富臨皇宮

营业中

休息中

同嫲嫲食個下午茶。食左$129.5蘿蔔千絲卷啖啖蘿蔔，好正，但個餡咸左d.紅燒乳鴿都好好味!熱辣辣奶皇流沙包，個餡甜左少少。中意鮮蝦菜苗餃，皮薄餡鮮，口感吾錯!牛肉腸就一般，個皮吾夠薄。員工都算有禮貌。

富臨酒家好耐冇同屋企人飲茶，就去左富臨酒家試下。由於早茶既關係，好多茶點都做緊特價優惠，但茶樓人手勁缺乏，差唔多1人睇15枱。叫左個茶樓必食既鳳爪排骨飯，鳳爪同排骨味道一半，份量少，味道淡，但飯量足夠兩人食。又叫左個山竹牛肉球食，牛肉球牛味濃，配上喼汁後，終於有茶樓既味道。比較好食既係金錢肚，味道烹調時間岩岩好，唔會太熟，又勁出既金錢肚味，蘿蔔盡吸金錢肚既醬汁，精華所在呢！加上個馬拉糕鬆軟又香，都可以一試。最尾埋單150蚊都唔洗食左8籠點心，簡直不可思議。

臨近數父親節同屋企食飯最好就酒樓，諗黎諗去唔知食邊間求其去左富臨食首先係依個木桶雞，一隻雞份量勁多，雞肉勁滑，唔算要調味雞肉味道好夠滋補養生靚湯，其實唔記得左叫咩名個湯姐係屋企人話啲料好貴，好補一定要飲，小編超鍾意飲湯，個湯勁濃郁飲完完全唔頸渴，飲完湯會上埋湯渣，勁多料。同埋鱔一定要食用荷葉蒸，勁滑魚肉無腥味，個底逼曬啲魚油出黎加埋醬油，勁香魚味不過醬油真係少左啲，但係都夠味，如果再落多少少就最好啦

富臨皇宮推介指數👍🏻👍🏻👍🏻👍🏻鐵板黑椒豬手豬皮軟腍，豬手肉夠鬆化又滑，黑椒汁也很惹味，好吃程度十分驚喜！荷葉豉味蒸白膳白膳好肥味阿用豉蒜帶出解味荷葉帶出陣彈白味泰皇蝦球炒通菜蝦球份量都幾多通菜熱炒起有鍋氣，好份味木桶雞配蒜蓉蒸帶子豉油雞用上木桶上,雞唔會老,十分滑,味道和口感都做到恰到好處帶子取代聖子帶子配粉絲，同蒜蓉蒸既時間岩岩好無腥味不錯總結價錢與食物合比例，抵食中菜——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #食評 

放假去搵阿媽飲茶，為方便係佢屋企附近茶樓飲茶免老人家要搭車麻煩。這個商場每層都有間酒樓長註，富臨出面就飲得多，今次試下這間啦！估唔到內裡裝修得幾光猛，魚缸好大好多海鮮。點了幾樣點心，炸煎堆大大個脹卜卜。蟹子燒賣，新鮮足料蝦肉彈牙。特大一籠一個熱辣辣奶黃流沙包，同阿媽一人一半超好味，奶黃多到流晒出嚟。掂這個荷葉龍躉炒飯香噴噴，都好大盤炒飯炒得乾身唔油膩，龍躉新鮮唔腥嫰滑，加埋用荷葉蒸出嚟特別好味。叫埋甜品雙色水晶包，係紫薯同奶黃味。今餐阿媽話飽飽了。

今日假期，雖然是一個人但我都喜歡飲茶，所以來到了黃大仙的富臨皇宮。今日是假期，餐廳都很多客人。懷舊鴨脚扎$26.8. 懷舊鴨腳扎，鴨腳很腍，淡淡的味道不會很咸，都很好味，不過腐皮比較硬，我喜歡腍一㸃的會更好。紅燒乳鴿$28.8紅燒乳鴿外皮比較脆，肉嫩多汁，味道不錯。香芒糯米卷$16.8香芒糯米卷，平時比較少食，香芒糯米卷外皮雪花似的粒粒我反而不是很喜歡，不過看落就好像好看一些，味道一般。連加一加茶位一共$89.5，價錢都不便宜哦。

白灼海蝦，蝦不鮮粉絲帶子，味道普通，帶子堅固，海魚細細條，容易食東瓜蛊，有一警喜，味道不錯。蝦腰通菜，咸都沒有朋友苦瓜魚腩，一樣咸，魚骨多只有甜品，燉奶，滑，味道不錯

這個商場叫新光中心，可惜連招牌的新光酒樓也搬遷了，商場二樓的店舖空蕩蕩，了無生氣，而且有點殘舊。上到三樓的酒樓，不用等位。座位尚算舒服，但整體是有點嘈。點了幾款點心，再加一碟炒河，等了頗耐才送菜來，這天午巿不算全滿座，出菜仍是頗慢！最慘是欠缺侍應，想加熱水，或加位，就要耐心等待。唯一的侍應阿姐，已做到無停手，但要照顧十多張枱，真的吃力，連部長都要動手執枱！鑊仔瑞士汁牛河，河粉很碎，味道只屬一般！其他的點心，味道okay，其中的鮮蝦菜苗餃，清甜好味！

今晚去左個呢間酒樓食個小型飲宴菜式係基本飲宴菜式個場有兩個細電視可以唱懷舊金曲但係音響就不斷有干擾 好令人躁底囉一開波黎個燒豬 脆口 有肥有唔肥 適合各口味人士跟住有菜類菜式 象拔蚌份量都幾足 冬菇就得兩個 完全唔知點分比大家 蒸魚大大條 阿姐會幫手開左條魚 湯羹有魚翅燒雞非常好食 最後打飽帶走 下一日帶飯繼續食生果係西瓜 無糖水估唔到係個咁殘既商場仔都有高質酒樓啊不過唯一敗筆係竟然無得憑消費免費泊車！下次有機會都係搭巴士黎算喇。

落雨星期日，來到黃大仙 富臨皇宮飲茶，同一般食肆無咩分別，叫咗 瑞士汁炒牛河， 雜菌菇炒飯 ，南瓜煎堆。瑞士汁炒牛河， 勁多瑞士汁，味道有少少甜，一個新 嘗試，如果少點 瑞士汁炒，河粉美道會更加好。什 菌 菇炒飯 ，呢個係齋飯 ， 雜菌菇 爽脆， 少油少鹽呢個炒飯值得推介，味道 粒粒飯 夠乾身。南瓜煎堆，我最愛, 唔會太甜，脆卜卜好味

呢間富臨最差去開黃大仙拜神試呢間點鬼知差到爆第一食物選擇已經出奇地少咁大間酒樓基本蒸飯都冇豬肚得兩舊 燒鵝就燶晒服務差 45分鐘都未上到菜 永無下次樓面十問九唔應 垃圾垃圾

黃大仙不但係市區, 又係旅遊區，價錢應該會比純住宅區貴得多，但又唔係喎，超級抵食。 兩個人，三個點心，新春價，約七十蚊，呢個絶對係驚喜價呢。年初二，和屋企人去黃大仙飲早茶和拜神…晨早約9點多到，根據前兩日既經驗，人應該不會多…意料之外，超級多人。不但唔可以揀枱坐，仲要搭枱…好奇怪…住呢區既人特別喜歡飲茶?遊客多?... 其實係街坊客多，雖然也有遊客，但只佔約一成…到落單，噢…更明白了，原來價錢非常便宜, 簡直是平日價…另外, 仲有晨早優惠點心紙…前一天去另一間酒樓飲早茶，是並沒有任何晨早優惠點心… 相比之下，差太遠了…服務方面，參考之前食評，完全沒期望。但又唔覺得有之前說的咁差，因為我地一坐底，待應就走來，同我地講優惠點心就過，要盡快下單…鳳爪排骨飯($13.8): 排骨有肉，絕不會全是骨…北菇棉花雞($16.8): 完全係非常抵食之選… 棉花有三大件既呢，北菇和雞亦不少，底部也有件大芋頭…香茜牛肉腸($16.8): 腸粉軟滑，牛肉餡料充足，不會有半條係布拉腸，所以每一啖都有濃濃既牛肉味…好味…

食物差，食具污糟，服務態度差。成功令我即刻由只睇唔評變到要即刻註冊俾劣評。當區選擇好多，希望大家千萬唔好助長劣食。食物方面可以話浪費食材，對食物嘅基本尊重都欠奉。街坊酒樓，冇要求要好好服務，但亦不至於要食客受氣。總括而言，千其唔好試。完

待應唔多 揾到就有招呼 有禮貌嘅閒日12點就開始下午茶嘅優惠取消咗分別係 12點後得番幾款點心係經濟嘅午市優惠孖寶 炒粉麵+炒菜 $98正常例牌size 冇扣減 大碟底食虾新鮮較細仔 略嫌芝士汁太傑身冇配料炒菜清甜份量多 整體都好味道

其實好耐無黎呢度飲茶，因為附近有好多選擇。最近飲悶左所以再次比機會。但呢個機會係浪費時間。員工很多，真係做野既唔多。如果係熟客可以同佢地一齊睇手機，斟埋茶比你都無問題，唔太受得氣建議唔好黎唔至一個員工會行埋黎同隔離枱個熟客傾計，咁近自然會叫佢地收收野或者加水，佢地會同你講呢區唔係佢負責，或者檸轉面用背隻得住你。係個角位以為無人見到佢地，照鏡玩玩話講電話。終於攔到個，要做時係黑口黑面。