富臨皇宮

营业中

休息中

又比我發現有又平又好味嘅食物，去黃大仙探剛生左BB的同事，佢老公好客氣，除左有薑醋招呼我們，重話要請我們食埋晚飯，我們真的不好意思打擾，他說不要緊，因為附近的富臨皇宮酒樓有外賣，指定菜式做緊抵至四八折優惠，比堂食平的多，買些回來食好過自己煮。我也想試試，還跟他去酒樓幫手拎。餐單菜式都不少，價錢真係優惠不少。唔怪得酒樓門口有很多人等外賣。黑椒香薯牛柳粒，即叫即整，款款都很有鑊氣。牛柳粒肉味香濃，口感鮮嫩，配上香口薯仔粒，用加有黑椒的醬汁快炒，十分惹味！魚香茄子煲，先將茄子泡油，再用免冶豬肉和鹹魚煮成濃郁的醬汁，撈均匀味道好惹味！佐飯一流。瑤柱金菇炆伊麵，份量都好多，伊麵炆得入味，醬汁調得好好味！

富臨外賣做優惠 冇做假 份量足材料正電話 order 唔使等 10零分鐘已經有得攞返到屋企仲熱辣辣 自已煮唔倒咁好味又經濟又實惠 外賣盒冇收費仲送晚市優惠劵 每食$200平$1004月12日 初試外賣 $202 送晚飯Coupon乳鴿~ $34 2只$64脆 香 嫩 較淡口 廚房漏咗畀召鹽 失策菠蘿生炒骨~ $39 堂食一樣份量多 排骨脆口 甜酸適中梅菜扣肉煲~ $53扣肉8大片 夠腍肉嫩入口即化 梅菜香仲有白菜仔墊底 都幾邪惡 送飯一流瑤柱金菇乾燒伊麵~ $42伊麵份量多配料也多 鑊氣夠 唔肥膩4月14日 食過返尋味 3樣嘢$100元蓮藕花生炆豬手~ $39超晒值 6件大豬手 炆入味得夠淋唔黐牙 干淨冇豬毛豉蒜涼瓜炒牛肉~ $41鑊氣夠 豉蒜香 醬汁夠 涼瓜微苦很好涼瓜爽身唔夠淋 牛肉厚身唔嫩泡椒鳳爪~ $20冇味附泡椒1支 鳳爪夠爽口 凍水浸咁 冇汁冇味

街坊抗疫外賣家人餐，已經有一段時間沒有家人聚餐，難得假期家人到訪但屋企又無料煮大餐，方便快捷選擇多就是當務之急，所以見到樓下酒樓外賣小菜4.8折，飯麵排檔鑊氣菜樣樣齊全，速成晚餐有得揀。菠蘿生炒骨$39魚香茄子煲$37楊州炒飯$42瑤柱金菇炆伊麵$42黑椒番薯牛柳粒$65西蘭花炒蚌片蝦球$65見到呢六款菜的價錢，折扣價可以話係絕無僅有，本預料會將貨就價份量減半，但實際份量出奇滿意，40 蚊以下的生炒骨茄子煲有酒樓質素，大大盒足料炒飯伊麵四人足夠有餘，最難得牛柳粒同炒蚌片蝦球，份量多足料新鮮入味樣樣齊全，外賣性價比來說，難得的街坊菜選擇。👅美味: ⭐️⭐️⭐️⭐️/5💫回頭: ⭐️⭐️⭐️⭐️/5⚖️性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

由於疫情關係，所以母親大人生日都留在家 慶生，不過現在很多餐廳外賣自取有優惠， 就例如富臨皇宮，外賣自取有折扣， 好似好抵， 所以早幾日打電話訂餐，然後生日當日取啦雖然是外賣，但份量很足，拎落很聚手北菇海參扣鵝掌煲($71) 足足有三大隻鵝掌， 很淋夠入味，海參超多，原條計應該都有差不多三四條，北菇大大隻，芡汁很香， 外賣都有堂食的級數 最重要是新鮮煮好， 拿到回家還是熱辣辣的馬來咖哩雞外賣只是$44， 一個外賣盒的價錢，但雞件超級多還配有薯仔，咖哩唔辣微甜，香料味重， 我個人十分喜歡這種咖哩口味， 雞件滑口，連家人都讚不絕口。生炒糯米飯($37)， 快餐的價錢，酒樓級的水準，油份少，配料足， 有蝦米和花生等十分滿意這次外賣自取，不單價錢十分實惠，食物水準亦夠高質， 現在少出街飲茶， 但還可以外賣自取，滿足一下口腹之慾

香港疫情不穩定，我也十分擔心家人的健康，所以前往了黃大仙，希望祝福家人的平安。 拜神過後，我也決定買點東西回家吃，我找了一家大型的酒家正在做折扣，性價比極高的外賣自取。食物方面我點選了大澳香蝦骨，生炒糯米飯 和黑椒香薯牛柳粒。 食物味道方面，香蝦骨， 蝦膏味極濃， 加上熱辣辣，香脆可口， 最重要內裏肉汁豐富。生炒糯米飯， 完全不油膩， 粒粒分明，鹹淡適中，絕對是飽肚之選。最後黑椒香薯牛柳粒， 牛柳粒分量豐富， 加上肉味香濃，已經算是性價比極高。作為外賣自取，這樣的質素絕對是超值。

昨晚堂食後，發現外賣自取都好抵， 精美小菜48折， 今晚就買兩個小菜返去試下先喇， 等候時間不長大概五分鐘。粟米魚柳$42感覺好奇怪， 明明至少有成8大塊魚柳，都很好吃，炸粉不多， 魚肉很滑，應該很高興， 而且只係$42, 但可惜唔夠栗米汁，無汁所以魚柳變得乾身， 加上平時個汁可用來配飯食， 現在比較單調乏味。蓮藕花生炆豬手$39 ， 非常推薦。炆豬手步驟多，自己好少整黎食， 調味， 有膠質，豬皮無毛， 唔係舊舊得件骨， 花生夠淋夠入味， 厚切蓮藕， 難入口。下次試埋其他。

疫情關係，每枱只限4人， 酒樓一大半都空座，環境變得清靜。侍應在你面前用夾放下已用高溫消毒 的餐具，可惜眼見另一台的女經理卻用徒手將 高溫碗碟 放到客人面前。＜ 瑤柱海味雜菜煲 ＞ 蟹柳，西蘭花，生菜， 金菇，冬菇絲， 粉絲，腐皮，最正係大蝦乾， 超有趙口。＜ 蔥油走地雞 半隻＞鹹左少少，雞有雞味，肉質嫩滑，不錯。＜ 清蒸黃衣 ＞條魚蒸得剛好， 不生不老，好滑， 媽媽話係靚魚，夠新鮮。＜瑤柱金菇炆伊麵＞ - 好油，用左好多唔同菇，但唔係咁見到金菇， 紅蘿蔔絲好硬。結賬620元減3張100元優惠券，實收 320， 好抵食

近來富臨做外賣自取48折，想考究下富臨份量有幾多，係咪真係抵食，於是今日行動買黎試試先。我地五個人，有大食有細食，但係咁二都叫左四小菜一煲一飯。韭黃蝦仁炒蛋，蝦仁夠爽；蛋不老，炒得岩岩好。菠蘿生炒骨，生炒骨份量足，唔會菠蘿多過骨，有少少青紅黃椒，唔會太寡。豆蒜涼瓜牛肉，涼瓜同牛肉都係平均，唔會涼瓜多過肉，有牛肉味，涼瓜又唔會苦，岩味。日式什菜煲，初初唔知富臨會點上煲，原來係用大盒，再另上湯，唔會細左，同堂上食一樣足料👍花膠紅燒豆腐，花膠至少有五塊，不過不失喇，我重點都係食豆腐😊豆腐係好食嘅。加埋呢盒成盒都係飯的揚州炒飯，真係飽哂。整體黎講，富臨呢期的外賣自取，真心食得過，平均四十幾蚊有一個小菜，足料夠份量，真係好抵，慳水慳力之選👍👍👍

本身係想過嚟食雞煲，無奈撞正依家非常時期，唯有散叫叫左個醬燒烤鴨上菜就好快啲食，因為食到最尾浸太耐汁會有啲咸。龍蝦伊麵個麵底真係幾好食但係龍蝦有啲鹹。碟菜岩岩配搭呢枱濃味既菜式，中和哂啲鹹味，啲菜幾好食唔會煮得太老🆗紅燒花膠豆腐味道ok🆗相對都唔係太濃味。甜品方面桂花糕真係好好味💖估唔到，有啲酒樓既桂花糕係有微酸😑擺太耐壞左。呢度桂花糕係無酸味，應該即日整無過期個流心奶黃包爆多餡，而且唔係細細隻果種。鹹蛋味好香，要趁熱食，一凍即凝固。不過個包少少貴

光顧尖沙咀富臨皇宮多年，食物質素和服務都相當有保證。今次和朋友去黃大仙拜神，貪方便試吓在黃大仙的富臨，結果出事了。 當晚星期六遇上有酒席，被安排坐在電梯口的臨時加位，點了龍蝦伊麵和牛仔骨，牛牛骨份量算多，味道也算過得去。問題是碟龍蝦伊麵基本全是殼和頭爪，找不到一塊肉，找經理投訴，他說是厨房煮的，與他無關。重新再做一碟，等了約15分鐘，送回來的一碟根本就是退掉那碟拿回去再加熱，經理自己都話和之前那碟沒分別!這樣不老實，食物水準又低的酒樓，你會去光顧嗎？

未食大閘蟹之前，一嚟就嚟個熱身先，食左三道巧手主菜😋 包括 #鮑汁扣原隻鮑魚伴翡翠、#金湯小米燴遼參 及 #蟹粉扒豆苗~ 仲有可以任食我既至愛😍 #招牌堂剪奶 🐷 好脆呀！·🦀 大閘蟹放題偷偷話俾你知🤫 我食左6隻大閘蟹😏😆 無論清蒸、太雕蒸定油鹽焗都蓋唔過大閘蟹既鮮甜味， 膽固醇又超標啦😍🤩·🥘 無限時任飲任食海鮮火鍋每晚供應精選優質時令海鮮拼盤🦐🐚🐠 仲有多款新鮮火鍋配料任食。另備有五款火鍋湯底以供選擇，包括 #重慶雞煲火鍋、芫茜皮蛋鍋，、川味麻辣鍋、花雕醉雞鍋及鴛鴦鍋，真係好抵食呀！

難得假期，本來好想帶 #爸爸、#媽媽 入 #西貢 行吓、食吓 #海鮮。可惜 #交通網絡 受破壞，大家都唔敢四圍走。諗住近近地同佢哋食啲嘢就返屋企，點知 #老豆 話想去「黃大仙」😖 真係比嚇死！不過日光日白應該無事嘅，就陪佢癲吓。「富臨皇宮」嘅生意大不如前，加上樓下間酒樓又搬咗，正門又黑蚊蚊咁🤦🏻‍♀️ 唔係 #熟客仔 根本唔識上嚟🤨 唔知點解，「富臨」無啦啦轉用「茶包」沖茶比客，我成日都好擔心個「茶包」會循環再用😏 加上茶味唔夠、水又唔滾🤨 一間酒樓連基本嘅茶水都咁差... 失敗。不過佢嘅 #點心 都還可以，尤其佢嘅 #鹹水角、#流心奶黃包 更係我嘅favourite❤️ #鹹水角 熱辣辣、又唔會有油膩感，個 #流心奶黃包 大大個，一搣開就爆哂奶黃漿，好鬼正🤩 但都只係賣$9.8街坊價，ok㗎👌🏻 不過 #侍應 數量長期不足，連沖水都成日要我 #老豆自己嚟🤦🏻‍♀️ #老闆 真係要好好安排囉🤨

想打個邊爐 咁見近近地就去富臨一坐低 就叫野食la緊係入左單。。。半個中先黎個湯底🙂9個字 都未有野食 問左10萬9千次d員工 一係見到你舉手叫佢都唔理你 一係應完都係冇改變 間野就食2.5hr 但等都等左1個中都冇野食🙂個湯底呀 煲乾水都未有餸俾我地打邊爐 咩玩法？知你茶樓忙 都唔係咁掛真係垃圾到不知所謂仲有。。。說好的稻庭烏冬呢？拎哩d黎hea我？😮😮😮唔係掛？真係垃圾中既垃圾 不知所謂既極致staff又冇禮貌 態度直情係惡劣👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

今日陪阿爸阿媽去新光中心間富臨食晚飯迎中秋，場地光猛，可是環境非常嘈吵。五福大拼盤 - 有瘦叉燒，無海蜇碧綠蚌片蝦球 - 少蝦球多菜瑤柱扒雙蔬 - 一般，金磚白百花球 炸鮮奶球很好吃， 炸蝦丸也很彈牙竹笙海皇燴燕窩 - 足料，唔夠熱。花菇海參排翡翠 - 原條海參，爽口，花姑大隻， 芡汁味道好。清蒸沙巴龍躉斑 - 好細條魚， 剛好煮熟，完全唔老當紅炸子雞 - 好食好脆，唔肥唔油瑤柱蛋白炒飯- 好濕，好似爛飯仔，無牙都岩食， 本身覺得炒飯應該要乾身。 野菌炆伊麵 - 只有少量的野菌， 例如草菇杞子桂花糕- 桂花糕造型很美麗 好吃， 可惜 侍應沒給我們乾淨的餐具鮮果拼盤 只有清甜的西瓜

我哋嘅家香港，正值多事之秋，冇錯！真係立咗秋啦！ 好多人都愁容滿面，當中當然都包括我，不過無論生活幾難捱都好日子都係要過， 因為我相信，笑容-會感動其他人一起笑; 你哭-就只會自己自己一個人哭。有日我就同幾個舊朋友食咗餐飯，原本諗住開開心心食，不過嘢食嘅味道就影真唔係好，又真係笑唔落。講下當日食到嘅嘢薑蔥炒蟹: 薑蔥炒應該好香，但係唔係好香，亦唔係好夠鑊氣，蟹唔係好夠肉，真係好少蟹肉又冇蟹膏，真係唔知食啲乜。清蒸鮑魚仔: 一共六隻，話明包魚仔就唔會expect好大隻，應該係蒸過咗火，搞到鮑魚嘅肉質好實，我哋幾個中女都唔係鋼牙姐。蒜蓉蒸帶子: 一共六隻，個問題同清蒸鮑魚仔一樣，都係正過咗火，搞到肉質好實，而且的粉絲都唔係好好味。油泡蝦: 蝦殼係好脆，不過啲肉都係好實而且唔係太有鮮味，不過還算ok啦。上湯龍蝦伊麵: 伊麵好入味而且好淋好味，個龍蝦都有鮮味，只不過都係過咗火 搞到啲肉好實。我哋主要係叫海鮮，但係睇嚟呢度嘅師傅對整海鮮唔係好在行，早知係咁，去第二間食好過。