞，龍躉翅和壽包都攞走另外每席奉送：大啤2支和汽水6罐最後埋單$2100都可以接受既

我平時都久唔久去黃大仙分店飲茶，生日飯，小朋友擺百日宴都係度擺，從來無諗過茶都未飲已經比人鬧到飽哂！上星期六去飲茶，坐低話開茶，個呀姐轉頭走左四個字都無開茶，唔緊要，見佢開緊第二三張檯先問下佢，佢一句：你開茶咁點？關我咩事！fine,搵第二個開！點知佢推住架車仔好晦氣：呀姐你tun前啦！我唔明，你後面有位過點解要人tun，就算係你識唔識講唔該？之後仲要企係沖茶房門口指住我地鬧同大大聲問：有無人要開茶呀！我實在忍唔住先鬧返佢！大佬，我嚟飲茶架，唔係受你氣呀！你唔想做你就唔好做唔好搵人出氣！最後如果位呀姐所講：唔好飲囉！係呀，唔會再嚟，就算呢區無茶飲都唔會再嚟，我飲唔到咁巴閉既茶，食唔到咁巴閉既飯！

職員話吾幫揾位都算，甘咪自己揾。自己揾到位，叫人幫汁枱，點知一個二個扮睇我吾到，一個就掛住同人傾計，無視我，好過份😠但我忍。 最後好聲好氣去揾個 粉紅色衫職員嗌話吾該可吾可以幫我汁下張枱，佢竟然答我你冇眼睇咖，我咪汁緊囉。我答反佢兒加問題糸你汁人地張枱五糸汁我張枱。黃大仙富臨皇宮對待客人有問題，冇禮貌不特止又呼呼喝喝，太過份，服務態度超差，以後都吾會再黎！

去過咁多間富臨食飯，只有呢間差到忍唔住要出聲...本來諗住食餐普通飯，冇特別打算影相，但一見到响唔滿座之下都要等咗成個鐘至嚟嘅所謂燉湯，就覺得佢地實在太過份了...雖然明知圖片一d都唔可信，但冇諗過每份$168，螺肉花膠瑤柱通通冇影，個「燉湯」似係加咗少少鹽烚完雞嘅滾水，好聲好氣同個經理講，一句"duck"過嚟話：「我地d湯係咁清架喎，咁妳而家想點丫？」講咗一輪至好唔情願咁cancel咗個湯...態度勁差，我唔會再去！

前排到富臨其他分店飲茶 點心精美 賣相整齊又好味 所以今日諗住去黃大仙分店試下 點知變成不愉快既經驗 以後都唔敢再來幫襯！ 我亦留意倒, 哩間餐廳可能多客生意好, 食物賣相不太整齊, 即使好味亦會扣了印象分。1. 一入去見倒其中大枱坐住兩位搭枱既客人 坐到東一個西一個 同行三個人想搭枱都搭唔倒    (枱面好乾淨 唔似搭開枱) 2. 全部細枱坐滿客 得番大枱, 起初都唔想揀大枱, 怕要搭枱, 在真係無細枱既情況下坐低左3. 坐低後幾分鐘, 有個員工來執枱 執執下突然比個《紅衫短曲髮》的部長禁止我地坐大枱4. 正常情況下, 禁止人坐大枱應該offer番另一張枱比客人,     但哩位部長只係亂指去一堆滿坐既地方叫我地搵位5. 當我再問佢邊張枱時, 佢就同我講其中一張就快埋單 (究竟邊張??)6. 我要求佢帶我地去果張枱時, 佢指住遠處話: 有小朋友果張呀! 之後毫不理會我地   (當時我真係想請問下部長, 全場咁多小朋友, 究竟係邊張枱既小朋友?   你拎住塊布同一隻茶杯, 係咪咁趕? 點解唔嘗試指引客人正確位置?)7. 細枱滿座, 又唔止一張吉既大枱, 為何禁止其他客人坐, 迫人埋細枱

相信唔少人都是因為有老人家住o係黃大仙的關係, 大時大節(包括: 父/母親節, 瑞午, 中秋等)富臨周末晚飯時間就實訂枱爆到七彩. 可惜已經唔係第一次, 唔知係佢地overbook, 定係成人有人冇book就偷偷地坐左人地張檯o既關係, 每次到未到6:30pm, 已經俾人坐曬d枱. 基本上次次都有幾枱人同個reception嗌大交, 原因一係就話訂左但冇枱, 或者辛辛苦苦從接待處得到個枱號, 但已經俾人坐咗. 個接待員亦冇辦法, 扶老攜幼o既食客鬧爆亦可以理解. 大家自己小心好了.