富臨皇宮

营业中

休息中

原來約定拍攝花卉後下午茶，但在下著毛毛雨影響，祇好在「富臨」摸了近三小時茶杯底。一望無際的大堂有相當多的大型水晶吊燈。煎薄很多蝦米，也有菜圃與葱粒，原來頗不錯，但嫌略鹹。牛肉腸粉皮厚欠軟滑，品質比較差。炒米粉是有粉絲的，味道尚可。綿花雞裏最喜歡是魚肚、芋頭，日式蟹柳勁鹹。還有味道較正常的鴨腳扎的豬腳薑。因為大家都吃過早餐，所以茶聚吃得不多，茶聊後依然下著毛毛雨，我在酒樓樓下附近看見禾雀花就隨手拍幾張，哈哈，得唔到橙得個吉。多謝好友請客！

今年我哋屋企人提早咗喺 #年廿九 食 #團年飯，所以 #年三十 特別清閑。一早準備好心情呢日要跟住 #媽媽 四圍去，幫手拎吓嘢、入啲年貨🛍 咁當然要食啲嘢先有氣力啦💪🏻 本來我想搵間好啲嘅酒樓嘅，不過為咗近買嘢嘅地方，最終我哋去咗 #黃大仙 #富臨皇宮 ☕️ 嘆 #一盅兩件🥢遲起身又慢吞吞嘅我哋... 去到 #富臨 正好 #下午茶時間，點心價錢非常老實，不過當然唔會太多選擇。我哋叫咗 #蝦餃、#燒賣 各兩籠，#煎釀茄子、#火鴨絲炆鴛鴦米... 都做得唔錯，唯獨個 #燒乳鴿 認真麻麻，師傅處理得 #火喉 麻麻哋，肉質唔得鮮嫩、乳鴿身上亦冇咗應有嘅油香味道🤣 不過以價錢來講，已經算係咁👍🏻但係班 #服務員 就認真要改改，就算係人手唔夠做嘢有幾忙，都唔應該扮「見你唔到、見你唔到」。有時為免麻煩🤪 寧願自己入 #茶水房 #開茶 ☕️ 禁啱嗰日仲比我撞到成班服務員圍住個男人 #攞利是🧧 逗自己果封都不特止，仲要人哋比埋佢啲阿仔同阿女... 事後咁啱比我聽到佢哋即時拆利是，仲話人哋比得$10咁寒酸... 唔怪得成日冇人做嘢啦😅

富臨皇宮臨近做節時間特別係今年唔同因為唔可以堂食嘅關係同家人只可以係屋企度做節而今年就選擇咗叫酒樓嘅外賣乳豬全體做節當然就係要叫一隻全體嘅乳豬慶祝啦而佢哋做嘅乳豬燒出來啱啱好皮脆多肉最重要嘅係佢哋嘅乳豬脂肪並不是太多啱晒鍾意食又想健康嘅屋企人燒雞全隻燒雞都係燒得啱啱好肉質鮮滑，推薦魚香茄子煲呢個值得推介因為佢哋嘅魚香有鑊氣茄子份量非常多而且唔油太多油，勁有大排檔嘅風味蒜香骨另一個值得推介嘅菜式鑊氣十足10 ，炸蒜炸起排骨十分之入味排骨大大件，油脂比例非常岩岩好都非常抵食佢哋份量都好多整體性價比非常之高，而且有大排檔風味，因為外賣好多時餐廳都會忽略咗成為一份質疑佢哋真係做到色香味俱全絕對值得推介推。今年唔可以喺酒樓堂食但係可以叫到外賣屋企人都覺得好開心

早前收到張傳單, 幫襯買小菜, 外賣自取可以優惠價$388購買鴻運乳豬 (原價$588)諗住富臨中菜唔差, 提早預訂乳豬年尾還神, 今日去拎乳豬, 點知........一接上手望, 嬲到爆炸!!!!隻乳豬細到有如花貓般size, 雖則menu上冇註明有幾重, 不可說呃秤, 但完全冇諗過細隻到咁!!用一把30cm間尺對比, 可想而知真實有幾短,返到屋企斬開, 更是令人火上加油!! 完全係從外伏到內!!諗住細隻就唔肥, 斬開發現完全冇肉食, 乳豬皮下連住厚厚肥油層皮係脆...但咬落去成口油, 比左成幾百蚊, 食乳豬皮!!! 

飲茶，很久之前在這店食晚餐，有不好經歷，故一直無再來。街坊建議到這店，曾諗咗一陣，聽街坊講唔錯，便再來。一入門口，接待多次建議入茶皇廳，因自備茶包及大堂仍有位，選擇坐大堂自己搵位，坐下一陣都無人理，見大堂幾個侍應都忙著，約五分鐘先有人嚟執枱，放下的碗筷有油及污漬，要用熱水洗了多轉。點了幾個點心雞蛋豬腳薑，足料，如果醋甜些，更可口香煎鯪魚餅，內有馬蹄糕，好爽口點心還可以，但服務真係要改善，知道疫情關係，減省開支的重要，但亦需注意基本的服務。離開這商場時，見門口有外賣，唔駛上三樓，好方便

秋冬時節就係食大閘蟹嘅季節。今次就去到富臨，試一試佢地既任食大閘蟹放題。佢哋既大閘蟹有三種煮法，清蒸、花雕蒸、蒽油焗。蒽油焗最特別，濃烈嘅蒽香令人食指大動，但又唔會蓋過大閘蟹本身既味道。花雕蒸則在大閘蟹原來既味道上加添了淡淡既花雕味，起到一個錦上添花既作用。無論係任何煮法，所有既大閘蟹都大隻飽滿，充滿蟹膏，味道香濃，食到停唔到囗。放題除咗大閘蟹任食外，仲有無限追加既京式片皮鴨（自取）多款甜品同主菜都係任食。每人都會送和味鮑魚伴秋葵、花膠螺頭雞湯、海味雜菜煲各一客。三款當中以和味鮑魚伴秋葵特別出眾，鮑魚口感彈牙且鮮味十足。而秋葵味道清新開胃，十分適合作為前菜。而佢哋既片皮鴨亦相當出色，片脆肉嫩，加上醬汁、青瓜、大蔥既配合，口感豐富，十分美味。花膠螺頭雞湯亦有十分豐富既材料，螺頭、花膠、雞三者味道嘅融合，令整個湯相當不錯。

疫情政府令 又再外賣 "富臨"餐單又再改 小菜加咗少少 都係抵食今次嘅外賣就遜色咗 &漏單花膠紅燒豆腐 $48 豆腐份量都多 花膠3小小片 小棠菜爽口心硬豆腐炸燶咗 過火硬身 醬汁未入味竹笙羅漢上素 $41草菇 蘑菇 雞肶菇 雪耳 木耳 粟米仔 馬蹄材料豐富…… 菇類乾身未入味 白菜夠淋嫩 但唔覺有竹笙瑤柱金菇炆伊麵 $42伊麵味道適中 但肥膩 芽菜多唔爽口涼瓜鹹菜豬手 $42 新菜式 漏單 冇緣試倒 又忘記咗 外賣 要點數……外賣11am~9pm 8點幾冇人接聽電話

去到屋企附近見到可能有外賣自取酒樓仲要係得平見近排疫情嘅問題少咗外出食飯所以就買咗返去同屋企人一齊Share馬來咖喱雞馬來西亞雞佢都唔算話太過辣嘅，而執了加咗椰汁香味，增加口感，一款一定要白飯，簡直一流錫紙香葉牛仔肉呢個錫紙香葉牛乳仔肉勁香辣椒味道慢慢心發出嚟，牛肉嫩滑可口，用咗錫紙包住依然都係好熱， 依個小菜非常惹味，值得一讚瑤柱金菇炆伊麵我個人比較鍾意食炒伊麵嘅因為覺得炒伊麵嗰種口感非常煙韌，裏面加咗瑤柱、金菇特別香口，返到屋企依然都係好香好熱，勁有鑊氣係酒樓炒出嘅伊麵，份量亦都比較多，兩至三日份量啱啱好今次我去外賣自取有優惠,仲要係好平48折平均都係三個餸$130

近排疫情嚴重！又不想自己煮！住黃大仙的朋友話富臨做緊48折～6折！😍😍比平時平好多！所我們在星期日去買外賣！一上酒樓有菜單拿，填好轉右有比錢的櫃檯！比完錢，就可以坐著等！外賣會由傳菜姐姐，叫號碼！包裝都不錯！有個好靚的袋！我們點了生炒糯米飯好香好好味！糯米軟糯彈牙！👍🏻👍🏻👍🏻👍🏻北菇扣鵝掌煲內面的鵝掌好軟滑！好濃郁的味道！西蘭花炒蚌片蝦球好有鑊氣！蝦仁蚌片好爽脆彈牙！楊州炒飯好有鑊氣！買外買都可以保持到！錫紙香菜牛仔肉肉片好滑！👍🏻黑椒香蒜牛柳粒汁好濃！送飯一絕！

近日疫情嚴峻，限聚令六時後不可堂食，黃大仙龍翔道120號新光中心，富臨集團有4.8折自取優惠，價錢極相宜。我選左花膠紅燒豆腐 $41，花膠很滑有膠質。北菇海參扣鵝掌煲 $61，鴨掌炆到好入味。海參好厚肉好腍滑，冬菇夠厚身，菇味很香濃，炆得夠火喉，真美味很好吃👍👍生炒糯米飯$37，有臘腸香味，煙韌香糯，配炸花生好吃到一口接一口。瑤柱金菇炆伊麵$42，份量足很好味😋西蘭花炒蚌片蝦球$61，蚌片和蝦球都很爽口。黑椒香薯牛柳粒$57，牛肉腍滑，薯仔入味，鑊氣十足好香口。總結：這價錢每款都大大盒份量足。味道和質素唔錯又夠鑊氣。我們一家都很滿意，希望疫情轉好，一家人親到酒樓再食晚飯，吃其他菜式。

一家人想一齊食又唔想出街，而家的外賣套餐比堂食還要經濟，要既方便又快捷，而且選擇又多，酒樓小菜是首選，睇到酒樓外賣小菜有誇張4.8折，全部都係鑊氣菜式非常吸引。西蘭花炒蚌片蝦球$65、黑椒番薯牛柳粒$65鑊氣火喉夠哂，足料又香口楊州炒飯$42、瑤柱金菇炆伊麵$42指定飯麵底四個人食都卓卓有餘。菠蘿生炒骨$39、魚香茄子煲$37食小菜都不能缺少的兩款，份量足，一齊送飯麵一流。本來以為半價會將貨就價，點知每款都大大盒足料夠哂食，如果懶得買餸煮飯都要靠它。

富臨 4月中食評寫買外賣 very good今次幫襯就失啲分 80分減15分除咗“滑旦虾仁“係即制其他都係凍物 要自行番熱今日天氣咁熱 回家要做1輪 咁會安心啲滑旦虾仁 ~ $53 熱辣辣 分量多 比較淡口旦嫩滑 韭黃香 虾多 大隻爽口 哈哈哈梅菜扣肉 ~ $53 凍 翻熱後冇咩汁 冇咗白菜墊底 有種感覺不如開罐頭……冬菇海參鵝掌 ~ $71 凍 冬菇鵝掌大大隻 飲宴質素 超值嘅但海參唔腍未入味 有啲位置未擦洗蓮藕花生炆豬手 ~ $39 凍物 要番熱豬手乾淨夠入味 份量大抵食 推介

星期一至五 火煱冇限時 $188+10%佛誕假期 $208+10% 任食任飲送 魚 雞 海鮮併盤 夠新鮮 聖子皇夠大隻 鮮甜 但有沙洗得唔夠乾淨蠔仔 細細粒1堆仔 好食但冇得再番點 離晒譜 點咗任食嘅材料 等咗1個鐘都未上富臨轉咗點菜紙 選擇太少唔吸引 凍肥牛 凍豬肉青 凍丸類冇咗鵝腸 雞子 鱔片 廣島蠔…… 失色嘅凍丸類 ~ 牛丸 魚皮餃 可以嘅魚片頭 結冰 勁咸 肉質實 唔好味生菜 紹菜 苦瓜 ……好新鮮布包豆腐嫩滑 冇炸支竹 山根頂替可以加$ 點靚牛肉$168 桶蠔$98……用咗優惠劵就抵食 火煱每$300減收$100 埋單全數減優惠劵冇收茶錢 有收加10%

前排懶得煮野食，去左黃大仙富臨買外賣比屋企人食；由於同事向我推介富臨既外賣質素也不錯，所以對佢好大期望。入到餐廳，入面有落order既枱比客人慢慢既；order紙提供埋價錢吾洗一路睇menu一路tick order，感覺方便；等候既時間好快，而食物拎到反屋企仲熱辣辣。瑤柱金菇炆伊麵：個人好推介依款粉麵，因為伊麵底吾會乾身又吾會好油，食起上黎好滑口；味道方面，咸度剛好，好夠味道！雖然沒有瑤柱，而金菇是有好少，但味道答夠！西蘭花炒蚌片蝦球：好有穫氣既一道菜式！西蘭花為鮮綠色，配合左當中既醬汁令整個味道吾會太單調。至於炒蚌片，口感爽中帶少少實口，鮮味不錯。蝦球經已去了蝦腸，而味道同樣地鮮味，爽口。海味粉絲煲：粉絲煲味道帶少少咸味，而且份量好多；可惜個人覺得粉絲未夠軟熟。

呢排因為新冠肺炎疫情，要減少逗留街上，同事們放工紛買外賣返屋企食，其中有同事去黃大仙富臨皇宮買外賣，食過話好味又抵食，今日又去買，我也跟她去看看。去到酒樓已經有不少人等緊買外賣，拎過外賣紙睇，價錢真係平左，大酒樓居然有咁平，當然要試下。花膠紅燒豆腐，花膠林滑，金黃的豆腐香嫩入味，雲耳爽口，加上香濃的醬汁，十分美味。北菇海參扣鵝掌煲，鵝掌大隻爽滑，冬菇爽口，海蔘厚肉，材料炆得入味，濃郁的醬汁調教得好惹味！揚州炒飯，配以义燒、蝦仁、雞蛋、菜粒、蔥花、鹽等材料爆炒而成，飯粒粒分明不油膩，夠穫氣又香口。