家賀屋刺身寿司專門店

天氣又開始炎熱係時候食下啲涼快啲嘅嘢去中和一下～首選當然係刺身魚生飯～環顧公司附近好像比較多連鎖式餐廳，所以openrice一下有沒有特別小店可以試～所以就選了這間加賀屋啦！一出lift已經見到大大個牌子～好傳統日式的感覺～門口寫住產地直送，唔駛擔心係假嘅魚生～可以放心食～室內空間都幾大，我哋2個人walk in都可以坐4人枱～不錯呢～仲要有一邊係梳化位～menu魚生飯種類繁多，樣樣都好吸引！唔知食咩好～見到呢個池魚刺身好特別，所以首先點呢個試一下～池魚刺身估唔到咁大碟咁多塊！魚身很透明，證明非常新鮮，咩都唔點入口都非常彈牙同埋鮮味～加上佢嘅柚子酸汁～令到魚味更加鮮～超滿足～日本真蠔點了三隻日本真蠔試下～肉質比較肥美creamy，食落無咩鐵鏽味，啱晒我口味！唔駛加任何汁料都已經好好食～食多幾隻都得哈哈！特選海鮮丼定食超級澎湃嘅海鮮丼！有好多款魚生仲有海膽三文魚子撈飯一流～定食仲有沙律燉蛋同埋麵豉湯～燉蛋香甜滑溜～食完超級大滿足！最後以二杯啤酒作結～食咗咁多海鮮又飲啤酒，埋單每位大概五百元，以質素取勝！

家賀屋午市套餐經常都好多人，幸運到今天我們不用等位就能吃午餐，餐廳有卡座及二人枱，都是大梳化，坐得非常舒適，有壽司定食、海鮮丼定食，更有刺身定食套餐，每個套餐都包括日式燉蛋、沙律、麵豉湯。特選海鮮丼定食 $298原隻鮑魚刺身、兩隻特大赤海蝦、三文魚腩、鮪魚腩、海膽、大大粒魚子、油甘魚等等，全部都係刺身厚切上，所有食材都好新鮮，海膽好鮮無苦味，魚子卜卜脆，好有口感。海鮮即日飛機到港，諗番起真仰同日本食既差唔多，真係好滋味！鹽燒牛舌 $80牛舌十分惹味，燒的技巧很好，能鎖住肉汁，一咬個牛唔會乾身 蜜桃🍑雪芭$55這個甜品是用日本直送原隻蜜桃🍑上碟，很可愛，打卡一流，打開蜜桃上方的蓋子，裏面就係蜜桃雪芭 。味道方面仲有玉林蘋果、菠蘿味道選擇。

中午我們到了灣仔家賀屋食日式料理作為今日的午餐，家賀屋的午市套餐（ 12:00-14:30）選擇很多，有壽司定食、海鮮丼定食，更有刺身定食套餐，每個套餐都包括日式燉蛋、沙律、麵豉湯。想食厚厚的刺身既我則選擇了「橫綱刺身定食 可配烏冬和御飯 」$228刺身定食包括築地鮮魚、中本鮪魚腩、日本帆立貝、油甘魚、特大赤海蝦所有刺身都是即日運送到港，厚切鮮甜顏色光澤，特別係鮮魚同鮪魚，全部都係腩位，所以肥美。赤海蝦仲有蝦膏添除此之外還包括一碗湯烏冬，烏冬麵條像手打一樣，很有咬感。日式燉蛋亦有蛋香和蛋好滑鹽燒牛舌 $80牛舌十分惹味，燒的技巧很好，能鎖住肉汁，一咬個牛唔會乾身。蜜桃🍑雪芭$55這個甜品是用日本直送原隻蜜桃🍑上碟，很可愛，打卡一流，打開蜜桃上方的蓋子，裏面就係蜜桃雪芭 。味道方面仲有玉林蘋果、菠蘿味道選擇。

有春天成日落雨既晚上，約左朋友去吹下水，朋友介紹灣仔一間日本剌身屋唔錯，就即管去試下。店裡面環境舒適，枱與枱之間唔會太近太嘈，唔錯。大家首先o黎一杯啤啤佢先，冰凍既三得利生啤Suntory draft beer入口帶點甜味，幾似入口。豐洲市場直送：金目錭刺身，厚厚的一整盤，入口淋身但鮮甜，又帶點魚油香，食晒一盤已經好滿足，有點飽感。再o黎一個特選本鮪盛：2件大本鮪魚腩、2件中本鮪魚腩、2件本鮪魚腩，呢6件真係不得了，入口即溶又帶有濃濃油香，吞左之後口中油香久久不散，3款有不同口感，但各俱油香。而點左少少壽司：玉子壽司帶少少甜，蛋味濃郁蟹棒壽司大大件，又有心思的加上沙律醬北寄貝壽司新鮮、鮮甜軟殼蟹卷大大件有4件，每一件都材料十足，軟殼蟹炸得香脆，唔錯。整體食材新鮮，值得一試。

走進店內第一感覺不太像日本餐廳 ， 有點洋式感覺。這裏多數食set餐, 因為set餐的配搭真的不錯。 試了一個北海道海鮮丼，及一個雜錦壽司拼盤。 海鮮丼有兩隻標誌性的大牡丹蝦及一隻醃料味的鮑魚。 而壽司拼盤 都不外乎一些大路的海鮮， 特上三文魚腩很香滑。炸蝶魚好正！成條切，份量又多，唔過一佰，好抵食！

今日晏晝去了一間灣仔比較出名的日本餐廳叫加賀屋.我地叫了兩個午餐-西京燒比目魚定食配飯及刺身定食配烏冬，還有吉列炸蝦及鵝肝壽司做小食。首先來的是炸煆內暖外脆，鵝肝壽司鮮味十足，值得回味。到主菜刺身定食-日本米的飯配上厚厚的刺身，包括鮪赤身，三文魚，油甘魚還有特大的赤海蝦，價錢適中用料上乘，放入嘴裏鮮甜。配上烏冬，令到這個午餐非常圓滿。西京燒比目魚-香滑鮮甜可口，廚師用慢火燒，令到比目魚外皮脆，魚肉香滑，啖啖魚香配上日本米的白飯，可稱得上絕配。

今日黎到灣仔食日本野 位置比較隔sip而且晚市都唔係話好多人~今次我地叫左個池魚刺身 一開始好驚以為會好腥 點知yam左d汁一d腥味都無 而且仲好肥美~食落都幾新鮮 我地仲叫左d壽司 有tuna sushi set 炙燒三文魚 黑松露炙燒帆立貝 炙熱左口魚~ tuna sushi set 味道雖然唔可以話媲美到日本 但係香港黎講算係高質~ 油脂味都幾重 令我最驚喜既係個黑松露帆立貝 無諗過黑松露醬都幾match帆立貝 而且個帆立貝勁大 一啖完全食唔哂！我地仲叫左個海鮮丼 魚生種類都幾多 又有鮑魚又有海膽~ 飯既份量都岩岩好最後我地仲叫左個日本花魚 上菜果陣無諗過咁大條 都算係幾多魚肉唔會話太多魚骨~

上次吃樓上的私房菜時，看到家賀屋的招牌，頓時想起了，我一路心儀的餐廳，原來在這裏，所以今天便來吃個午餐。橫綱刺身定食$228，包括日替湯品、田園沙律、日式燉蛋、刺身八貫。刺身八貫：築地鮮魚、大本鮪魚腩、油金魚腩、日本帆立貝、特大赤海蝦。所有刺身厚身，而且味道鮮甜又爽口，其中以大本鮪魚腩，脂肪豐富，入口溶化。蒲燒鳗魚丼定食$115，包括日替湯品、田園沙律、日式燉蛋。鳗魚味道鮮甜，醬汁惹味，很快就把鳗魚丼秒食了。三得利生啤酒🍻$68，配合新鮮刺身，非常適合。

有時想對自己好少少☺️，就會黎呢間家賀屋食，🇯🇵佢普通一個Set lunch 都係一百至二百大元，食物質素都好好，❤️佢呢到仲係講明係產地直送！次次食佢d魚生，啖啖都有幸福嘅感覺。🥰😝今日黎呢到係因為老細請食飯，呢一區食日本野黎講係呢一間絕對係第一個係我腦海裡浮現出黎嘅餐廳。😎機會難得，我梗係唔會叫一個我平時叫開嘅Set lunch 啦。🥳⭐️海鹽輕燒大本鮪魚腩丼❤️一黎到好香嘅魚油味，望住粉紅色嘅魚腩，🐟再加上一層層嘅脂肪，口水都流埋。主角嘅鮪魚腩當然係正啦，食入口好似已經溶左少少，正！我已經諗好下次會再食，不過下次可能叫就咁魚腩，唔洗鹽燒，因為今次個鹽燒都有少少搶味。😋❤️除左主角外，配角都好味。佢有吞拿魚蓉，佢個蓉調過味，有油易入口，再有大大粒魚籽，好甜。丼上面仲有金箔啊。🤩⭐️菠蘿雪葩🍧好耐冇食過了！唔係間間日本餐廳都有嘅日本直送，用原個日本水果做嘅雪葩！👍🏼

雖然好快又再戰日本，之不過食日本嘢嘅心情從來都係無減卻，當然有埋人請食就最好喇，多謝您啊，水準的確唔錯大家主要都係叫壽司同刺身為主，我個人就叫咗蔥吞拿魚刺身飯套餐，本身蔥吞拿魚喺個人至愛之一，睇佢外貌嘅顏色光澤，有信心起嚟，食落有鮮味，每啖飯都有吞拿魚蓉包住，very nice 👍🏻 另外叫咗個新鮮直送嘅金目鯛，180幾蚊15片，之前都有食過，但無份量咁多，感覺都幾抵食，再睇啲金目鯛片切得好薄，有透明感覺，師傳刀工值得一讚...至於食落有鮮甜味，加埋柚子醋，入口層次更豐富，值得推介至於壽司方面是旦叫咗幾件，有佢地推介嘅象拔蚌、立魚、同埋油金魚等，象拔蚌重海水味，其他刺身都好鮮甜，大家一邊食美食一邊飲啤酒傾計，真係超級爽P.s. 欣賞自己磨製嘅wasabi

今日過海揾朋友仔食飯，由於佢放工已經放得好晏，成八點半先正常收工，所以就去佢附近揾嘢食啦。佢就推介左依間佢晏就成日食lunch既餐廳，質素果然好好呀，推介得唔錯喎。明太子雞翼 $48朋友喜歡明太子，所以就叫一份試下。脹谷谷既明太子雞翼，賣相好唔錯，雞翼幾嫩滑，入面係明太子餡料，好爆餡呀。安格斯牛肉定食 $125叫左好多魚生，都要叫返熟食食下先。一份定食，有齊沙律，蒸蛋，麵豉湯，定食，價錢幾掋。安格斯牛肉係薄切既，肉質幾軟，有啲焦香，牛肉醬汁伴飯好正呀！池魚王 $180另外服務員推介左我地食池魚王，話係今日餐廳時日推介，咁我地就試下。池魚好足份量，每份薄切，晶瑩剔透，超靚呀，將池魚點點酸汁，更能提果呀！三得利生啤 $136/2枝

位於灣仔的家賀屋，是一間主打食材由日本豐州直送的日本料理店。大家應該知道，日本東京的築地市場，已搬到新的地址: 豐州市場吧。餐廳的魚生勻由豐州運送到港，保證安全又新鮮哦。餐廳是長型設計，餐桌跟餐桌之間不算太緊密， 坐得舒適。不過客人甚多，基乎坐滿了，所以有點嘈雜啦。火炙中鮪魚腩丼定食 $258餐廳擁有鮮藍鮨進囗證，引入長崎縣對馬產本鮪，點選鮪魚丼是明智之舉吧。鮪魚即吞拿魚，餐廳提供多種吞拿魚丼，這次我選擇油份適中的中拖羅丼。經師傅火炙的中拖羅，油脂逼出，油香吸引，魚肉非常腍嫩，微微咀嚼便在囗中溶化。魚油滲入日產白米當中，令甘甜軟糯的白米更香更美味，搭配芝麻和拖羅蓉，超滿足呀。特選鮪盛 $238單單一份中拖羅定食，又怎能滿足我的胃囗呢。這份特選鮪盛，是餐廳的招牌主打。一客六件鮪盛，有齊三個吞拿魚的部份，分别是 赤食，中拖羅和大拖羅，赤食的魚味最濃，大拖羅則油份最豐盈，很美味呢。自家製低糖玉子燒 $35餐廳有著非常貼心的設計，玉子燒可選低糖或焦糖囗味。厚厚的低糖玉子燒，邊位燒焦，微微的蛋香，富有湯汁哦。

進入灣仔道已看到一個大大的招牌，它位於灣仔街市附近，一間位於大廈1樓的日式料理店。進店的感覺並不覺得很日式，但食物質素也真不錯。我們分別點了大名壽司定食$268、特選海鮮丼定食$308、唐揚平目魚$85及Suntory生啤$68。大名壽司定食有8貫壽司、沙律、味噌魚頭湯及吉列廣島蠔；特選海鮮丼定食則大大碗，有多種鮮味刺身、沙律、蒸蛋等等；唐揚平目魚很棒，師傅把魚起肉炸至香脆，配襯啤酒真的很享受喔！還值一提的是，這裡的wasabi口感像鮮磨的，不錯！

日式dining 唔止放題、拉麵、居酒屋嘅，一樣都有fine dining！太太 帶我去灣仔家賀屋試試佢，嗰晚真係幾滿足！首先要講下個廚師推介，6件吞拿魚壽司可以稱得上textbook 式教學。日本人將吞拿魚分成3個級別，油脂最少最有咬口嘅係赤身；中拖羅係多啲油花；大拖羅就係最肥美，入口即溶。而今次廚師推介就係揀最好嘅吞拿魚種「本鮪」身上嘅赤身同大、中拖羅各2件，逐件食你就會明晒咩係吞拿魚！赤身已經好好味，切得厚身，鮮味都濃，不過拖羅就梗係仲厲害啦，成口都脂香，而且size 好夠份量，差啲一啖擺唔晒入口！用埋佢哋嘅手磨山葵，口感就更加清爽！另外我再叫咗個定食，有刺身八貫同埋烏冬、麵豉湯，帶子、三文魚都好香甜，不過點都要重點講下個油甘魚！厚切不在講，味道真係一試難忘！一入口滿口魚香，新鮮得嚟又甜美，食過咁多次油甘魚刺身今次最滿足，係今餐VIP！同場介紹下啤酒，佢呢度有三得利清啤好易入口，酒精似乎都唔太濃，我太太 唔太飲得都好喜歡，啱晒小酌一杯！(酒鬼就算啦)

朋友聽同事說《家賀屋》午餐不錯，晚上帶我去了！ 地點就是灣仔道靠近街市約步行3-4 分鐘。 特選海鮮丼 HKD 288喜愛多餸少飯就最適合不過了。 有海膽、拖羅、左口魚邊、蝦、三文魚、魚子、赤貝、鮑魚、吞拿魚材料非常豐富。一次過滿足了我的其望！ 味道鮮甜美味。 三得利生啤 HKD 68出名手工啤～ 容易入口、不苦。泡沫好滑。花魚一夜干 HKD 98另一燒物！魚脂豐腴的魚肉~ 用鹽水泡，經乾橾再去除多餘水份，燒一燒鎖了肉汁又濃縮了味道！ 吃完後要喝喝水再準備下一道菜～ 吉列海蝦 HKD 38炸得金黃色，夠乾身，皮不厚咬下還有清脆聲。 好味！ 鹽燒三文魚腩邊 HKD 38平時多一片片三文魚，呢到有鹽燒全三文魚腩，實在太好了！ 咬下去，包棵著的魚油都釋出來了！ 吃完後，要喝喝水再吃下一道菜 ～ 金目鯛壽司 HKD 38其中一種飛機貨，魚味香濃，沒有腥味。象拔蚌 HKD 13 好抵食，壽司款式HKD 13!